▫️آلنمین یازیسی
آییلاندا دا ایندی‌لر یوخودان،
هوش آزیب، تئز تاپانمیرام اؤزومو.
بیلمیرم هاردایام، بورا هارادیر،
ائو-ائشیک یاد گلیر هله گؤزومه.
ائله بیر قالمیشام کئچنلرده،
دئییرم بس، گئنه همن آدامام،
گئنه سابیق کیمی اداره‌م وار،
تله‌سیک ایستیرم دورام؛ باخیرام-
بئل-بوخون، قول-قیچیم داها قالخمیر،
داها قودرت یوخوم دوروم آیاغا.
قوجالیق، هئچ هله یادیمدا دئییل
دئییرم بس گئنه ناخوشلامیشام.
ایستیرم سسله‌یم گئنه خانیمی
کی «داوان وار گتیر، گئنه ناخوشام!»
آمما، ائو سانکی بیر قبیستاندیر،
هوپ توتوب قیزلارین جیغان-ویغانی.
نه کوسوبلر؟ که هئچ دانیشمیرلار!
هئچ خانیمدان دا سس-صدا یوخدور.
ائله بیل، بیر ده سیلکه‌لیرله منی،
هوشوم، آزمیش یولون قانیب قاییدیر.
اؤزومو آختاریب گئنه تاپیرام،
اوخونور آنجاق آلنمین یازیسی.
بوردا، بیردن چؤکور قارانلیقلار،
سانکی دام-داش اوچور منیم باشیما.
قالمیشام دام-دیوارلار آلتیندا
بیر قارانلیق قبیرده‌یم کی، داها-
هئچ طرفدن ایشیقلیغیم یوخدور.
ایچه‌ریم سانکی اؤز سسیمله دئییر:
«سن اؤلوبکن، قبیرده خوتدامیسان
نه خانیم؟! آروادین اون ایلدی اؤلوب.
آروادین اؤلدو، قیزلارین کؤچدو،
قوجالیق گلدی، قلعه‌نی آلدی.
سنی کور قوش کیمی باسیب قفسه
نه قویوبسان، عمی، نه آختاریسان؟!
بیر کسین قالماییب، هامی گئتدی،
قوجا دا سن کیمی غریب اولماز.
قوجالار ایچره ده یئتیم سنسن،
سن ایمیشسن اؤلن، خانیم دیریلیب.»
یارامین کؤزمه‌سی قوپوب آجیشیر،
هر زادین ضیدّی ده اؤزویله گلر.
قارا گون، آغ گونو سالیر یادیما،
سینه‌مین سازلاری سیزیلدیرلار.
دیبده، قلبیمده زار-زار آغلایاراق
فارسی بیر قطعه وار، دوشور یادیما
«آذرِ بیگدلی» بئله یازمیش،
او یازیق دا منیم حالیمدایمیش:
« پیرم و عادت طفلان دارم
با من این شوخی طبع ارزانی
وقتی از خنده مرا گلریزی
وقتی از گریه، گلاب افشانی
اگرم خنده، نه از بی‌خردی
وگرم گریه، نه از نادانی
اوّلم خنده ز بی‌دردی بود
وآخرم گریه ز بی‌درمانی...»
#شهریار
@SheirOcagi
آییلاندا دا ایندی‌لر یوخودان،
هوش آزیب، تئز تاپانمیرام اؤزومو.
بیلمیرم هاردایام، بورا هارادیر،
ائو-ائشیک یاد گلیر هله گؤزومه.
ائله بیر قالمیشام کئچنلرده،
دئییرم بس، گئنه همن آدامام،
گئنه سابیق کیمی اداره‌م وار،
تله‌سیک ایستیرم دورام؛ باخیرام-
بئل-بوخون، قول-قیچیم داها قالخمیر،
داها قودرت یوخوم دوروم آیاغا.
قوجالیق، هئچ هله یادیمدا دئییل
دئییرم بس گئنه ناخوشلامیشام.
ایستیرم سسله‌یم گئنه خانیمی
کی «داوان وار گتیر، گئنه ناخوشام!»
آمما، ائو سانکی بیر قبیستاندیر،
هوپ توتوب قیزلارین جیغان-ویغانی.
نه کوسوبلر؟ که هئچ دانیشمیرلار!
هئچ خانیمدان دا سس-صدا یوخدور.
ائله بیل، بیر ده سیلکه‌لیرله منی،
هوشوم، آزمیش یولون قانیب قاییدیر.
اؤزومو آختاریب گئنه تاپیرام،
اوخونور آنجاق آلنمین یازیسی.
بوردا، بیردن چؤکور قارانلیقلار،
سانکی دام-داش اوچور منیم باشیما.
قالمیشام دام-دیوارلار آلتیندا
بیر قارانلیق قبیرده‌یم کی، داها-
هئچ طرفدن ایشیقلیغیم یوخدور.
ایچه‌ریم سانکی اؤز سسیمله دئییر:
«سن اؤلوبکن، قبیرده خوتدامیسان
نه خانیم؟! آروادین اون ایلدی اؤلوب.
آروادین اؤلدو، قیزلارین کؤچدو،
قوجالیق گلدی، قلعه‌نی آلدی.
سنی کور قوش کیمی باسیب قفسه
نه قویوبسان، عمی، نه آختاریسان؟!
بیر کسین قالماییب، هامی گئتدی،
قوجا دا سن کیمی غریب اولماز.
قوجالار ایچره ده یئتیم سنسن،
سن ایمیشسن اؤلن، خانیم دیریلیب.»
یارامین کؤزمه‌سی قوپوب آجیشیر،
هر زادین ضیدّی ده اؤزویله گلر.
قارا گون، آغ گونو سالیر یادیما،
سینه‌مین سازلاری سیزیلدیرلار.
دیبده، قلبیمده زار-زار آغلایاراق
فارسی بیر قطعه وار، دوشور یادیما
«آذرِ بیگدلی» بئله یازمیش،
او یازیق دا منیم حالیمدایمیش:
« پیرم و عادت طفلان دارم
با من این شوخی طبع ارزانی
وقتی از خنده مرا گلریزی
وقتی از گریه، گلاب افشانی
اگرم خنده، نه از بی‌خردی
وگرم گریه، نه از نادانی
اوّلم خنده ز بی‌دردی بود
وآخرم گریه ز بی‌درمانی...»
#شهریار
@SheirOcagi
▫️اؤنجه‌دن دئییردیم، «بیر اینسانین باشینا گله بیله‌جک ان پیس شئی، بیر گون، تک قالماغی‌دیر.»
سونرا آنلادیم کی، «حیاتدا اینسانین باشینا گله بیله‌جک ان پیس شئی، تک حیسّ ائتمه‌سینه سبب اولان اینسان‌لارلا یاشاماسی‌دیر...»
