دضيعوني بعد !
هو اني بية شضال ؟
من بطن النساوة شماخذه الشامة
اليستفتح بظهره السوط والجلاد
بعد يا عمر هذا الخايف اوهامه ؟
غير الينحكم من يصعدونه اعدام
يحضرله اليخسره ، اليعض ببهامه
بس الـ مو عزيز وللحبل ينگاد
يا غربة عيونه بساعة اعدامه !

رحتي سكتة بليلة متروسة ونين
قاسي گلبج واني مو قاسي حنين
بعت كل ناسي علمودج حتى اجيج
كلبي رادج واشتراج !
وانتي بعتي المشتريج

اني تغيرت
مو بيدي مجبور
شفت گلوبهم محد هواني
چنت اتمنى واحد يسأل شبيك
والله لوحدي ظليت اعاني
الي بگلبه حجي وينام مكسور
من يگعد يصير انسان ثاني !

من وصلت لمرحلة اكتب رسالة الك
واعرفها ما تنقري ومجبور اوديها
وادري انشغالك چذب واعذارك المهزلة
حتى استحي احجيها !
يومية نفس العذر والحجي يوصلني
نفسيتي ، مالي خلگ ، طالع ، مريض ونمت
مليت من ذني !
لو ما تجيني بعد خايب تسوي فضل
ولا تجي تزعلني !
مو گتلي اوخر الحزن عنك
واترسك فرح ؟
شو وخرت عني ؟

مبتعدين بس نتشابه هواي
وأحس شيصير بيك يصير وَياي !
مَا نختلف منسجمين بالروح
مثل المَاي من تديره ع المَاي

هذا اخر زعل واخر خطية
وماتسمع بعد حقك علية
تغلط ؟ تعتذر
متريد ؟ ظل هيج
كافي تعيش كاتل والضحية
انه سنيني ضاعن مادرت بال
جاي تلومني مضيع هدية ؟

الدنيا سنطة الدنيا سنطة
اني وشكم بلبل من الصبح طالع
ايد شايل بيها گلبي
وايد شايل بيها جنطة
الدنيا سنطة
وداعة الله يا شوارع
رايح وما اظن راجع
ماشي انا لاخر محطة
الدنيا سنطة

هو انت عايل ؟
لو ابو الحگ انت ؟
الموقف معقد چان ؟
لو عقدته؟
من شفت مستقبلك من غلطة يروح
حاولت تبني عدل لو خربته ؟
اگعد لوحدك گبل لا تبدي تضيع
واعرض شريط الذكريات العشته
شخص العلة بأي جزء بالموضوع
يتعالج الموضوع اذا شخصته
سافر من اللاوعي بجنح العرفان
واختار فلسفة السؤال الردته
شنطيت نفسك ؟
من اسألك شتجيب ؟
ماتحجي ؟ لو تفتخر بالقدمته ؟
شغيرت من تفكيرك بهاليومين ؟
راويني فد شي ينلمس غيرته
هو انت اذا موقفك واضح چا ليش
فهموه خطأ وبلا سبب بررته ؟
هو انت صح حبيت ، بس انحبيت ؟
خل عقلك يسولفلي گلبك سكته
جاوبني مرة الجاية اكعد وياك
فكر عدل واحتفظ بالفكرته
بس اهم شي تعرف شلون وليش
هو انت عايل ؟
لو ابو الحگ انت ؟

2300 ♥️

چنت محتاجلج تمشين وياي
شلون انطاچ كلبچ عني تمشين
اذا رحتي بخطأ ما چان مقصود
راح بيا خطأ من بالي ترحين
الكاتبهن عليج من احلى الابيات
ولكن للاسف ممكن متقرين
الحلم والامنيات وكلشي مذبوح !
وبريئة انتي واذا بيديچ سچين ؟
ما تدرين بية شحالي بجفاج
بس ما ممكن اتخطاج تدرين
اوعدج ما اطيب جرحي وانساج
واوعدج انتي باسبوعين تنسين
انام وچن حياية على المخدات
وانتي على المخاد الريش تغفين
لا تنطين عين لغيري اذا جاچ
ولو هو انتي الي ماجنتي تنطين

"لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا"

الي نجحوا الف مبروك تعبتوا واجتهدتوا ورب العالمين وفقكم ، عيشوا فرحتكم واستمتعوا ،

الي محالفهم الحظ ، هي مو نهاية الدنيا ولا معضلة ولا مصيبة جبيرة انت متعرف الخير وين ضاملكياه رب العالمين ومتعرف شكد دفع عنك شر بمصير وشي انت جنت رايده ، خليك مؤمن وكول الحمد لله ، انت مو بسباق ويا احد ولا تخاف من كلام احد انتوا كلكم سويتوا الي عليكم بالاخير انتوا الكم السعي والنتيجة تدبير رب العالمين ، بالعكس اخذوه حافز حتى تكملون مرة ثانية وتحاولون مرة ثانية ، وهياتني صار كم سنة وبعدني كل سنة احاول ، احنا علينا نبذل جهدنا ونحاول ، انقهرتوا وضجتوا كافي كوموا توضوا وصلوا وكلشي حيصير تمام ، صحتكم ترى متساويها ولا نتائج الدنيا كلها ف لحد يتعب روحه ♥️

