▫️صاباحلار اویاندیغیندا، حیاتدا اولماغین، سئومه‌یین، خوشبخت اولماغین و دوشونمه‌یین نئجه اؤزل بیر شئی اولدوغونو دوشون!...

📚 اؤزومه دوشونجه‌لر
#مارکوس_اورئلیوس
#شعر_اوجاغی
@SheirOcagi

▫️سئومک ساواشماقدیر.
ایکی اینسان بیر-بیرینی قوجاقلایاندا،
دونیا آلت-اوست اولور،
هوس‌لر، دوشونجه‌لر جانلانیر،
اسیرلرین اوموزلاریندا قانادلار گؤیریر،
دونیا گئرچک و حیسّ ائتمه‌لی اولور،
شراب، یئنه شراب اولور،
چؤرک، عطرینی یئنیدن تاپیر،
سو، سو اولور.

سئومک، ساواشماقدیر.
بوتون قاپیلاری آچیر؛
سن، داها،
صیفت‌سیز بیر اربابین،
سونسوز زنجیرلره محکوم ائتدییی،
نومره‌لی بیر کؤلگه دئییلسن...

#اوکتاویو_پاز
#شعر_اوجاغی
@SheirOcagi

▫️یئنه قارانلیقدیر، یئنه قارانلیق.
یئر اوزو بوراندیر، قاردیر، دومانلیق.
قانلاری داماردا دوندوروب سویوق،
بیر دالداناجاق یوخ، بیر‌ سیغیناق یوخ...

#بولود_قاراچورلو
@SheirOcagi

▫️باغیشلایان بیر اورک، اونو ایستثمار ائتسینلر دئیه یارانیبدیر....

📚 وورغون جان
#رومن_رولان
#شعر_اوجاغی
@SheirOcagi

▫️اینسان ائله قلبینین کؤله‌سی اولور کی، سئوگیلیده خوشا گلمه‌ین هر شئیه گؤز یوموب اوره‌یینی اؤز اومیدلری‌یله خوش ائدیر....

📚 سینوهه
#میکا_والتاری
#شعر_اوجاغی
@SheirOcagi

▫️...بونلاری دوشونرکن اؤز-اؤزونه دئییرسن:
«ایللر، نئجه ده سورعتله گلیب-کئچیر!»
اؤزوندن سوروشورسان: «آخی، نه ائتدین کی بو اوزون ایللر بئله تئر اؤتوب کئچدی؟ عؤمرونون ان یاخشی گونلرینی هارادا مزارا گؤمدون؟ اصلاً سن یاشاییردین، یا یوخ؟»
«باخ...، یاخشی باخ!» دئیه اویاریرسان اؤزونو و حیات گئتدیکجه سؤنوب گئدیر...

📚 بیاض گئجه‌لر
#فئودور_داستایئوسکی
#شعر_اوجاغی
@SheirOcagi

▫️جیزگی فیلم
#بیرلیک_گوجو
#شعر_اوجاغی
@SheirOcagi

▫️زئیتون یاغیندا قیزارمیش قیرمیزی بیبَربن قوخوسونو، شافاق واختی دورغون دنیزه یاغان یاغیشلاری، آچیق پنجره‌نین کناریندا بیر آن بیر قادینین گؤرونمه‌سینی، سس‌سیزلیک‌لری، دوشونمه‌یی و صبری سئویرم، اؤزومه اینانیرام و چوخ واخت حاقّیمدا دئییلن‌لری وئجیمه آلمیرام...

📚 منیم آدیم قیرمیزی
#اورهان_پاموک
#شعر_اوجاغی
@SheirOcagi

▫️ سیز بیرینی سئویرسینیز و بو سئوگی‌یله بیرلیکده، سئوگینین گلدییی پاکتده، قورخو دا گلیر. اونون سیزی ترک ائدیب گئتمه‌سیندن قورخورسونوز.‌
او سیزین یانینیزا گلنده، بیرینی ترک ائدیب گلمیشدی. کیم بیلیر، بلکه سیزی ده ترک ائدیب باشقاسینین یانینا گئده‌جک.
قورخورسونوز، قارنینیزا سانجی دولوب. چوخ باغلی‌سینیز اونا.
بو ساده مسله‌نی قبول ائده بیلمیرسینیز. سیز بو دونیایا تک گلیبسینیز. سیز دونن بو دونیادا ایدینیز. سئودییینیز بو شخص یانینیزدا دئییلدی. اونسوز دا چوخ یاخشی یاشاییردینیز، قارنینیزا دا قورخو سانجیلاری دولمامیشدی. صاباح بو شخص چیخیب گئده‌جک‌سه نییه قورخورسونوز؟ آخی سیز اونسوز یاشاماغین یولونو بیلیرسینیز.‌ اونو تاپانا قدر اونسوز یاشامیشدینیز. سیز اونسوز یاشایا بیلرسینیز....

📚 هیجانلار
#اوشو
#شعر_اوجاغی
@SheirOcagi

▫️خیالین هوپوبدو کئفلی روحوما،
آختاریر جان سنی، «آخ-وای» دئیه‌رک.
گئجه‌نین بو واختی گلدین یوخوما،
دیسکینیر بور-بوجاق «هارای» دئیه‌رک.

قالمیشام یالنیزجا تنهالیغیمدا،
در-دئشیک، دام -دووار اوستومه گلیر.
خبرسیز گئدیشین سینسیدیر منی،
هیس ووران قارغالار توستومه گلیر.

هارداسان؟ بورداسان منیم ایچیمده.
بیر آدام اولارمی گؤر ایکی یئرده؟!
بیر بدن، بیر اورک باشقا بیچیمده،
بیر چاناق دولارمی، گؤر ایکی یئرده؟!

