▫️داغلارین
دونوب قالدیم ذیروه‌لرین صفینده،
غورّه‌لندیم خفیف-خفیف مئهینده،
تمیزلندیم چیچک‌لرین شئهینده،
چوخ بلَندیم من عطرینه داغلارین.
یادا دوشدو، گؤزلریمدن یاغدی یاش،
حسرت ایله یئنه قالدیم باشا-باش،
دئییرم کی، سؤیکنه‌یدیم یئنه کاش،
بولود-بولود چتیرینه داغلارین.
زامان گلر، بوداغیمدا سکه‌رم،
باغ-باغچامی اؤز الیم‌له اکه‌رم.
«نصیب» دئیر حاقّ-حسابی چکه‌رم،
دوشمن دَیسه خطیرینه داغلارین...
#نصیب_نبی‌اوغلو
#شعر_اوجاغی
@SheirOcagi
دونوب قالدیم ذیروه‌لرین صفینده،
غورّه‌لندیم خفیف-خفیف مئهینده،
تمیزلندیم چیچک‌لرین شئهینده،
چوخ بلَندیم من عطرینه داغلارین.
یادا دوشدو، گؤزلریمدن یاغدی یاش،
حسرت ایله یئنه قالدیم باشا-باش،
دئییرم کی، سؤیکنه‌یدیم یئنه کاش،
بولود-بولود چتیرینه داغلارین.
زامان گلر، بوداغیمدا سکه‌رم،
باغ-باغچامی اؤز الیم‌له اکه‌رم.
«نصیب» دئیر حاقّ-حسابی چکه‌رم،
دوشمن دَیسه خطیرینه داغلارین...
#نصیب_نبی‌اوغلو
#شعر_اوجاغی
@SheirOcagi
اؤیکوجوک
▫️اویون
بیر شهر وار ایدی، او شهرده هر نه یاساق ایدی.
تکجه چیلینگ‌آغاج یاساق اولمادیغی اوچون، شهر اهالیسی گونده بوش واختلارینی چؤللره گئدیب چیلینگ‌آغاج اویناییردیلار.
بو یاساقلار بیردن-بیره دئییل، یاواش-یاواش و هر زامان یئترلی دلیل‌لرله قویولدوغونا گؤره، هئچ کیمسه گیلئیله‌نیب شکایت ائتمیردی. بو یاساقلارا اؤیرنیشمیشدیلر.
ایللر کئچدی...
بیر گون شهرین باشچی‌لاری هر نه‌یین یاساق اولدوغونو یئرسیز گؤردولر، جارچی‌لاری کوچهلره گؤنده‌ریب جاماعاتا اوره‌کلری ایسته‌دیکلرینی ائده بیلدیکلرینی جار چکدیردیلر.
جارچی‌لار کوچهلره، بازارلارا گئدیب جار چکدیلر:
«آی جاماعات! آی...! بیلین و خبریز اولسون، بوندان بئله هئچ زاد یاساق دئییل.»
جاماعات بونو ائشیدندن سونرا داغیلیشیب و یئنه ده چیلینگ‌آغاج اویناماغا باشلادیلار.
جارچی‌لار یئنه ده گلیب اعلان ائتدیلر:
«باشا دوشورسوز؟ ایندی سیز آزادسیز، اوره‌ییز نه ایسته‌ییر، ائده بیلرسیز.»
جاماعات جاواب وئردی: «ائله‌دیر! بیز ده چیلینگ‌آغاج اویناییریق.»
جارچی‌لار جاماعاتین یاساقلاردان اؤنجه گؤردوکلری چئشیدلی ایلگینج ایش‌لری، یارارلی ایش‌لری اونلارا خاطیرلاتدیلار.
جاماعات قولاق آسمادی، چیلینگ‌آغاج اویونونو بوراخمادیلار.
جارچی‌لارین بوتون چابالاری بوشا چیخدیقدا، گئدیب شهرین حاکیم‌لرینه اولوب-کئچه‌نی آنلاتدیلار.
حاکیم‌لر دئدیلر: «چتین ایش دئییل! چیلینگ‌آغاجی یاساق ائده‌ریک.»
بونو ائشیدن جاماعات عوصیان ائتدی، شهرین بوتون حاکیم‌لرینی اؤلدوردولر،
سونرا قاییدیب یئنه ده چیلینگ‌آغاج اویونونا باشلادیلار.
#ایتالو_کالوینو
چئویرن: سؤز کانالی
@a_z_soz
@SheirOcagi
▫️اویون
بیر شهر وار ایدی، او شهرده هر نه یاساق ایدی.
