▫️بوگون دامارلاریمدا
سنین قانین آخیر؛
یوموشاق
ساده
و سونسوز بیر آخینتی...

#پابلو_نئرودا
#شعر_اوجاغی
@SheirOcagi

▫️اینانما!

کؤنول دوستوم! وفاسيزين آندينا،
بير ده شيرين ديللرينه اينانما
يوز فیتنه‌لی، يوز بير ديللی گؤزلين،
يوز ال ديَن اللرينه اينانما!

اصيل تاپيب محبّتله حيات قور!
حيله‌گردن، فيتنه‌كاردان كنار دور!
عملی شر، قلبی موردار، اوزو نور،
فندگيرلرين فئل‌لرینه اینانما!

بو «آزافلی» نه‌لر گؤردو، نه چكدی!
سينه‌سينده وفا آدلی گول اكدی
مين گؤزلين بلكه بيری چيچك‌دی
تئز-تئز آچان گوللرينه اينانما...!

#ميكاييل_آزافلی
@SheirOcagi

▫️یوخون قاچدی ائوده یاتا بیلمه‌دین
تورپاقدا یات، تورپاق قوزوم، آ لایلای!
گیزلی-گیزلی اوفولدادین، اینله‌دین
اویاق قالان یوخوسوزوم، آ لایلای!

گوزگو کیمی ظریف ایدی گول اوزون
اینصاف‌دی‌می تورپاق آلتدا چوروسون؟!
دومان گلسین قبریستانی بوروسون
دومان سنه اؤرپک اولسون، آ لایلای!
تورپاق سنه دؤشک اولسون، آ لایلای!

یانیمدایدین، یاشاییردیق بیر بابات،
یوخولاردا گاه دوغماسان، گاه دا یاد
آییلیرام نه سن وارسان، نه حیات
یوخولاردا گؤروشَنیم آ لایلای!
یاخین ایکن گئن دوشنیم، آ لایلای!

لایلای دئدیم، بئشیک دئدیم مزارا
داش گتیردیک، سالدیق سنی حاصارا
ها یالواردیم، ها چاغیردیم آی سا...را...!
داریخاندا هیانیمیز، آ لایلای!
آیری دوشن عونوانیمیز آ لایلای...!

#نریمان_حسن‌زاده
کؤچوردو
#شعر_اوجاغی
@SheirOcagi

▫️بیر آز اؤزونه اؤنم‌ وئر؛ یوخسا حیاتین ایچینده آرادان گئدرسن، کیمسه ده بیلمز...!

#جان_ماکسوئل
#شعر_اوجاغی
@SheirOcagi

▫️فقط اینسانلیغی نظره آلیب باشقا شئی‌لری اونوداق...
بو ایشی باشارا بیلسک، اینسانین گله‌جه‌یی سئوینج، بیلیم و اویانیشلا دولو بیر جنّت اولاجاق...آنجاق باشارا بیلمه‌سک، بؤیوک و دونیالیق بیر زاوال‌لا قارشی‌-قارشی‌یا گله‌جه‌ییک....

#برتراند_راسل
#شعر_اوجاغی
@SheirOcagi

هشتمین شماره‌ی فصلنامه‌ی بوتا را از دکه‌های روزنامه‌فروشی و کتاب فروشیهای معتبر استانهای آذربایجان شرقی-آذربایجان غربی- زنجان-اردبیل و تهران بخواهید- بخش ویژه: ولادیمیر نابوکوف
@butakitab
Butajournal.com

▫️بیلمیرم بیزلردن نییه کوسوبسن،
آلیشیب یانیریق، وئجینه دئییل.
دونیادان نه یامان اوز دؤندَریبسن!
ائله کی،سانیریق وئجینه دئییل.

اینسانام، حیادان چؤله چیخمارام،
گؤررسم الی بوش قالان آتانی.
سن نئجه آرخایین یاتا بیلیرسن؟
آتدیغین داوانین کیمدی ساتانی؟

کئچن ماشین‌لارا یالواریر آج قیز،
الده چیچک‌لرین اونا ساتماغا.
باخ... سنین آدینی سسله‌ییر، آللاه!
ماشینین اوره‌یین یوموشالتماغا.

او سنین آدینلا ساتیر چیچه‌یین
الی بوش قاییتسا، اوندا نه قالار؟
آخشام یئمه‌یینه پول قازانماسا،
تانری اونودولار، چیچک‌لر سولار.

سنین یولون بیزیم شهره دوشسه،
گؤررسن بو اوشاق نه سایاقلاییر.
جیسمین قوروماغی باجاریر، آنجاق-
روحونو ماشین‌لار هئی آیاقلاییر...

