Forwarded from اتچ بات
▫️سنسیز یاریم.
هر شئی یاریم.
دیشاریدا سنسیز بیر بازار ائرتهسی*
یئنیدن باشلاماق لازیم،
خاطیرلاماماق، ان یاخشیسی.
سنسیز یاریم، یاشاناجاق نه وارسا.
بیر یاریم "سلام" دئییر صاباحا،
آغیر قارانلیقدا قالمیش
سنسیز یاریم.
ماهنیلار یاریم،
سوسموش رادیولاردا، سئوگی
چکیب گئدیشین کیمی قاپقارا بؤیویور یوخلوغون جهنّمی.
یانیر توتوشموش یاریم.
رسیملر یاریم،
گؤزلرین یوخ،
ساچلارین یوخ
ال-اله گولموشوک گوللرین اؤنونده،
اللرین یوخ،
آغلاییر گولن یاریم.
سؤزلر یاریم،
اونودولموش نه وارسا سئودایا داییر،
ان گؤزل یئریندن وورموشسان سئوگینی؛
«سنی سئویرم» دئسم نه اولور؟
لال اولموش سؤیلهین یاریم.
قاپیلار یاریم،
ووروب گئدیشین، آرخانا باخماقسیزین.
بیر سیزی بوراخمیشسان،
آغرییر هر قاپی چالینیشدا
سنی گؤزلهین یاریم.
سنسیز یاریم،
یاشاناجاق نه وارسا.
بیر یاریم سلام دئییر صاباحا،
آغیر قارانلیقدا قالمیش
سنسیز یاریم،
سئوگی یاریم،
من یاریم،
هر شئی یاریم.
دیشاریدا سنسیز بیر بازار ائرتهسی،
یئنیدن باشلاماق لازیم،
خاطیرلاماماق، ان یاخشیسی...
#ابراهیم_صدری
* دوز گونو- دوشنبه
#شعر_اوجاغی
@SheirOcagi
هر شئی یاریم.
دیشاریدا سنسیز بیر بازار ائرتهسی*
یئنیدن باشلاماق لازیم،
خاطیرلاماماق، ان یاخشیسی.
سنسیز یاریم، یاشاناجاق نه وارسا.
بیر یاریم "سلام" دئییر صاباحا،
آغیر قارانلیقدا قالمیش
سنسیز یاریم.
ماهنیلار یاریم،
سوسموش رادیولاردا، سئوگی
چکیب گئدیشین کیمی قاپقارا بؤیویور یوخلوغون جهنّمی.
یانیر توتوشموش یاریم.
رسیملر یاریم،
گؤزلرین یوخ،
ساچلارین یوخ
ال-اله گولموشوک گوللرین اؤنونده،
اللرین یوخ،
آغلاییر گولن یاریم.
سؤزلر یاریم،
اونودولموش نه وارسا سئودایا داییر،
ان گؤزل یئریندن وورموشسان سئوگینی؛
«سنی سئویرم» دئسم نه اولور؟
لال اولموش سؤیلهین یاریم.
قاپیلار یاریم،
ووروب گئدیشین، آرخانا باخماقسیزین.
بیر سیزی بوراخمیشسان،
آغرییر هر قاپی چالینیشدا
سنی گؤزلهین یاریم.
سنسیز یاریم،
یاشاناجاق نه وارسا.
بیر یاریم سلام دئییر صاباحا،
آغیر قارانلیقدا قالمیش
سنسیز یاریم،
سئوگی یاریم،
من یاریم،
هر شئی یاریم.
دیشاریدا سنسیز بیر بازار ائرتهسی،
یئنیدن باشلاماق لازیم،
خاطیرلاماماق، ان یاخشیسی...
#ابراهیم_صدری
* دوز گونو- دوشنبه
#شعر_اوجاغی
@SheirOcagi
Telegram
attach 📎
▫️ناموس
گیزلین پاچ اویناییردیق. من و «ناموس»وم بیر طرفدهیدیک، بوتون اینسانلار باشقا یاندا گؤز یومموشدولار، بیز ایسه گیزلنمهلییدیک. اینسانلارین چوخو گؤز یومسا دا، بیر سیرالاری گیزلیندن باخیردی. اونلار بیلمهسه ده سئزیردیم گیزلیجه. آلما دئسم گلهجکدیلر، هئیوا دئسم یوخ. دهره دئسم هه، آغاج دئسم یوخ. اوراق دئسم گلجکدیلر، آلاق دئسم یوخ.