تکجه چیلینگ‌آغاج یاساق اولمادیغی اوچون، شهر اهالیسی گونده بوش واختلارینی چؤللره گئدیب چیلینگ‌آغاج اویناییردیلار.
بو یاساقلار بیردن-بیره دئییل، یاواش-یاواش و هر زامان یئترلی دلیل‌لرله قویولدوغونا گؤره، هئچ کیمسه گیلئیله‌نیب شکایت ائتمیردی. بو یاساقلارا اؤیرنیشمیشدیلر.
ایللر کئچدی...
بیر گون شهرین باشچی‌لاری هر نه‌یین یاساق اولدوغونو یئرسیز گؤردولر، جارچی‌لاری کوچهلره گؤنده‌ریب جاماعاتا اوره‌کلری ایسته‌دیکلرینی ائده بیلدیکلرینی جار چکدیردیلر.
جارچی‌لار کوچهلره، بازارلارا گئدیب جار چکدیلر:
«آی جاماعات! آی...! بیلین و خبریز اولسون، بوندان بئله هئچ زاد یاساق دئییل.»
جاماعات بونو ائشیدندن سونرا داغیلیشیب و یئنه ده چیلینگ‌آغاج اویناماغا باشلادیلار.
جارچی‌لار یئنه ده گلیب اعلان ائتدیلر:
«باشا دوشورسوز؟ ایندی سیز آزادسیز، اوره‌ییز نه ایسته‌ییر، ائده بیلرسیز.»
جاماعات جاواب وئردی: «ائله‌دیر! بیز ده چیلینگ‌آغاج اویناییریق.»
جارچی‌لار جاماعاتین یاساقلاردان اؤنجه گؤردوکلری چئشیدلی ایلگینج ایش‌لری، یارارلی ایش‌لری اونلارا خاطیرلاتدیلار.
جاماعات قولاق آسمادی، چیلینگ‌آغاج اویونونو بوراخمادیلار.
جارچی‌لارین بوتون چابالاری بوشا چیخدیقدا، گئدیب شهرین حاکیم‌لرینه اولوب-کئچه‌نی آنلاتدیلار.
حاکیم‌لر دئدیلر: «چتین ایش دئییل! چیلینگ‌آغاجی یاساق ائده‌ریک.»
بونو ائشیدن جاماعات عوصیان ائتدی، شهرین بوتون حاکیم‌لرینی اؤلدوردولر،
سونرا قاییدیب یئنه ده چیلینگ‌آغاج اویونونا باشلادیلار.
#ایتالو_کالوینو
چئویرن: سؤز کانالی
@a_z_soz
@SheirOcagi
▫️وئجیمه ده دئییل بسته بویلوغون،
گئتدیکجه ان اوزون فصلیم اولورسان.
منی من ائله‌ین کؤکوم سنده‌دی،
سن منیم نه گؤزل اصلیم اولورسان.
گئدیشین عاغلیمی تامام چاشدیریر،
یونگول آغریلاری آغیرلاشدیریر.
سنی گؤزلریمده تانری‌لاشدیریر،
قاییدیب گلنده میثلیم اولورسان.
«بو دا بیر آددیم‌دیر، گون‌دور» دئییرسن،
هر گونو آددیم‌تک آتیب گئدیرسن.
الینی قالدیریب دوعا ائدیرسن،
گؤرن ائله بیلیر تسلیم اولورسان...
#روسلان_دوست‌علی
#شعر_اوجاغی
@SheirOcagi
گئتدیکجه ان اوزون فصلیم اولورسان.
منی من ائله‌ین کؤکوم سنده‌دی،
سن منیم نه گؤزل اصلیم اولورسان.
گئدیشین عاغلیمی تامام چاشدیریر،
یونگول آغریلاری آغیرلاشدیریر.
سنی گؤزلریمده تانری‌لاشدیریر،
قاییدیب گلنده میثلیم اولورسان.
«بو دا بیر آددیم‌دیر، گون‌دور» دئییرسن،
هر گونو آددیم‌تک آتیب گئدیرسن.
الینی قالدیریب دوعا ائدیرسن،
گؤرن ائله بیلیر تسلیم اولورسان...
#روسلان_دوست‌علی
#شعر_اوجاغی
@SheirOcagi
▫️کیتابلارا دا سو کیمی، هامینین الی چاتمالی‌دیر...
📚 کاش اونودایدیم!
#ژوزه_ادوآردو_آگوآلوسا
#شعر_اوجاغی
@SheirOcagi
📚 کاش اونودایدیم!
