🗣“Islohotlar bilimdoni” Respublika ko‘rik-tanlovining final bosqichi bo‘lib o‘tmoqda.

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazida “Islohotlar bilimdoni” respublika ko‘rik-tanlovining final bosqichi boshlandi.

Final bosqichini ochib berish uchun Markaz direktori Abdumalik Akramov so‘zga chiqib, bugungi kunda ijtimoiy-iqtisodiy va siyosiy sohalardagi strategik islohotlarning yurtimiz hayotidagi ahamiyati, ularni amalga oshirishda ta’lim sohasi vakillarining o‘rni muhim ekanligini ta’kidlab, tanlov ishtirokchilariga omad tiladi.

Shundan so‘ng, final bosqichining 2-sharti bo‘yicha ishtirokchilarning ma’naviy, mafkuraviy, siyosiy, huquqiy targ‘ibot sohasidagi faoliyati hamda amalga oshirgan ishlari taqdimotlari boshlandi. Taqdimot qilish navbati qur’a tashlash orqali aniqlandi. Ayni vaqtda “Eng faol milliy g‘oya va ma’naviyat targ‘ibotchisi” nominatsiyasi bo‘yicha nomzodlarning taqdimotlari hamda sohaga oid bilim va ko‘nikmalari baholanmoqda.

🗣Eslatib o‘tamiz, tanlovning yakuniy bosqichida g‘olib deb topilgan ishtirokchilar Oliy ta’lim, fan va innovatsiyalar vazirligi tomonidan diplom va pul mukofotlari bilan taqdirlanadi:

🥇1-o‘rin: BHMning 45 barobari miqdorida;
🥈2-o‘rin: BHMning 40 barobari miqdorida;
🥉3-o‘rin: BHMning 35 barobari miqdorida pul mukofoti.

Bizni kuzating:

📱Instagram | 📺YouTube | 🕊Telegram