#یوهان_وولفانگ_گوته
#شعر_اوجاغی
@SheirOcagi
سونرا آنلادیم کی، «حیاتدا اینسانین باشینا گله بیله‌جک ان پیس شئی، تک حیسّ ائتمه‌سینه سبب اولان اینسان‌لارلا یاشاماسی‌دیر...»
#یوهان_وولفانگ_گوته
#شعر_اوجاغی
@SheirOcagi
▫️بیز قارانلیقدا یولونو آزمیش ایکی اوشاق کیمی، بیر-بیریمیزی سهو اولاراق «خیال» ظن ائتمیشیک؛
ایندی بیر-بیریمیزی تاپدیق و اطرافیمیز ایشیقلاندی...
📚 آت میلچه‌یی
#اتل_لیلیان_وینچ
#شعر_اوجاغی
@SheirOcagi
ایندی بیر-بیریمیزی تاپدیق و اطرافیمیز ایشیقلاندی...
📚 آت میلچه‌یی
#اتل_لیلیان_وینچ
#شعر_اوجاغی
@SheirOcagi
▫️گؤیردین قلبیمده،
دیوار قیراغیندا گؤیه‌رن
بالاجا بیر چیچک کیمی.
همن قدر ایستم‌سیز،
سئودالاندیم سنه...
#غادة_السمان
#شعر_اوجاغی
@SheirOcagi
دیوار قیراغیندا گؤیه‌رن
بالاجا بیر چیچک کیمی.
همن قدر ایستم‌سیز،
سئودالاندیم سنه...
#غادة_السمان
#شعر_اوجاغی
@SheirOcagi
▫️دونیا
آتامی، آنامی آلدین الیمدن،
آخیردا قویدون‌مو تک منی، دونیا؟!
یئردن-یئره، وورا-وورا سینادین،
چکدین امتحانا، چک منی، دونیا!
ائله کؤ️رپه‌لیکدن قصدیمه گیردین،
اذیّت جامیندا عذاب ایچیردین.
خلبیرین گؤزوندن یاخشی کئچیردین،
خلبیردن اله‌یه تؤک منی، دونیا!
«شش وئریب»، «یک» وئریب منیم ده «نرد»یم،
واخت اولوب قارشیمدا دیز چؤکوب دردیم.
سنین توفانینا چوخ سینه گردیم،
ایندی اسسه ییخار مئه منی، دونیا!
هر ساعات سؤز اولوب دوزولمک اولمور،
بال تک اورک‌لره سوزولمک اولمور.
سن ائله گؤزلسن، اوزولمک اولمور!
بلکه بیر ده بیتدیم، اک منی، دونیا!
صبریم توکه‌ننده، صبری ایتیردین،
وئردییین قراری-امری ایتیردین،
گونو گونه ساتدین، عؤمرو ایتیردین،
نه یامان آلداتدین «بهمن»ی، دونیا!
#بهمن_وطن‌اوغلو
@SheirOcagi
آتامی، آنامی آلدین الیمدن،
آخیردا قویدون‌مو تک منی، دونیا؟!
یئردن-یئره، وورا-وورا سینادین،
چکدین امتحانا، چک منی، دونیا!
ائله کؤ️رپه‌لیکدن قصدیمه گیردین،
اذیّت جامیندا عذاب ایچیردین.
خلبیرین گؤزوندن یاخشی کئچیردین،
خلبیردن اله‌یه تؤک منی، دونیا!
«شش وئریب»، «یک» وئریب منیم ده «نرد»یم،
واخت اولوب قارشیمدا دیز چؤکوب دردیم.
سنین توفانینا چوخ سینه گردیم،
ایندی اسسه ییخار مئه منی، دونیا!
هر ساعات سؤز اولوب دوزولمک اولمور،
بال تک اورک‌لره سوزولمک اولمور.
سن ائله گؤزلسن، اوزولمک اولمور!
بلکه بیر ده بیتدیم، اک منی، دونیا!
صبریم توکه‌ننده، صبری ایتیردین،
وئردییین قراری-امری ایتیردین،
گونو گونه ساتدین، عؤمرو ایتیردین،
نه یامان آلداتدین «بهمن»ی، دونیا!
#بهمن_وطن‌اوغلو
@SheirOcagi
▫️بیر دلی شاختا دونداریر جانیمی،
دامیر آسفالتا کؤکسوموزدن قان.
اللریم، جئب‌لریمده دوستاق‌دیر،
آرخادان گؤز تیکیب منه خییاوان.
هده‌دی، قورخودو، سؤیوش‌دو، نه‌دی-
بئینیمی دولدوران غریب سسلر؟
بو قارانلیق سیغیشماییر ایچیمه،
سانکی یوز مین ساعات دوروبدو زامان.
کارا گلمزلره دولوب بئینیم،
داماریمدا قارا بولود دولانیر.
باخیرام؛ آمما گؤز، گؤزو گؤرمور
باخیرام؛ هئی دومان، دومان و دومان.
و سکوت ایچره سیچرایان فرکانس،
دولمایان بوشلوغا دامیر سانکی.
بیر پری سسله‌ییر منی دئیه‌سن،
ساچلاریندا گئجه، گؤزونده دان.
کوچه‌ده ایت بوغوشدورور بیریسی
گؤرورم...ایتله‌نیر یئنه روحوم.
یئنه ده جینلریم چیخیر باشیما
قولاغیمدا پیچیلداییر شیطان.
کوچه‌ده ایلدیریم چاخیر هردن
منده‌کی قورخو قاپساییب کوچه‌نی.
بیر دلی بیر دووار دالیندا دئییر:
تانری یوخکن، کیمین الینده آمان؟
تانری! سانکی محبّتین ایتمیش،
تانری نیفرت سپیر یاغیش یئرینه.
تانری! باخما منه، چئویر اوزونو!
باخیشین یاغدیریر زهرلی تیکان.
منی دیندیرمه‌یین بیرآزجا، نولور!
کیمی گؤرجک -دیدیشدیریم- دئییرم.
جاناوارلیق یؤنوم چیخیبدی اوزه،
جاناوار اوزلویم، ایَر باخسان.
اینتحار فیکری، اینقیلاب فیکری،
ایکی‌یه بؤلدولر منی آخشام.
گزیرم یوللاری نه کؤکده آما...
بیر الیمده کوفور، بیرینده قوران.
اینقیلاب فیکری، اینتحار فیکری،
بئینیمی ساغ-سولا چکیر یئنه ده.
منده بیر پارتلاییش یاشانماقدا،
دالی چک، آی جانین سئون اینسان!
اینقیلاب، اینتحار گؤروندو بیزه،
اینتحار، اینقیلاب اولار ساندیق.
دون گئجه پنجره‌مدن آتلاندیم،
پارتلایارکن نه ائیله‌مز اینسان...؟!
#آتیلا_حاجیزاده
@SheirOcagi
دامیر آسفالتا کؤکسوموزدن قان.
اللریم، جئب‌لریمده دوستاق‌دیر،
آرخادان گؤز تیکیب منه خییاوان.
