▫️بیز هر کسی تانییریق. هر کسین عاغلیندان نه کئچدییینی، نه دوشوندویونو بیلیریک. اؤزوموزدن باشقا.
اؤزوموزو بیر فینجان قهوه‌یه قوناق ائدیب، اؤزوموزله صؤحبت ائدیب، اؤزوموزله تانیش اولماق، هئچ واخت عاغلیمیزا گلمز.
باشیمیز، اذیّت چکه‌رک داها چوخ پول قازانیب اطرافداکی‌لارین گؤزونه سوخماغا، داها یاخشی گئییم، داها مودئرن ماشین، داها دبدبه‌لی ائو، داها موکمّل عاغیللی جیهازلار الده ائتمه‌یه ائله قاریشیب کی، اؤزوموزو تامامی‌یله اونوتموشوق.
آمّا دایان! بیر آیاق ساخلا!
«آخی نییه؟» دئیه بیر سؤال وئردیکده و یا اینسانلاردان کنار بیر اورتامدا، گوزگوده اؤز عکسیمیزله اوز-اوزه قالیب گؤزلریمیزین ایچینه باخدیقدا، «من دوغرودان دا بویام؟ من اوچوروما گئدیرم» دئییریک اؤزوموزه و اوغروندا چابالادیغیمیز هر شئیین نئجه ده آنلامسیز و گرکسیز اولدوغونو و اصل گرکلی شئی‌لرین بیر کناردا قالیب باخیمسیزلیقدان توز باسدیغینی آنلاییریق...

📚 یالنیزلیقدان شیزوفرئنیایا
#Oar
#شعر_اوجاغی

▫️ایسته‌سن كؤنلوم كیمی زولفون پریشان اولماسین،
اول قدر ناز ائت منه، آه ائتمك امكان اولماسین!

درد عشقین قصد جان ائتدی‌سه، من هم شاكیرم،
ایسته‌رم جیسمیمده درد اولسون، دخی جان اولماسین.

قویما اغیار ائیله‌سین كویونده جولان، ائی پری!
اهرمنلر مالك ملك سلیمان اولماسین

آتش رویونده افعی تك یاتیب گیسولرین،
طُرفه جادودور كی مار آتشده سوزان اولماسین.

دئرلر عاشق كش نیگاریم قتلیمه آماده‌دیر
آللاه آللاه، بیر سبب قیل كی پشیمان اولماسین!

مبتلای درد عشقم، ال گؤتور مندن، طبیب!
ائیله بیر تدبیر کی، بو درده درمان اولماسین!

«صابر»ا امّید وصل ایله غم هیجرانه دؤز!
هانسی بیر مشكلدی كی صبر ایله آسان اولماسین...؟

#میرزه_علی‌اکبر_صابر
@SheirOcagi

▫️سن گلدین،
و زامان
ییرتیجی دیشلرینی
مندن گیزله‌دی...

#مجید_ترک_تتاری
#شعر_اوجاغی
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️گل، رول‌لاریمیزی دَییشک!
سن گؤزو یولدا قال،
من گلمه‌ییم...!

#محمود_درویش
#شعر_اوجاغی
@SheirOcagi

▫️اللریندن اوتانیرام،
ائله‌ کی
داریخدیغینی سؤیله‌مک اوچون
منیم اللریمین یئرینه،
قلم آلیرسان الینه...

#نزار_قبانی
#شعر_اوجاغی
@SheirOcagi

▫️یاش اؤتوب، آییلیب گؤرورسن بیر واخت،
هئچ نه یازمامیسان، عؤمور یاری‌دیر.
آلنینا یازیلان قیریشلار آنجاق،
عؤمرونون شیکایت میصراعلاری‌دیر.

تله‌سیک قلمی آلیرسان اله،
اورک ده تیتره‌ییر اللرین کیمی.
لاکین گؤرونورسن وطنه، ائله-
سن ده یازیلمامیش اثرین کیمی.

بعضاً قوشا دؤنور ساعات دا، آن دا.
آخشام گزدییینی سحر تاپیرسان.
ائله ده اولور کی، باختین توتاندا،
داش آختاران یئرده گؤوهر تاپیرسان.

کایینات دئییم می من شعره، سؤزه؟
اونون مین دویونو، مین آچاری وار.
اونو دویا بیلمز، اونداکی کؤزه-
قلبینده کؤژ تؤکوب آلیشمایانلار.

بلی، دوی بونلاری، ائی شاعیر یولداش!
سسینی کسمه‌سین هر اؤتری سس.
نهرین قاباغینا آتیلان بیر داش،
اونون سورعتینی ساخلایا بیلمز.

دوی کی، طوغیانیندا بورانین، قارین،
اودلو بیر اورک‌له یازان اولوبدور.
چوخ زامان نشه‌دن دم وورانلارین-
اثری، نشه‌لر پوزان اولوبدور.

سؤز گرک اوخ کئچمز قایادان کئچه،
یوخدورسا سؤزونون کسری، یازما!
اؤزون سئومه‌یینجه، سئویلمه‌یینجه،
اؤزگه‌دن محبّت اثری یازما!

