▫️یالنیز سنین اوچون

یالنیز سنین اوچون
داریخاجاق اوره‌ییم
اینجه بارماق‌لارینا توخونماق.

سنین حسرتینی داشییاجاق بوم-بوش ال‌لریم.
هر بیر باخیشینی، هر بیر سؤزونو خاطیرلایاندا
دؤیوم-دؤیوم دؤیونه‌جک چیرپینان اوره‌ییم.

هر آخشام گؤزله‌مکده قالاجاق،
دولغون-سولغون گؤزلریم،
داملا-داملا گؤزلریم.

کیمسه گؤرمه‌یه‌جک.
یالنیز، یالنیز سنین اوچون داریخاجاق
اوووج-اوووج محبّت‌لریم،
قوجاق-قوجاق سئوگی‌لریم.

بیر آخشام دنیز اولوب،
اوفوقون دالغالاریندا
یوخ اولاجاق
سنه حسرت باخان گؤزلریم.

آرامیزدا سیرر اولاجاق
سنی توتان ال‌لریم...

#آقشین_آغکمرلی
@SheirOcagi

▫️حیاتیمیزا گیرن هر کس دَیرلی‌دیر. آمّا هر کس اؤزل دئییلدیر. سایغی، هامیسینا؛ سئوگی، لاییق اولانا وئریلر...

📚 سئومک هونری
#ائریش_فروم
#شعر_اوجاغی
@SheirOcagi

▫️اویقارلیق (مدنیّت) همیشه بیر دیکتاتور اوچون ان قورخونج شئی‌دیر. چونکی کیتاب اوخویان میلّت اصلا کؤله اولمایاجاقدیر...

#آنتونیو_لوبوآنتونس
#شعر_اوجاغی
@SheirOcagi

▫️سئونلر بیر-بیرینه یارا ایزلرینی گؤستریرلر، ایلک اؤنجه بونو ائدرلر... «سنه روحومو آچمادان اؤنجه بیل کی، اینجییه بیله‌رم...» دئمک اوچون.
چونکی ان چوخ، سئودیکلرین یارالایار سنی...

📚گیزلی آژانس
#آلپر_جانی‌گوز
#شعر_اوجاغی
@SheirOcagi

▫️نه قدر یاخینینیز اولورسا اولسون، بیر باشقاسینین ایچیندن کئچنلر همیشه مجهول اولاراق قالاجاقدیر.
بیر یاستیقدا یاتانلار بئله بیر-بیرلرینین رؤیالارینی بیلمزلر...

#احمد_حمدی_تان‌پینار
#شعر_اوجاغی
@SheirOcagi

▫️نه من قالدیم، نه سن گئتدین

خیالین هوپوبدو کئفلی روحوما،
آختاریر جان سنی «آخ-وای» دئیه‌رک.
گئجه‌نین بو واختی گلدین یوخوما،
دیسکینیر بور-بوجاق «هارای» دئیه‌رک.

قالمیشام یالنیزجا تنهالیغیمدا،
در-دئشیک، دام-دووار اوستومه گلیر.
خبرسیز گئدیشین سینسیدیر منی،
هیس ووران قارغالار توستومه گلیر.

هارداسان؟... بورداسان منیم ایچیمده.
بیر آدام اولارمی گؤر ایکی یئرده؟
بیر بدن، بیر اورک باشقا بیچیمده،
بیر چاناق دولارمی گؤر ایکی یئرده؟

سن منیم جانیمسان، چیخیبسان چؤله.
گؤزومون اؤنونده جانلی گزیرسن.
بدندن جان گئتسه، تن گرک اؤله،
دویغوسال سونسوزا سن بنزه‌ییرسن.

گلیرسن یوخوما، هئچ کس بیلمه‌دن؛
هر گئجه روحومو سن اوینادیرسان.
آچیرسان قاپینی قفس بیلمه‌دن،
گؤیلره اوچماغی منله دادیرسان.

