▫️سؤز وئردیم 7

سنه سؤز وئردیم، گئری دؤنمه‌یه‌جه‌یم،
آمّا دؤندوم.
حسرتیندن اؤلمه‌یه‌جه‌یم،
آمّا اؤلدوم.
اؤزومدن بؤیوک سؤزلر وئردیم من...

من اؤزومله نه ائتدیم؟!
دوغرولوق گوجوندن یالان دئدیم،
و شوکورلر اولسون کی یالان دئدیم...

#نزار_قبانی
#شعر_اوجاغی
@SheirOcagi

▫️بعضی‌لری هر سحر، یئنی اومیدلرله یوخودان اویانیر، بعضی‌لری اومیدی اؤزوندن قوووردولار. باشقا بیری‌لری ایسه اومیدلرینین اولوب-اولمادیغینی بئله بیلمیردیلر، اونلار اومیدلرینی ایتیرمیشدیلر...

📚 تاتار چؤلو
#دینو_بوزاتی
#شعر_اوجاغی
@SheirOcagi

▫️قورخورام اؤپم سنی،
دوداقلارین شعر قوخویا.
ائوه قاییتدیغیندا،
آنان سنه باغیرا:
«هانسی سرسری شاعیر
اؤپوب سنی؟»...

#لطیف_هلمت
#شعر_اوجاغی
@SheirOcagi

▫️ائی منیم سئوگیلیم!
قارلی بیر چام اورمانیندا* نفس آلماغین بختیارلیغینا بنزر سنی سئومک...

#ناظیم_حیکمت

* شام (کاج) مئشه‌سی- شاملیق

#شعر_اوجاغی
@SheirOcagi

▫️جاناواردان قورخان، مئشه‌یه گیرمز...

📚 ایدیوت
#فئودور_داستایئوسکی
#شعر_اوجاغی
@SheirOcagi

▫️دوماندی، دوماندی.

یوخوما گلمه، گؤزلیم!
یوخوم دوماندی، دوماندی.
آهیم ائنر یوللارینا،
آهیم دوماندی، دوماندی.

سؤنن دئییل، مودام یانیر،
اورک سحر-آخشام یانیر.
اوزاقدادیر او شام، یانیر،
یاخین دوماندی، دوماندی.

«ائلشن عظیم» گئدر، قالماز.
ایللر قوشون، عؤمور سرباز.
سینه‌مده‌کی چالین-چارپاز،
داغیم دوماندی، دوماندی..‌‌.

#ائلشن_عظیم
#شعر_اوجاغی
@SheirOcagi

▫️تصادوف آدیندا بیر شئی یوخدور، هر شئیده بیر معنا وار.
سن اؤنملی بیر وارلیقسان. بوتون بو حیات و یارادیلیش محض سنین اوچوندور‌.
سن طبیعتین آجی و معناسیز بیر اویونو دئییلسن...

📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi

‍ ▫️سئویرم سنی.

سئویرم سنی،
چؤره‌یی دوزا باتیریب یئیر کیمی،

گئجه واختی قیزمالار ایچینده اویاناراق،
آغزیمی شیره دایاییب سو ایچر کیمی.

آغیر پست پاکتینی، نه‌یین نه‌سی بیلینمز،
تلاشلی، سئوینجلی، شوبهه‌لی آچار کیمی.

سئویرم سنی،
دنیزی اوچاقلا ایلک دفعه کئچر کیمی.

ایستانبولدا یوموشاجیق قارالیرکن اورتالیق،
ایچیمده قیمیلدانان بیر شئیلر کیمی.

سئویرم سنی،
«یاشاییریق، چوخ شوکور!» دئیر کیمی...

#ناظیم_حیکمت
#شعر_اوجاغی
@SheirOcagi

▫️کیم دئیه بیلر کی، منیم ایشیغیم سنین قارانلیغیندان یاخشیدیر؟...

📚 ال‌جرنون اوچون چیچک‌لر
#دانیئل_کئیز
#شعر_اوجاغی
@SheirOcagi

▫️من سنین قلبیندن، سنین قلبینین منه وئره بیله‌جه‌ییندن آرتیق هئچ بیر شئی ایسته‌یه بیلمرم...

📚 آلچالدیلمیش و تحقیر ائدیلمیش اینسانلار
#فئودور_داستایئوسکی
#شعر_اوجاغی
@SheirOcagi

▫️بیلدین‌می؟

دولوب یاغیش داملاسینا،
پنجره‌نیزی سئودیم.
بیلدین‌می؟
- بیلمه‌دیم.

