▫️- گئجه‌لر اولدوزلارا باخ! مندن سنه خبر گتیره‌جکلر.
+ بس یاغیش یاغارسا؟!

📚 گونشی اویاندیرماق
#ژوزه_مائورو_دئ_واسکنسلوس
#شعر_اوجاغی
@SheirOcagi

▫️گئجه-گوندوز یالواریرام الیم گؤیده:
هامییا چؤرک‌له دوز وئرسین آللاه!
حارامدان بیزلری اوزاق ائیله‌سین،
نه وئریرسه، حالال، دوز وئرسین آللاه!

هئچ کیمه حیاتدا پیس گون گؤرمه‌سین،
«نئیله‌ییم؟» سؤزونو هئچ کیم بیلمه‌سین!
هئچ کیمه غئیرتسیز اوغول وئرمه‌سین،
وئریرسه غئیرتلی قیز وئرسین آللاه!

بیر اینسان گزیرم دردیمی یازا،
بیرین ده گزیرم گؤتوره پوزا.
دئییرم: قارداشیم! «یتیم ائیواز»ا،
بئشجه کلمه شیرین سؤز وئرسین آللاه!

#یتیم_ائیواز
#شعر_اوجاغی
@SheirOcagi

▫️بیر سلفی فوتو چکدیم اؤزومدن،
یالقیز دئییلم؛
دونیا،
آرخامدا‌دیر...

#مریم_قربانزاده
#شعر_اوجاغی
@SheirOcagi

▫️بلی عصبی‌یم.

منه «عصبی‌سن» دئین، دوز دئییر،
منیم نؤقصانیمی دئمک ایسته‌ییر.
سؤز آتدین... کؤنلومده قوپدو زلزله،
بیلمیرم نه زامان چیخدیم اؤزومدن.
توخوندون کؤنلومه، اوسته‌لیک هله،
دئییرسن، لال اولوم، قیشقیرماییم من؟
دمیر دمیردی کی توخونسان اگر،
او دا جینگیلده‌یر، او دا سس‌لنر.

من کی ایسته‌مرم بیر اورک سینا،
عصبی‌یم، چونکی هیجانیم وار‌.
هارداسا بیر حاقّین تاپدانماسینا،
من دؤزه بیلمه‌رم، ایستی قانیم وار.

منه بیگانه‌دیر سویوق‌قانلیلیق،
هر شئیه اؤز اؤلچوم، اؤز تره‌زیم وار.
سنین غرضینین منه دخلی یوخ،
منیم اؤز گؤروشوم، اؤز غرضیم وار.

دئ، نئجه اود توتوب آلیشماییم من-
فیکیرسیز، مسلک‌سیز اؤلو جانلارا؟!
بلی، عصبی‌یم، هئچ چکینمه‌دن-
منیم عقیده‌مه توخونانلارا.

دونیایا گلمیشم، قانام، آنلایام،
اوره‌ییم اود توتوب یانار، آنلادیم.
بلی عصبی‌یم، چونکی اینسانام،
منیم نیفرتیم وار، محبّتیم وار.

قوزویا دا بلی، قوردا دا بلی؟
دئییرسن اولماسین باخیشیم منیم؟
نؤقصانیم بودورسا اگر... دئمه‌لی،
آنجاق ناخیشیم‌دیر یانلیشیم منیم...

#بختیار_واهابزاده
#شعر_اوجاغی
@SheirOcagi

▫️اینسان کؤله دئییل. اینسانا بئیین، سربست دوشونمک اوچون وئریلیبدیر...

📚 یئرآلتی چایلار دنیزه آخیر.
#مهدی_حسین
#شعر_اوجاغی
@SheirOcagi

▫️من گونشین دوغوشونو، اؤلوم جزاسی تأخیره سالینمیش محبوس کیمی، سئوینج گؤز یاشلاری‌یلا قارشیلایاجاغام...