خیالدیر، خولیادیر، یوخو، بیلمیرم؛
هر نه‌دیر، سئوگییه آخان بولاق‌دیر.
یاتیبدیر خالقیمین چوخو، بیلمیرم،
سن‌سیز ده یاتسا دا «سوسقون»، سایاق‌دیر...

#سوسقون
@SheirOcagi

▫️منیم اؤزل بیر وطنیم یوخدور،
هر بیر یئرده اینسان و اینسانلیق حبسده اولماسا، اوراسی منیم وطنیمدیر...

#ارنستوا_چگوارا
#شعر_اوجاغی
@SheirOcagi

▫️ایکی گوندور باغچایا بئله چیخمیرام. ساده‌جه ایکی ساعاتدان بیر، پرده‌نین آراسیندان باغچایا باخما ایجازه‌سی وئریرم اؤزومه. منه «ائودن چیخما!» دئدیلر؛ فقط «اؤل!» دئمه‌دیلر.
ماراقلانیرام: هئچ ائشییه چیخمادان، اینسان نئجه یاشایار بیر ائوده؟
بونلاری دوشونرکن آینایا باخیردیم؛ گولدوم اونلارا آینادان. ائودن چیخماسام اؤله‌رم، گئرچکدن اؤله‌رم. آنلاییرمیسینیز؟

📚 قورخونو گؤزله‌یرکن
#اوغوز_آتای
#شعر_اوجاغی
@SheirOcagi

▫️گؤی اوزونده گؤردویو ایلک اولدوز ایمیش کیمی باخیردی اونا...

📚کول‌لر شهری
#کاساندرا_کلر
#شعر_اوجاغی
@SheirOcagi

▫️14 فئورال مکتوبو

بو گون سئوگیلی‌لر گونو،
سنین‌اوچون داریخیرام.
گؤزومو دیکیب تاوانا،
سنه، سنه، باخیرام.

بوردا تنهایام، قورخورام،
بیلمم سیغینیم کیمه.
بیر کیمسه یانیما گلمیر،
هامی گلیر اوستومه.

بلکه اوردا حیاتیمدان،
سن ده چیخا-چیخداسان.
یاخین گل، بیر گؤروم مندن
نه قدر اوزاقداسان...؟

#سالام_ساروان
#شعر_اوجاغی
@SheirOcagi

▫️بوشونا گیزلَتمه‌یه چالیشما!
سئوگی گؤزلریندن یوخو کیمی آخیر...

#رشاد_نوری_گون‌تکین
#شعر_اوجاغی
@SheirOcagi

▫️سن ساغ الینله بوزقورد توت،
من سول الینی هئچ زامان بوراخماییم...

14 فئورال
#سئوگیلی‌لر_گونو_قوتلو_اولسون
@SheirOcagi

▫️قیسقانج

سندن نه گیزله‌دیم، قیسقانجام یامان.
سن منی سئوسن ده دونيالار قدر،
يانيمدا گؤرمه‌سم سنی بيرجه آن،
گؤزومون يوخوسو چکیلیب گئدر.

دئميرم بؤيوكدور بو طبيعتيم،
بلكه ده، بلكه ده بو بير آزاردير.
قلبینه دَيمه‌سین سؤزوم-صؤحبتيم،
سنده محبّت ده، ناموس دا واردیر.

سنین وفانا دا اینانیرام من،
آنجاق نه اولسون کی بؤیوکدور شهر،
اؤزون ده حدّيندن آرتيق گؤزلسن،
ديديب پارچالاییر منی شوبهه‌لر...

#صمد_وورغون
@SheirOcagi

▫️+ «منه دلی دئمه لوطفن!
پارچالانمیش وطندن سوز آچیلان زامان چیخیر اوره‌ییم یئریندن؛ اودور داغدان، باغدان دانیشیب سؤزو دَییشیرم، سئوگیلیم...!»

- «اولسون، داریخما، داها دئمه‌رم!»