هده‌دی، قورخودو، سؤیوش‌دو، نه‌دی-
بئینیمی دولدوران غریب سسلر؟
بو قارانلیق سیغیشماییر ایچیمه،
سانکی یوز مین ساعات دوروبدو زامان.
کارا گلمزلره دولوب بئینیم،
داماریمدا قارا بولود دولانیر.
باخیرام؛ آمما گؤز، گؤزو گؤرمور
باخیرام؛ هئی دومان، دومان و دومان.
و سکوت ایچره سیچرایان فرکانس،
دولمایان بوشلوغا دامیر سانکی.
بیر پری سسله‌ییر منی دئیه‌سن،
ساچلاریندا گئجه، گؤزونده دان.
کوچه‌ده ایت بوغوشدورور بیریسی
گؤرورم...ایتله‌نیر یئنه روحوم.
یئنه ده جینلریم چیخیر باشیما
قولاغیمدا پیچیلداییر شیطان.
کوچه‌ده ایلدیریم چاخیر هردن
منده‌کی قورخو قاپساییب کوچه‌نی.
بیر دلی بیر دووار دالیندا دئییر:
تانری یوخکن، کیمین الینده آمان؟
تانری! سانکی محبّتین ایتمیش،
تانری نیفرت سپیر یاغیش یئرینه.
تانری! باخما منه، چئویر اوزونو!
باخیشین یاغدیریر زهرلی تیکان.
منی دیندیرمه‌یین بیرآزجا، نولور!
کیمی گؤرجک -دیدیشدیریم- دئییرم.
جاناوارلیق یؤنوم چیخیبدی اوزه،
جاناوار اوزلویم، ایَر باخسان.
اینتحار فیکری، اینقیلاب فیکری،
ایکی‌یه بؤلدولر منی آخشام.
گزیرم یوللاری نه کؤکده آما...
بیر الیمده کوفور، بیرینده قوران.
اینقیلاب فیکری، اینتحار فیکری،
بئینیمی ساغ-سولا چکیر یئنه ده.
منده بیر پارتلاییش یاشانماقدا،
دالی چک، آی جانین سئون اینسان!
اینقیلاب، اینتحار گؤروندو بیزه،
اینتحار، اینقیلاب اولار ساندیق.
دون گئجه پنجره‌مدن آتلاندیم،
پارتلایارکن نه ائیله‌مز اینسان...؟!
#آتیلا_حاجیزاده
@SheirOcagi
▫️دَيقه‌لر قيزليغی
سن آخشام درديمده گونسن،
گونوسن،
ساعاتلاريمين گونوسوسن؛
هارا گئديرم، قاليرام سنی،
هاردا قاليرام باشلانيرسان مندن؛
بو يولون بيردن اؤره‌یی قالخير،
بو سسين ايكيدن سسی باتير،
اوچدن قلبي سينير؛
ميصراعلارين اومباسی يئلله‌نير اون بئشدن
و كؤلك سئل گلير،
سئل كؤلك اوچور.
سن درديمين گونوسن،
ديقه‌لرين قيزليغی.
اللرين صراط مستقيم‌دير،
والضالين محشرين عيّاش لئچه‌یی،
هارون الرشيدين زوبيده گؤزلری،
اوبامانين ميشئل اللری،
هيتلرين اشهدی سئوگيجيك‌لری،
بيت‌المقدّسين معراج گئجه‌لری،
آآآخ...! اللرين اورجينال پيتزاسی،
مجيكال چؤره‌یی
امپريالين
هاميسی رويال شكيلی
شكلينده آياغی اوچوقلاميش ایکی پرانتئز،
اوچ وورغون كاما،
كاميلين ميلانو سيقاری.
بو شعرين اعدام سسجيگی‌ی‌ی‌ی‌ی‌ی،
اللرين سود چيچكلی‌م‌دی،
آی اللرينين دوداغینی يئييييييييم‌م‌م‌م،
گؤزونو ديشله‌ييييييم‌م‌م‌م!
گؤزلريندن كئچمه‌لی دئييل؛
گؤزلرين بويالی سولئيمان خالچاسی،
بولقيسين ايكی هؤرولموش ساچی،
يمن-ين ايكی قارا قاياسی،
اورشليم سيناسی،
موسا عصاسی،
آنامين نذيری‌دی گؤزلرين،
آتامين «علی قارا»سی،
باجيمين آندی،
بيزه گل، گؤزلرينی تبرّیک ساخلاسين آنام!
من دوعا تيكيم كؤينه‌ييمه،
سنی ياتيم الكول روحومدا،
يوخومو گؤتوروب گليم سيزه،
آهئيييي ...ييی!
هئی-هئی آتام سنين شهيديندی،
آنام سنی سرطان توتدو،
باجيم سنه سوفرا آچدی،
و من سنی شاعيرم...
سنی گؤزلرين،
بيزه رحمين گلسين...!
1396/9/6
#كاميل_قهرمان‌اوغلو
@SheirOcagi
سن آخشام درديمده گونسن،
گونوسن،
ساعاتلاريمين گونوسوسن؛
هارا گئديرم، قاليرام سنی،
هاردا قاليرام باشلانيرسان مندن؛
بو يولون بيردن اؤره‌یی قالخير،
بو سسين ايكيدن سسی باتير،
اوچدن قلبي سينير؛
ميصراعلارين اومباسی يئلله‌نير اون بئشدن
و كؤلك سئل گلير،
سئل كؤلك اوچور.
سن درديمين گونوسن،
ديقه‌لرين قيزليغی.
اللرين صراط مستقيم‌دير،
والضالين محشرين عيّاش لئچه‌یی،
هارون الرشيدين زوبيده گؤزلری،
اوبامانين ميشئل اللری،
هيتلرين اشهدی سئوگيجيك‌لری،
بيت‌المقدّسين معراج گئجه‌لری،
آآآخ...! اللرين اورجينال پيتزاسی،
مجيكال چؤره‌یی
امپريالين
هاميسی رويال شكيلی
شكلينده آياغی اوچوقلاميش ایکی پرانتئز،
اوچ وورغون كاما،
كاميلين ميلانو سيقاری.
بو شعرين اعدام سسجيگی‌ی‌ی‌ی‌ی‌ی،
اللرين سود چيچكلی‌م‌دی،
آی اللرينين دوداغینی يئييييييييم‌م‌م‌م،
گؤزونو ديشله‌ييييييم‌م‌م‌م!
گؤزلريندن كئچمه‌لی دئييل؛
گؤزلرين بويالی سولئيمان خالچاسی،
بولقيسين ايكی هؤرولموش ساچی،
يمن-ين ايكی قارا قاياسی،
اورشليم سيناسی،
موسا عصاسی،
آنامين نذيری‌دی گؤزلرين،
آتامين «علی قارا»سی،
باجيمين آندی،
بيزه گل، گؤزلرينی تبرّیک ساخلاسين آنام!
