▫️«ملمّع» نه‌دیر؟

لوغَوی آنلام: رنگ‌به‌رنگ، بزَکلی

ادبی آنلام: لیریک نؤوعه داخیل  اولان، هر میصراعسی و یا بئیتی آیری دیلده یازیلمیش شعر فورماسی‌دیر.

آزربایجان شاعیرلرینین ملمّع‌لری، عادتا اوچ دیلده (آزربایجان، عرب و فارس دیلینده) یازیلیردی.
اساساً غزل و مثنوی فورماسیندا اولور...

#شعر_اوجاغی
@SheirOcagi

▫️بدبخت اینسان، باشقالارینین آغری-آجیسی ایله راحاتلیق تاپان اینسان‌دیر.

#سعدی_شیرازی
#شعر_اوجاغی
@SheirOcagi

▫️بو سنسیز تبریزه لعنت!

سنی بو شهرده تاپدیم،
ایتیردیم ده سنی بوردا.
یاشاردیق سئوگینی هر گون،
او گونلر بس هانی، هاردا؟

الیندن گلدی ده گئتدین،
الیمدن گلسه قایتاررام.
دیلیندن چیخدی چوخ سؤزلر،
دیلیمدن چیخسا یالواررام.

منه هیچ کیم تانیش گلمیر،
منه هر یئر اولوب غوربت.
بو شهری نئیلیرم سنسیز؟!
بو سنسیز تبریزه لعنت!

گئدیب مین یول دولانمیشدیق،
بو شهرین هر یئرین سنله.
سنی کاش گؤرمه‌یه‌یدیم! کاش-
قیچیم سینمیشدی اوّلده!

دا هئچ کیم هئچ کیمی سایمیر،
هامی گئت-گلده‌دیر سسسیز.
باخیشلار دا دویون دوشمور،
گؤزومدن لاپ دوشوب تبریز.

منه هئچ کیم تانیش گلمیر،
منه هر یئر اولوب غوربت.
بو شهری نئیلیرم سنسیز؟!
بو سنسیز تبریزه لعنت!

#آرش_توفیفی
@SheirOcagi

▫️میکروفون و جاسوسلوق

قورخورام منی ساتالار
بئش اوچ قیران پولا بوردا
قورخورام دردیمین قانین
آخیدالار  یارا  یوردا

قورخورام کی میکروفونلار
اوغورلویا کال سسیمی
قورخورام کی دوست آدی‌ایله
زیندان کَسه نفسیمی

قورخورام کی حاماملاردا
جاسوس اولا سولار منه
یاتاغیمدا  اؤز  اوتاغیم
پای وئره اینتیحار  منه

من اؤزوم  قورخاق دئییلم
بو شعریم  قورخودور  منی
قارغیش اولموش سطیرلرده
کاغیذلاردی جیریر منی

دا اؤزومه اعتبار یوخ
حتی بو آن، بو  مکانا
قورخوم بودور بیر گون " توفان"
اعدام چیخا  میکروفونا


#توفان_قارا‌داغلی
@SheirOcagi

🔹تحکییه ادبی درنه‌یی(417-جی جلسه)
🔹حئکایه: قاتیل – نجیب محفوظ
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه-23 خرداد ماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه‌سی #داستان #مودئرن_نثر #تحکییه #اورمو #نجیب_محفوظ #آعرب_نثری #مصر #حئکایه #

▫️سندن، ساده‌جه، منیم قوصورلاریمدان قاباق، باخیشلارینی اؤز قوصورلارینا چئویرمه‌یینی ایسته‌ییرم.

📚 صاحیبسیز
#اولیوئر_بودئن
#شعر_اوجاغی
@SheirOcagi

⚫️باش ساغلیغی⚫️

خییوو شهرینین ضییالی شاعیری عزیز قلمداشیمیز «صابیر بی جهانگیری»؛


مهربان آنانیزین ابدیّته قوووشماسینی، سیزه تسلیت دئییریک. سون غمیز اولسون.


#شعر_اوجاغی
@SheirOcagi

▫️ایلاهی، بو کؤرپه نئجه بؤیویوب!

