▫️گئجه پنجره‌مه دیرماشان پیشیک!
آزدی آج قارنینا یوز حرام تیکه،
پاسلی دمیرلری گمیرمه ناحاق!
ایشیق‌لا قارنینی کیم دویدوروب کی؟
ظولمت‌له قارنینی کیم دویوراجاق؟
گئجه پنجره‌مه دیرماشان پیشیک!
سؤیود ده دارتینیر سویونو آلجاق،
بیر قورو کؤتویون اداسی یوخدور.
قورد ایتدن سولَنگی، ایت قورددان آلچاق،
سینه‌مده یئر وئرسم، فایداسی یوخدور.
گئجه پنجره‌مه دیرماشان پیشیک!
سانما کی، دونیانین بختَوَری‌یم،
یوخودا خوشبختم؛ او دا کی، یاتسام.
ناحاق حاقّ اریتسه، منم ارییَن،
عصرین جایناغیندا یوماق‌دی آد-سان.
گئجه پنجره‌مه دیرماشان پیشیک!
پنجره سیندیقجا پیشیک‌لر آرتیر،
گؤرن نه یئمیشیک، نه یئدیرتمیشیک؟
آستانا یالایان پنجره ییرتیر،
یقین چوخ پیشی‌یه پلنگ دئمیشیک.
گئجه پنجره‌مه دیرماشان پیشیک!
هر هایا-هارایا زامان اینانمیر،
بلکه آللاهلیغی باجارمیر آللاه؟!
چوخداندی قلبیمین چیراغی یانمیر،
واللاه، گؤزلریندن اود وئرسن، آللام،
گئجه پنجره‌مه دیرماشان پیشیک!
ائله ماریتداما آلتدان یوخاری،
نه وار یوخاریدا؟ بودره‌مک، آشماق...
باشا باشسیزلاری باشسیز چیخاریر،
یئری گئت قابینی یالا، آی آخماق!
گئجه پنجره‌مه دیرماشان پیشیک!
سنینچون فرقی یوخ هر کیم چاغیردی،
قاپیدان قاپییا قاچماغین آسان...
منیم اوره‌ییمه گلن جیغیردا،
فیل آزار، شیر آزار، هؤرومچک آزار،
گئجه پنجره‌مه دیرماشان پیشیک!
#ممد_آراز
#شعر_اوجاغی
@SheirOcagi
آزدی آج قارنینا یوز حرام تیکه،
پاسلی دمیرلری گمیرمه ناحاق!
ایشیق‌لا قارنینی کیم دویدوروب کی؟
ظولمت‌له قارنینی کیم دویوراجاق؟
گئجه پنجره‌مه دیرماشان پیشیک!
سؤیود ده دارتینیر سویونو آلجاق،
بیر قورو کؤتویون اداسی یوخدور.
قورد ایتدن سولَنگی، ایت قورددان آلچاق،
سینه‌مده یئر وئرسم، فایداسی یوخدور.
گئجه پنجره‌مه دیرماشان پیشیک!
سانما کی، دونیانین بختَوَری‌یم،
یوخودا خوشبختم؛ او دا کی، یاتسام.
ناحاق حاقّ اریتسه، منم ارییَن،
عصرین جایناغیندا یوماق‌دی آد-سان.
گئجه پنجره‌مه دیرماشان پیشیک!
پنجره سیندیقجا پیشیک‌لر آرتیر،
گؤرن نه یئمیشیک، نه یئدیرتمیشیک؟
آستانا یالایان پنجره ییرتیر،
یقین چوخ پیشی‌یه پلنگ دئمیشیک.
گئجه پنجره‌مه دیرماشان پیشیک!
هر هایا-هارایا زامان اینانمیر،
بلکه آللاهلیغی باجارمیر آللاه؟!
چوخداندی قلبیمین چیراغی یانمیر،
واللاه، گؤزلریندن اود وئرسن، آللام،
گئجه پنجره‌مه دیرماشان پیشیک!
ائله ماریتداما آلتدان یوخاری،
نه وار یوخاریدا؟ بودره‌مک، آشماق...
باشا باشسیزلاری باشسیز چیخاریر،
یئری گئت قابینی یالا، آی آخماق!
گئجه پنجره‌مه دیرماشان پیشیک!
سنینچون فرقی یوخ هر کیم چاغیردی،
قاپیدان قاپییا قاچماغین آسان...
منیم اوره‌ییمه گلن جیغیردا،
فیل آزار، شیر آزار، هؤرومچک آزار،
گئجه پنجره‌مه دیرماشان پیشیک!
#ممد_آراز
#شعر_اوجاغی
@SheirOcagi
▫️ گؤزلرینده سونسوز بیر شئی دالغالانیردی...فقط آوارا بیر ایتین اوزونده گؤرونمه‌سی مومکون اولان درد، ایشگنجه و گؤزلَنتی دولو قونور گؤزلرینده...