گؤزوندن سرخوش کیمی،
ییخیلدیم اوره‌یینه.
گولدون‌مو؟
- بیلمه‌دیم.

اؤزوموزدن اؤنجه،
قاپیدا آیاق‌قابیلاریمیزین
قوشا دایانماغینی سئودیم،
سن ده سئودین‌می؟
- بیلمه‌دیم

سن یاتان اوره‌ییمه،
باشیمین سؤال
اللریمین نیدا قویولدوغونو
بیلیرسن‌می؟
- بیلمیرم

اللرین بولود کیمی
کؤلگه سالیر
ساچلاریمین ایشیغینا،
دئیه‌سن یاغیش یاغاجاق آخشاما،
خبرین وارمی؟
- بیلمیرم...

#قشم_نجف‌زاده
#شعر_اوجاغی
@SheirOcagi

سایین قروپداشلار!
بو شعرین دؤردونجو بندینین «سن یاتان اوره‌ییمه...» آنلامی حاقّیندا فیکیرلرینیزی یازین لوطفاً!

▫️سئیر ائدین ایشده کائیناتی بوتون!
دئوریلیر هر آدیمدا بیر عظمت.

دینله‌مز دونکی حادیثاتی بو گون،
پارلاییر هر دقیقه بیر حیکمت.

هر قارانلیقدا چیرپینیر بیر نور،
هر حقیقتده بیر خیال اویویور...

#حسین_جاوید
#شعر_اوجاغی
@SheirOcagi

‍ ▫️من دئییلدیم.

بیر آخشام اوستو پنجره‌ندن باخیردین،
آغیر-آغیر یول‌لارا ائنن قارانلیغا.
منه بنزه‌ین بیری کئچدی ائوینین اؤنوندن‌.
قلبین باشلادی تئز-تئز چیرپماغا؛
او کئچن من دئییلدیم.

بیر گئجه یاتاغیندا یاتیردین،
اویاندین بیردن سس‌سیز دونیایا،
بیر رؤیانین پارچاسی‌یدی گؤزلرینی آچان
و قارانلیق‌لار ایچینده‌یدی اوتاغین.
سنی گؤرن من دئییلدیم.

من چوخ اوزاقدایدیم او زامان،
گؤزلرین قوووشدو آغلاماغا،
سبب‌سیز آغلاماغا.
آرتیق منی دوشونمه‌یه باشلادیغیندان،
بوراخدین اؤزونو عشق ایچینده یاشاماغا؛
بونو بیلن من دئییلدیم.

بیر کیتاب اوخویوردون دالغین‌‌،
ایچینده اینسان‌لار سئویر،
یا دا اؤلوردولر.
گنج بیر کیشینی اؤلدوردولر روماندا.
قورخدون،
بوتون قادینلیغینلا آغلاماغا باشلادین؛
او اؤلن من دئییلدیم...

#اؤزدمیر_آصاف
#شعر_اوجاغی
@SheirOcagi

▫️بیر توپلومداکی اینسانلارین چوخونا گؤره، یارادیجیلیغین یوخلوغو، یاخشی بیر صیفت ساییلیرسا، او توپلومدا حاکیم اولان دورومو، قولایلیقلا دَییشمک اولماز...

📚 ایدیوت (آخماق)
#فئودور_داستایئوسکی
#شعر_اوجاغی
@SheirOcagi

▫️قاپیلار

بیلیر، گئدن قیشدی، گلن باهاردی.
آچیلیر بوداقدا یارپاق قاپیلار.
قارا بیر اوزونده، آغ بیر اوزونده،
ایشیغا، ظولمته اورتاق قاپیلار.

اورک کلمه-کلمه سوزولوب گئدر،
دونیا آغیزلاردا سؤز اولوب گئدر.
سؤز آیاق آلتیندا توز اولوب گئدر،
اولماسا دیل‌لره دوداق قاپیلار.

بیر ده گؤرورسن کی، چیرپیلیر اوزه،
بیر ایشیق سوزولوب سانجیلیر گؤزه.
اَییلیب کئچمه‌یی اؤیره‌دیر بیزه،
بویو بویوموزدان آلچاق قاپیلار.

کاغیذ قاپیلاری دؤیور بو قلم،
دؤیور کی، بیر مطلب اوستونه گلم.
آچیلسا نه فایدا، اؤرتولسه نه غم؟!
سورتوک داباناسی تاپداق قاپیلار.