دئمیرم مئهریبان قوجاق گؤرمه‌ییب،
دئمیرم قایغیلی ایستی بیر نفس،
دئمیرم ائو بیلیب اوجاق گؤرمه‌ییب،
بو کؤرپه آناسیز نئجه بؤیویوب؟

دوغمالیق دئییلن، ایلاهی بیر ال،
اونون اوز-گؤزونو اوخشاماییب‌سا،
گؤره‌سن بو کؤرپه نئجه قیمیشیب؟*
هانسی دوندا گؤروب ایلک دوغمالیغی،
سئوینجی سئوینجه نئجه قاریشیب؟

بیلیب‌می حسرت‌دیر عالی نعمته-
آنا دؤشونده‌کی سوده؟... بیلیب‌می؟
بیر یئمک یئیَنده، امزیک توتاندا،
گؤره‌سن شیلتاقلیق ائده بیلیب‌می؟
ایلاهی، بو اوشاق نئجه بؤیویوب؟

بیر خوش یوخو واختی، بیر گئجه‌یاری،
بو کؤرپه آییلیب نئجه آغلاییب؟
آلیب بیر یوخونون شیرین چاغینی،
او کیمه ارک ائدیب گئجه آغلاییب؟
او واخت عاغلی کسیب سؤز آنلاسایدی،
نئجه ساخلایایدی آغلاماغینی؟

آنا باخیشیندان شفق آلمادان،
نئجه ایشیقلانیب اوزو گؤره‌سن؟
دوغماجا لایلاسیز نئجه اویویوب،
نئجه چیچک‌لنیب سؤزو گؤره‌سن؟
او نئجه اوینادیب ال-آیاغینی،
بس کیمین اوزونه قیمیشیب هردن؟
هانسی رنگده سئویب اویونجاغینی؟
آنا فرَحیندن گوج آلیب تزه،
بیر داشقین سئوینجه بورونمه‌ییب‌سه،
ایلک دفعه او نئجه قالخیب آیاغا،
گؤرن نئجه آتیب ایلکین آددیمی؟
لاپ حئیرت گؤتورور واللاه آدامی.
ایلاهی، بو اوشاق نئجه یئریییب،
کئفی پوزولاندا نئجه کیریییب؟

دایان! بو سؤالدان آلیشدی باغریم،
دوروب یان اوتاقدان آنامی چاغریم.
قوی اوندان سوروشوم بیر ده اؤزومو،
آنلاییم فیکریمی، بیلیم سؤزومو.
بیر گؤروم بو اوشاق نئجه بؤیویوب،
سؤیکنیب او هانسی گوجه، بؤیوب؟

#موسی_یعقوب
* دوداق آلتی گولمک، گولومسه‌مک (Qımışmaq)
#شعر_اوجاغی
@SheirOcagi

دیالوق

▫️«اینسان یالنیزلیق‌لارینی دولدورسون دئیه عاشق اولور» دوشونن هر کسه رغماً، من‌ «اینسانلار یالنیزلیق‌لارینی بؤیوتسونلر دئیه عاشق اولورلار» دوشونورم.

📽 Everyone Say: İ Love You
1996 آمریکا
#وودی_آلن
#شعر_اوجاغی
@SheirOcagi

▫️بیز ده بیلیردیک سئوگیلی‌یه قرنفیل آلماسینی!
لاکین آج ایدیق،
یئدیک قرنفیل پارا'سینی.

#ییلماز_گونئی
12-ژوئن
دونیا، اوشاق امه‌یینه قارشی موباریزه گونو
#شعر_اوجاغی
@SheirOcagi

▫️بیر یاتمیش، باشقا یاتمیشی نئجه اویادا بیلر؟!

#سعدی_شیرازی
#شعر_اوجاغی
@SheirOcagi

▫️بیر سیلاحیم اولسایدی، بیر سیلاحیم!
یوخسوللوغو شقیقه‌سیندن،
ایتیرمه‌نی قلبیندن،
و سنسیزلیگی آلنینین تام اورتاسیندان ووراردیم.

#فاتیح_قیسابارماق
#شعر_اوجاغی
@SheirOcagi

▫️ياتان اؤکوزون يئمی‌نی، دوران اؤکوز یئيَر.

#آتا_آنالار_سؤزو
@SheirOcagi

▫️آتا-آنالاردان بونو سوروشماق ایستردیم:
سیز اوشاقلارینیزی تربیت ائدرکن، اؤیره‌درکن، اونلارا قارتال قانادلاری وئردیگینیزی دوشونورسونوز؟ یوخسا قانادلارینی هله ایلک واختلاردان سیز اؤزونوز قیریرسینیز؟

📚 آغ زانباقلار اؤلکه‌سی
#گریگوری_پئتروو
#شعر_اوجاغی
@SheirOcagi

▫️گلمه‌دی.

او بولود بیزدن اینجییب-
آخدی؛ گلمه‌دی، گلمه‌دی.
حسرتینه یئری، گؤیو-
یاخدی؛ گلمه‌دی، گلمه‌دی.

داغلار قیسیر قالدی قارا،
چؤل، کؤوشنی باسدی قارا،
کیمدن، نه‌دن، باهار بورا-
قورخدو؛ گلمه‌دی، گلمه‌دی؟

سئچیلمیر سولوسو، دئمی،
چکیلیب گؤزونون نمی.
او بولاغین منیم کیمی،
باختی گلمه‌دی، گلمه‌دی.