آما سانکی اونون دردلی و یالواریشلا دولو باخیشلارینی کیمسه گؤرموردو، کیمسه آنلامیردی.
📚 سگ ولگرد
#صادق_هدایت
#شعر_اوجاغی
@SheirOcagi
آما سانکی اونون دردلی و یالواریشلا دولو باخیشلارینی کیمسه گؤرموردو، کیمسه آنلامیردی.
📚 سگ ولگرد
#صادق_هدایت
#شعر_اوجاغی
@SheirOcagi
▫️بوش بئیین ده بوش قارین کیمی سس-کوی سالسایدی، اینسان، اولدوغوندان داها عاغیللی اولاردی.
#موریس_مترلینگ
#شعر_اوجاغی
@SheirOcagi
#موریس_مترلینگ
#شعر_اوجاغی
@SheirOcagi
▫️سیموول
شعر گلنده بیلَرم،
بیر وولقان کیمی دیره‌نر بوغازیمدان،
سووشار آغزیمدان،
دوداقلاریمی تیتره‌دیب آچار.
شعر گلنده بیلَرم،
کاغیذلار منه دوغرو باخار.
نئچه ایلدیر بئله‌دیر؟
سنه دوغرو چیرپینان ایللردن،
بیر اسکولاستیک مدرسه‌نین حوجره‌لرینده آخشاملار بئله اولاردی،
تانیمازدیم سنی اوندا،
سونرا همن ایچیمده‌کی قیز ایدین،
فرهاد یوخومدا شکلینی چکردی گئجه‌لر،
خسرو یاتاردی یاتاقدا،
و من باخیشلاریمی معصومجاسینا اوفوقه تیکردیم.
«سارا» بیر اولای ایدی موغاندا.
خان ائوینه گئتسن ده گئت،
اؤزونو آتما چایا!
سیموول ایسته‌میریک غئیرته، فیلانا،
یاشا بیر آز،
حیات سیموولو اول
سئودیکلرینه!
من اورتا عصیرلرین کیتابلاری آراسیندا یورولاندا،
بیر چئینم ساققیز گل، آغزیمدا لامپا دوزَلت آلدیرمازجاسینا!
پولیسلری شاشیرت بیر آز، حئیرت‌لندیر بو غریبه شهرین گزمه‌لرینی!
چاخناشدیر پاسلانمیش سوموکلریمی تانگو-یلا!
«قانون» کیتابیندان باش چیخاریب
«ابن سینا» سنی تجویز ائدیر بوتون خسته‌لیکلریمه؛
خان ائویندن قاییتسان‌سا،
بو قارانلیق کیتابخاناما.
#سیدحیدر_بیات
@SheirOcagi
شعر گلنده بیلَرم،
بیر وولقان کیمی دیره‌نر بوغازیمدان،
سووشار آغزیمدان،
دوداقلاریمی تیتره‌دیب آچار.
شعر گلنده بیلَرم،
کاغیذلار منه دوغرو باخار.
نئچه ایلدیر بئله‌دیر؟
سنه دوغرو چیرپینان ایللردن،
بیر اسکولاستیک مدرسه‌نین حوجره‌لرینده آخشاملار بئله اولاردی،
تانیمازدیم سنی اوندا،
سونرا همن ایچیمده‌کی قیز ایدین،
فرهاد یوخومدا شکلینی چکردی گئجه‌لر،
خسرو یاتاردی یاتاقدا،
و من باخیشلاریمی معصومجاسینا اوفوقه تیکردیم.
«سارا» بیر اولای ایدی موغاندا.
خان ائوینه گئتسن ده گئت،
اؤزونو آتما چایا!
سیموول ایسته‌میریک غئیرته، فیلانا،
یاشا بیر آز،
حیات سیموولو اول
سئودیکلرینه!
من اورتا عصیرلرین کیتابلاری آراسیندا یورولاندا،
بیر چئینم ساققیز گل، آغزیمدا لامپا دوزَلت آلدیرمازجاسینا!
پولیسلری شاشیرت بیر آز، حئیرت‌لندیر بو غریبه شهرین گزمه‌لرینی!
چاخناشدیر پاسلانمیش سوموکلریمی تانگو-یلا!
«قانون» کیتابیندان باش چیخاریب
«ابن سینا» سنی تجویز ائدیر بوتون خسته‌لیکلریمه؛
خان ائویندن قاییتسان‌سا،
بو قارانلیق کیتابخاناما.
#سیدحیدر_بیات
@SheirOcagi
دیالوق
▫️اینسان بیرینی سئونده، اولایی چؤزمه‌نین بیر یولونو تاپار، واز کئچمز.