📚 دونیانین ان بؤیوک ساتیجیسی.
#اوگ_ماندینو
#شعر_اوجاغی
@SheirOcagi

▫️توپلوم باتاقلیق‌دیر. بیز یوکسک یئرلرده دایانماغا چالیشمالی‌ییق...

📚 بابا گوریو
#اونوره_دو_بالزاک
#شعر_اوجاغی
@SheirOcagi

▫️آفرودیت هاوالی

پاییزدیر، سازاق وار، یارپاقلار اسیر،
بوردا بیر قادین وار یازا تلَسیر،
سون‌باهار قادینی... پاییز قادینی،  
گوندوز فیلوسوفو، گئجه شاعیری.
ییغیبدیر گئجه‌نی سورمه‌دانینا،
دوداقلار بویاسی، نار چیچه‌یی‌دیر.
یازیر-یارادیرسا، سئویر، سئویلیر،
شعرله یاشاییر، اؤلور، دیریلیر.
شاق‌ها‌شاق گوله‌ین، تئز-تئز کؤورَلن،
دؤشونده اویانان مینلر تومورجوق.
پاییز-پاییز سولوب یاز-یاز گؤیرَن،
ائله او سون‌باهار قادینی منم.
  
ساچلاریم دیدرگین،
هؤره‌لیم گرک.
قوروم ساعاتیمی گؤروش چاغینا.
دیک‌دابان باشماقلا، شوشه اورکلی،
لزگی رقص ائده‌جم بوز قفسینده.
اسیرسم‌سه زاغ-زاغ، دلی قانلی‌یام،
بیر آزجا عاشیقم، هم غورورلویام.
«آفرودیت» هاوالی جوشورام قات-قات،
سئوگیمی ساچیرام، آلسین کائینات!
ساحیله گؤز تیکیر بیر آدا منده، 
اؤزلم دنیزینده دردی دریندیر.
منده بیر شهرجیک «آمازون» قیزی،
گئرچک «اوتوپیا» آختاریر ایندی. 
                    
سازاقلی پاییزدیر،
یارپاقلار اسیر.
بوردا بیر قادین وار،
یازا تلَسیر...

#فریبا_ابراهیمی (آفاق)
@SheirOcagi

▫️قوشلارا سؤیله:
بوداقلارینی اونوتماسینلار!
پاییز،
آغاجلارین سون سؤزو دئییل‌دیر...

#بابک_زمانی
@SheirOcagi

▫️گئجه‌لنمیش باخیشیندان گون امک‌لنمه‌ده‌دیر،
زیل قارانلیق ساچینا سئوگی هؤروک‌لنمه‌ده‌دیر.

بوینوما دوشدو آچیق قوللارینین حسرتی، آه!
گؤزلریم اودلو یاناقدان کپنک‌لنمه‌ده‌دیر.

قارا تورپاق‌لارا تاپشیرمالی‌یام سؤزلریمی،
آجی گونلرده قوجاقلاردا چیچک‌لنمه‌ده‌دیر.

آهلاریم‌دیر یئنه چرشنبه‌له‌شر‌کن سسینی،
یاشماق آلتیندا گولوشلرله بزک‌لنمه‌ده‌دیر.

سئوگییه آند اولا، قویدوم‌سا گیروو ایلقاریمی،
سنسیز اهنزله‌مک آرتدیقجا نزیک‌لنمه‌ده‌دیر.

سونبولوندن سو دامیر، یاز همی دورماقلا سنه،
نار گولوشلوم! اوره‌ییم سنله بؤلوک‌لنمه‌ده‌دیر...

#یعقوب_نیکزاد
@SheirOcagi

▫️بو حیات چوخ غریبه‌دیر،
گاه آغلادیر، گاه گولدورور.
اینک ایته کؤمک ائدیر،
اینسان اینسانی اؤلدورور...