بیز بو قدر اینسانلارین گؤزلری اؤنونده یاخشی بیر یئرده گیزلنمهلییدیک. ناموسومو مطبخدن گؤتوروب قولتوغوما وورموشدوم، شهر-شهر دولانیردیم، خیابان-خیابان، کوچه-کوچه، گیزلنمهییمیزه اویغون بیر یئر تاپماق اوچون. ناموسوم گئتدیکجه آغیرلاشیردی. قوللاریم یورولوردو، اَلیمده هئی قالمامیشدی.
او بؤیوک ایدی. هاردا گیزلتسهیدیم تاپاجاقدیلار. بیز اویونو اودوزاجاقدیق. دهره دئدیم، اوراق دئدیم. سونرا ایسه ناموسومو خیردالتماغی دوشوندوم. اؤنجه باشینی بدنیندن، سونرا قول قیچینی. هرهسینی بیر یئرده گیزلتمهیه چالیشدیم، سوندا ایسه گؤودهسینی تورپاق آلتیندا، بیر آز سونرا اؤزومسه میلهلر آرخاسیندا گیزلنمیشدیم.
آلما دئدیم، دهره دئدیم، اوراق دئدیم. هر نه قدر باغیرسام دا گلمهدیلر، بیر نئچه ایل سوووشموشدو. هئیوا دئدیم، آغاج دئدیم، اوراق دئدیم، گلدیلر. بوراخیلدیم میلهلردن و بوگون بیر نئچه ایلدن سونرا یئنی بیر اویونا باشلامالییدیم، من و یئنی ناموسوم. اونلار بیزی تاپمیشدیلار، بیز هله اودمامیشدیق...
#ایلقار_موذنزاده
۱۴۰۰/۱۱/۲۱
@SheirOcagi
گیزلین پاچ اویناییردیق. من و «ناموس»وم بیر طرفدهیدیک، بوتون اینسانلار باشقا یاندا گؤز یومموشدولار، بیز ایسه گیزلنمهلییدیک. اینسانلارین چوخو گؤز یومسا دا، بیر سیرالاری گیزلیندن باخیردی. اونلار بیلمهسه ده سئزیردیم گیزلیجه. آلما دئسم گلهجکدیلر، هئیوا دئسم یوخ. دهره دئسم هه، آغاج دئسم یوخ. اوراق دئسم گلجکدیلر، آلاق دئسم یوخ.
بیز بو قدر اینسانلارین گؤزلری اؤنونده یاخشی بیر یئرده گیزلنمهلییدیک. ناموسومو مطبخدن گؤتوروب قولتوغوما وورموشدوم، شهر-شهر دولانیردیم، خیابان-خیابان، کوچه-کوچه، گیزلنمهییمیزه اویغون بیر یئر تاپماق اوچون. ناموسوم گئتدیکجه آغیرلاشیردی. قوللاریم یورولوردو، اَلیمده هئی قالمامیشدی.
او بؤیوک ایدی. هاردا گیزلتسهیدیم تاپاجاقدیلار. بیز اویونو اودوزاجاقدیق. دهره دئدیم، اوراق دئدیم. سونرا ایسه ناموسومو خیردالتماغی دوشوندوم. اؤنجه باشینی بدنیندن، سونرا قول قیچینی. هرهسینی بیر یئرده گیزلتمهیه چالیشدیم، سوندا ایسه گؤودهسینی تورپاق آلتیندا، بیر آز سونرا اؤزومسه میلهلر آرخاسیندا گیزلنمیشدیم.
آلما دئدیم، دهره دئدیم، اوراق دئدیم. هر نه قدر باغیرسام دا گلمهدیلر، بیر نئچه ایل سوووشموشدو. هئیوا دئدیم، آغاج دئدیم، اوراق دئدیم، گلدیلر. بوراخیلدیم میلهلردن و بوگون بیر نئچه ایلدن سونرا یئنی بیر اویونا باشلامالییدیم، من و یئنی ناموسوم. اونلار بیزی تاپمیشدیلار، بیز هله اودمامیشدیق...
#ایلقار_موذنزاده
۱۴۰۰/۱۱/۲۱
@SheirOcagi
▫️سؤزله ظارافات ائلهمه!
بو سؤزدو، درددی، قهَردی،
سونو ایشیقدی، سحَردی،
آتدی، جیلوودو، یهَردی،
سؤزله ظارافات ائلهمه!
بو طالعین بد یولودو،
توزلو-قوملو کند یولودو،
کیمهسه جنّت یولودو،
سؤزله ظارافات ائلهمه!