#ژوزه_ادوآردو_آگوآلوسا
#شعر_اوجاغی
@SheirOcagi
اؤیکوجوک
▫️قوجا قادین اینتحار ائتدی.
بیر نئچه آیدان بَری گونده‌لیک دفترینده تکجه بیر زاد یازیردی: «بو گون کیمسه گلمه‌دی».
#آلبر_کامو
چئویرن: سؤز کانالی
@a_z_soz
@SheirOcagi
▫️قوجا قادین اینتحار ائتدی.
بیر نئچه آیدان بَری گونده‌لیک دفترینده تکجه بیر زاد یازیردی: «بو گون کیمسه گلمه‌دی».
#آلبر_کامو
چئویرن: سؤز کانالی
@a_z_soz
@SheirOcagi
▫️نه دئییم؟!
طاماهکارلار، نفس‌کارلار، زلی‌لر،
تمیزلیکدن دانیشاندا، نه دئییم؟!
درس دئینده بیزه نفسی زلی‌لر،
یاخشی پیسه قاریشاندا، نه دئییم؟!
کیمدیر عوضوو بو آشکارلیق خورونون*؟
سرحدّی یوخ بولانلیق‌لا دورونون.
یاش یاناندا آلوووندا قورونون،
گول لچه‌یی آلیشاندا، نه دئییم؟!
گاه دئییرم «قوی اولسون، نه گره‌ییم؟!»
نامرد سؤزدن سیزیلدادی کوره‌ییم.
آه، اوره‌ییم، منیم شاعیر اوره‌ییم!
شر اخینلا باریشاندا، نه دئییم؟!
من نه دئییم بئله ییخدی-ییخدییا؟
سالیب منی تزه گؤزوم‌چیخدییا.
اوزو گولر، بیر اوره‌یی ساختایا،
آری قاندا، میلچک شاندا...نه دئییم؟!
#موسی_یعقوب
* ان آز سککیز نفردن اولوشان اوخویانلار دسته‌سی، کُر (Xor)
#شعر_اوجاغی
@SheirOcagi
طاماهکارلار، نفس‌کارلار، زلی‌لر،
تمیزلیکدن دانیشاندا، نه دئییم؟!
درس دئینده بیزه نفسی زلی‌لر،
یاخشی پیسه قاریشاندا، نه دئییم؟!
کیمدیر عوضوو بو آشکارلیق خورونون*؟
سرحدّی یوخ بولانلیق‌لا دورونون.
یاش یاناندا آلوووندا قورونون،
گول لچه‌یی آلیشاندا، نه دئییم؟!
گاه دئییرم «قوی اولسون، نه گره‌ییم؟!»
نامرد سؤزدن سیزیلدادی کوره‌ییم.
آه، اوره‌ییم، منیم شاعیر اوره‌ییم!
شر اخینلا باریشاندا، نه دئییم؟!
من نه دئییم بئله ییخدی-ییخدییا؟
سالیب منی تزه گؤزوم‌چیخدییا.
اوزو گولر، بیر اوره‌یی ساختایا،
آری قاندا، میلچک شاندا...نه دئییم؟!
#موسی_یعقوب
* ان آز سککیز نفردن اولوشان اوخویانلار دسته‌سی، کُر (Xor)
#شعر_اوجاغی
@SheirOcagi
▫️بیر شئی‌لری دَییشدیرمک ایسته‌ین اینسان، اوّل اؤزوندن باشلامالی‌دیر...
#سوقراط
#شعر_اوجاغی
@SheirOcagi
#سوقراط
#شعر_اوجاغی
@SheirOcagi
▫️بیر درده چئشیدلی و چوخلو درمانلار وئریلیرسه، بو، او دردین درمانسیز اولدوغونون علامتی‌دیر...
📚 گیله‌نار باغی
#آنتون_چئخوو
#شعر_اوجاغی
@SheirOcagi
📚 گیله‌نار باغی
#آنتون_چئخوو
#شعر_اوجاغی
@SheirOcagi
▫️سن ده منی آناسان!
دونیا عذابلاریندان،
بئزیکیب اوساناندا،
دورور گؤزوم اؤنونده،
درحال سنین صورتین.
دئمه، مین رنگی وارمیش،
آرزونون، محبّتین.
اونودورام بیر آندا،
سنی دوشونن کیمی-
باشقا قایغیلاریمی،
باشقا فیکیرلریمی.
ایندی منیم دونیادا،
بیر دردیم وار: او، سنسن،
یولومدا مایاک اولوب
منه یول گؤسترن‌سن.
بوتون دوشونجه‌لریم،
دردیم، آرزوم بیر یانا،
آمّا سن بیر یاناسان.