هاردان آچیلیرسا اورا باغلانیر،
دؤنور چرچیوه‌لر تورا، باغلانیر.
بوتون قاپیلاردان سورا باغلانیر،
داش قیفیل آلتیندا تورپاق قاپیلار.

#ائلشن_عظیم
#شعر_اوجاغی
@SheirOcagi

▫️اؤزونو یارغیلاماق، باشقالارینی یارغیلاماقدان چوخ داها چتین‌دیر.
اؤزونو دوزگون یارغیلاماغی باجارماق، گئرچک داهی‌لیک‌دیر...

📚 بالاجا شاهزاده
#آنتوان_دو_سنت_اگزوپری
#شعر_اوجاغی
@SheirOcagi

▫️بعضاً اینسان اصلینده نه ایسته‌دییینی بیلمه‌یه جان آتمیر. بئله اولدوقدا اؤزونو داها راحات حیسّ ائدیر...

📚 منه دنیزدن دانیش!
#ائلچین_صفرلی
#شعر_اوجاغی
@SheirOcagi

‍ ▫️آخی دونیا فیرلانیر.

واختین دَییرمانیندا، داش اریدی قوم اولدو،
 تاریخه آتدیغیمیز قاییتدی لوزوم اولدو.
 دونَنین حقیقتی بو گون ترس یوزوم اولدو،
 نییه ده یوزولماسین؟ آخی دونیا فیرلانیر.

 چوخ اوولاقلار ایچینده چوخ اوولاری اوولادیم،
 آشیب-داشان آرزومو من آرتیق جیلوولادیم.
 من آتامی اؤتموشم، منی اؤتور ائولادیم،
 بو، بئله ده اولمالی، آخی دونیا فیرلانیر.

 دونن دوز ساندیغیمی بوگون اَیری سانیرام،
 بعضاً اولور اؤزومدن اؤزوم اوغورلانیرام.
 هر ایل باشقا آرزونون باشینا فیرلانیرام،
 نییه ده فیرلانماییم؟ آخی دونیا فیرلانیر.

 چوخ اَییلن گؤرموشم، اَییلمه‌ین باشلاری،
 سولار دورولدو، گوُردوک دیبینده‌کی داشلاری.
 عونوانینی دَییشدی دونَنین آلقیشلاری،
 نییه ده دَییشمه‌سین؟ آخی دونیا فیرلانیر.

 نئجه دؤنور بو دؤوران، نئجه دوُنور بو گردیش؟
 تازی‌لارین اوستونه دووشانلار دا گولرمیش.
 دونیا بینا اولاندان هر شئی دَییشیلرمیش،
 دَییشمه‌سین نئیله‌سین؟ آخی دونیا فیرلانیر.

 ابَدی‌نی دونیادا من ابَدی سانمادیم،
 بیر آتشه توتوشدوم، مین آتشه یانمادیم.
 بوتلر گلدی و گئتدی، بیرینه اینانمادیم،
 نییه اینانمالی‌یدیم؟ آخی دونیا فیرلانیر.

 فیرلاندیقجا بو دونیا، یوخ دا دؤنوب وار اولور،
 قورویان چشمه‌لردن سولار یئنه جار اولور.
 بو دونیانین خئیری ده، شری ده تکرار اولور،
 نییه تکرار اولماسین؟ آخی دونیا فیرلانیر.

 مین-مین ایللر بو دونیا بئله‌جه فیرلانسا دا،
 بیر یووانین بولبولو مین بوداغا قونسا دا،
 آیلار، ایللر، فصیللر بیر-بیرینی دانسا دا،
 دَییشمزدیر عقیده‌م، چوخ دا دونیا فیرلانیر.

 نه قدر ایسته‌ییرسه، مین او قدر فیرلانا،
 قارشیما گاه شر چیخا، گاه خئییر دیغیرلانا،
 چرخ-ی فلک ایسته‌ییر لاپ دولانا ترسینه،
 عقیده‌می هئچ نه‌یه دَییشمه‌رم من یئنه...

شعر و سس:
#بختیار_واهابزاده
#شعر_اوجاغی
@SheirOcagi

دیالوق

▫️الیندن بیر ایش گلمیر. بونو بیله-بیله، یئنه دؤزورسن...
دونیانین ان آغیر ایشگنجه‌سی‌ بودور...

📚 The Hunger Games
#فرانسیس_لارنس
2012 آمریکا
#شعر_اوجاغی
@SheirOcagi