سؤزون، سوزو پوزماغی وار،
قایالارا یازماغی وار،
دوه کیمی قیزماغی وار،
سؤزله ظارافات ائلهمه!
قیلینج کیمی سووار سؤزو!
دؤیوشلره آپار سؤزو!
قورخار سؤزدن «مزار» سؤزو،
سؤزله ظارافات ائلهمه!
هارداسا عرضین یاشیدی،
قصد-غرض بیلمز؛ ناشیدی،
هارداسا احلَد داشیدی،
سؤزله ظارافات ائلهمه!...
#ممد_آراز
#شعر_اوجاغی
@SheirOcagi
بو سؤزدو، درددی، قهَردی،
سونو ایشیقدی، سحَردی،
آتدی، جیلوودو، یهَردی،
سؤزله ظارافات ائلهمه!
بو طالعین بد یولودو،
توزلو-قوملو کند یولودو،
کیمهسه جنّت یولودو،
سؤزله ظارافات ائلهمه!
سؤزون، سوزو پوزماغی وار،
قایالارا یازماغی وار،
دوه کیمی قیزماغی وار،
سؤزله ظارافات ائلهمه!
قیلینج کیمی سووار سؤزو!
دؤیوشلره آپار سؤزو!
قورخار سؤزدن «مزار» سؤزو،
سؤزله ظارافات ائلهمه!
هارداسا عرضین یاشیدی،
قصد-غرض بیلمز؛ ناشیدی،
هارداسا احلَد داشیدی،
سؤزله ظارافات ائلهمه!...
#ممد_آراز
#شعر_اوجاغی
@SheirOcagi
▫️نییه اینسانلارین بعضیلری یاخشی اولور، بعضیلری پیس؟ نییه بیر دفعه حبسه دوشَنلر تکرار-تکرار دوشور؟ نییه بیر اینسانین ایچی نیفرت و کینله دولودور، باشقاسینین ایچی سئوگییله؟ دوغرودان، بو تکجه تربیتدن آسیلیدیر؟ یوخسا بو، ژئنئتیک بیر خستهلیکدیر، «پیسلیک» خستهلییی؟...
📚 ائواکواسیا (Evakuasiya)
#قاراقان
#شعر_اوجاغی
@SheirOcagi
📚 ائواکواسیا (Evakuasiya)
#قاراقان
#شعر_اوجاغی
@SheirOcagi
▫️یاشاسین شعریمده سؤزو آتامین!
داغ کیمی اوجادیر، باشیندا قاری،
بورویوب ائلیمی اونون ووقاری،
دئییرم سولماسین باغی، باهاری.
نیگران قالماسین گؤزو آتامین،
یاشاسین شعریمده سؤزو آتامین.
اللری قاباردیر، اورهیی یارا،
باخیشی، درمانسیز دردیمه چارا.
بویانیب یاغیشا، توش گلیب قارا.
یازیمدا قالاجاق ایزی آتامین،
یاشاسین شعریمده سؤزو آتامین.
دردین اورهیینی داغلایا بیلمیر،
دولور بولود کیمی، چاغلایا بیلمیر،
غیرت سیمگهسیدیر، آغلایا بیلمیر.
یازیرام: «سارسیلماز دیزی آتامین.»
یاشاسین شعریمده سؤزو آتامین.
«دومان»لی چاغیمدا دالیر خیالا،
بویلانیر قوپوزوم دیلغم-ی چالا.
سئویرم قوشمامین قوناغی اولا،
یاپیشا الیمدن اؤزو آتامین،
یاشاسین شعریمده سؤزو آتامین.
آیاق ایزلرینده دؤزوم گول آچیر،
گؤزونده یئر سالیر، گؤزوم گول آچیر.
یانیرام عشقینده، کؤزوم گول آچیر.
سؤنمز اوجاغیندا کؤزو آتامین،
یاشاسین شعریمده سؤزو آتامین...
#دومان_بختیاری
@SheirOcagi
داغ کیمی اوجادیر، باشیندا قاری،
بورویوب ائلیمی اونون ووقاری،
دئییرم سولماسین باغی، باهاری.
نیگران قالماسین گؤزو آتامین،
یاشاسین شعریمده سؤزو آتامین.
اللری قاباردیر، اورهیی یارا،
باخیشی، درمانسیز دردیمه چارا.
بویانیب یاغیشا، توش گلیب قارا.
یازیمدا قالاجاق ایزی آتامین،
یاشاسین شعریمده سؤزو آتامین.