الم‌لی گونلریمده،
من سنی آندیغیم‌تک،
سن ده منی آناسان،
منی دوغما ساناسان!
سن یادیمدان چیخمامیش،
یئنه دوشورسن یادا.
شوکور اولسون آللاها،
سن وارسان بو دونیادا...
#بختیار_واهابزاده
#شعر_اوجاغی
@SheirOcagi
دونیا عذابلاریندان،
بئزیکیب اوساناندا،
دورور گؤزوم اؤنونده،
درحال سنین صورتین.
دئمه، مین رنگی وارمیش،
آرزونون، محبّتین.
اونودورام بیر آندا،
سنی دوشونن کیمی-
باشقا قایغیلاریمی،
باشقا فیکیرلریمی.
ایندی منیم دونیادا،
بیر دردیم وار: او، سنسن،
یولومدا مایاک اولوب
منه یول گؤسترن‌سن.
بوتون دوشونجه‌لریم،
دردیم، آرزوم بیر یانا،
آمّا سن بیر یاناسان.
الم‌لی گونلریمده،
من سنی آندیغیم‌تک،
سن ده منی آناسان،
منی دوغما ساناسان!
سن یادیمدان چیخمامیش،
یئنه دوشورسن یادا.
شوکور اولسون آللاها،
سن وارسان بو دونیادا...
#بختیار_واهابزاده
#شعر_اوجاغی
@SheirOcagi
▫️قارالامالار 1
آنلاداراق بیتیریرم حیاتیمی،
بیلمیرم باشقا نه‌تهر بیتیریلیر بیر حیات.
بیر چیچک چکدیم بو آخشام اووجوما،
آدینی «هر شئی» قویدوم.
اکلیل‌لی لاک‌لار سورتدوم یالنیزلیقدان سیخیلدیغیمدا.
ایندی دیرناقلاریم،
اولدوزلو بیر گئجه‌نین قارالاماسی کیمی‌دیر.
ایل 2000،
تکیه و زاویه‌لری باغلاندی قلبیمین،
توپپوش گؤیرچینلر دولاشیردی ساخسی تاوانیندا،
بولودلار آخاردی پاچالاریندان،
اوغولداییردیلار.
قوشلارین ماهنیلاریندان آنلارام،
کیمسه خئیره یورماز منی.
قوش‌باز و اوچماغا ماراقلی،
اوتوسوز گئیه‌رم کابوسلاریمی،
افَلَم، سیخ-سیخ چارپیب دئویریرم آلین‌یازیمی.
ایچیمده‌کی سویو تؤکدوکدن سونرا،
ایشده اوندان سونرا، شیکایتیم یوخ، راحاتام.
کندلی و ساده‌یم.
یاغیشدا اونودولموش بیر تانری‌یلا یولداشام،
بالکوندا آسیلی قالیر گونلرجه گؤی‌قورشاغیم.
دئترژان رئکلامینا چیخاجاغیق بیز ایکیمیز تانری‌یلا،
من بؤیورتکن لکه‌لی اوشاغی اوینایاجاغام،
او چیرکلی بیاض کؤینه‌ییم.
آه، بیر ده بو کؤینه‌یه، «گؤینک» دئیه‌جک قدر جسور اولایدیم!
خالام اؤلدو.
قیرخی یئنی چیخدی.
ان یاخشی حئکایه‌لری اؤلولر آنلادار.
اؤلولرین آنلاتدیغی حئکایه‌لر،
«انشراح سوره‌سی» کیمی اینسانی چاشدیریر.
من تقویم‌لرین قیرمیزی گونلری‌یم.
اوخوللار تعطیل اولور من سؤز قونوسو اولدوغومدا،
شوکولات ایسته‌مه‌یه گلیر اوشاقلار،
اویون اویناییریق.
ساغلام بیر ایپ‌له چکیرم آجینی اؤزومه دوغرو،
سیاه ایش گونلری موداخیله ائدیر حیاتیما.
مور بیر بوجاق یاستیغی کیمی،
عوصیانکار اوتورماق ایسته‌ییرم
من اویسا مجلیسین ان اوجوندا.
آش بیشیرمک ایسته‌ییرم،
سونرا قالخیب چؤرک قیزارتماق.
آرتیق قیزاردیغیندا،
بیچاغین اوجویلا عشقی قازیماق.
سؤیله‌یین آتشه:
روحونو اوفله‌مه‌سین مندن باشقاسینا!
چیچک سیلیندی بو صاباح اللریمی یودوغومدا،
اللریم بوم‌بوش.
پیس شعرلردن قورو منی، تانریم!
