▫️هر زامان، اؤز پورتره‌می چکیردیم؛ چونکی چوخ واخت یالنیز ایدیم و ان یاخشی بیلدیگیم اینسان دا اؤزوم ایدیم..‌.

#فریدا_کاهلو
#شعر_اوجاغی
@SheirOcagi

▫️مسکن ای بولبول، سنه گَه شاخِ گولدور، گَه قفس،
نئجه عاشقسن، کی آهیندان توتوشماز خار و خس؟

یار کویوندا، مسلمان‌لار! گر اولسایدی یئریم،
کافرم گر روضه‌ی رضوانلا ائیلردیم هوس.

کوه، فریادِ صداسین وئردی فرهادین، دئمن،
نقشِ شیرین‌دیر وئریر آواز، اولوب فریادرس.

ناقه، لیلی محملین چکمیش بیابان سئیرینه،
ائیله مجنونو بو حالتدن خبردار، ای جرس!

بیر رمق قالمیش حیاتیمدان حبیبیم! صبح تک،
نولا گر بیر مهر گؤسترسن منه آخر نفس؟

خالی ائتدیم دل، هوای اختلاطِ خلقدن،
بزمِ غمده نئی کیمی همدم منه فریاد بس.

ای «فضولی!» گر سنه جمعیّتِ دل‌دیر مُراد،
باغلا بیر دلدارا کؤنلون، غیردن پیوندی کس!...

#حکیم_ملامحمد_فضولی
#شعر_اوجاغی
@SheirOcagi

▫️البتّه بعضاً اؤزومو ائله گؤستریردیم کی، گویا حیاتا جیدّی یاناشیرام. آنجاق تئزلیکله اؤزوم اوچون آچیقلاییردیم کی بو جیدّی‌لیگین معناسی یوخدور...

📚 چؤکوش
#آلبر_کامو
#شعر_اوجاغی
@SheirOcagi

دیالوق

▫️داماغیندا بالاجا بیر یارا اولوشاندا، اونا دیل وورماییب دویارسیز اولسان، اؤز-اؤزونه توختایاجاق...
او قادین منیم اوچون، دویارسیز اولا بیلمه‌دیییم او یارا ایدی...

📽 Fight Club
#دیوید_فینچر
آمریکا 1999
#شعر_اوجاغی
@SheirOcagi

▫️سؤز وئردیم 3

تام سویوق قانلیلیق‌لا، تام مایماقلیق‌لا،
آرخامداکی بوتون کؤرپولری ییخماغا، سؤز وئردیم.
گیزلیجه، بوتون قادینلاری اؤلدورمه‌یه قرار وئریب، سنه قارشی ساواش اعلان ائتدیم.
آمّا کؤکسونه دوغرو سیلاح چکنده، یئنیلدیم.
و تیتره‌دیم، باریش سئور اللرینی گؤرنده‌.

سؤز وئردیم کی...
سؤز وئردیم...
سؤز...
و بوتون سؤزلریم توستو اولوب هاوایا اوچدو...

#نزار_قبانی
#شعر_اوجاغی
@Sheirocagi

‍ ▫️بویور اوستا!

- اوغلوم، ۱۳-۱۴ آچاری وئر!
+ آل اوستا!

- اوغلوم، یات موتورون آلتینا، نه‌یی وار، بیر باخ!
+ یاخشی، اوستا!

- اوغلوم، یاخشی برکیت پیچی، سونرا یییه‌سی نه دئیَر؟
+ برکیدیرم اوستا!
گوجوم چاتدیغی قدر،
اوره‌ییم چاتدیغی قدر، برکیدیرم ایشده.

- اوغلوم، ترله‌میشسن،
آخماسین ترین موتورا
موتور پاسلار سونرا.
+ اولورمو به اوستا؟
تر پاسلادار می؟
گؤز یاشی پاسلادار می؟

- اوغلوم، نه دئییرسن؟ باخ ایشینه!
+ باخیرام، اوستا!
یالنیز، اللریم...
اللریم چاتلامیش به اوستا!
اللریم آجی ایچینده،
اوره‌ییم وار اللریمده،
اوره‌ییم یانیر، اوستا!
قان تر ایچینده...
هم، اوستا!
سن هئچ شار اوینادین می کوچه‌ده؟
قیرمیزی جیلیدلی دفترلرین وارمی‌یدی؟
هئچ گئتدین می اوخولا؟
اوخول نئجه بیر شئیدیر، اوستا؟!
اؤیرتمن نئجه بیری‌دیر؟
اوردا دا موتور باخدیریرلار می کی؟
اوردا دا سؤیوش وئرلر می اوشاقلارا؟
اوردا دا دؤیَرلر می به اوستا؟!