دردین اورهیینی داغلایا بیلمیر،
دولور بولود کیمی، چاغلایا بیلمیر،
غیرت سیمگهسیدیر، آغلایا بیلمیر.
یازیرام: «سارسیلماز دیزی آتامین.»
یاشاسین شعریمده سؤزو آتامین.
«دومان»لی چاغیمدا دالیر خیالا،
بویلانیر قوپوزوم دیلغم-ی چالا.
سئویرم قوشمامین قوناغی اولا،
یاپیشا الیمدن اؤزو آتامین،
یاشاسین شعریمده سؤزو آتامین.
آیاق ایزلرینده دؤزوم گول آچیر،
گؤزونده یئر سالیر، گؤزوم گول آچیر.
یانیرام عشقینده، کؤزوم گول آچیر.
سؤنمز اوجاغیندا کؤزو آتامین،
یاشاسین شعریمده سؤزو آتامین...
#دومان_بختیاری
@SheirOcagi
▫️باخارکن قییاماماق می،
یوخسا باخدیقجا دویاماماقمیدیر عشق؟!...
#اؤزدمیر_آصاف
#شعر_اوجاغی
@SheirOcagi
یوخسا باخدیقجا دویاماماقمیدیر عشق؟!...
#اؤزدمیر_آصاف
#شعر_اوجاغی
@SheirOcagi
▫️آتا و قیزی
دونن بیر من، بیر مَلَک،
سئودایا آلیشیردیق.
آلتی یاشلی قیزیملا،
اوتوروب دانیشیردیق.
دئدی: آتا، اؤزونو-
سن کیمه بَنزَدیرسن؟!
سن نمنه اولارسان،
بیر آیری دونا گیرسن؟
دئدیم: قیزیم، سؤزومو-
بئله ایضاح ائدیرم:
هر مهربان آتانی،
بیر دئوه بنزدیرم.
ناغیللاردا دئولرین،
ایلدیریم تک سسی وار.
هر دئوین کناریندا،
عؤمرونون شیشهسی وار.
تفنگ ایله، بیچاقلا،
دئولری وورماق اولماز.
سینماسا جان شیشهسی،
دِئوی اؤلدورمک اولماز.
دئولرین دریسینی،
نه اوخ، نه بیچاق دلَر.
سینسا عؤمور شیشهسی،
او لحظه دئو ده اؤلر.
قیزیم، قیزیلیم، جانیم!
حیاتیمین بسیسن.
من دئوم، سن ده منیم،
عؤمرومون شیشهسیسن.
#چنگیز_آقایی
@SheirOcagi
دونن بیر من، بیر مَلَک،
سئودایا آلیشیردیق.
آلتی یاشلی قیزیملا،
اوتوروب دانیشیردیق.
دئدی: آتا، اؤزونو-
سن کیمه بَنزَدیرسن؟!
سن نمنه اولارسان،
بیر آیری دونا گیرسن؟
دئدیم: قیزیم، سؤزومو-
بئله ایضاح ائدیرم:
هر مهربان آتانی،
بیر دئوه بنزدیرم.
ناغیللاردا دئولرین،
ایلدیریم تک سسی وار.
هر دئوین کناریندا،
عؤمرونون شیشهسی وار.
تفنگ ایله، بیچاقلا،
دئولری وورماق اولماز.
سینماسا جان شیشهسی،
دِئوی اؤلدورمک اولماز.
دئولرین دریسینی،
نه اوخ، نه بیچاق دلَر.
سینسا عؤمور شیشهسی،
او لحظه دئو ده اؤلر.
قیزیم، قیزیلیم، جانیم!
حیاتیمین بسیسن.
من دئوم، سن ده منیم،
عؤمرومون شیشهسیسن.
#چنگیز_آقایی
@SheirOcagi
▫️نییه بعضی اینسانلار بعضی شئیلری هئچ بیلمیرلر؟ ائشیتسهلر، دینلهسهلر، قارشیلاریندا گؤرسهلر بئله، بیلمیرلر...
📚 ائیلمبیلیم
#اوغوز_آتای
#شعر_اوجاغی
@SheirOcagi
📚 ائیلمبیلیم
#اوغوز_آتای
#شعر_اوجاغی
@SheirOcagi
▫️گوجلو اولان سنسن، ضعیف اولان من. چونکی سئودا اوخویلا یارالانمیشام...
📚 حوضورسوزلوق
#زولفو_لیوانئلی
#شعر_اوجاغی
@SheirOcagi
📚 حوضورسوزلوق
#زولفو_لیوانئلی
#شعر_اوجاغی
@SheirOcagi
▫️اودوزور.