#فیروز_رحمانی
@SheirOcagi

▫️نردیوان

بو دونیا نردیواندی
قالخاندا مئهریباندی
ائننده نه یاماندی!

گؤروشدوک پیلله‌لرده،
یولون یاریسیندا بیز
او قالخیردی بو دمده
من ائنیردیم خبرسیز.

اونو آرزولارینا،
قالدیریردی نردیوان.
منی خاطیره‌لره،
ائندیریردی بو زامان.
بیریمیز گون‌چیخانا،
بیریمیز گون باتانا...

قالخا بیلمزدیم داها،
نه او گوج، نه او طاقت.
او دا ائنه بیلمزدی
حاقلی، حاقسیز وئرمیشدی،
اؤز حؤکمونو طبیعت.

گرک یا دوشمه‌یه‌یدی
بو گؤروش هئچ آرایا.
یا او اوّل گله‌یدی،
یا من سونرا، دونیایا.‌..

#نریمان_حسن‌زاده
کؤچوردو
#شعر_اوجاغی
@SheirOcagi

▫️نؤقصان‌دی کی اینسان! سنه شیطان دئمک اولمور
اینسان! سنه اینسان کیمی اینسان دئمک اولمور.

اینسانلیغی محو ائیله‌ین، اینسان! سن اؤزونسن.
سندن ساوایی کیمسه‌یه نادان دئمک اولمور.

خلق ائتسه‌ ده خالیق سنی دونیایا خلیفه،
شئیطانی‌دی حؤکمون، سنه سولطان دئمک اولمور.

قیردین، تالادین هر نه‌یه ال ووردون، آی آخماق!
ال قویمادیغین یئرلره ویران دئمک اولمور.

روحون هاچالانمیش، ایکی سئودا یاشاییرسان
دونیا! بئله معشوقه‌یه جانان دئمک اولمور.

هم‌جینسینه اینسان کیمی حئیوان مئییل ائتمیر
حئیواندان ایراق، هئچ سنه حئیوان دئمک اولمور!

قلبینده محبّت داشییان ظالیم عزازیل
نه دوست دئمک اولمور، نه ده دوشمان دئمک اولمور.

درد ائیله‌مه «آذر!»، گؤره‌جکسن بو یاخیندا،
اینسانلیغا اول دهرده نؤقصان دئمک اولمور...

#سیف‌الله_آذر
او تایلی شاعیر
کؤچوردو
#شعر_اوجاغی
@SheirOcagi

▫️سن ائله بیر واختدا راست گلدین منه،
قوروموش بولاغام، بولانمیش سویام.
سن ائله بیر واختدا راست گلدین منه،
اوخونموش نغمه‌یم، چالینمیش تویام.

نه گوجوم چاتدی کی سندن یاپیشام،
نه گوجوم چاتدی کی، سندن قاچام من.
نه اودوم اولدو کی یانام، آلیشام،
نه سئحریم اولدو کی، جاوانلاشام من‌.

سن ائله بیر واختدا راست گلدین منه،
عؤمرون پاییز واختی، خزل چاغی‌یدی.
سن ائله بیر واختدا راست گلدین منه
سنین گنج‌لییینین گؤزل چاغی‌یدی.

نه دئیه بیلدیم کی، توتماز سئودامیز،
نه دئیه‌ بیلدیم کی، توتار بیزیمکی.
بیزیمدیر سمادا آخان او اولدوز،
او اوزاقدا ایتن قاتار بیزیمدی.

سن ائله بیر واختدا راست گلدین منه،
دایانیب دورموشدوم یول آیریجیندا.
سن ائله بیر واختدا راست گلدین منه،
بیر اوزوم جاواندی، بیر اوزوم قوجا.

نه دئیه بیلدیم کی سئون چاغیمدی،
نه دئدیم سئویرم، منه دایاق اول.
نه دئیه بیلدیم کی، منه یاخین دور،
نه دئیه بیلدیم کی، مندن اوزاق اول.

سن ائله بیر واختدا راست گلدین منه،
عؤمرون عشق باده‌سی ایچیلمیش‌ ایدی.
سن ائله بیر واختدا راست گلدین منه،
منزیلیمین چوخو کئچیلمیش‌ ایدی.

نه دئیه بیلدیم کی اورک‌سن منه،
نه دئیه بیلدیم کی، اورک دئییلسن.
نه دئیه بیلدیم کی گرک‌سن منه،
نه دئیه بیلدیم کی، گرک دئییلسن.