- اوغلوم، باخ ایشینه! حیرصلندیرمه منی!
+ یاخشی، اوستا!
ها، اوستا!
سنین آنان دا ساچلارینی اوخشارمی‌یدی؟
سنه آغلارمی‌یدی گئجه‌نین قیرمیزی آلوووندا؟
دوغرودان اوستا! سن هئچ آغلادین می،
بیر صاباح جانسیز دوشنده آنان-
یاواشجا گؤزلرینین اؤنونده؟

- اوغلوم، باخ ایشینه!
حؤوصله‌دن چیخارما منی!
گیر موتورون آلتینا!
+ اوستا، دور، حیرصلَنمه!
باخ، گیریرم موتورون آلتینا!
دونیانین آلتینا گیریرم اوستا!
دونیانین آلتینا گیریرم.
یاردیما گرک یوخ، اوستا!
یاردیما گرک یوخ!
من اورا اوره‌ییمی قویورام،
اینان، داشیییر، اوستا!...

شعر و سس:
#ابراهیم_صدری
#شعر_اوجاغی
@SheirOcagi

▫️اینسان چوخلارینین سئویملیسی‌دیرسه، آمّا ان آزی بیر نفرین «ان سئویملیسی» دئییلسه، یئنه ده اؤزونو یالنیز حیسّ ائده‌جک...

📚 گونده‌لیک
#آنه_فرانک
#شعر_اوجاغی
@SheirOcagi

▫️قادین و سئوگی حاقّیندا همیشه هیجان و شؤوقله دانیشیردی، لاکین بونا باخمایاراق، عؤمرونده بیر یول دا اولسون، بیرینه وورولمامیشدی...

📚 آلتی نؤمره‌لی اوتاق
#آنتون_چئخوو
#شعر_اوجاغی
@SheirOcagi

▫️تامارزی‌دیر.

بوردا بولود گیله بیر داغ تامارزی‌دیر،
ایللر، یاشیللیغا باغ-باغ تامارزی‌دیر

بوردا قیسیر یاشاییر دوغما بت-بره،
بوردا گولوشلره تورپاق تامارزی‌دیر.

پای-پوشک اولورسا دنیز آرزولو یوخو،
بیر کئفلی ایچگییه بارداق تامارزی‌دیر.

جانسیزلاییب اره‌میک* دویغولار، حئییف!
سونسوزجا کؤرپه‌یه قونداق تامارزی‌دیر.

آرتیق، توتوب آغاجین نَس دامارلاری،
کؤورک ایپک گوله، یارپاق تامارزی‌دیر.

ایچمیر گؤزوم سو قالیق تانریدان هله،
بوردا بولود گیله بیر داغ تامارزی‌دیر...

* قیسیر

#یعقوب_نیکزاد
@SheirOcagi

▫️آخی کیم بیلیر سنی نه قدر سئودیییمی؟ آخی کیم بیلیر بوتون آرزولاریم، -سنین خیالینی تامسینیب، تصوّورونله سئویشه بیلمک اوچون- بیر ساعات اؤزومله تک قالماقدی؟...

#احمد_شاملو
#شعر_اوجاغی
@SheirOcagi

▫️اونلارین فیکری بیر-بیرینده‌دیر، بیر-بیرینین ووجودوندا یاشاییرلار.
عشق بوندان باشقا نه‌دیر کی؟

#مارگریت_دوراس
#شعر_اوجاغی
@SheirOcagi

▫️منی آلدادایدین!

منی آلدادایدین پاییزا کیمی،
سولان یارپاقلارا چاتایدیم باری.
منی آپارایدین پاییزا کیمی،
منی آغلایایدی پاییز تویلاری!

ائله باهار کیمی سئوه‌یدین منی،
بیر آغاج اولایدیم باخیشلاریندا.
آچیب حیسلریمی قیز ساچی کیمی،
آخیب دورولایدیم باخیشلاریندا.

بیر مکتوب یازایدین منیم آدیما،
توفانلی دنیزده آدا تاپایدیم.
بیر مکتوب یازایدین منیم آدیما
یئریمی مکتوبدا سالیب یاتایدیم.

یاشیل یارپاقلاردا اؤله بیلمیرم،
منی بو باهاردا دۆشورمه‌یه‌یدین.
منی آپارایدین پاییزا کیمی،
اوردا یاغیشلارلا اؤلوب گئده‌یدیم. 

اوردا بیر قاتارا مینیک باشلانیب،
منی آلدادایدین پاییزا کیمی.
اوردا یوللار تویلو، گؤیلر یاغیشلی،
اوزه‌یدیم، اوزه‌یدیم دنیزه کیمی...