ایلیشکینی قورومالیسان! بلکه او عشقی بیر ده اصلا اله گتیرمه‌یه‌جکسن.
📽 Nocturnal Animals
2016 آمریکا
#تام_فورد
#شعر_اوجاغی
@SheirOcagi
▫️اینسان بیرینی سئونده، اولایی چؤزمه‌نین بیر یولونو تاپار، واز کئچمز.
ایلیشکینی قورومالیسان! بلکه او عشقی بیر ده اصلا اله گتیرمه‌یه‌جکسن.
📽 Nocturnal Animals
2016 آمریکا
#تام_فورد
#شعر_اوجاغی
@SheirOcagi
▫️بلکه ده یالانچی دوستلارینا بیر تشکّور بورجلوسان؛ سنه گئرچک دوستلارینین دیَرینی خاطیرلاتدیقلاری اوچون.
#ویکتور_هوگو
#شعر_اوجاغی
@SheirOcagi
#ویکتور_هوگو
#شعر_اوجاغی
@SheirOcagi
▫️منیم اوچون او قدَر دیَرسیزسن کی، سنه یالان سؤیله‌مه‌یه بئله دَیمزسن.
📚 15 دقیقه
#پائولو_کوئیلو
#شعر_اوجاغی
@SheirOcagi
📚 15 دقیقه
#پائولو_کوئیلو
#شعر_اوجاغی
@SheirOcagi
▫️یاشادیم.
اؤز عؤمرومو شوم ائله‌دی اؤز الیم،
یازیندا گول، پاییزیندا خزلیم.
گون‌دوغاندان گون‌باتانا منزیلیم،
بو دا بئله بیر عؤموردو، یاشادیم.
گاه اؤزومو اؤزوم قوودوم، یورولدوم،
اؤز دیکته‌مین بویروغونا غول اولدوم.
وطن گؤیو گؤیلویونده دورولدوم،
بو دا بئله بیر عؤموردو، یاشادیم.
زاریماغا «عؤمور» دئییب آغلاما!
هر اؤلومه اؤلوم دئییب آغلاما!
طالع دؤیوب، حاقلی دؤیوب، آغلاما!
بو دا بئله بیر عؤموردو، یاشادیم.
ذیروه‌ده‌کی ال چاتمایان قالا من،
اتَکده‌کی سینه، جیغیر، تالا من.
«خودافرین» هاراییندان قالان من
بو دا بئله بیر عؤموردو، یاشادیم.
«اوغلون یوخدو- سونون یوخدو» دئدیلر،
«ساغین یوخدو، سولون یوخدو» دئدیلر،
«اودون بویدا سویون یوخدو» دئدیلر،
بو دا بئله بیر عؤموردو، یاشادیم.
اوجاق اولدوم، اوجاق داشی اولمادیم،
هر چالایا آخان ناشی اولمادیم،
«آراز»یملا یول یولداشی اولمادیم،
بو دا بئله بیر عؤموردو، یاشادیم.
#ممد_آراز
#شعر_اوجاغی
@SheirOcagi
اؤز عؤمرومو شوم ائله‌دی اؤز الیم،
یازیندا گول، پاییزیندا خزلیم.
گون‌دوغاندان گون‌باتانا منزیلیم،
بو دا بئله بیر عؤموردو، یاشادیم.
گاه اؤزومو اؤزوم قوودوم، یورولدوم،
اؤز دیکته‌مین بویروغونا غول اولدوم.
وطن گؤیو گؤیلویونده دورولدوم،
بو دا بئله بیر عؤموردو، یاشادیم.
زاریماغا «عؤمور» دئییب آغلاما!
هر اؤلومه اؤلوم دئییب آغلاما!
طالع دؤیوب، حاقلی دؤیوب، آغلاما!
بو دا بئله بیر عؤموردو، یاشادیم.
ذیروه‌ده‌کی ال چاتمایان قالا من،
اتَکده‌کی سینه، جیغیر، تالا من.
«خودافرین» هاراییندان قالان من
بو دا بئله بیر عؤموردو، یاشادیم.
«اوغلون یوخدو- سونون یوخدو» دئدیلر،
«ساغین یوخدو، سولون یوخدو» دئدیلر،
«اودون بویدا سویون یوخدو» دئدیلر،
بو دا بئله بیر عؤموردو، یاشادیم.
اوجاق اولدوم، اوجاق داشی اولمادیم،
هر چالایا آخان ناشی اولمادیم،
«آراز»یملا یول یولداشی اولمادیم،
بو دا بئله بیر عؤموردو، یاشادیم.
#ممد_آراز
#شعر_اوجاغی
@SheirOcagi
▫️بوگونونوزو داها یاخشی آنلاماغینیز اوچون، دونَنیزی اوخومالیسینیز!