«بختور» دئدیکلریمیز،
بخته، ناخیشا اودوزور.
اؤزونو عاقیل بیلنلر،
اورهیی، باشا اودوزور.
سئل آپاریب، یول کسیلی.
یویوب حسرت دؤنگهسینی.
قارا بولود کؤلگهسینی،
لئیسان یاغیشا اودوزور.
یول گؤزلهین تک اوتاقدی،
ازل یوخدو، آخیر یوخدو.
اؤلوم، قیزیل کیمی واختی-
گؤز ایله قاشا اودوزور.
سئوگی ده قوناق کیمیدی،
کوسهین اوشاق کیمیدی،
آغ ساچ، آغ بایراق کیمیدی،
گنجلییی یاشا اودوزور...
#ائلشن_عظیم
#شعر_اوجاغی
@SheirOcagi
«بختور» دئدیکلریمیز،
بخته، ناخیشا اودوزور.
اؤزونو عاقیل بیلنلر،
اورهیی، باشا اودوزور.
سئل آپاریب، یول کسیلی.
یویوب حسرت دؤنگهسینی.
قارا بولود کؤلگهسینی،
لئیسان یاغیشا اودوزور.
یول گؤزلهین تک اوتاقدی،
ازل یوخدو، آخیر یوخدو.
اؤلوم، قیزیل کیمی واختی-
گؤز ایله قاشا اودوزور.
سئوگی ده قوناق کیمیدی،
کوسهین اوشاق کیمیدی،
آغ ساچ، آغ بایراق کیمیدی،
گنجلییی یاشا اودوزور...
#ائلشن_عظیم
#شعر_اوجاغی
@SheirOcagi
▫️نه یاخشی!
دولدوم تئللرینه،
دولدوم اللرینه،
دولدوم یوللارینا،
هر شئیه باغلادین منی.
کولکلره سؤز یازدیم،
تئز آییلدیم، آیازدیم.
بیر چای کیمی دایازدیم،
کئچیب آیاقلادین منی.
یاندیم، اودوما دوشدون
سئودیم، آدیما دوشدون
یئنه یادیما دوشدون،
نه یاخشی، یوخلادین منی!...
#قشم_نجفزاده
#شعر_اوجاغی
@SheirOcagi
دولدوم تئللرینه،
دولدوم اللرینه،
دولدوم یوللارینا،
هر شئیه باغلادین منی.
کولکلره سؤز یازدیم،
تئز آییلدیم، آیازدیم.
بیر چای کیمی دایازدیم،
کئچیب آیاقلادین منی.
یاندیم، اودوما دوشدون
سئودیم، آدیما دوشدون
یئنه یادیما دوشدون،
نه یاخشی، یوخلادین منی!...
#قشم_نجفزاده
#شعر_اوجاغی
@SheirOcagi
▫️بو گئجه ده لول كئفلییم،
لال اولموش دیلیم دولاشیر.
اورهییمه قورخو دولور،
قیچیما یولوم دولاشیر.
آغریسی دیزیمده قالدی،
باخیشی گوُزومده قالدی.
اللریم اوزومده قالدی،
بوینوما قولوم دولاشیر.
اوُزللشیر گوُيون اوزو،
هیم-جیم ائدیر آى، اولدوزو.
اورهییمه قونشو قیزی،
الیمه گولوم دولاشير...
#رامین_امیریپور
@SheirOcagi
لال اولموش دیلیم دولاشیر.
اورهییمه قورخو دولور،
قیچیما یولوم دولاشیر.
آغریسی دیزیمده قالدی،
باخیشی گوُزومده قالدی.
اللریم اوزومده قالدی،
بوینوما قولوم دولاشیر.
اوُزللشیر گوُيون اوزو،
هیم-جیم ائدیر آى، اولدوزو.
اورهییمه قونشو قیزی،
الیمه گولوم دولاشير...
#رامین_امیریپور
@SheirOcagi
▫️سندن اولان پاییم،
منی
گوندوزلر دلی،
گئجهلر شاعیر ائدن،
سونسوز بیر داریخمادیر...
#کامران_فریدی
#شعر_اوجاغی
@SheirOcagi
منی
گوندوزلر دلی،
گئجهلر شاعیر ائدن،
سونسوز بیر داریخمادیر...
#کامران_فریدی
#شعر_اوجاغی
@SheirOcagi
▫️بعضاً ان دلیسوو، ان ایمکانسیز گؤرونن بیر فیکیر، اینسانین بئینینه ائله مؤحکم ساپلانیر کی، آخیردا اونون گئرچکلشهجهیینه اینانیرسان...