بیز یاشامین داغین، دوزون،
سورونوروک دیزین-دیزین.
حئییف! بیر چوخ ایشیمیزین-
واختی گلمه‌دی، گلمه‌دی.

«عندلیب!» آغریییر اورک،
سولوب لاله، ایتیب چیچک.
اوزاقلاردا قوجا شیمشک-
چاخدی؛ گلمه‌دی، گلمه‌دی.

#سخاوت_عزتی_عندلیب
@SheirOcagi

▫️منیم او گنج قادینا عشقیم یوخ ایدی؛ بو دوشونجه‌نی اؤزومه یول وئرمه‌یه بئله جورأت ائتمیردیم. من اونا تاپینیردیم. او، منیم اوچون اتدن-سوموکدن دئییلدی. او بیر ملک ایدی؛ منیم قارانلیق، آنلامسیز و داریخدیریجی حیاتیمی بیر آن ایشیقلاندیران بیر ملک.

📚 کاتیا
#صادق_هدایت
#شعر_اوجاغی
@SheirOcagi

▫️آیریلیب اؤزومدن، سوووشدوم داها
سئوگی سؤزجویونون اوجقاریندایام
ایتیریب حیاتین یاشیل آنلارین
پاییز فصیلینین باهاریندایام.

دوزموشم یان با یان آغریلاریمی
نئیله‌سین اوره‌ییم، سؤزو اولمادی
چیغیریب دورولدو کئچمیشی کیمی
بیر آنلیق، الینین دوزو اولمادی.

سئزدیم کی بئله‌یم: قارادی قلبیم!
هه جانیم؛ دوغرودور، اؤیله‌دی، دوزدور!
دیدرگین، داغینیق، دالغایلا دولو
قارادیر، قارادیر، قارا دنیزدیر...

#پاشا
@SheirOcagi

▫️هر شئیین دیَری، اونو اله گتیرمک اوچون ائدیلن فداکارلیغین درجه‌سی‌یله اؤلچولور.

#گئورگ_زیمل
#شعر_اوجاغی
@SheirOcagi

▫️بولبولدن چوخ دا وفا اوممایین! چونکی هر دم باشقا بیر گولون اوزرینده اؤتر.

#سعدی_شیرازی
#شعر_اوجاغی
@SheirOcagi

▫️منی آپارما!

بوگون قالاجاغام اؤزوم اولماغا،
تورپاغین چیچک‌لی اوزو اولماغا.
قالیرام بیر چئشمه گؤزو اولماغا،
سن آللاه، بو دفعه منی آپارما!

هم وارام، هم یوخام، بئله گلمه‌رم،
قاییدیب اؤزومه هله گلمه‌رم.
بو گون کپَنه‌یم، اله گلمه‌رم،
سن آللاه، بو دفعه منی آپارما!

آچیلماز دویونوم، دئییلمز سیرّیم،
بیر سئوگی یئریم وار، بیر یانغی یئریم،
قوی اونا بو گون ده بیر سالام وئریم!
سن آللاه‌ بو دفعه منی آپارما!

بیر کتیل اوستونده دونوب دا قالمیش،
دونیانین فیکرینی چکمک اولارمیش.
من گؤیلر یورغونو، یارالی بیر قوش،
سن آللاه، بو دفعه منی آپارما!

من گئتسم سیز منه نه گؤسترَرسیز-
او داغدان مردانه، بو چایدان تمیز؟
دونیامیز قاریشیق، آداملار غلیط،
سن آللاه، بو دفعه منی آپارما!

قیزیل‌آغاجلارا بوداق اولماغا،
قالیم سو عؤمرونه اورتاق اولماغا،
سونرا آخیب گئدن یارپاق اولماغا.
سن آللاه، بو دفعه منی آپارما!

بیر گؤی آغلاشینین دونوق یاشی‌یام،
او گوندن شیمشک‌لی چایلاق داشی‌یام،
تورپاق جاداری‌یام، یئر قیریشی‌یام،
سن آللاه، بو دفعه منی آپارما!

اوردا اؤزومه یئر تاپارام، سن گئت!
آغیرام، زیندانام، قوپمارام، سن گئت!
کؤک آتمیش قایادیر بیر پارام، سن گئت!
سن آللاه، بو دفعه منی آپارما!

بیر ده طالعیم‌له باریشیب قالیم،
لاله‌لر ایچینده آلیشیب قالیم،
گول اولوب زمی‌یه قاریشیب قالیم،
سن آللاه، بو دفعه منی آپارما!

بیزیم الیمیزده قوراما دونیا،
ایچینده اؤز قوردو باراما دونیا،
سالیب ایپک تورا آپارما، دونیا!
سن آللاه، بو دفعه منی آپارما!

#موسی_یعقوب
#شعر_اوجاغی
@SheirOcagi