#پرل_اس_باک
#شعر_اوجاغی
@SheirOcagi
#پرل_اس_باک
#شعر_اوجاغی
@SheirOcagi
▫️بعضاً آلا بیله‌جه‌یین ان بؤیوک انتقام باغیشلاماق‌دیر، بعضاً ده وئریله‌جک ان یاخشی جاواب گولوب کئچمک‌دیر.
#ویکتور_هوگو
#شعر_اوجاغی
@SheirOcagi
#ویکتور_هوگو
#شعر_اوجاغی
@SheirOcagi
▫️قالاجاق.
کؤنول! زمانه‌ده عشق اهلینه وفا قالاجاق،
وفاسیز عاشیقه هر لحظه مین جفا قالاجاق.
یارانمیشین سوْنو هئچ‌دیر بو فانی دونیادا،
بشر بوتون گئده‌جک؛ یئر، دنیز، سما قالاجاق.
هانی حکیم محبّت، منه علاج ائله‌سین،
اگر او باخماسا بو درده، بی‌شفا قالاجاق.
مذمّت ائتمه، بو فرصت منه غنیمت‌دیر،
نه من، نه ساقی، نه دلبر، نه ده صفا قالاجاق.
آچاندا قبریمی، بو جسمدن نشانه فقط-
وجودو خاکه دؤنن بیر قورو قافا قالاجاق.
نه‌دیر بو آلچاق-اوجا، خالِقین خزینه‌لری،
نه واختاجان بونون اسراری اِختفا قالاجاق؟
یقین کی، قالمایاجاق ظولمدن جهاندا اثر،
بو وارلیغی یاشادان حکمت و دوعا قالاجاق.
تمام عوَض اولونار ارضده بو قانونلار،
هر ایش مروّت ایله عدل و انصافا قالاجاق.
قرینه‌لر کئچه‌جک، مُلک‌لر بهشت اولاجاق،
یئر اوزره انسانا بنزر ملک‌لقا قالاجاق.
ای اژدراوْغلو، سلیمانه سؤیله، تک دئییلم،
بو اؤلکه‌ده اوْنا مین‌لرجه «بی‌ریا» قالاجاق.
#محمد_بی‌ریا
@SheirOcagi
کؤنول! زمانه‌ده عشق اهلینه وفا قالاجاق،
وفاسیز عاشیقه هر لحظه مین جفا قالاجاق.
یارانمیشین سوْنو هئچ‌دیر بو فانی دونیادا،
بشر بوتون گئده‌جک؛ یئر، دنیز، سما قالاجاق.
هانی حکیم محبّت، منه علاج ائله‌سین،
اگر او باخماسا بو درده، بی‌شفا قالاجاق.
مذمّت ائتمه، بو فرصت منه غنیمت‌دیر،
نه من، نه ساقی، نه دلبر، نه ده صفا قالاجاق.
آچاندا قبریمی، بو جسمدن نشانه فقط-
وجودو خاکه دؤنن بیر قورو قافا قالاجاق.
نه‌دیر بو آلچاق-اوجا، خالِقین خزینه‌لری،
نه واختاجان بونون اسراری اِختفا قالاجاق؟
یقین کی، قالمایاجاق ظولمدن جهاندا اثر،
بو وارلیغی یاشادان حکمت و دوعا قالاجاق.
تمام عوَض اولونار ارضده بو قانونلار،
هر ایش مروّت ایله عدل و انصافا قالاجاق.
قرینه‌لر کئچه‌جک، مُلک‌لر بهشت اولاجاق،
یئر اوزره انسانا بنزر ملک‌لقا قالاجاق.
ای اژدراوْغلو، سلیمانه سؤیله، تک دئییلم،
بو اؤلکه‌ده اوْنا مین‌لرجه «بی‌ریا» قالاجاق.
#محمد_بی‌ریا
@SheirOcagi
▫️بیر کیتاب، ایچیمیزده‌کی دونموش دنیزه ائنن بالتا کیمی اولمالی‌دیر.
#فرانتس_کافکا
#شعر_اوجاغی
@SheirOcagi
#فرانتس_کافکا
#شعر_اوجاغی
@SheirOcagi
▫️کیمی اینسان اوتلارین،
کیمی اینسان بالیقلارین چئشیدینی بیلر،
من آیریلیق‌لارین.
کیمی اینسان ازبره سایار اولدوزلارین آدینی،
من حسرت‌لرین.
#ناظیم_حیکمت
#شعر_اوجاغی
@SheirOcagi
کیمی اینسان بالیقلارین چئشیدینی بیلر،
من آیریلیق‌لارین.
کیمی اینسان ازبره سایار اولدوزلارین آدینی،
من حسرت‌لرین.