آمین!...
#دیدم_ماداک
#شعر_اوجاغی
@SheirOcagi
آنلاداراق بیتیریرم حیاتیمی،
بیلمیرم باشقا نه‌تهر بیتیریلیر بیر حیات.
بیر چیچک چکدیم بو آخشام اووجوما،
آدینی «هر شئی» قویدوم.
اکلیل‌لی لاک‌لار سورتدوم یالنیزلیقدان سیخیلدیغیمدا.
ایندی دیرناقلاریم،
اولدوزلو بیر گئجه‌نین قارالاماسی کیمی‌دیر.
ایل 2000،
تکیه و زاویه‌لری باغلاندی قلبیمین،
توپپوش گؤیرچینلر دولاشیردی ساخسی تاوانیندا،
بولودلار آخاردی پاچالاریندان،
اوغولداییردیلار.
قوشلارین ماهنیلاریندان آنلارام،
کیمسه خئیره یورماز منی.
قوش‌باز و اوچماغا ماراقلی،
اوتوسوز گئیه‌رم کابوسلاریمی،
افَلَم، سیخ-سیخ چارپیب دئویریرم آلین‌یازیمی.
ایچیمده‌کی سویو تؤکدوکدن سونرا،
ایشده اوندان سونرا، شیکایتیم یوخ، راحاتام.
کندلی و ساده‌یم.
یاغیشدا اونودولموش بیر تانری‌یلا یولداشام،
بالکوندا آسیلی قالیر گونلرجه گؤی‌قورشاغیم.
دئترژان رئکلامینا چیخاجاغیق بیز ایکیمیز تانری‌یلا،
من بؤیورتکن لکه‌لی اوشاغی اوینایاجاغام،
او چیرکلی بیاض کؤینه‌ییم.
آه، بیر ده بو کؤینه‌یه، «گؤینک» دئیه‌جک قدر جسور اولایدیم!
خالام اؤلدو.
قیرخی یئنی چیخدی.
ان یاخشی حئکایه‌لری اؤلولر آنلادار.
اؤلولرین آنلاتدیغی حئکایه‌لر،
«انشراح سوره‌سی» کیمی اینسانی چاشدیریر.
من تقویم‌لرین قیرمیزی گونلری‌یم.
اوخوللار تعطیل اولور من سؤز قونوسو اولدوغومدا،
شوکولات ایسته‌مه‌یه گلیر اوشاقلار،
اویون اویناییریق.
ساغلام بیر ایپ‌له چکیرم آجینی اؤزومه دوغرو،
سیاه ایش گونلری موداخیله ائدیر حیاتیما.
مور بیر بوجاق یاستیغی کیمی،
عوصیانکار اوتورماق ایسته‌ییرم
من اویسا مجلیسین ان اوجوندا.
آش بیشیرمک ایسته‌ییرم،
سونرا قالخیب چؤرک قیزارتماق.
آرتیق قیزاردیغیندا،
بیچاغین اوجویلا عشقی قازیماق.
سؤیله‌یین آتشه:
روحونو اوفله‌مه‌سین مندن باشقاسینا!
چیچک سیلیندی بو صاباح اللریمی یودوغومدا،
اللریم بوم‌بوش.
پیس شعرلردن قورو منی، تانریم!
آمین!...
#دیدم_ماداک
#شعر_اوجاغی
@SheirOcagi
▫️هر شئی کئچیب گئدر. بو گئدیشی هئچ کیم ساخلایا بیلمز. بیزلر بوجور یاشاییریق.
📚 کوله‌یین ماهنیسینی دینله!
#هاروکی_موراکامی
#شعر_اوجاغی
@SheirOcagi
📚 کوله‌یین ماهنیسینی دینله!
#هاروکی_موراکامی
#شعر_اوجاغی
@SheirOcagi
▫️هر شئیین گؤروندوگو کیمی اولدوغونا اینانماق، آخماقلیق‌دیر...
📚 اون زنگی بالاسی
#آگاتا_کریستی
#شعر_اوجاغی
@SheirOcagi
📚 اون زنگی بالاسی
#آگاتا_کریستی
#شعر_اوجاغی
@SheirOcagi
▫️گئجیکمه
من همیشه بو گوندن صاباحا گؤز تیکمیشم.
آما اؤزوم-اؤزومله گؤروشه گئجیکمیشم.
قالاق-قالاق ایشلریم، دیک‌لریم، ائنیش‌لریم،
قلم‌له دوستلوغومدان گؤیَرن وردیش‌لریم،
منی ووران گاه یئره، گاه دا اوچوردو گؤیه.