سن ائله بیر واختدا راست گلدین منه،
بو نئجه فصیلدی، نئجه واخت ایدی؟
سن ائله بیر واختدا راست گلدین منه،
بو نئجه طالعدی، نئجه بخت ایدی؟

نه دئیه بیلدیم کی، پناهسیزام من،
نه دئیه بیلدیم کی پناه منده‌دیر.
نه دئیه بیلدیم کی گوناهسیزام من،
نه دئیه بیلدیم کی گوناه منده‌دیر.

سن ائله بیر واختدا راست گلدین منه،
اؤزوم اؤز حالیما گولمک ایستدیم
سن ائله بیر واختدا راست گلدین منه،
تزه‌دن دونیایا گلمک ایستدیم....

#جابیر_نووروز
کؤچوردو
#شعر_اوجاغی
@SheirOcagi

▫️«نیچه»نین نظرینه گؤره: «روح چؤکونتوسو»، اینسان‌لارین اؤزلرینی تانیماق اوچون اؤده‌دیک‌لری قیمتدیر.
حیاتا هر قدر داها درین باخسان، او قدر ده داها درین آجی چکه‌جکسن...

#اروین_یالوم
#شعر_اوجاغی
@SheirOcagi

▫️سئوینجلی اول گؤزل قیزیم!
یئری، قاچ، اوچ، اومید ائت، بؤیو، آجی چک و یا اَیلن؛ آنجاق یاشا... بیر آز یاشا...!

📚داها یاخشی حیات
#آنا_گاوالدا
#شعر_اوجاغی
@SheirOcagi

▫️قاییت...!

تک چکه بیلمیرم جان عذابینی،
سنسیز اوره‌ییمی ازیر آیریلیق.
من زنگی باساندا سن آچ قاپینی،
بختیمه چیخیبسان، قارشیما سن چیخ!

تک سنین سسینه حسرتم ائوده،
سوسوب دینله‌سم ده دوستو-تانیشی.
اوغول-قیز یانیندا من تکم ائوده،
باشقادیر حیاتدا حیات یولداشی.

اوشاقلیق یولداشیم، گؤزومون نورو،
کؤنلومون هیانی، اولفتی سنسن.
قالخسام، عائیله‌ده آتا غوروروم،
ییخیلسام، دیزیمین طاقتی سنسن.

حیات چوخ سینادی خئیرده، شرده
من دارا دوشنده ایلک هیانیمسان
سن «نابات خالانین چؤره‌یی»نده ده،
منیم «فرح» آدلی قهرمانیم‌سان.

یایین ایستیسینده سرین گونلویوم،
قیشدا اود نفسین حرارت وئریر.
منیم مغرورلوغوم، ارکؤیونلویوم-
آنجاق سنه گؤره، سنه گؤره‌دیر.

قاییت، آداملاری تزه‌دن تانیت!
سهویمین اوستونده دانلا خلوتی:
«منسیز نه اولاجاق سنین آخیرین!»
بیر ده تکرار ائله بو حقیقتی!

ائویمین بزه‌یی، قاییت ائوینه!
پنجره، دؤشه‌مه ائله‌جه دورور؛
نه قدر سیلیرم توز باسیر یئنه،
سنین سیلدییین‌تک هئچ تمیز اولمور.

بعضن قوهوم‌لارین یانیر اوریی،
دئییرلر «گل چای ایچ، چؤرک یئ» هردن.
سنین بیشیردییین دادلی خؤره‌یی،
من تاپا بیلمه‌دیم او سوفره‌لردن.

ایلهامیم، قلمیم دانیشان دئییل.
قاییت، اؤز گؤزومده ایتیرم سنسیز!
عونوان منیمکی‌دیر؛ آنجاق ائله بیل،
اؤزگه‌نین ائوینه گئدیرم سنسیز.

قوشا حاجی لئیلک یوواسی اولور،
هئچ قارانقوشو دا تک قویمور حیات.
بوتون جانلی‌لارین دونیاسی اولور،
سن منیم دونیام سان، دونیاما قاییت...!

#نریمان_حسن‌زاده
کؤچوردو
#شعر_اوجاغی
@SheirOcagi

▫️بیزی اینجیدن آدام‌لار، چوخ واخت اؤزلری اؤز یارالارینی آشا بیلمه‌ین آجی‌چکن‌لردی...

#اروین_یالوم
#شعر_اوجاغی
@SheirOcagi

▫️عشق، دوستلوق و هونر گؤزل‌لیک‌لریندن باشقا، حیاتا آنلام وئره بیلن اؤنملی بیر شئی گؤرمورم داها...