#ناظیم_حیکمت
#شعر_اوجاغی
@SheirOcagi
▫️بو آخشامی...
بو آخشامین سون ماهنیسی اوخوندو،
تورانلیغا قوش قانادی توخوندو،
آللاه، منه قارانلیق نه یاخیندی!
بو آخشامی اؤزوم اوچون یاراتدیم.
دار ماجالدا نه تاپیلسین، نه ایتسین،
کؤنلوم گئدیب بوش یووانی ایسیتسین،
آغلاماسین، بیر تنهانی کیریتسین،
بو آخشامی اؤزوم اوچون یاراتدیم.
گومانیم یوخ قاییتماغا، گلمه‌یه،
اوفوقده‌کی او ناخیشا، ایلمه‌یه.
غوروبونا باشیم قویوب اؤلمه‌یه؛
بو آخشامی اؤزوم اوچون یاراتدیم.
اوره‌ییمین کونجونده بیر حوزون وار،
لاپ کپَنک گوجونده بیر حوزون وار،
بو آخشامین ایچینده بیر حوزون وار،
بو آخشامی اؤزوم اوچون یاراتدیم.
#موسی_یعقوب
#شعر_اوجاغی
@SheirOcagi
بو آخشامین سون ماهنیسی اوخوندو،
تورانلیغا قوش قانادی توخوندو،
آللاه، منه قارانلیق نه یاخیندی!
بو آخشامی اؤزوم اوچون یاراتدیم.
دار ماجالدا نه تاپیلسین، نه ایتسین،
کؤنلوم گئدیب بوش یووانی ایسیتسین،
آغلاماسین، بیر تنهانی کیریتسین،
بو آخشامی اؤزوم اوچون یاراتدیم.
گومانیم یوخ قاییتماغا، گلمه‌یه،
اوفوقده‌کی او ناخیشا، ایلمه‌یه.
غوروبونا باشیم قویوب اؤلمه‌یه؛
بو آخشامی اؤزوم اوچون یاراتدیم.
اوره‌ییمین کونجونده بیر حوزون وار،
لاپ کپَنک گوجونده بیر حوزون وار،
بو آخشامین ایچینده بیر حوزون وار،
بو آخشامی اؤزوم اوچون یاراتدیم.
#موسی_یعقوب
#شعر_اوجاغی
@SheirOcagi
▫️ائو صاحیبینین بالاجا قیزی، «کئی» بَیدن سوروشدو:
«کؤپک‌بالیقلاری اینسان اولسایدیلار، بالاجا بالیقلارلا داها مئهریبان اولاردیلارمی؟
«کئی» بَی دئدی:
«البتّه! کؤپک‌بالیقلاری اینسان اولسایدیلار، دنیزین ایچینده بالیقلار اوچون مؤحکم قوتولار دوزَلدردیلر، اونون ایچینه هر جوره یئیه‌جک قویاردیلار، همیشه سویلا دولو اولسون دئیه گؤز-قولاق اولاردیلار. بالاجا بالیقلارین ساغلیغینی دا دوشونردیلر، اونلار داریخماسین دئیه، هردن بؤیوک شنلیک‌لر قوراردیلار، نه ده اولسا نشه‌لی بالیغین اتی اوزگون بالیغین اتیندن داها لذّتلی‌دیر.
بالیقلارا اوخول دوزَلدیب اونلارا کؤپک بالیغینین آغزینا نه تهر دالماغی اؤیره‌دردیلر.
بالیقلارین اساس درسی اخلاق اولاردی. اونلارا، بیر بالیق اوچون ان گؤزل و ان بؤیوک ایشین، اؤزونو تام راضی‌لیقلا بیر کؤپک بالیغینا پیشکش ائتمک اولدوغونو قبول ائتدیرردیلر.
اونلارا، کؤپک بالیقلارینا نه تهر اینانج بسله‌‌یه‌جکلرینی، اؤزلرینی -بیر تک بؤیون اَیمک‌له اله گلن- گؤزل بیر گله‌جک اوچون نه تهر حاضیرلایاجاقلارینی اؤیره‌دردیلر...
کؤپک بالیقلاری اینسان اولسایدیلار، اؤلکه‌لرینده حاکمیّت داییره‌لرینده حتماً هونر ده اولاردی: کؤپک بالیغینین دیشلریندن گؤزل و رنگ‌به‌رنگ رسملر چکردیلر. دنیزین دیبینده بالاجا و قهرمان بالیقلارین شاد و نشه‌لی شکیلده کؤپک بالیقلارینین آغزینا دالمالاریندان نوماییش‌لر آپاراردیلار.
گؤستری‌یله بیرلیکده، بالاجا بالیقلاری ایراده‌سیز بیر شکیلده کؤپک بالیقلارینین آغزینا طرف چکمک اوچون، سئحیرلی هاوالار چالاردیلار.