گئجیکدیم عؤمروم بویو اؤزومله گؤروشمه‌یه.
اضطرابلار ایچینده یوخ اولسام دا واریمدان،
گئجیکمیشم یاز بویو ایستی گؤز یاشلاریمدان.
سو وئریب بئجردیگیم بهَریمه، باریما،
گئجیکمیشم ایچیمدن دوغان آرزولاریما.
گئجیکمیشم حیاتی حیاتیمدان اومماغا،
گئجیکمیشم ان اوجا، ان موقدّس حیسّیمین،
باشینا دولانماغا.
گئجیکمیشم، چوخونو عذابی‌یلا بئزدیرن،
منه‌سه قاناد وئرن،
هر غمه یوخ، آللاهین سئودیگی بنده‌سینه،
پای کیمی گؤندردیگی او مؤحتشم غمه ده.
گئجیکمیشم اوزاقدا مله‌ین عشقیمه ده.
ماجال دا تاپمامیشام اؤزومله تک قالماغا،
اؤزومدن کوسدوردوگوم سینیق، قیریق قلبیمی،
بیر گون اله آلماغا.
واللاه، اؤزوم-اؤزومه چاتا بیلمیرم داها.
قاچ-توتدو اویناییریق، یول اوزون، اؤز-اؤزومو،
توتا بیلمیرم داها.
او زامان کی، یورولوب چکیلیرم تک‌لیگه،
طالعیمله باریشیب ائندیریرم باشیمی،
آمانسیز گئرچک‌لیگه.
چکیرم گوندوزومون، حئسابینی هر گئجه،
اؤز-اؤزومله گیزلیجه...
یانلیش آددیملاریمی درک ائدینجه سونرادان،
مین بیر عذاب چکیرم.
دونیایا گلمکده ده دئیه‌سن گئجیکمیشم...
#بختیار_واهابزاده
#شعر_اوجاغی
@SheirOcagi
من همیشه بو گوندن صاباحا گؤز تیکمیشم.
آما اؤزوم-اؤزومله گؤروشه گئجیکمیشم.
قالاق-قالاق ایشلریم، دیک‌لریم، ائنیش‌لریم،
قلم‌له دوستلوغومدان گؤیَرن وردیش‌لریم،
منی ووران گاه یئره، گاه دا اوچوردو گؤیه.
گئجیکدیم عؤمروم بویو اؤزومله گؤروشمه‌یه.
اضطرابلار ایچینده یوخ اولسام دا واریمدان،
گئجیکمیشم یاز بویو ایستی گؤز یاشلاریمدان.
سو وئریب بئجردیگیم بهَریمه، باریما،
گئجیکمیشم ایچیمدن دوغان آرزولاریما.
گئجیکمیشم حیاتی حیاتیمدان اومماغا،
گئجیکمیشم ان اوجا، ان موقدّس حیسّیمین،
باشینا دولانماغا.
گئجیکمیشم، چوخونو عذابی‌یلا بئزدیرن،
منه‌سه قاناد وئرن،
هر غمه یوخ، آللاهین سئودیگی بنده‌سینه،
پای کیمی گؤندردیگی او مؤحتشم غمه ده.
گئجیکمیشم اوزاقدا مله‌ین عشقیمه ده.
ماجال دا تاپمامیشام اؤزومله تک قالماغا،
اؤزومدن کوسدوردوگوم سینیق، قیریق قلبیمی،
بیر گون اله آلماغا.
واللاه، اؤزوم-اؤزومه چاتا بیلمیرم داها.
قاچ-توتدو اویناییریق، یول اوزون، اؤز-اؤزومو،
توتا بیلمیرم داها.
او زامان کی، یورولوب چکیلیرم تک‌لیگه،
طالعیمله باریشیب ائندیریرم باشیمی،
آمانسیز گئرچک‌لیگه.
چکیرم گوندوزومون، حئسابینی هر گئجه،
اؤز-اؤزومله گیزلیجه...
یانلیش آددیملاریمی درک ائدینجه سونرادان،
مین بیر عذاب چکیرم.
دونیایا گلمکده ده دئیه‌سن گئجیکمیشم...
#بختیار_واهابزاده
#شعر_اوجاغی
@SheirOcagi
▫️باشقاسینین سیرّینی وئرمک ساتقینلیق، اؤزونون سیرّینی وئرمک ایسه آخماقلیق‌دیر...
#وولتر
#شعر_اوجاغی
@SheirOcagi
#وولتر
#شعر_اوجاغی
@SheirOcagi
▫️آغلاییر.
مندن منه داشینیرام،
آیلاریما ایل آغلاییر.