من دوعا تيكيم كؤينه‌ييمه،
سنی ياتيم الكول روحومدا،
يوخومو گؤتوروب گليم سيزه،
آهئيييي ...ييی!
هئی-هئی آتام سنين شهيديندی،
آنام سنی سرطان توتدو،
باجيم سنه سوفرا آچدی،
و من سنی شاعيرم...
سنی گؤزلرين،
بيزه رحمين گلسين...!
1396/9/6
#كاميل_قهرمان‌اوغلو
@SheirOcagi
▫️تام ۱۴ یاشیمدا اولارکن، قارنیمی دویورماق اوچون چؤرک اوغورلادیم. بونا گؤره منی حبسه آتیب، آلتی ایل پولسوز چؤرک وئردیلر. حیاتین عدالتی بودور...
📚 سفیل‌لر
#ویکتور_هوگو
#شعر_اوجاغی
@SheirOcagi
📚 سفیل‌لر
#ویکتور_هوگو
#شعر_اوجاغی
@SheirOcagi
▫️ آنجاق فیلم‌لرده اولوردو عشق. یا دا خیال محصولو اولان رومان‌لاردا...
📚 عشق
#الیف_شافاق
#شعر_اوجاغی
@SheirOcagi
📚 عشق
#الیف_شافاق
#شعر_اوجاغی
@SheirOcagi
▫️گئجه‌نین نم‌نواختی‌دیر قاداسی!
کوچه‌ده یئل اسیر، قارانلیق اسیر.
و قارانقوش‌لارین داریخماسینی،
شهره یایماغا یامان تله‌سیر.
گئجه‌نین نم نواختی‌دیر قاداسی!
جاناوارلار هورور، دوغوز اوخویور.
بیلمیرم هاردا دورموشوق، آنجاق،
شهرین کؤینه‌یی پاییز قوخویور.
آددیم-آددیم واراقلانیر خیابان،
آددیم-آددیم یولا خزل تؤکولور.
گئجه‌لر بیتمه‌ییر آی اوزلوم! آما،
شهرین گؤزلرینده دان سؤکولور.
پاییزین کؤینه‌یی دوشوب شهره،
شهرین کؤینه‌یی پاییز قوخویور.
قوجا بایقوش اووولداییر هردن،
تورآتانلار بیزه اؤلوم توخویور.
دیل آچیردیم داریخمامی باغیرام،
بیریسی سسله‌دی: «دا بسدیر، سوس!
منی‌ده قورخویا سالیر هردن،
شهرین گؤزلرینده‌کی کابوس»
شهرین گؤزلرینده‌کی کابوس،
گئت-گئده گئرچه‌یه دؤنور دئیه‌سن.
گؤزلریم قارشیسیندا اؤلدوزلار
بیر آن ایچره، اؤلور...سؤنور دئیه‌سن.
بوز ایشیقلار قاماشدیریر گؤزومو،
گئت-گئده هریانی دومان گؤتورور.
بیر قوجا، گؤی اوزونده دوستاق‌دیر،
اوسکورور، اوسکورور سورا توپورور.
گل گئدک، سئوملی قارانقولوغوم!
هرکوچه، هر باجا اؤلوم قوخویور.
بیر قولاق وئر بو سس‌لره، باخ بیر!
جاناوارلار هورور، دوغوز اوخویور.
کیریخیب آتمیشام زیبیل قابینا،
توالت‌لرده قوسموشام شهری.
اوزریمدن سویونموشام اؤزومو،
اؤز-اؤزوم‌له کیریخمیشام شهری.
و قارانقوش‌لارین داریخماسینی،
دون گئجه قویلادیم قولاقلاریما.
شهره دون گئجه جسد یاغدی،
گئجه‌لر لئش دوشور یاناقلاریما.
جاناوارلار هورور، دوغوز اوخویور،
کوچه‌ده قورخو قان یئرین‌ده آخیر.
گل اؤلک، سئوملی قارانقولوغوم!
لئش یئین‌لر بیزه تامارزی باخیر.
آددیم-آددیم واراقلانیر خیاوان،
آددیم-آددیم یولا جسد تؤکولور.
جاناوارلار بؤلوشدورور شهری،
پاییزین کؤکسو ییرتیلیر، سوکولور.
گؤزلریم هوردو، گؤزلریم هوردو،
اؤزومو داشلادیم، اؤزوم هوردو.
پاییزین کؤینه‌یی الیمده قالیب،
هامی گؤردو منی، هامی گؤردو.
شهرین اورتاسیندا اوزلشدیک،
بوغازین چئینه‌دیم، دیدیشدیردیم.
قانین ایچیدیم جانین چکیب سونرا،
جسدین چارمیخا ایلیشدیردیم.
اؤزومو آتمیشام زیبیل قابینا،
لوت قالیب، اَینیمه دوغوز گئیدیم.
ال آتیب تانرینی یئره سالدیم،
اؤزوم ایله اونو دییشدیردیم.
ایچیمی سپمیشم دونن شهره،
اؤلو یاغدیرمیشام یاغیش یئرینه.
تانرینی دوستاغا سالیب، سونرا-
اون گئجه، اون گونوز قان ایچدیردیم.
جاناوار دا منم، دوغوز دا منم،
گؤیه من سرمیشم قارانقولوغو.
بیلمه‌دن اولدو، بیلمه‌دن اولدو،
پاییزی چارمیخا ایلیشدیردیم.
بیلمه‌دن اولدو، بیلمه‌دن اولدو،
من اَیر قوشلاری دئییندیردیم.
پاییز اؤلموشدو، آمما کؤینه‌یینی،
شهرین اَینینه گئییندیردیم...
#آتیلا_حاجیزاده
@SheirOcagi
کوچه‌ده یئل اسیر، قارانلیق اسیر.
و قارانقوش‌لارین داریخماسینی،
شهره یایماغا یامان تله‌سیر.
گئجه‌نین نم نواختی‌دیر قاداسی!
جاناوارلار هورور، دوغوز اوخویور.
بیلمیرم هاردا دورموشوق، آنجاق،
شهرین کؤینه‌یی پاییز قوخویور.
آددیم-آددیم واراقلانیر خیابان،
آددیم-آددیم یولا خزل تؤکولور.
گئجه‌لر بیتمه‌ییر آی اوزلوم! آما،
شهرین گؤزلرینده دان سؤکولور.
پاییزین کؤینه‌یی دوشوب شهره،
شهرین کؤینه‌یی پاییز قوخویور.
قوجا بایقوش اووولداییر هردن،
تورآتانلار بیزه اؤلوم توخویور.
دیل آچیردیم داریخمامی باغیرام،
بیریسی سسله‌دی: «دا بسدیر، سوس!
منی‌ده قورخویا سالیر هردن،
شهرین گؤزلرینده‌کی کابوس»
شهرین گؤزلرینده‌کی کابوس،
گئت-گئده گئرچه‌یه دؤنور دئیه‌سن.