عئیب ائتمز اوچوشدا ییخیلسان بیر آن،
تکی دئمه‌سینلر «قانادسیز قوشدور.»
گؤیلری فتح ائدن بیر آنا ترلان،
کیم دئییر بالایکَن ییخیلمامیشدیر؟

شعریم! چوخ دانیشدیم، دئیه‌سن بیر آز،
سن نییه سوسموسان، دانیشان منم؟
یوخ، شعرین اوجاغی آلووسوز اولماز،
آلیشدیران سنسن، آلیشان منم.

شعریم، ائل سازیندا میضراب وور تئله!
اونسوز دا اؤتری اؤتن آز دئییل.
اؤزلری دونیادان گئتمه‌میش هله،
آدلاری دونیادان گئدن آز دئییل.

ائلین نفسی‌دیر ان بؤیوک اثر،
دویسام دا، اؤزومو اؤیه بیلمه‌رم.
یوز بولبول سسی ده منه وئرسه‌لر،
ائل‌سیز بیر نغمه‌نی دئیه بیلمه‌رم.

شعریم، شیمشک‌لردن قاناد ایسته سن!
یئره‌سه اینسانین نفسی‌یله گل!
دونیادا بیر داملا اولماق ایسته‌سم،
دونیایا سن عومّان هوسی‌یله گل...!

#ممد_آراز
کؤچوردو:
#شعر_اوجاغی
@SheirOcagi

دووار یازیسی

▫️اؤزومون آز بدبختچیلیگیم وار،
بو آرادا سن ده هئی گؤزل‌لش...!

#شعر_اوجاغی
@SheirOcagi

▫️آتا-آنالار اؤولادلاری ایله علاقه قوروب حیاتلارینین نئجه کئچدییینی سوروشمورلار. واخت تاپدیقجا بیر آز سیغاللاییب اللرینه بیر اویونجاق وئریب «اوشاقلار، ایندی گئدین اؤزونوز اوینایین!» دئییرلر. اصلینده بو، «نه ائدیرسینیز ائدین، گؤزومدن ایتین، یئتر کی بیزی راحات بوراخین!» دئمکدیر.
اوشاقلیق دؤورو، اوشاغین عاغلی و قلبی، باخیمسیز تارلا کیمی بوش قالیر؛ چونکی اورا هئچ بیر یاخشیلیق توخومو سپیلمه‌ییب.
اونلارا یاخشیلیق، دوروستلوک و سئوگیدن بحث ائدیلسه ده، بونلار قابالاشمیش، سیخیجی و سویوق ایفاده‌لره ایضاح اولونور.
اوشاغین ذکاسینی جانلاندیراجاق و اونلارین ماراغینی چکه بیلن جومله‌لر قورماغی باجارمیرلار. اونلارین حسّاس قلبینی قیزیشدیراجاق هئچ بیر شئی ائتمیرلر...

📚 آغ زانباقلار اؤلکه‌سینده
#گریگوری_پئتروو
#شعر_اوجاغی
@SheirOcagi

▫️حیاتدا هئچ عاشیق اولمایانلار، چوخ شئیلری بیلمیرلر.
منجه، هئچ کیمسه ایندی‌یه‌جن عشقی دوزگون شکیلده تانیملایا بیلمه‌ییب. بو یومشاق و شن‌لندیریجی، عئینی حالدا دؤزولمز دویغونو چتین ایضاح ائتمک اولار.
عاشیق اولان‌سا، هئچ واخت کلمه‌لرله بو‌ دویغونو باشقاسینا یئتیره بیلمز.‌
بو گیریشلرین، بو ایضاحلارین، بو بوشونا سؤز بزه‌مه‌لرین نه فایداسی وار؟

📚 عشقین باره‌سینده
#آنتوان_چئخوو
#شعر_اوجاغی
@SheirOcagi

▫️توکنن گؤزلریمیزده یئنه وولکان دولاشار؟
سحرین تئل‌لرینه دان چاغی آل قان دولاشار؟

گؤزوموز یولدا قالارکن کوچه‌نی آختاریریق،
گؤره‌سن آخ، بورالاردا یئنه عوصیان دولاشار؟

ال خمیر، قارنیمیز آج، گؤزده سحر حسرتی وار،
گؤره‌سن بیتسه گئجه، یوردوموزا دان دولاشار؟

نه سحر وار، نه گونش، تانری کوسندن بو یانا
داغیلان شهریمیزه هر گئجه شیطان دولاشار.

سحر آردینجا گزیردیک، گئجه‌یه راست گلدیک
بیلیرم آه گئجه‌دن ائولره خورتان دولاشار.

کوچه قورخو، خیاوان قورخو، شهر قورخولودور
هر ائویندن چیخانا ییرتیجی حیوان دولاشار.

بو نه طالعدی یازیلمیش قدرین دفترینه؟
آتدیغیم هر قدمه ساده‌جه زیندان دولاشار.