📚 قومارباز
#فئودور_داستایئوسکی
#شعر_اوجاغی
@SheirOcagi
📚 قومارباز
#فئودور_داستایئوسکی
#شعر_اوجاغی
@SheirOcagi
▫️دوست گئرچکلری، دوشمن ایشینه گلنی، دلی آغزینا گلنی، عاشیق ایچیندن کئچنی سؤیلر...
#اؤزدمیر_آصاف
#شعر_اوجاغی
@SheirOcagi
#اؤزدمیر_آصاف
#شعر_اوجاغی
@SheirOcagi
Forwarded from اتچ بات
▫️ظارافات گلمهسین سنه بو دونیا!
ظارافات ائلهمه، قوربانین اولوم!
بو دونیا ظارافات مئیدانی دئییل.
قاریشقا یئریشی راحات یئریشدی،
بو مئیدان کؤهلن آت مئیدانی دئییل.
اوینادیب، چوخ شئیی اومار؛ اویناما!
ائتسه ده روحونو خومار، اویناما!
سن بو قوماربازلا قومار اویناما،
ظارافات گلمهسین سنه بو دونیا!
چوخ یئرده قبرینی قازان اولاجاق،
باشین قایناماقدان قازان اولاجاق.
سانما یاشاماغین آسان اولاجاق،
ظارافات گلمهسین سنه بو دونیا!
غئیبتین قویوسو، حیلهنین تورو،
سنه دیری-دیری گؤسترر گورو.
باشین وار، باشسیزدان باشینی قورو،
ظارافات گلمهسین سنه بو دونیا!
یوخسوللوق یوخسولون باغرینا اوخدو،
مزهسی توخلارین معدهسی توخدو.
فیل وار قاریشقاجا حؤرمتی یوخدو،
ظارافات گلمهسین سنه بو دونیا!
هله نئچه دفعه تویون اولاجاق،
چوخ یئرده مکرلی اویون اولاجاق،
شیر، پلنگ، چئوریلیب قویون اولاجاق،
ظارافات گلمهسین سنه بو دونیا!
آغلاسان گؤزونو یاش آپاراجاق،
خیرماندان دنینی قوش آپاراجا،
دونیادان الینی بوش آپاراجاق.
ظارافات گلمهسین سنه بو دونیا!
شیطان دورا-دورا شرلهنر دوه،
قاطیر قویروغوندا هرلهنر دوه،
حیرصیندن ییخیلار، تیرلهنر دوه.
ظارافات گلمهسین سنه بو دونیا!
موغامی آغلاماق، والی آغلاماق،
والین دا قیریلمیش حالی، آغلاماق،
فیشقیریق چالماغین دالی آغلاماق.
ظارافات گلمهسین سنه بو دونیا!
یاسین یئددیسی وار، اوچو، قیرخی وار،
قبیر یئرینین ده حاقّی، نیرخی وار.
اؤلومدن سونرا دا هله قورخو وار،
ظارافات گلمهسین سنه بو دونیا!
«زلیمخان!» حسرتین یئددی قات اولور،
حیاتین قان دولو بیر حیات اولور.
ظارافات ائلهسن، شاهین مات اولور،
ظارافات گلمهسین سنه بو دونیا!...
#زلیمخان_یعقوب
#شعر_اوجاغی
@SheirOcagi
ظارافات ائلهمه، قوربانین اولوم!
بو دونیا ظارافات مئیدانی دئییل.
قاریشقا یئریشی راحات یئریشدی،
بو مئیدان کؤهلن آت مئیدانی دئییل.
اوینادیب، چوخ شئیی اومار؛ اویناما!
ائتسه ده روحونو خومار، اویناما!
سن بو قوماربازلا قومار اویناما،
ظارافات گلمهسین سنه بو دونیا!
چوخ یئرده قبرینی قازان اولاجاق،
باشین قایناماقدان قازان اولاجاق.
سانما یاشاماغین آسان اولاجاق،
ظارافات گلمهسین سنه بو دونیا!
غئیبتین قویوسو، حیلهنین تورو،
سنه دیری-دیری گؤسترر گورو.
باشین وار، باشسیزدان باشینی قورو،
ظارافات گلمهسین سنه بو دونیا!
یوخسوللوق یوخسولون باغرینا اوخدو،
مزهسی توخلارین معدهسی توخدو.
فیل وار قاریشقاجا حؤرمتی یوخدو،
ظارافات گلمهسین سنه بو دونیا!