گؤزلریم قارشیسیندا اؤلدوزلار
بیر آن ایچره، اؤلور...سؤنور دئیه‌سن.
بوز ایشیقلار قاماشدیریر گؤزومو،
گئت-گئده هریانی دومان گؤتورور.
بیر قوجا، گؤی اوزونده دوستاق‌دیر،
اوسکورور، اوسکورور سورا توپورور.
گل گئدک، سئوملی قارانقولوغوم!
هرکوچه، هر باجا اؤلوم قوخویور.
بیر قولاق وئر بو سس‌لره، باخ بیر!
جاناوارلار هورور، دوغوز اوخویور.
کیریخیب آتمیشام زیبیل قابینا،
توالت‌لرده قوسموشام شهری.
اوزریمدن سویونموشام اؤزومو،
اؤز-اؤزوم‌له کیریخمیشام شهری.
و قارانقوش‌لارین داریخماسینی،
دون گئجه قویلادیم قولاقلاریما.
شهره دون گئجه جسد یاغدی،
گئجه‌لر لئش دوشور یاناقلاریما.
جاناوارلار هورور، دوغوز اوخویور،
کوچه‌ده قورخو قان یئرین‌ده آخیر.
گل اؤلک، سئوملی قارانقولوغوم!
لئش یئین‌لر بیزه تامارزی باخیر.
آددیم-آددیم واراقلانیر خیاوان،
آددیم-آددیم یولا جسد تؤکولور.
جاناوارلار بؤلوشدورور شهری،
پاییزین کؤکسو ییرتیلیر، سوکولور.
گؤزلریم هوردو، گؤزلریم هوردو،
اؤزومو داشلادیم، اؤزوم هوردو.
پاییزین کؤینه‌یی الیمده قالیب،
هامی گؤردو منی، هامی گؤردو.
شهرین اورتاسیندا اوزلشدیک،
بوغازین چئینه‌دیم، دیدیشدیردیم.
قانین ایچیدیم جانین چکیب سونرا،
جسدین چارمیخا ایلیشدیردیم.
اؤزومو آتمیشام زیبیل قابینا،
لوت قالیب، اَینیمه دوغوز گئیدیم.
ال آتیب تانرینی یئره سالدیم،
اؤزوم ایله اونو دییشدیردیم.
ایچیمی سپمیشم دونن شهره،
اؤلو یاغدیرمیشام یاغیش یئرینه.
تانرینی دوستاغا سالیب، سونرا-
اون گئجه، اون گونوز قان ایچدیردیم.
جاناوار دا منم، دوغوز دا منم،
گؤیه من سرمیشم قارانقولوغو.
بیلمه‌دن اولدو، بیلمه‌دن اولدو،
پاییزی چارمیخا ایلیشدیردیم.
بیلمه‌دن اولدو، بیلمه‌دن اولدو،
من اَیر قوشلاری دئییندیردیم.
پاییز اؤلموشدو، آمما کؤینه‌یینی،
شهرین اَینینه گئییندیردیم...
#آتیلا_حاجیزاده
@SheirOcagi
▫️مونا روزا *
مونا روزا! سیاه گوللر، آغ گوللر،
«گئیوه¹»نین گوللری و بیاض یاتاق
قانادی قیریق قوش مرحمت ایستر
آه سنین اوزوندن قانا باتاجاق،
مونا روزا! سیاه گوللر، آغ گوللر.
اولور (Ulur) آیا قارشی، کیرلی چاققال‌لار،
هورکک-هورکک باخان دووشان‌لار، داغا.
مونا روزا، بو گون منده بیر حال وار.
یاغمور ایری-ایری دوشر تورپاغا،
اولور آیا قارشی، کیرلی چاققالار.
آچما پنجره‌نی، پرده‌لری چک!
مونا روزا، سنی گؤرمه‌مه‌لی‌یم.
بیر باخیشین اؤلمه‌م اوچون یئته‌جک
آنلا مونا روزا، من اؤته‌لی‌یم!
آچما پنجره‌نی، پرده‌لری چک!
زئیتون آغاجلاری، سؤیود کؤلگه‌سی،
منده چیخار گونش آیدینلیغینا.
بیر نیشان اوزویو، بیر قاپی سسی،
سنی خاطیرلادیر هر زامان منه،
زئیتون آغاجلاری، سؤیود کؤلگه‌سی.
زانباقلار ان ایس‌سیز² یئرلرده آچار،
و واردیر هر وحشی چیچکده غورور.
بیر شمعین آردیندا گؤزله‌ین روزگار،
ایشیقسیز روحومو ساللاییب دورار.
زانباقلار ان ایس‌سیز یئرلرده آچار.
اللرین، اللرین و بارماقلارین،
بیر نار چیچه‌یینی ازیرمیش کیمی.
اللریندن بللی اولار بیر قادین،
دنیزین دیبینده گزیرمیش کیمی.
اللرین، اللرین و بارماقلارین.
زامان نه ده چابوک سوووشور «مونا!»
ساعات اون ایکی‌دیر، سؤندو لامپالار
اویو کی، دورنالار گیرسین رؤیانا!
باخما شاشقین-ساشقین گؤیه بو قدر!
زامان نه ده چابوک سوووشور، «مونا!»
آخشاملاری گلیر انجیر قوشلاری،
قونارلار باغچامین انجیرلرینه.
کیمینین رنگی آغ، کیمینین ساری،
آه، منی وورسالار بیر قوش یئرینه!
آخشاملاری گلیر انجیر قوشلاری.
کی من «مونا روزا!» تاپارام سنی،
انجیر قوشلارینین باخیشلاریندا.
حیاتلا دولدورور بو بوش یئلکنی،
او معصوم باخیشلارین سو کناریندا.
کی من «مونا روزا!» تاپارام سنی.
اینجیک-اینجیک باخما اوزومه «روزا!»
هله دینله‌مه‌دین مندن تورکولر.
منیم عشقیم اویماز ائله هر سازا
ان گؤزل شارقینی، بیر قورشون سؤیلر.
اینجیک-اینجیک باخما اوزومه «روزا!»
آرتیق اینان منه، موهاجیر قیزی!
دینله و قابول ائت اعتیرافیمی!
بیر سویوق، بیر ماوی، بیر غریب سیزی³،
آلوو-آلوو ساردی هر طرفیمی.
آرتیق اینان منه، موهاجیر قیزی!
یاغمورلاردان سونرا بؤیورموش باشاق،
مئیوه‌لر صبیرله اولقونلاشیرمیش.
بیر گون گؤزلریمین تا ایچینه باخ!
آنلارسان اؤلولر نئچون یاشارمیش،
یاغمورلاردان سونرا بؤیورموش باشاق.
«مونا روزا!» سیاه گوللر، آغ گوللر
«گئیوه»نین گوللری و بیاض گوللر...