سن منیم جانیمسان، چیخیبسان چؤله.
گؤزومون اؤنونده جانلی گزیرسن.
بدندن جان گئتسه، تن گرک اؤله،
دویغوسال سونسوزا سن بنزه‌ییرسن.

گلیرسن یوخوما هئچ کس بیلمه‌دن،
هر گئجه روحومو سن اوینادیرسان.
آچیرسان قاپینی قفس بیلمه‌دن،
گؤیلره اوچماغی منله دادیرسان.

خیالدیر، خولیادیر، یوخو؟ بیلمیرم،
هر نه‌دیر، سئوگییه آخان بولاق‌دیر.
یاتیبدیر خالقیمین چوخو، بیلمیرم،
سن‌سیز ده یاتسا دا سوسقون، سایاق‌دیر...

#صابر_جهانگیری (سوسقون)
@SheirOcagi

▫️نه هامارلیقدا قال، نه ده گؤروش داییره‌سیندن چیخاجاق قدر یوخارییا قالخ!
دونیانین ان گؤزل منظره‌سی، بو ایکیسینین آراسینداکی اوجالیقدادیر....

📚 نیچه آغلایاندا
#اروین_یالوم
#شعر_اوجاغی
@SheirOcagi

▫️سنی دالغالار بویو سئودیم،
دنیزین شپه‌سی اولدوم،
یاییلدیم تورپاغا.

سنی اؤزوم کیمی یوخ،
سنی اوره‌ییمین سئوگیسی کیمی سئودیم،
وطن...!

#شاهید_کریم
@SheirOcagi

▫️باخیرام ائلیمه، بابالاریما،
باخدیقجا فخریمدن باشیم اوجالیر.

اؤز گونوم، طالعیم گلیر اؤنومه،
گؤزوم، آیاغیما تیکیلی قالیر...

#بولود_قاراچورلو
@SheirOcagi

▫️نییه؟... بونو من ایسته‌میشم؟... بونو من آختارمیشام؟... نییه منه جزا وئریرلر؟... بو عشقه اولان سوسوزلوق نییه؟... بو آج‌گؤزلو سئودا نییه؟... نییه بو قوجالان بدنده منه قوجالمایان بیر اورک وئریبلر...؟


📚 وورغون جان
#رومن_رولان
#شعر_اوجاغی
@SheirOcagi

▫️نادیر حاللاردا گون‌اورتادان سونرا ائو بئله سوکوتا باتیر. بو یالنیزلیق، هر گون حسرتینی چکدیییم یالنیزلیقدان دئییل. داها چوخ، کیمسه‌سیزلیک کیمی‌دیر. سانکی هامی چیخیب گئدیب، سنی ایسه ائوده اونودوبلار....

📚 زیرزمی قوشو
#فریبا_وفی
#شعر_اوجاغی
@SheirOcagi

▫️قادینلار، یاخشی یئتیشدیریلمه‌میش کیشیلر اوچون رئابیلیتاسییا (توانبخشی) مرکزی دئییل....

📚 آرت و خائوس
#قاراقان
#شعر_اوجاغی
@SheirOcagi

▫️گئتسه بیر قاپیدان عشقین آیاغی،
سارالار باغچاسی، تؤکولر باغی.

بودور باخ، آز قالمیش یئنه سحره!
دوزورم سؤزلری من سطیرلره.

قیزاریر دان یئری اوره‌ییم کیمی،
قلبیمله بیر وورور سحرین قلبی.

یانیر یاقوت کیمی ساکیت اوفوقلر،
آچیر قوجاغینی سئودالی سحر.

منه ایلهام وئرن بو صاف طبیعت،
دئییر: «بو دونیادا قالاجاق صنعت.»

«اوتانسین -سئویله‌ییر سئودالی سحر-
شعیر دونیاسیندا ایشسیز گزنلر.»

سؤکولور دان یئری، گؤی خومار-خومار،
صنعتین عشقی یله گولسه صنعتکار.

توکنمز ایلهامی، توکنمز سؤزو،
محبّت، یارانمیش صنعتین گؤزو...

#صمد_وورغون
@SheirOcagi

▫️سئویلمه‌مک، اولسا-اولسا اوغورسوزلوقدور، سئومه‌مک‌سه بدبختلییین اؤزودور...

📚 هه ایله یوخ آراسیندا
#آلبر_کامو
#شعر_اوجاغی
@SheirOcagi

▫️دینمیرسن-دینمیرسن، آمّا بیردن اوره‌یین دولور، داوام گتیرمه‌ییب دیله گلیرسن... او واخت آدام داشلا، آغاجلا بئله دانیشماق ایسته‌ییر...

📚 اوشاقلیق
#ماکسیم_گورکی
#شعر_اوجاغی
@SheirOcagi

▫️دوغوردان دا یئر اوزونده منی کوبود دیندیرمه‌ین، منه عذاب وئرمه‌ین بیر آدام دا وارمی...؟

📚 شاهمات
#استفان_زوییگ
#شعر_اوجاغی
@SheirOcagi

▫️سرحدده بیتن آغاج!
سن هانسی اؤلکه‌نین‌سن؟
آستانادا دوران دوست!
نه‌دیر سنی اینجیدن؟

باغدا، دار آغاجلاری-
اوجالیر یئردن، گؤیه.
بویوموز دا چاتمادی،
اوردان چیچک درمه‌یه.

بورا کی قار یاغیردی،
اورا گون هاردان چیخدی؟!
بیز هاردا دورموشوق کی،
گؤی قورو، یئر پالچیق‌دی؟!

داغین قاشیندا دوران-
آی قارالتی، آی آدام!
گونش‌می باتیر، بلکه،
من بئله ساییقلیرام؟!..

#علی_جوادپور
@SheirOcagi