سطیر-سطیر گؤیَریرم،
کلمه-کلمه دیل آغلاییر.
اوتقونورام قهَر-قهَر،
خیاللاریم شهَر-شهَر.
ماوی‌لشمیش وطن قدَر،
دوشونجه‌مده ائل آغلاییر.
یارالی‌دیر ساغیم-سولوم،
دیرچه‌لیرم، اؤلوم-اؤلوم.
باش-آیاق‌دیر حیات یولوم،
دوروموما یول آغلاییر.
ایکی «من»لر ائدیر ساواش،
بیری دیک باش، بیر یاواش.
دوداقلاشیر غمله «سیرداش»
هؤنکور-هؤنکور، زیل آغلاییر...
#سیرداش_موغانلی
@SheirOcagi
مندن منه داشینیرام،
آیلاریما ایل آغلاییر.
سطیر-سطیر گؤیَریرم،
کلمه-کلمه دیل آغلاییر.
اوتقونورام قهَر-قهَر،
خیاللاریم شهَر-شهَر.
ماوی‌لشمیش وطن قدَر،
دوشونجه‌مده ائل آغلاییر.
یارالی‌دیر ساغیم-سولوم،
دیرچه‌لیرم، اؤلوم-اؤلوم.
باش-آیاق‌دیر حیات یولوم،
دوروموما یول آغلاییر.
ایکی «من»لر ائدیر ساواش،
بیری دیک باش، بیر یاواش.
دوداقلاشیر غمله «سیرداش»
هؤنکور-هؤنکور، زیل آغلاییر...
#سیرداش_موغانلی
@SheirOcagi
▫️قضا یئریندن رئپورتاژ
ائله ایندیجه،
گوندوز ساعات اون ایکی دؤوره‌سینده،
آغیر یول قضاسی باش وئریب.
جانلی یاییما باغلانیریق.
موخبیریمیز حادیثه یئرینده:
«محبّت یولوندا،
عئینی مارکالی ایکی اورک توققوشوب،
ایتکی یوخدور.
هر ایکی سوروجو،
سئوگینین سیخ باخیم شؤعبه‌سینده‌دیر.
اولانلارلا باغلی هئچ بیر آراشدیرما آپاریلمیر.
موافیق پولیس بؤلومو،
محبّت یولوندا،
اینسانلاری احتیاطلی اولماغا چاغیرمیر»...
#روسلان_دوست‌علی
#شعر_اوجاغی
@SheirOcagi
ائله ایندیجه،
گوندوز ساعات اون ایکی دؤوره‌سینده،
آغیر یول قضاسی باش وئریب.
جانلی یاییما باغلانیریق.
موخبیریمیز حادیثه یئرینده:
«محبّت یولوندا،
عئینی مارکالی ایکی اورک توققوشوب،
ایتکی یوخدور.
هر ایکی سوروجو،
سئوگینین سیخ باخیم شؤعبه‌سینده‌دیر.
اولانلارلا باغلی هئچ بیر آراشدیرما آپاریلمیر.
موافیق پولیس بؤلومو،
محبّت یولوندا،
اینسانلاری احتیاطلی اولماغا چاغیرمیر»...
#روسلان_دوست‌علی
#شعر_اوجاغی
@SheirOcagi
▫️«بیلیک»دن داها زنگین خزینه، «پیس کاراکتر»دن داها آلچاق دوشمن، اولا بیلمز...
#سوقراط
#شعر_اوجاغی
@SheirOcagi
#سوقراط
#شعر_اوجاغی
@SheirOcagi
▫️یالنیزلیق چوخ تهلوکه‌لی و آلیشقانلیق گتیرن‌دیر...
چونکی یالنیزلیغین توختادیجی اولدوغونو آنلادیغیندا، اینسانلارلا اوغراشماق ایسته‌میرسن داها...
#تام_هاردی
#شعر_اوجاغی
@SheirOcagi
چونکی یالنیزلیغین توختادیجی اولدوغونو آنلادیغیندا، اینسانلارلا اوغراشماق ایسته‌میرسن داها...
#تام_هاردی
#شعر_اوجاغی
@SheirOcagi
▫️غم باسدی قلیانیمی.
قیشین قره قئییدی، آلیب منیم جانیمی،
خورتدان دئییب قوجالیق، کسیب منیم یانیمی.
بو سیقار دا زلی‌تک، دوشوب منیم جانیما،
دوداق-دوداغا قویوب، سورور منیم قانیمی.
سازاق سازین قوراراق، قولاق‌دی سانکی بورور،
چکیبدی ایپلیگیمی، قیریبدی قئیطانیمی.