#سئزایی_کاراکوچ
کؤچوردو:
#شعر_اوجاغی
ایضاحلار:
¹- «ساکاریا» ویلایتینه باغلی ایلچه‌لردن بیری
²- اینسان یاشامایان یئر (ıssız)
³- خفیف و اینجه آغری، مجازن روحسال آجی، اضطراب (sızı)
@SheirOcagi
مونا روزا! سیاه گوللر، آغ گوللر،
«گئیوه¹»نین گوللری و بیاض یاتاق
قانادی قیریق قوش مرحمت ایستر
آه سنین اوزوندن قانا باتاجاق،
مونا روزا! سیاه گوللر، آغ گوللر.
اولور (Ulur) آیا قارشی، کیرلی چاققال‌لار،
هورکک-هورکک باخان دووشان‌لار، داغا.
مونا روزا، بو گون منده بیر حال وار.
یاغمور ایری-ایری دوشر تورپاغا،
اولور آیا قارشی، کیرلی چاققالار.
آچما پنجره‌نی، پرده‌لری چک!
مونا روزا، سنی گؤرمه‌مه‌لی‌یم.
بیر باخیشین اؤلمه‌م اوچون یئته‌جک
آنلا مونا روزا، من اؤته‌لی‌یم!
آچما پنجره‌نی، پرده‌لری چک!
زئیتون آغاجلاری، سؤیود کؤلگه‌سی،
منده چیخار گونش آیدینلیغینا.
بیر نیشان اوزویو، بیر قاپی سسی،
سنی خاطیرلادیر هر زامان منه،
زئیتون آغاجلاری، سؤیود کؤلگه‌سی.
زانباقلار ان ایس‌سیز² یئرلرده آچار،
و واردیر هر وحشی چیچکده غورور.
بیر شمعین آردیندا گؤزله‌ین روزگار،
ایشیقسیز روحومو ساللاییب دورار.
زانباقلار ان ایس‌سیز یئرلرده آچار.
اللرین، اللرین و بارماقلارین،
بیر نار چیچه‌یینی ازیرمیش کیمی.
اللریندن بللی اولار بیر قادین،
دنیزین دیبینده گزیرمیش کیمی.
اللرین، اللرین و بارماقلارین.
زامان نه ده چابوک سوووشور «مونا!»
ساعات اون ایکی‌دیر، سؤندو لامپالار
اویو کی، دورنالار گیرسین رؤیانا!
باخما شاشقین-ساشقین گؤیه بو قدر!
زامان نه ده چابوک سوووشور، «مونا!»
آخشاملاری گلیر انجیر قوشلاری،
قونارلار باغچامین انجیرلرینه.
کیمینین رنگی آغ، کیمینین ساری،
آه، منی وورسالار بیر قوش یئرینه!
آخشاملاری گلیر انجیر قوشلاری.
کی من «مونا روزا!» تاپارام سنی،
انجیر قوشلارینین باخیشلاریندا.
حیاتلا دولدورور بو بوش یئلکنی،
او معصوم باخیشلارین سو کناریندا.
کی من «مونا روزا!» تاپارام سنی.
اینجیک-اینجیک باخما اوزومه «روزا!»
هله دینله‌مه‌دین مندن تورکولر.
منیم عشقیم اویماز ائله هر سازا
ان گؤزل شارقینی، بیر قورشون سؤیلر.
اینجیک-اینجیک باخما اوزومه «روزا!»
آرتیق اینان منه، موهاجیر قیزی!
دینله و قابول ائت اعتیرافیمی!
بیر سویوق، بیر ماوی، بیر غریب سیزی³،
آلوو-آلوو ساردی هر طرفیمی.
آرتیق اینان منه، موهاجیر قیزی!
یاغمورلاردان سونرا بؤیورموش باشاق،
مئیوه‌لر صبیرله اولقونلاشیرمیش.
بیر گون گؤزلریمین تا ایچینه باخ!
آنلارسان اؤلولر نئچون یاشارمیش،
یاغمورلاردان سونرا بؤیورموش باشاق.
«مونا روزا!» سیاه گوللر، آغ گوللر
«گئیوه»نین گوللری و بیاض گوللر...
#سئزایی_کاراکوچ
کؤچوردو:
#شعر_اوجاغی
ایضاحلار:
¹- «ساکاریا» ویلایتینه باغلی ایلچه‌لردن بیری
²- اینسان یاشامایان یئر (ıssız)
³- خفیف و اینجه آغری، مجازن روحسال آجی، اضطراب (sızı)
@SheirOcagi
|شعر اوجاغی|
▫️مونا روزا * مونا روزا! سیاه گوللر، آغ گوللر، «گئیوه¹»نین گوللری و بیاض یاتاق قانادی قیریق قوش مرحمت ایستر آه سنین اوزوندن قانا باتاجاق، مونا روزا! سیاه گوللر، آغ گوللر. اولور (Ulur) آیا قارشی، کیرلی چاققال‌لار، هورکک-هورکک باخان دووشان‌لار، داغا. مونا…
▫️#مونا_روزا، «دانته گابریل روستتی»نین ایکی نقاشی تابلوسونون عونوانی‌دیر. هر ایکیسی، «فرانسیس لیلاند»، «فردریک ریچاردز لیلاند، بریتانیالی بیر تاجیر»ین خانیمینین تصویری‌دیر. تابلونون بیرینجیسی، ۱۸۶۲ده، ایکینجیسی‌یسه ۱۸۶۷ده تکمیل اولوبدور...
#شعر_اوجاغی
@SheirOcagi
#شعر_اوجاغی
@SheirOcagi
▫️اونوت منی
اونوت منی، یوبانما،
چیخیب گئدیم یانیندان،
اثر ده قالماسین قوی،
بو سئوگی‌نین دادیندان.
اونوت منی سحرلر،
اوفوق ایشیلدایاندا،
یاواشجا پنجره‌ن‌دن
بوداق خیشیلدایاندا.
اونوت منی گون اورتا،
کولک گونو اَیَنده،
دیوان‌دا حال‌سیز حال‌سیز
کیتاب واراقلایاندا.
اونوت منی هر آخشام،
سیزیلتیدان بئزنده،
دوروب گئدیب ارین چون
میخک‌لی چای سوزنده.
اونوت منی دوننده
اونوت منی بوگون ده
اونوت منی، اونوت، تام.
سحر... گون اورتا... آخشام...
#ایلقار_فهمی
کوچوردو:
#ارن
@SheirOcagi
اونوت منی، یوبانما،
چیخیب گئدیم یانیندان،
اثر ده قالماسین قوی،
بو سئوگی‌نین دادیندان.
اونوت منی سحرلر،
اوفوق ایشیلدایاندا،
یاواشجا پنجره‌ن‌دن
بوداق خیشیلدایاندا.
اونوت منی گون اورتا،
کولک گونو اَیَنده،
دیوان‌دا حال‌سیز حال‌سیز
کیتاب واراقلایاندا.