#سئور_شهابى
@SheirOcagi

▫️اینسانلار دَییشمه‌یه‌جک؛ هئچ کس ده اونلاری دَییشه بیلمه‌یه‌جک؛ بونون اوچون ده هئچ زحمت چکمه‌یه گرک یوخ..‌.

📚 جینایت و جزا
#فئودور_داستایئوسکی
#شعر_اوجاغی
@SheirOcagi

▫️ای تُرکِ ختا دیده، مگر لُعبتِ چین‌سن؟!
یا لعبت چینی کیمی غارتگر دین‌سن؟

کوثر، لبِ لعلین‌دی، بویون نخله‌ی طوبا،
سؤز یوخ، اؤزون آراسته بیر خُلد برین‌سن.

شیرینلیک عبارتدی سنین شهدِ لبیندن،
یوخ، یوخ، سن او «شکّر»ده اولان نقطه‌لی «شین»سن.

برهم‌زنِ جمعیّتِ دلهای پریشان،
پیرایه‌دِهِ انجمنِ اهلِ یقین‌سن.

بیردیر هامی عُضوونده سنین ظاهر و باطن،
ای گوهرِ رخشنده، مگر دُرِّ ثمین‌سن؟!

گول اوزده گؤروب سبزه خطینی دئدیم «الحق،
اثباتِ حیات ائتمه‌یه، آیاتِ مُبین‌سن.»

وجهی نه‌دی «صرّاف»ی سالیبسان نظریندن؟
ظالیم! نییه ظلم ائتمه‌یه بیر بؤیله قرین‌سن؟...

#صراف_تبریزی
@SheirOcagi

▫️سنی بیلمیرم،
آمّا منیم یالقیزلیق‌لاریمین عؤمرو،
آدرسی یانلیش بیر مکتوب کیمی،
یوللاردا کئچیر...

#مریم_قربانزاده
#شعر_اوجاغی
@SheirOcagi

▫️غزلیم

سینه‌مده دستاماز آلدی، چکیر آذان غزلیم،
گؤزومده چایلارا دؤندو، بویاندی قان غزلیم.

عطیرلی سؤزلری سردیم سطیر-سطیر آدینا،
پاییزدا یارپاغا بنزر، اولور خزان غزلیم.

سارام دا سئللره دوشدو، ساچین دئدیم داراما!
قویوبدو نئی‌لری سیزلار منیم چوبان غزلیم.

قابارلی اللری، قانچیل اورک‌لرین هارایی،
آپاردی بوغدامی -آغلا!- آپاردی خان غزلیم...

#حسن_قلی‌پور
@SheirOcagi

▫️پاییز هله گلمه‌ییب.

هله تکجه تقویم ایچینده گلمیش پاییز. یوخسا آغاجلار، بیتکی‌لر هله ده باهار داماقلی‌دیرلار...
پاییز بئله اولمور. پاییز مین رنگده جیلوه‌لنیر؛ قیزیلجا چیخارمیش قیز اوشاغی کیمی گاه قیزاریر، گاه سارالیر، گاه تؤکولور. اؤلوم رنگی وار سیماسیندا.
پاییز بو دئییل. پاییز گؤز -گؤره‌تی بیر آیریلیقدی. آنا بیرچه‌یی‌نین دن-دن سولماسیدیر پاییز. آغاجلارین احتضاری و کوچه‌لرین ««گئتدی» ائشیتدیگی آنلاردیر.
من پاییزی گؤرموشم، چوخ آمانسیز اولور هاواسی. سانکی شانادیر سوخولور باغرینا. کدره بویلودور، داریخماغین آی گونودور، سیخینتی دوغور ائکیز -ائکیز.
پاییز بئله اولمور.
هله خیابان‌لاردان خیشیلتی سسی گلمیر؛ یارپاقلارین سوی قیریمی، ترابلینکانین سره‌لنمیش سایسیز مییت‌لری کیمی. پاییزین اؤز سیماسی وار، رنگی آتمیش اعدامی اوغلانا بنزر. «آذرین اییرمی بیری‌»دیر پاییز، قار اوچقونو آلتیندا دفن اولار چوخ شئی...
هله آغاجلار خبرسیزدیر کؤتوک قوپاران کولک‌لردن...