هله نئچه دفعه تویون اولاجاق،
چوخ یئرده مکرلی اویون اولاجاق،
شیر، پلنگ، چئوریلیب قویون اولاجاق،
ظارافات گلمهسین سنه بو دونیا!
آغلاسان گؤزونو یاش آپاراجاق،
خیرماندان دنینی قوش آپاراجا،
دونیادان الینی بوش آپاراجاق.
ظارافات گلمهسین سنه بو دونیا!
شیطان دورا-دورا شرلهنر دوه،
قاطیر قویروغوندا هرلهنر دوه،
حیرصیندن ییخیلار، تیرلهنر دوه.
ظارافات گلمهسین سنه بو دونیا!
موغامی آغلاماق، والی آغلاماق،
والین دا قیریلمیش حالی، آغلاماق،
فیشقیریق چالماغین دالی آغلاماق.
ظارافات گلمهسین سنه بو دونیا!
یاسین یئددیسی وار، اوچو، قیرخی وار،
قبیر یئرینین ده حاقّی، نیرخی وار.
اؤلومدن سونرا دا هله قورخو وار،
ظارافات گلمهسین سنه بو دونیا!
«زلیمخان!» حسرتین یئددی قات اولور،
حیاتین قان دولو بیر حیات اولور.
ظارافات ائلهسن، شاهین مات اولور،
ظارافات گلمهسین سنه بو دونیا!...
#زلیمخان_یعقوب
#شعر_اوجاغی
@SheirOcagi
Telegram
attach 📎
▫️یاریم قالدی.
سن ایندی،
باشقا شهرلرده یاغماق یئرینه،
کوچهمه دوشن یاغیش اولمالییدین.
روحوم آیاق یالین ایسلانمالییدی-
سن اوزریمه-اوزریمه دوشدوکجه.
اوشویرکن یانمالییدیم-
اللریمیز، نفسلریمیز بیرلشدیکجه.
سن گئدهلی نفسلر یاریم،
یاغیشلار یاریم قالدی...
سن ایندی،
بوردا اولسایدین،
چایی سویوق ایچمز،
کوچه لامپلارینا باخیب
آغلامازدیم...
گؤزلرینه باخدیقجا شعر اولاردی-
دیلیمدن تؤکولن هر جومله...
اورهییم روحونلا سئویشردی،
یا دا سن کیمی بیاض بیر صحیفهیه،
اورهییمی مورکّب ائدیب سنی یازاردیم.
سن گئدهلی بیاضلار قارا،
قلملر قیریق،
صحیفهلر یاریم،
شعرلر یاریم قالدی...
سن ایندی،
سنی اونوتدوم سانیرسان،
ساختا گولن اوزومه آلداناراق.
اؤیله اوزاقدان باخماقلا،
نه آجیلار گؤرونر، نه ده سئوینجلر.
بوتون تقویملر سنسیزلییی گؤستریرکن،
جانی جهنّمه یاریم قالان صاباحلارین،
آلینان هر نفس اؤلومدن اؤته،
یوخلوغونون یانغینی آتشدن بئتر.
سن گئدهلی موتلولوق یاریم،
گونون دوغوشو یاریم، باتیشی یاریم.
سن گئدهلی «من» یاریم قالدی...
#بدیرخان_آلماس
#شعر_اوجاغی
@SheirOcagi
سن ایندی،
باشقا شهرلرده یاغماق یئرینه،
کوچهمه دوشن یاغیش اولمالییدین.
روحوم آیاق یالین ایسلانمالییدی-
سن اوزریمه-اوزریمه دوشدوکجه.
اوشویرکن یانمالییدیم-
اللریمیز، نفسلریمیز بیرلشدیکجه.
سن گئدهلی نفسلر یاریم،
یاغیشلار یاریم قالدی...
سن ایندی،
بوردا اولسایدین،
چایی سویوق ایچمز،
کوچه لامپلارینا باخیب
آغلامازدیم...
گؤزلرینه باخدیقجا شعر اولاردی-
دیلیمدن تؤکولن هر جومله...
اورهییم روحونلا سئویشردی،
یا دا سن کیمی بیاض بیر صحیفهیه،
اورهییمی مورکّب ائدیب سنی یازاردیم.
سن گئدهلی بیاضلار قارا،
قلملر قیریق،
صحیفهلر یاریم،
شعرلر یاریم قالدی...
سن ایندی،
سنی اونوتدوم سانیرسان،
ساختا گولن اوزومه آلداناراق.
اؤیله اوزاقدان باخماقلا،
نه آجیلار گؤرونر، نه ده سئوینجلر.