📚 کیرپی‌ اینجه‌لییی
#موریل_باربری
#شعر_اوجاغی
@SheirOcagi

▫️سوسنبر

دوشونجه‌لردن سویوقدور دویغولار؛
اینانماسان سئرچه‌لردن سوروش!
گؤیلر ساده‌جه سونسوز بیر بوشلوقدور؛
اوچاق توستوسو،
بولودلارلا دَییشیک دوشه بیلیر.
گؤیلردن گلن ان اؤنملی خبر،
یالنیز یاغیشدیر...
بونو بیتگی‌لردن سوروش!
و یاغیشی قورودور قیتلیق ایللری؛
سوسنبر کرتیسینی،
بیر هؤرومجک پوزا بیلیر.
ایندی ها سؤیله یاشاسین باریش و قارداشلیق!
باریش، آدسیز و ایمضا‌سیز بیر مکتوبدور،
گئجه یاری‌لاری گئدیر آدرئس‌سیز قاپیلارا
و قارداشلیق ساده‌جه بیر تیکه بولودلا
بیر سورو اوچاق توستوسونون اؤیکوسودور گؤیده.
اینانماسان،
بویور بیزیم حیَطده‌کی قیتلیق ایللرینی، پوزغون یاشایان
غملی سوسنبر کرتیسیندن سوروش...!


#کیان_خیاو
@SheirOcagi

▫️سئو منی!
گئتمکدن واز کئچ!
اللرینی منه وئر!
چونکی اللرینین اوزانتی‌سیندا،
دینجَلمک اوچون بیر لیمان وار...

#نزار_قبانی
#شعر_اوجاغی
@SheirOcagi

▫️اؤلمک

بولود کیمی اؤلمک،
بیر یاز یاغیشیندا
اومید کیمی اؤلمک،
بیر قیز باخیشیندا.

بیر یئل قانادیندا،
یارپاق کیمی اؤلمک.
بیر قبیر آلتیندا،
تورپاق کیمی اؤلمک.

بیر گول کیمی اؤلمک،
بیر گولدان ایچینده.
بولبول کیمی اؤلمک،
بیر هیجران ایچینده.

بیر سس کیمی اؤلمک،
بیر کار قولاغیندا.
بیر سؤز کیمی اؤلمک،
بیر لال دوداغیندا.

گوندن گونه اؤلمک،
دؤنه-دؤنه اؤلمک.
اؤلدوکجه دیریلمک،
سونرا یئنه اؤلمک...

#رامیز_رؤوشن
@SheirOcagi

▫️قورا بیشیرن آیین اونو، آزربایجانین ایگید اوغلو #بابک_خرمدین-ین دوغوم ایل دؤنومو، بؤیوک تورک میلّتینه قوتلو اولسون...

@SheirOcagi

▫️بیر جوت یاشیل سیّاره وار،
سامان یولو اوزونده.
گونش یئر کوره‌سینه یاخینلاشاندا،
سیغیناجاق یئریم اورا اولاجاق‌.
اوز-اوزه چیخدیغیمیزدا،
گونش یئره یاخینلاشیر؛
"سنده سیغار ایکی جهان"
منسه،
او یاشیل سیّاره‌لرین بیرینه کؤچورم.
یئر بوشالیر.
هر شئی یئنیدن باشلانیر سنده.
آنا اولورسان.
اوشاغین،
آدام‌لا ملک آراسیندا بیر یارادیلمیش اولور.
خیدیری چاغیریریق.
اوغلونون آدینی"شامان" قویور.
آهیمدان اوفورورم اووجلارینا.
اودویلا اویناییر.
قاغاییلار قاوال چالیر.
قوردلار اولاشیر گؤیلرده.
آجیقمیریق هئچ بیریمز.
نه سن هوسلنیرسن،
نه من آلمادان یئییرم،
نه شامان سود امیر،
نه ده بیز آدام اولوروق.
نه بیز یئر کوره‌سینه ائنیریک "اشرف مخلوقات" اولموشوق دئیه،
نه یئرده قان دوشور،
نه آجلیق اولور،
و نه ده اورک‌لر سینیر.
بوراسی سنین قوجاغین...

#تکین
@SheirOcagi

▫️قورخوسوز و جسور اینسان‌لار، اؤز ژئن‌لرینی سونراکی نسیل‌لره نقل ائده بیلمه‌دن، اؤلدورولدولر؛
قالان آداملار، یانی قورخاقلار و احتیاطلی‌لار دیری قالدیلار.
بیز اونلارین نسیلیندنیک...

#رولف_دوبلی
#شعر_اوجاغی
@SheirOcagi