یئنه قیشین قوشونو، پاییز مارشین چالاراق،
کردیمده وارسا بیچیر، لاله‌می رئیحانیمی.
«اوشودوم ها اوشودوم» دئییر منیم دردیمی،
کورسو تووون ایتیریب، آختاریر درمانیمی.
پاییزلامیش زمی‌یم، وریان منه نه گرک؟!
دؤنرگه دؤنده‌ره‌جک، دؤندوکجه وریانیمی.
قوی چالخاسین بیزی بو زمانه نئهره کیمی!
منیم سودوم چورویوب، تورشاتسین آیرانیمی.
هونر دیلین، قلمین، ایشدن سالان، منی ده،
ایشدن سالیب، ایتیریب پاک آدیمی-سانیمی.
«حیدربابا» یولو تک، یول باغلانیب اوزومه،
اووچو فلک اوولاییب سورویله جئیرانیمی.
نازلی یاریم گئده‌لی، سؤنوب منیم چیراغیم،
خان وارسا دا نه کاری، ائوین کی یوخ خانیمی؟
«مریم» کؤچوب گئدیبن «شهرزاد»یم دا گئدیر،
فلک الیمدن آلیر، دورّومو، مرجانیمی.
یئتیم‌تک اوز-گؤزومو نیبت باسیب، باساجاق،
یامان قاریشدیراجاق، سلقه‌می، سهمانیمی.
نه دیز وار کی سورونوم، نه اوز وار کی قاییدیم،
نه یوک قالیب نه یابی، سویوبلار کروانیمی.
ائلدن منی قوجالیق، آزقین سالیب، سالاجاق،
ایتیردی «تبریز»یمی، اودوزدو «تهران»یمی.
بیزیم ده چایخانامیز، چای تؤکه‌رک قوناغا،
دولدوردو زردآب ایله، منیم ده فینجانیمی.
قلیان‌لا «شهریار»یم، قالدیر غمی، باخالیم!
من ده خورولدادیرام، غم باسدی قلیانیمی...
#شهریار
@SheieOcagi
قیشین قره قئییدی، آلیب منیم جانیمی،
خورتدان دئییب قوجالیق، کسیب منیم یانیمی.
بو سیقار دا زلی‌تک، دوشوب منیم جانیما،
دوداق-دوداغا قویوب، سورور منیم قانیمی.
سازاق سازین قوراراق، قولاق‌دی سانکی بورور،
چکیبدی ایپلیگیمی، قیریبدی قئیطانیمی.
یئنه قیشین قوشونو، پاییز مارشین چالاراق،
کردیمده وارسا بیچیر، لاله‌می رئیحانیمی.
«اوشودوم ها اوشودوم» دئییر منیم دردیمی،
کورسو تووون ایتیریب، آختاریر درمانیمی.
پاییزلامیش زمی‌یم، وریان منه نه گرک؟!
دؤنرگه دؤنده‌ره‌جک، دؤندوکجه وریانیمی.
قوی چالخاسین بیزی بو زمانه نئهره کیمی!
منیم سودوم چورویوب، تورشاتسین آیرانیمی.
هونر دیلین، قلمین، ایشدن سالان، منی ده،
ایشدن سالیب، ایتیریب پاک آدیمی-سانیمی.
«حیدربابا» یولو تک، یول باغلانیب اوزومه،
اووچو فلک اوولاییب سورویله جئیرانیمی.
نازلی یاریم گئده‌لی، سؤنوب منیم چیراغیم،
خان وارسا دا نه کاری، ائوین کی یوخ خانیمی؟
«مریم» کؤچوب گئدیبن «شهرزاد»یم دا گئدیر،
فلک الیمدن آلیر، دورّومو، مرجانیمی.
یئتیم‌تک اوز-گؤزومو نیبت باسیب، باساجاق،
یامان قاریشدیراجاق، سلقه‌می، سهمانیمی.
نه دیز وار کی سورونوم، نه اوز وار کی قاییدیم،
نه یوک قالیب نه یابی، سویوبلار کروانیمی.
ائلدن منی قوجالیق، آزقین سالیب، سالاجاق،
ایتیردی «تبریز»یمی، اودوزدو «تهران»یمی.
بیزیم ده چایخانامیز، چای تؤکه‌رک قوناغا،
دولدوردو زردآب ایله، منیم ده فینجانیمی.
قلیان‌لا «شهریار»یم، قالدیر غمی، باخالیم!
من ده خورولدادیرام، غم باسدی قلیانیمی...
#شهریار
@SheieOcagi