بوتون تقویملر سنسیزلییی گؤستریرکن،
جانی جهنّمه یاریم قالان صاباحلارین،
آلینان هر نفس اؤلومدن اؤته،
یوخلوغونون یانغینی آتشدن بئتر.
سن گئدهلی موتلولوق یاریم،
گونون دوغوشو یاریم، باتیشی یاریم.
سن گئدهلی «من» یاریم قالدی...
#بدیرخان_آلماس
#شعر_اوجاغی
@SheirOcagi
▫️عادی دورومدا خیردا گؤرونن بئله شئیلرین اؤنَمینی، یوخا چیخدیقلاریندا داها یاخشی آنلاییرسان....
📚 «کاتالونیا»نی خاطیرلارکن
#جورج_اوروئل
#شعر_اوجاغی
@SheirOcagi
📚 «کاتالونیا»نی خاطیرلارکن
#جورج_اوروئل
#شعر_اوجاغی
@SheirOcagi
▫️اونلار بیر-بیرلرینی سئویردیلر...
بیر-بیرلرینه کیچیک هدیهلر وئرمکله، طیٌارهنین پنجرهسیندن گؤرونن هر هانسی بیر منظرهیه باخماقلا، نه واختسا اوخودوقلاری کیتابلاردان عیبرتلی سطیرلرله، کئچمیشدن تصادوفی خاطیرهلرله، اؤزلرینی اَیلندیریردیلر...
📚 پیشیک بئشییی
#کورت_ونهگات
#شعر_اوجاغی
@SheirOcagi
بیر-بیرلرینه کیچیک هدیهلر وئرمکله، طیٌارهنین پنجرهسیندن گؤرونن هر هانسی بیر منظرهیه باخماقلا، نه واختسا اوخودوقلاری کیتابلاردان عیبرتلی سطیرلرله، کئچمیشدن تصادوفی خاطیرهلرله، اؤزلرینی اَیلندیریردیلر...
📚 پیشیک بئشییی
#کورت_ونهگات
#شعر_اوجاغی
@SheirOcagi
▫️رؤیاسینی گؤرموشدوم.
من رؤیادا نازلی یارین،
تئللرینی هؤرموشدوم.
بو سئوینجلی زامانلارین،
رؤیاسینی گؤرموشدوم.
ائلین دالغین اولدوغو گون،
خولیام منی گولدوردو.
اینانمایان ایمانسیزین،
دردی منی اؤلدوردو.
بیر زامانچون بیزیم گونش،
قارا توله ساریلدی.
هر کس اوندان اومیدسیزکن،
منیم کؤنلوم داریلدی.
اونوداراق کور سئودانی،
یاشیل سؤیود داللاریندا،
منیم گؤزوم ایلک آرادی،
اونو «توران» یوللاریندا.
بیر گون اولدو بیزیمکیلر،
اولدو بیزی بَیَنمز.
من دئدیم کی، میلّتیمین،
سرمایهسی توکَنمز...
#احمد_جاواد
#شعر_اوجاغی
@SheirOcagi
من رؤیادا نازلی یارین،
تئللرینی هؤرموشدوم.
بو سئوینجلی زامانلارین،
رؤیاسینی گؤرموشدوم.
ائلین دالغین اولدوغو گون،
خولیام منی گولدوردو.
اینانمایان ایمانسیزین،
دردی منی اؤلدوردو.
بیر زامانچون بیزیم گونش،
قارا توله ساریلدی.
هر کس اوندان اومیدسیزکن،
منیم کؤنلوم داریلدی.
اونوداراق کور سئودانی،
یاشیل سؤیود داللاریندا،
منیم گؤزوم ایلک آرادی،
اونو «توران» یوللاریندا.
بیر گون اولدو بیزیمکیلر،
اولدو بیزی بَیَنمز.
من دئدیم کی، میلّتیمین،
سرمایهسی توکَنمز...
#احمد_جاواد
#شعر_اوجاغی
@SheirOcagi
▫️یوخونون ایچینده بیر رؤیا،
رؤیامدا بیر گئجه،
گئجهده من،
بیر یئره گئدیرم، دلیجهسینه.
عاغلیمدا سن...
#اؤزدمیر_آصاف
#شعر_اوجاغی
@SheirOcagi
رؤیامدا بیر گئجه،
گئجهده من،
بیر یئره گئدیرم، دلیجهسینه.
عاغلیمدا سن...
#اؤزدمیر_آصاف
#شعر_اوجاغی
@SheirOcagi