للأسف
مو كل القصص بالدنيا لازم تنجح
الدنيا بيع ومشترى
وذاك من ذاك اليربح
صح اني بيك تعلقت
بس الظرف ما يسمح
وبالتالي لميت الجنط
ثاري المشاعر مو خطط
مشكلتي بالوقت الغلط
حبيت الانسان الصح

نصي صوتك !
ديربالك يعلى صوت
انت زلمة !
ولازم بسكتة تموت
نصي صوتك
حتى لو مجروح كلبك
لبيتك اضحك من تفوت

والله عجبة شلون عبروهن عليك ؟
وانت ذاك الماتفوتك فايتة
ما تحطها بحلگك الما تچوي ايديك
وكلوك شلون خبزة البايتة ؟

وبعدك خايف ؟
بعدك تنعاف وما عايف
يا رخص الضحكة التحبسها
ومتخليها بين شفايف
راجع ايامك
احلامك
خليهن كلهن كدامك
هو شضايف ؟
تتذكر من كتلك انسى ؟
وكلمن خل يحتار بنفسه
عاجبتك وضعيتك هسة ؟
وكل لحظة تفوت تبجيني
تذكرهم وتاذيني وتخلي الدمعات بعيني
يا گلبي شسوالك حبهم ؟
مو ساكت ليش تحجيني

سالفة تجر سالفة وطاريك فات
واني واليمي وگفت شيبة بعصف
وبهدوء الي يخط قطعة وفاة
چنت اخاف وياك اغلطلي بحرف
عنك انشد ، ناس شمرتني على ناس
انت تدري بحالتي ؟
سائل عليّ ؟
تدري فوگ مخادي ماخليت راس ؟
تدري خير من الله جوه عيوني فيّ ؟
جنت خايف لا يجي لعيني النعاس
خاف توگع صورتك من ترخى ايديّ
من كثر كضها الصفاح مثلمات !
شلون درهم بالهوا وما ينلگف
دلني بابك خلي ادگه بمستحاة
بهيدا تشبه دگة اصبع ع الگطف
سلني سل موادعك لو تدري بيه
ساعة بس شعري السواد البيه نقص
عشت اول ليلة الكاتل بأيديه
ارجف وتعبني ليلي وما خلص
الطير يسهر بالحبس غصبا عليه
النوم اكثر شي يطير من القفص
وين اروح ؟ الغرفة صحرة ذكريات
عيوني والدخان حدهن للسگف
وهم عدت نفس الحجي ، شك بصلاة
واني والمرسال مرينا بظرف
ادري راح يروح كل واحد مچان
دمعة وتقسمنا شامة ونفترگ
خفت من حسيت كلشي عليك هان
التوه غافي بصفي يصحى من الخفگ
بينا الله ضلوعي طگهن صوته چان
شلون صوت الحطب لمن يحترگ
ماخذ غيابك مكان الحاضرين
انا ذاك الـ انت اعز من روحه
اني ماشي وياك للمادري وين
والك فاتح عيني جية وروحه
تعرف بموت الحرس تعويد عين
سولة تبقه عيونهم مفتوحة
ودعت بالروج صندوگ امنيات
وحالي حال ام موسى اتاني على الجرف
ها وعود نورلي على عينك مفردات
شما احطها ببيت يطلع بيه ضعف

الرسايل مارضن يرحن ووديهن
يخافن جفك الغايب يأذيهن،
ولك هنه ورق بيهن كلام أنسان
عاد اقراهن وبعدين شك بيهن
بيض أوراقهن بس الحبر بي لون
مابيهن مشاكل مثل راعيهن
و رسايل منك لحد هسه اداريهن،
مثل نومة طفل بالليل اهز بيهن

قالوا اقرأ القرآن كي تنسى التي
تركت سنينك من بعدها مهجورة
ف توضأت روحي لاقرأ سورة
فأذا اسمها اسم لتلك السورة
"وحگ الي بعث رسلة لأنسة
مراد انطي لجفن عيني لأنسه
گلت اقرا كتاب الله لأنسه
فتحته وشفت اسم الگطع بية"

العراق

أولست أنت بلد الرافدين
بلد دجلة والفرات؟
ولست أنت بلد أرض السواد
بلد الخيرات والكرم؟
أولست أنت مأوى للكرما،
ومنبع الجود والسخاء؟
ولست أنت أحضان التاريخ
ومهد الحضارات الأولى؟
فسلام على خيراتك يا عراق
وسلام على شعيك ومحبيك،

يا عِراقاً تلوحُ به الشمسُ فجراً
وتُغنّي دجلةُ عشقاً سرمدا
يا بَواباتِ بابلَ، يا مهدَ حُلمٍ
وحكاياتُ نينوى تأبَى الردى
فيكَ كُتِبتْ أولُ الحُروفِ فخَطّتْ
من ضفافِ الفُراتِ عِلمَ الهُدى