#قشم_نجف‌زاده
@SheirOcagi

▫️دلی‌لر چیخدی گئتدی،
بو دلی‌خانا قالدی.
بو خارابا ائو-ائشیک،
خاطایا-قانا قالدی.

یورد قارا یاتاق اولدو،
درد اوتاق-اوتاق اولدو‌.
سؤندو ایگید چیراقلار،
ائو یانا-یانا قالدی.

اوخودولار اذانی،
آسدیلار یاس قازانی.
قازانج اولو یووانا-
قبیرقازانا قالدی.

سوپورگه گؤتوردولر،
هر شئیی سوپوردولر.
بیر سویوق مزار داشی،
بیر دلی آنا قالدی.

سازلاری آسدیردیلار،
قوشلاری سوسدوردولار‌
بوندان بئله بیزیمکی،
کور ایت اوچانا قالدی...

#نادر_الهی
#شعر_اوجاغی
@SheirOcagi

▫️اوتاغیمداکی گوزگونون کونجونه، وطن بایراغینی یاپیشدیرمیشام -کیملیگیمی اونوتماییم دئیه-

اورداکی آدامی تانیمادان، ساچلارینی داراییردیم هر گون...

#مهدی_اظهری
@SheirOcagi

دیالوق

▫️بارماقلارینی ترپتمه‌دن بیر کیشینی یوخ ائدن قیزلار گؤردوم من...

📽 Season Of The Witch
#دامینیک_سئنا
آمریکا 2011
#شعر_اوجاغی
@SheirOcagi

▫️یاخشی ‌کی حسرتین توستوسو یوخدور،
گؤز گؤزو گؤرمزدی یئر کوره‌سینده...

#حسین_عاریف
@SheirOcagi

▫️من سنی، آنلاشیلماز، آچیقلاماسی مومکون اولمایان، اؤزوم بئله بؤیوکلوگوندن قورخدوغوم بیر شکیلده سئویرم...

#مصطفی_مستور
#شعر_اوجاغی
@SheirOcagi

‍ ▫️قورخما!

گئت آغ بالینجینا ساچلارینی تؤک،
هئچ قورخوب ائله‌مه، گؤزلرینی یوم!
سن آللاه، سینه‌ندن قولونو آچ، تؤک،
بو اؤلمک فیکرینی بیر طرفه آت!
گؤزونو یومماغا قورخورسان، قوزوم!
من سنی سئویرم، اؤلمزسن هئچ واخت.

گؤردون، من دئیَن‌دی دونیانین ایشی،
کؤنلون ایسته‌ینی، میلیون اللی توت!
قارا گؤزلرینه اؤلوم ایلیشسه،
قورخما!
من سنی سئویرم، اؤلمزسن هئچ واخت.

قورخما، اوستونده‌دی گؤزوم همیشه!
اؤلوم بیر توکونه توخونا بیلمز.
قورخورسان، گل دوشَک تورپاغین اوسته!
دوشک، آیاق‌یالین یئرییک، قوزوم!
دوشک قاطارلاردان، طیّاره‌لردن،
دوشک توفلی‌لردن*، مرتبه‌لردن،
دوشک، تورپاق دادسین آیاقلاریمیز،
ائنَک چیچک‌لره، گوللره، نولار؟!
اگر آیاق‌یالین یئرییه بیلسک،
دوشوب دالیمیزجا گلر آداملار.

هله قاطارداییق، طیّاره‌ده‌ییک،
هله گوللـه اوسته، بومبا اوسته‌ییک.
نه اولسون،
من سنی سئویرم، گئت آرخایین یات!
اوره‌یین آغریسا، قاطار ییخیلسا،
طیّاره سوروشسه گؤیون اوزوندن،
قورخما!
من سنی سئویرم، اؤلمزسن هئچ واخت.
اؤلمزسن هئچ واخت...

#قشم_نجف‌زاده

* آیاغین توپوقدان آشاغیسینی اؤرتن آیاق قابی (Tufli)

#شعر_اوجاغی
@SheirOcagi

▫️بیر قادینین تخمینی بیر کیشینین یقینیندن داها دوزگون‌دور...

#رودیارد_کیپلینگ
#شعر_اوجاغی
@SheirOcagi

دیالوق

▫️سوساراق آخماق گؤرونمه‌یین، آغزینی آچیب بونا شوبهه بوراخماماغیندان داها یاخشی‌دیر...

📽 The Simpsons (انیمئیشن دیزی)
#مت_گرینیگ
1989 آمریکا
#شعر_اوجاغی
@SheirOcagi