+ «سؤزومو دئدیم، آرتیق دئسن ده دئییبسن. وطن‌ آدی گلنده اوتانیرام... بوغازیم قورویور آخار آرازا باخاندا.
منی باغیشلا سئوگیلیم! سنی، سؤز وئردیییم کیمی، یانی وطن قدر سئوه بیلمه‌دیم‌سه...!»

- «بو نه دئمک سئوگیلیم؟! باشا دوشورم سنی...»

+ «آه... بو قدر گئنیش دوشونجه‌لی اولدوغونا گؤره تانری بوتون ایستک‌لرینی وئرسین...!»

- «یوخ، یوخ، سئوگیلیم! هئچ بیر شئی ایسته‌میرم؛ فقط کئشگه من ده او پارچالانمیش وطن اولسایدیم...!»

#مهدی_اظهری
@SheirOcagi

▫️من چوخ وارلی بیر عاییله‌ده بؤیوموشدوم، منی حدّیندن آرتیق نازلامیشدیلار.
منه ائله گلیردی‌ کی، بوتون دونیا چهرایی پانبیقدان، قنده توتولموش بادامدان دوزَلدیلیب.
آمّا بیر گون بیلدیم کی، منیم بوتون وارلیغیملا ایناندیغیم ان یاخشی دوستوم، منی آلدادیرمیش...

📚 آت میلچه‌یی
#اتل_لیلیان_وینچ
#شعر_اوجاغی
@SheirOcagi

▫️ائه...! بؤیوک گوناهی باغیشلاماق اوچون، بؤیوک اورک صاحیبی اولماق لازیم‌دیر...

📚 سئوداسیز آیلار
#سالام_قدیرزاده
#شعر_اوجاغی
@SheirOcagi

▫️عاغلیم

اؤزگه‌لره همدم، اؤزومه درد-غم،
آغلاسام گؤزومو سیلمه‌ین عاغلیم‌.
اونا-بونا عاغیل اؤيره‌دن اولوب،
عئیبيندن اوتانيب اؤلمه‌ين عاغليم.

نه خجالت چکیر، نه‌ ده اوتانیر،
اؤزونو عاریف ده، عالیم ده سانیر.
یوخسول اوجاغی تک سونرادان یانیر،
واختیندا باشیما گلمه‌ین عاغلیم.

من «بهمن»ی اویاندیرماق ایسته‌ییر،
یانار اودا قالاندیرماق ایسته‌ییر.
نئچه‌سینی دولاندیرماق ایسته‌ییر،
منی دولاندیرا بیلمه‌ین عاغلیم...

#بهمن_وطن‌اوغلو
@SheirOcagi

▫️یاناراق وار اولماغی قبول ائتمکله، سؤنه‌رک یوخ اولماق آراسیندا ائدیله‌جک سئچیمدن عیبارت ایدی بوتون حئکایه...

📚 ایسیم‌له آتش آراسیندا
#نازان_بکیراوغلو
#شعر_اوجاغی
@SheirOcagi

▫️بیر توپلومون قادینلاری تحصیل‌سیز اولدوغو مودّتده، او توپلومون اوغور قازانما شانسی یوخدور، لیلا!... هئچ یوخدور...

📚 مین مؤحتشم گونش
#خالد_حسینی
#شعر_اوجاغی
@SheirOcagi

▫️هئچ کیم ایزله‌میرمیش کیمی رقص ائت!
هئچ اینجینمه‌میش کیمی سئو!
هئچ کیم دینله‌میرمیش کیمی ماهنی اوخو!
دونیا جنّت‌میش کیمی یاشا...!

#مارک_تواین
#شعر_اوجاغی
@SheirOcagi

▫️او قوجا قادین
هر آددیمدا آیاق ساخلاییب
یئرده کی کاغیذ قیرینتی‌لارینی
گؤزدن کئچیریر
بو بؤیوکلوکده شهرده
هئچ پول ایتیرن یوخ مو؟!

#راسیم_قاراجا
@SheirOcagi