اورادا حتماً بالیقلارا، «گئرچک حیات کؤپک بالیقلارینین قارنیندان باشلانیر» دئیه بیلگی وئرن بیر مذهب ده اولاردی...
#برتولت_برشت
#شعر_اوجاغی
@SheirOcagi
«کؤپک‌بالیقلاری اینسان اولسایدیلار، بالاجا بالیقلارلا داها مئهریبان اولاردیلارمی؟
«کئی» بَی دئدی:
«البتّه! کؤپک‌بالیقلاری اینسان اولسایدیلار، دنیزین ایچینده بالیقلار اوچون مؤحکم قوتولار دوزَلدردیلر، اونون ایچینه هر جوره یئیه‌جک قویاردیلار، همیشه سویلا دولو اولسون دئیه گؤز-قولاق اولاردیلار. بالاجا بالیقلارین ساغلیغینی دا دوشونردیلر، اونلار داریخماسین دئیه، هردن بؤیوک شنلیک‌لر قوراردیلار، نه ده اولسا نشه‌لی بالیغین اتی اوزگون بالیغین اتیندن داها لذّتلی‌دیر.
بالیقلارا اوخول دوزَلدیب اونلارا کؤپک بالیغینین آغزینا نه تهر دالماغی اؤیره‌دردیلر.
بالیقلارین اساس درسی اخلاق اولاردی. اونلارا، بیر بالیق اوچون ان گؤزل و ان بؤیوک ایشین، اؤزونو تام راضی‌لیقلا بیر کؤپک بالیغینا پیشکش ائتمک اولدوغونو قبول ائتدیرردیلر.
اونلارا، کؤپک بالیقلارینا نه تهر اینانج بسله‌‌یه‌جکلرینی، اؤزلرینی -بیر تک بؤیون اَیمک‌له اله گلن- گؤزل بیر گله‌جک اوچون نه تهر حاضیرلایاجاقلارینی اؤیره‌دردیلر...
کؤپک بالیقلاری اینسان اولسایدیلار، اؤلکه‌لرینده حاکمیّت داییره‌لرینده حتماً هونر ده اولاردی: کؤپک بالیغینین دیشلریندن گؤزل و رنگ‌به‌رنگ رسملر چکردیلر. دنیزین دیبینده بالاجا و قهرمان بالیقلارین شاد و نشه‌لی شکیلده کؤپک بالیقلارینین آغزینا دالمالاریندان نوماییش‌لر آپاراردیلار.
گؤستری‌یله بیرلیکده، بالاجا بالیقلاری ایراده‌سیز بیر شکیلده کؤپک بالیقلارینین آغزینا طرف چکمک اوچون، سئحیرلی هاوالار چالاردیلار.
اورادا حتماً بالیقلارا، «گئرچک حیات کؤپک بالیقلارینین قارنیندان باشلانیر» دئیه بیلگی وئرن بیر مذهب ده اولاردی...
#برتولت_برشت
#شعر_اوجاغی
@SheirOcagi
▫️قولتوق آغاجی¹
قولتوق آغاجینا یازیغیم گلیر،
توتوب بیر بینانی چییینلرینده.
او زوربا بیر دیرک اولا بیلردی،
مغرور بیر چوبانین چییینلرینده.
نغمه ده اوخویور او، جیرهاجیرلا،
قیریلا-قیریلا.
قولتوقدان اویانا گئتمه‌ییر سسی.
نه‌دیر اوخودوغو؟- «قولتوق نغمه‌سی»
قورد ازَن دَیه‌نک اولا بیلردی،
بیر کؤرپو تاغی دا اولا بیلردی،
توفنگ قونداغی دا اولا بیلردی،
واختسیزمی قیریلدی، تئزمی قیریلدی؟
اؤزو بو وردیشی عؤمرونه یازیب،
اونو بیر قولتوقدان توللاسان اگر،
یانیندان یان اؤتوب بیر آیاقسیزین،
کیمه‌سه اوچونجو آیاغا دؤنر.
ووقاری قیریلدی، عزمی قیریلدی،
قولتوق آغاجیندان آجیغیم گلیر.
او بوتون یوللارا قولتوقدان باخیر،
گیردیگی قوللارا قولتوقدان باخیر.
داش کاها² یاخشی‌دیر بیر اوچوق دامدان،
دویار ائیهامیمی بیر قولتوق آجی.
دئییرم قولتوغا گیرن آدامدان،
یاخشی‌دیر بیر سینیق قولتوق آغاجی.
#ممد_آراز
¹- قولتوق‌آلتی چلیک
²- ماغارا
#شعر_اوجاغی
@SheirOcagi
قولتوق آغاجینا یازیغیم گلیر،
توتوب بیر بینانی چییینلرینده.