#ارسطو_مجرد
@SheirOcagi

دیالوق

▫️منیم ترسه یئرلرده، ترسه دوروملاردا، ترسه اینسانلارا عاشق اولماقدا عجیب یئته‌نه‌ییم وار!...

📽The Apartment  (آپارتمان)
آمریکا ۱۹۶۰
#بیلی_وایلدر
#شعر_اوجاغی
@SheirOcagi

▫️زامان کیمه‌سه سورعتلی، کیمه‌سه یاواش گؤرونن کله-کؤتور حرکتی ایله، قارشیسینا چیخان هر شئیه توخونوب کئچیر و اونلارین هئچ بیرینی تأثیرسیز بوراخمیردی. نه‌لری‌سه آیاقلاری آلتیندا ازیب-تؤکور، سیندیریر، نه‌لرین‌سه اَیریسینی، سینیغینی دوزَلدیردی...

📚 اون دؤردونجو آدام
#ائلخان_ائلاتلی
#شعر_اوجاغی
@SheirOcagi

▫️نه سرکش شعله‌دیر بو، وه! بو نه قدّ و نه قامت‌دیر!
قیامتلر قیامیندن قیام ائتمیش قیامت‌دیر.

نه کاکیل‌دیر کی، عنبرسیز اولوب بادِ صبا اوندان،
جهان هم اول صبا فیضی‌یله رشکِ باغِ جنّت‌دیر.

فلکده اؤیله پوزموش مهر و ماهین رونقین حُسنون،
کی، اولدوزلار بو اوزدن هر بیری بیر چشمِ حیرت‌دیر.

گؤز و قاشین اگر اسلام و کفرو ائتمه‌میش یکسان،
بو نه میخانه‌دیر، بس اول نه محرابِ امامت‌دیر؟!

نه رنگ‌آمیزدیر، یارب، بهارِ خطِّ سبزین! کیم،
گلستان‌لار اونون دورونده رنگ‌آمیز خجلت‌دیر.

کلامِ معجزه‌ن جام و لبِ شیرین کلامیندن،
دولودور شور ایله دنیا و لبریزِ حلاوت‌دیر.

بیلیبدیر تا جمالین معنیسین، ای سبزه‌ی گلگون!
نه صورت کی، مصوِّر نقش ائدر، مشقِ خجالت‌دیر.

چمندن پرتوِ رخسار ایله، یارب، سن‌ اؤتدون؟! کیم،
گل و شبنم، به عینه، چشمِ حیرت، اشکِ حسرت‌دیر.

گلیر ساغ و سولوندا حوری‌وش‌لر اول ملَک، «قوسی!»
نه اؤلموشسن، دور ای بی‌درد، گؤر کیم، نه قیامت‌دیر!...

#قوسی_تبریزی
#شعر_اوجاغی
@SheirOcagi

▫️بؤیوک بیر چؤللوکده یالنیز قالماق، اینسانلار ایچینده یالنیز قالماقدان داها یاخشی‌دیر...

📚 یالنیزلیغین فلسفه‌سی
#لارس_اسوندسن
#شعر_اوجاغی
@SheirOcagi

▫️ائی اورمو گؤلو!
یاشیل-یاشیل تومورجوقلاردان،
قان اوره‌یینه قان آخیر.
آغلاییرسان‌می؟
دئمه «یوخ!»
بیلیرم...
گؤزلرینه قوربان!
قوجاغیندا،
«اؤزگورلوک» باغیران بالالارین،
گونشه باخا-باخا،
جان وئریرلر.

پاییزا خبر وئرین،
داها گلمه‌سین!
یارپاقلار چوخدان تؤکولوب...

#مرتضی_مرادی
@SheirOcagi