اونوت منی هر آخشام،
سیزیلتیدان بئزنده،
دوروب گئدیب ارین چون
میخک‌لی چای سوزنده.
اونوت منی دوننده
اونوت منی بوگون ده
اونوت منی، اونوت، تام.
سحر... گون اورتا... آخشام...
#ایلقار_فهمی
کوچوردو:
#ارن
@SheirOcagi
▫️نسنه‌لرین چاغیریشی
هاوالانمیش گونش
آدام آغاجلاری آراسیندان.
تورپاق کؤکسونه میضراقلانمیش
و کورک کوره‌یه وئریب
اویویان چمنلیک
اویانیر.
باشینا بولودلاری سارییان داغ
چای اونورغالی چاپار آرخاسینجا
قالخارکن
قاسناق باغلامیش گؤزوم گوزگوسونده
یولونو آزیر کولک.
و سوموک چرچیوه‌لی تابلو ایچیندن
گولومسه‌ییر اوشاقلارا
زهرلی بیر گؤبه‌لک.
سونبول‌لر
قیزمیش ناللارین دامغاسی آلتیندا
باشلارینی
آنلامینی آختاران تورپاق اوسته قویور،
و یاشیل رؤیاسی قاچیر یارپاق‌لارین.
اویانیرام
گؤی قورشاقلی ماوی ائکراندا.
گؤزلریمی یومادان
گؤوده‌مه آغیرلیق ائدن نسنه‌لرین چاغیریشی
سیرغالانیر قولاقلاریما...
#ائلشن_بؤیوکوند
@SheirOcagi
هاوالانمیش گونش
آدام آغاجلاری آراسیندان.
تورپاق کؤکسونه میضراقلانمیش
و کورک کوره‌یه وئریب
اویویان چمنلیک
اویانیر.
باشینا بولودلاری سارییان داغ
چای اونورغالی چاپار آرخاسینجا
قالخارکن
قاسناق باغلامیش گؤزوم گوزگوسونده
یولونو آزیر کولک.
و سوموک چرچیوه‌لی تابلو ایچیندن
گولومسه‌ییر اوشاقلارا
زهرلی بیر گؤبه‌لک.
سونبول‌لر
قیزمیش ناللارین دامغاسی آلتیندا
باشلارینی
آنلامینی آختاران تورپاق اوسته قویور،
و یاشیل رؤیاسی قاچیر یارپاق‌لارین.
اویانیرام
گؤی قورشاقلی ماوی ائکراندا.
گؤزلریمی یومادان
گؤوده‌مه آغیرلیق ائدن نسنه‌لرین چاغیریشی
سیرغالانیر قولاقلاریما...
#ائلشن_بؤیوکوند
@SheirOcagi
▫️کیتاب اولسایدیم، اوخویاردین‌می منی؟
گؤزلریمده گؤردوکلرینین، دینله‌دیکلرینین آلتیندان خط چکیب او جومله‌لری حیاتینین بیر پارچاسینا چئویرردین‌می...؟
📚 اونا
#عزیز_یعقوب‌زاده
#شعر_اوجاغی
@SheirOcagi
گؤزلریمده گؤردوکلرینین، دینله‌دیکلرینین آلتیندان خط چکیب او جومله‌لری حیاتینین بیر پارچاسینا چئویرردین‌می...؟
📚 اونا
#عزیز_یعقوب‌زاده
#شعر_اوجاغی
@SheirOcagi
▫️ائولنمک اوچون دلیجه‌سینه عاشیق اولماغی گؤزله‌یه‌جه‌یم.
سانیرام بو سببدن ائوده قالاجاغام...
📚 غورور و تعصّوب
#جین_اوستین
#شعر_اوجاغی
@SheirOcagi
سانیرام بو سببدن ائوده قالاجاغام...
📚 غورور و تعصّوب
#جین_اوستین
#شعر_اوجاغی
@SheirOcagi
▫️آزغین دوش
اؤزومون ائدنه قدر، زوم ائدیرم سنی،
اؤزومدن بوشالیر تؤکولورم اوچ بویوتلو* گؤزلویومه،
باخیرام مینیاتور گؤزللیینه.
قاباریرسان دوداغینی مانیتورومدان
اؤپوشوروک...
قاریشیر بویوتلار،
زوم اولورام،
دوشورم مانی-تورونا.
گؤزلریمی قیرپمادان
باخیرسان گؤزلریمه،
دوداقلانان سؤزجوکلری اؤیردیرسن دوداقلاریما
«بوز دوداقلارینی!» دئییرسن
«یوم
خیالا جوم
گؤزلرینی!»
یومورام
سومورورام
جومورام جومجولو...
«دایان!» دئییرسن
«اؤنجه اوخوجولاری آزدیر باشقا بیر دیزه‌ده!
یوخسا اوخلارینین اوجو گؤزوموزه دَیر
اؤزوموز چکدیییمیز یایدان.»
«اولسون!
بویورون ایلک -بئیت-ه عزیز اوخ اوجولار!
باغیشلایین-
ایلک -دیزه-یه
چونکی بیزدن داها اؤنجه اوچورولوب بو ائو.
لوطفن آخار-باخارلیقدان آسیلمیش مینیاتورا توخونمایین،
قیچ قولونوزو راحاتجا اوزادین!»
«جومجولوق اوزانمیش یئردن قیچ قولونو...
دوام ائدیم‌می؟
یوخ ؟!»
«یوخ!»
باش بارماغینین آلتیندا،
ژئنئتیک‌سل دیرچَلمه‌می* سیناییرسان سیچانلا.
لابراتوواردا
گاه کیچیلیر
گاه بؤیویورم.
ایلیشیب قالیرام توروندا
قال‌ما‌قال یارانیر
«قال» خسته‌لییی قیجیقلاندیریر سؤزلوکلری
«قالما» سؤزجویونه درمان تاپیرسان
دیشلهییر الینی سیچان
دوشور گؤزومدن اوچ بویوتلو گؤزلوک...
* بویوت: بُعد
* ژئنئتیک‌سل دیرچَلمه: جهش ژنتیکی
#زامان_پاشازاده
@SheirOcagi
اؤزومون ائدنه قدر، زوم ائدیرم سنی،
اؤزومدن بوشالیر تؤکولورم اوچ بویوتلو* گؤزلویومه،
باخیرام مینیاتور گؤزللیینه.
قاباریرسان دوداغینی مانیتورومدان
اؤپوشوروک...
قاریشیر بویوتلار،
زوم اولورام،
دوشورم مانی-تورونا.
گؤزلریمی قیرپمادان
باخیرسان گؤزلریمه،
دوداقلانان سؤزجوکلری اؤیردیرسن دوداقلاریما
«بوز دوداقلارینی!» دئییرسن
«یوم
خیالا جوم
گؤزلرینی!»
یومورام
سومورورام
جومورام جومجولو...