او زوربا بیر دیرک اولا بیلردی،
مغرور بیر چوبانین چییینلرینده.
نغمه ده اوخویور او، جیرهاجیرلا،
قیریلا-قیریلا.
قولتوقدان اویانا گئتمه‌ییر سسی.
نه‌دیر اوخودوغو؟- «قولتوق نغمه‌سی»
قورد ازَن دَیه‌نک اولا بیلردی،
بیر کؤرپو تاغی دا اولا بیلردی،
توفنگ قونداغی دا اولا بیلردی،
واختسیزمی قیریلدی، تئزمی قیریلدی؟
اؤزو بو وردیشی عؤمرونه یازیب،
اونو بیر قولتوقدان توللاسان اگر،
یانیندان یان اؤتوب بیر آیاقسیزین،
کیمه‌سه اوچونجو آیاغا دؤنر.
ووقاری قیریلدی، عزمی قیریلدی،
قولتوق آغاجیندان آجیغیم گلیر.
او بوتون یوللارا قولتوقدان باخیر،
گیردیگی قوللارا قولتوقدان باخیر.
داش کاها² یاخشی‌دیر بیر اوچوق دامدان،
دویار ائیهامیمی بیر قولتوق آجی.
دئییرم قولتوغا گیرن آدامدان،
یاخشی‌دیر بیر سینیق قولتوق آغاجی.
#ممد_آراز
¹- قولتوق‌آلتی چلیک
²- ماغارا
#شعر_اوجاغی
@SheirOcagi
▫️واقیف صمداوغلونا
ایییرمی بیرینجی عصره کئچه‌جه‌ییک بیرآزدان، -
کئچمک اولمور آرازدان.
«واقیف صمداوغلو»
ایییرمی بیرینجی عصره کئچدیک، شاعیر،
ایییرمی بیرینجی عصر ایییرمی یانواردان
کئچیب گلدی بو شهره -
شهر قان ایچینده چیخدی سحره.
یاغان یاغیش یویا بیلمه‌دی
کوچه‌لرده قان ایزینی
بیز او گئجه گؤردوک
ایییرمی بیرینجی عصرین گئرچک اوزونو.
...و گون گلدی تیکانلی مفتیللری قیریب
کئچدیک آرازی،
کئچدیک او تایا -
قارا چادرایا بورونموشدو تبریز...
بوندان اؤنجه تبریزی
خالچا ناخیشلاریندا
و مینیاتورلرده گؤرموشدوک بیز.
مینیاتورلرده گؤردویوموز شهره
بنزه‌میردی ستارخانین، شهریارین شهری...
تبریزین یوللاری دولان با دولان،
تبریزین پنجره‌لرینده
یوز اللی ایللیک آیریلیق کدری.
ارک قالاسینین دیوارلاریندا
شهیدلرین قان ایزی،
تبریز اذان سسلرییله قارشیلادی بیزی.
آرازی کئچدیک، شاعیر
تبریزین سویونو ایچدیک -
آمما تبریز تورپاغیندا
بیر چینار آغاجی اَکه بیلمه‌دیک،
اوزو گون‌دوغانا باخان
بیر ائو تیکه بیلمه‌دیک...
#ائلچین_اسکندرزاده
#شعر_اوجاغی
@SheirOcagi
ایییرمی بیرینجی عصره کئچه‌جه‌ییک بیرآزدان، -
کئچمک اولمور آرازدان.
«واقیف صمداوغلو»
ایییرمی بیرینجی عصره کئچدیک، شاعیر،
ایییرمی بیرینجی عصر ایییرمی یانواردان
کئچیب گلدی بو شهره -
شهر قان ایچینده چیخدی سحره.
یاغان یاغیش یویا بیلمه‌دی
کوچه‌لرده قان ایزینی
بیز او گئجه گؤردوک
ایییرمی بیرینجی عصرین گئرچک اوزونو.
...و گون گلدی تیکانلی مفتیللری قیریب
کئچدیک آرازی،
کئچدیک او تایا -
قارا چادرایا بورونموشدو تبریز...
بوندان اؤنجه تبریزی
خالچا ناخیشلاریندا
و مینیاتورلرده گؤرموشدوک بیز.
مینیاتورلرده گؤردویوموز شهره
بنزه‌میردی ستارخانین، شهریارین شهری...
تبریزین یوللاری دولان با دولان،
تبریزین پنجره‌لرینده
یوز اللی ایللیک آیریلیق کدری.
ارک قالاسینین دیوارلاریندا
شهیدلرین قان ایزی،
تبریز اذان سسلرییله قارشیلادی بیزی.