چئوریلیبدیر یوخوموز داشلارا سانکی، نه دئییم؟
برکیمیش اویغولارا هانسی قوچ اوغلان دولاشار؟

بنزه‌ده بیلسه کوراوغلو بورانی چنلی بئله،
بو قورونموش سینیرا هانسی حسن‌خان دولاشار؟

بیتدی مشروطه، بیزه پاسلی سیلاحلاردی قالان
گؤره‌سن بیر ده بو یانلاردا باقیرخان دولاشار؟

اویانیب عوصیان ائدرمی یئنه‌ده ستارخان؟
قارالار لشکرینه دال خیاواندان دولاشار؟

اونودوب خاطیریمیز الده سیلاح توتماغینی
گؤره‌سن آخ، بورالاردا یئنه عوصیان دولاشار؟

چیغیریردیم کوچه‌لرده اؤز-اؤزومله دئیه‌رک
بو داش آللاهلارینا هانسی موسلمان دولاشار؟

#آتیلا_حاجیزاده
@SheirOcagi

▫️آداملار،
گلنده
موسیقی‌لرینی ده اؤزلری‌یله گتیریرلر،
آمّا گئدنده
آپارمیرلار.

آداملار،
گلیرلر
گئدیرلر
آمّا داریخمالاریمیزدا،
شعرلریمیزده،
گئجه‌لریمیزین ایسلاق رؤیالاریندا،
قالیرلار...

#هرتا_مولر
#شعر_اوجاغی
@SheirOcagi

▫️او گئدرکن منیمله ساغوللاشمادی... و من بوتون عؤمرومو هئچ واخت گلمه‌یه‌جک بیرینی گؤزله‌یه‌رک کئچیردیم... او، منیم حیاتیمین پارانتز ایچریسینده قالان حیصّه‌سی‌ ایدی: اؤزل، آمّا حئکایه‌دن کناردا توتولان...

📚 اوینادیغیمیز سون اویون
#مسعوده_جاببار
#شعر_اوجاغی
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️گؤزللییی تاپماق اوچون بوتون دونیانی گزسک ده، اونو ایچیمیزده داشیمیریق‌سا اصلا تاپا بیلمریک...

#رالف_والدو_امرسون
#شعر_اوجاغی
@SheirOcagi

▫️اینسانا، نه‌یین وئریلمه‌دییینی ده اؤیرندیم. اینسانا، -نه‌یه احتیاجی اولدوغونو بیلمک- باجاریغی دا وئریلمه‌میشدیر....

📚 اینسانی یاشادان نه‌دیر؟
#لئو_تولستوی
#شعر_اوجاغی
@SheirOcagi

▫️سون زامانلار تئز-تئز بئله اولور. بیر شئی دئمک ایسته‌ییرم، آما آغزیمدان تام باشقا سؤزلر چیخیر. یا دا دئمک ایسته‌دیییمین تام عکسینی دئییرم. سؤزومو دوزَلتمک ایسته‌ینده، داها چوخ دولاشیرام، فیکریم داها چوخ قاریشیر، نه دئمک ایسته‌دیییم یادیمدان چیخیر.
ائله بیل ایکی‌یه بؤلونموشم، یا اؤزومدن قاچیرام، یا اؤزومون آرخامجا دوشورم...

📚 نروژ مئشه‌سی
#هاروکی_موراکامی
#شعر_اوجاغی
@SheirOcagi

▫️یاخشی کیتابلارلا نه قدر چوخ تانیش اولسان، بیرلیکده اولماقدان ذؤوق آلدیغین آداملارین سایی او قدر آزالاجاق...

#لودویگ_آندریاس_فویرباخ
#شعر_اوجاغی
@SheirOcagi

▫️بو قدر سالدی منی حسرت آماندان-آمانا
کؤنلوم آخیردا منیم، دوشدو گوماندان-گۆمانا.

نئچه عالیم یازیب اؤز دردینی اظهار ائله‌دی،
عاشقین دردی فقط، کئچدی زاماندان-زامانا.

درد و غمدن اوسانیب دوشدو کؤنول هجر اودونا،
ائله‌یک ایندی شکایت‌می یاماندان-یامانا؟!

سنی گؤردوکده من آنجاق بئله دیل-دیل اؤتورم،
بوشالیر گؤیده بولودلار دا دولاندان-دولانا.

دئمرم گؤرمه‌میشم من سنی چوخداندی؛ گولوم!
گؤرورم صورتینی، یالقیز اولاندان-اولانا.

کؤنلومون اوسته دوشن کؤلگه‌لر الآن سیلینیر،
باشیمین اوستونه سن کؤلگه سالاندان-سالانا.

نئچه یول وعده وئریب عهده وفا قیلمادی یار،
«بختیار»! قلبین آخیر دوشدو تالاندان-تالانا...

#بختیار_واهابزاده
@SheirOcagi

▫️غریبه‌دیر، اوشاقلیغین خورتدانلاری بؤیودوکجه اینسانلارا چئوریلیردی...

📚 بیر میلیون دولاریم اولسایدی
#قاراقان
#شعر_اوجاغی
@SheirOcagi

▫️ان بؤیوک پئشمانلیق، قیمت بیلمه‌ین اینسانلار اوچون گؤزه آلدیغین فداکارلیقلاردیر‌.‌..

#اریک_فروم
#شعر_اوجاغی
@SheirOcagi