«دایان!» دئییرسن
«اؤنجه اوخوجولاری آزدیر باشقا بیر دیزه‌ده!
یوخسا اوخلارینین اوجو گؤزوموزه دَیر
اؤزوموز چکدیییمیز یایدان.»
«اولسون!
بویورون ایلک -بئیت-ه عزیز اوخ اوجولار!
باغیشلایین-
ایلک -دیزه-یه
چونکی بیزدن داها اؤنجه اوچورولوب بو ائو.
لوطفن آخار-باخارلیقدان آسیلمیش مینیاتورا توخونمایین،
قیچ قولونوزو راحاتجا اوزادین!»
«جومجولوق اوزانمیش یئردن قیچ قولونو...
دوام ائدیم‌می؟
یوخ ؟!»
«یوخ!»
باش بارماغینین آلتیندا،
ژئنئتیک‌سل دیرچَلمه‌می* سیناییرسان سیچانلا.
لابراتوواردا
گاه کیچیلیر
گاه بؤیویورم.
ایلیشیب قالیرام توروندا
قال‌ما‌قال یارانیر
«قال» خسته‌لییی قیجیقلاندیریر سؤزلوکلری
«قالما» سؤزجویونه درمان تاپیرسان
دیشلهییر الینی سیچان
دوشور گؤزومدن اوچ بویوتلو گؤزلوک...
* بویوت: بُعد
* ژئنئتیک‌سل دیرچَلمه: جهش ژنتیکی
#زامان_پاشازاده
@SheirOcagi
▫️سئویلن قادین، بوتون قادینلارین ان گؤزلی دئییل‌می...؟
📚 وادی‌ده‌کی زانباق
#اونوره_د_بالزاک
#شعر_اوجاغی
@SheirOcagi
📚 وادی‌ده‌کی زانباق
#اونوره_د_بالزاک
#شعر_اوجاغی
@SheirOcagi
▫️اؤزومو سئوه بیلمیرم
اوزومه قیریشلار دوشور،
اوزومو سئوه بیلمیرم.
بیلمیرم بو نئجه درددی،
اؤزومو سئوه بیلمیرم.
هاچان باتدیم گوناها،
کیم منی قارغیشلادی؟
یازدیغیم میصراعلاردان،
دئیه‌سن دریندی داها،
آلنیمین قیریشلاری.
یولا سالدیم گئدن‌لری،
گلن‌لردن خبر یوخ.
قاباقدان بیر گئجه گلیر،
آرخاسیندا سحر یوخ.
یاتیب قالدیم، قاپیمیزدان-
عؤمور اؤتدو، گون اؤتدو.
ایندن بئله بیرجه قیز دا
آغلاماز مندن اؤترو.
خبریم یوخ، چؤلده نه وار...
دئییرلر کی پاییزدی.
دونیا، سندن دویدوم داها!
گئت، آجلاری دویوزدور!
هانسی دامدان گلیر، آللاه،
او موللانین اذانی؟!
قویما، منی آپاراجاق
بو پاییزین خزانی!
نئچه دوندان-دونا دوشدوم،
بو سونونجو دونومدو.
بو اوز منیم سون اوزومدو،
بو اوز منیم سونومدو.
سون نفسیم دوداغیمدان اوچاندا،
بو اوز منیم،
اوزگه ال‌له یویولاسی اوزومدو.
بیر ایل-بئش ایل بوندان سونرا،
هاچانسا،
تابوتوما قویولاسی اوزومدو.
بو اوز منیم سون اوزومدو
سون گونومون یییه‌سی.
بو دونیادان گئدن اوزون
نه یاخشیسی، نه پیسی؟!
بو قیریشان اوزومو،
سئومه‌یه ده منه گوج وئر، ایلاهی!
بو صیفتده، بو گؤرکمده اؤزومو،
سئومه‌یه ده منه گوج وئر، ایلاهی!
ایندن بئله هئچ کس منی سئومه‌سه،
یئنه گوج وئر اؤزومو سئوه بیلیم
آغاج اؤز سون یارپاغینی سئون‌تک،
بو قیریشان اوزومو سئوه بیلیم.
اؤلوم نه‌دی؟
هامینین سون وطنی...
سون یارپاغی قوپاران سون کولک‌دی.
بو دونیادا سئوگی‌لرین چتینی،
قوجالیقدا اؤزوموزو سئومک‌دی.
#رامیز_رؤوشن
کؤچوردو
#شعر_اوجاغی
@SheirOcagi
اوزومه قیریشلار دوشور،
اوزومو سئوه بیلمیرم.
بیلمیرم بو نئجه درددی،
اؤزومو سئوه بیلمیرم.
هاچان باتدیم گوناها،
کیم منی قارغیشلادی؟
یازدیغیم میصراعلاردان،
دئیه‌سن دریندی داها،
آلنیمین قیریشلاری.
یولا سالدیم گئدن‌لری،
گلن‌لردن خبر یوخ.
قاباقدان بیر گئجه گلیر،
آرخاسیندا سحر یوخ.
یاتیب قالدیم، قاپیمیزدان-
عؤمور اؤتدو، گون اؤتدو.
ایندن بئله بیرجه قیز دا
آغلاماز مندن اؤترو.
خبریم یوخ، چؤلده نه وار...
دئییرلر کی پاییزدی.
دونیا، سندن دویدوم داها!
گئت، آجلاری دویوزدور!
هانسی دامدان گلیر، آللاه،
او موللانین اذانی؟!
قویما، منی آپاراجاق
بو پاییزین خزانی!
نئچه دوندان-دونا دوشدوم،
بو سونونجو دونومدو.
بو اوز منیم سون اوزومدو،
بو اوز منیم سونومدو.
سون نفسیم دوداغیمدان اوچاندا،
بو اوز منیم،
اوزگه ال‌له یویولاسی اوزومدو.
بیر ایل-بئش ایل بوندان سونرا،
هاچانسا،
تابوتوما قویولاسی اوزومدو.
بو اوز منیم سون اوزومدو
سون گونومون یییه‌سی.
بو دونیادان گئدن اوزون
نه یاخشیسی، نه پیسی؟!
بو قیریشان اوزومو،
سئومه‌یه ده منه گوج وئر، ایلاهی!
بو صیفتده، بو گؤرکمده اؤزومو،
سئومه‌یه ده منه گوج وئر، ایلاهی!
ایندن بئله هئچ کس منی سئومه‌سه،
یئنه گوج وئر اؤزومو سئوه بیلیم
آغاج اؤز سون یارپاغینی سئون‌تک،
بو قیریشان اوزومو سئوه بیلیم.
اؤلوم نه‌دی؟
هامینین سون وطنی...
سون یارپاغی قوپاران سون کولک‌دی.
بو دونیادا سئوگی‌لرین چتینی،
قوجالیقدا اؤزوموزو سئومک‌دی.
#رامیز_رؤوشن
کؤچوردو
#شعر_اوجاغی
@SheirOcagi