آرازی کئچدیک، شاعیر
تبریزین سویونو ایچدیک -
آمما تبریز تورپاغیندا
بیر چینار آغاجی اَکه بیلمه‌دیک،
اوزو گون‌دوغانا باخان
بیر ائو تیکه بیلمه‌دیک...
#ائلچین_اسکندرزاده
#شعر_اوجاغی
@SheirOcagi
▫️شاگرد:
ایسته‌ییرسن کی، معلّم! بیز اورکدن باریشاق،
آغزیمیزدا دیلیمیز وار، قوی او دیلده دانیشاق!
مدنیّت بوروموش علم ایله دونیا اوزونو،
داها تنبل‌لیگی آت، گل گئجه-گوندوز چالیشاق!
معلّم:
اشـتباه ائیلمه‌یین! وار هر ایشین قاعده‌سی،
او شیرین یئرلی دیلین مرکزه یوخ فایده‌سی.
امر ائدیبلر کی، سوخام آغزیزا جبراً بو دیلی،
دونیادا فارس دیلی‌دیر جومله دیلین والیده‌سی.
شاگرد:
آی معلّم! اونو اؤیرنمه‌یه یوخ طاقتیمیز،
آنا دیلده دانیشیب گولمک اولوب عادتیمیز.
چوخ بؤیوکدور او غریب دیل، جیراجاق آغزیمیزی،
بیز تصوّور ائله‌دیکجه دَییشیر حالتیمیز.
معلّم:
سیز اوشاق‌سیز، نه بیلیرسیز، آی اوغول یاخشی-یامان؟!
خوراساندا بو دیله حرمت ائدیر پیر و جوان.
اونلارین خاطیرینه سیز ده گرک اؤیرنه‌سیز،
سؤزومو ردّ ائله‌سز، دولت ائدر باشقا گومان.
شاگرد:
آی معلّم، بیر اوتان، ری'لی، گیلان'لی دئییلیک،
ائلیمیز، یوردوموز آیری، گاوالان'لی دئییلیک.
آزریسـتان‌دی بیزیم ملّتیمیز، تاریخه باخ!
معده‌دن سؤیله‌میریک، فیکری دومانلی دئیلیک.
معلّم:
منه تاریخ اوخوماق ایندی یاراشماز، بیلیرم،
دوزو لاپ زور-زوراکی حاقّّیزی اینکار ائدیرم.
دیلیزی ترک ائله‌ییب ایندی گرک فارسلاشاسیز!
آدیزی تـاریخین اوّل واراغیندان سیلیرم.
#محمد_بی‌ریا
#شعر_اوجاغی
@SheirOcagi
ایسته‌ییرسن کی، معلّم! بیز اورکدن باریشاق،
آغزیمیزدا دیلیمیز وار، قوی او دیلده دانیشاق!
مدنیّت بوروموش علم ایله دونیا اوزونو،
داها تنبل‌لیگی آت، گل گئجه-گوندوز چالیشاق!
معلّم:
اشـتباه ائیلمه‌یین! وار هر ایشین قاعده‌سی،
او شیرین یئرلی دیلین مرکزه یوخ فایده‌سی.
امر ائدیبلر کی، سوخام آغزیزا جبراً بو دیلی،
دونیادا فارس دیلی‌دیر جومله دیلین والیده‌سی.
شاگرد:
آی معلّم! اونو اؤیرنمه‌یه یوخ طاقتیمیز،
آنا دیلده دانیشیب گولمک اولوب عادتیمیز.
چوخ بؤیوکدور او غریب دیل، جیراجاق آغزیمیزی،
بیز تصوّور ائله‌دیکجه دَییشیر حالتیمیز.
معلّم:
سیز اوشاق‌سیز، نه بیلیرسیز، آی اوغول یاخشی-یامان؟!
خوراساندا بو دیله حرمت ائدیر پیر و جوان.
اونلارین خاطیرینه سیز ده گرک اؤیرنه‌سیز،
سؤزومو ردّ ائله‌سز، دولت ائدر باشقا گومان.
شاگرد:
آی معلّم، بیر اوتان، ری'لی، گیلان'لی دئییلیک،
ائلیمیز، یوردوموز آیری، گاوالان'لی دئییلیک.
آزریسـتان‌دی بیزیم ملّتیمیز، تاریخه باخ!
معده‌دن سؤیله‌میریک، فیکری دومانلی دئیلیک.
معلّم:
منه تاریخ اوخوماق ایندی یاراشماز، بیلیرم،
دوزو لاپ زور-زوراکی حاقّّیزی اینکار ائدیرم.
دیلیزی ترک ائله‌ییب ایندی گرک فارسلاشاسیز!
آدیزی تـاریخین اوّل واراغیندان سیلیرم.
#محمد_بی‌ریا
#شعر_اوجاغی
@SheirOcagi