ديربالك على عيونك
راح اروح
واني هم راح ابقه
اراقب من بعيد
مقتنع بالصار گلي ؟
شلون هيچ ؟
ليش ماوضحت كلشي وحچيت ؟
الگه احسن منك ؟
بيا دنيا هاي
اني صدگني ردت بس ما لگيت
جنت ارد فرحان اذا نتلاگه يوم
هاي اول مرة اكول
شعندي اجيت ؟

ضل مرتاح
شلك بية مافيدك
وعلي كلش رچيچ
وبالي مو وياي
اكرهك
مدري احبك
مدري ماريدك

وأمي تكلي كافي من السهر شتريد ؟
عشر سنين صار الشمس غالبها
دم فصوص عينك نام ليلة ارتاح
حيل وياها كلت وطوب اليطبها
شيبت بعمر ما يسوه اشيب بيه
وطبيت بطلايب صعبة أطالبها

العليها عيون جانت تبجي العيون
بعد ماريدها وكلكم تشهدون

ليش چف الوعي يغم الذكريات
بجنح يا منطق للمفارگ طرت ؟
ليش من جنت اريد اشوفك ما اجيت ؟
وليش راجع هسة من فات الوكت
روحتك مو حيرة ، تدري الحيرة وين ؟
باقي حاير ليش رايح ما گلت ؟

دزولي شعر انشره

بيه حيل .. وعندي راي
وچلمة چلمة
يفزن بطولك سوالف مشتهاي
وهيه هاي
الدنيا بت اليوم وموادع امس
وانت مدري
ابين زلفك والنحر شبخة شمس
ابين وجهك والصدك جلمة تعال
سولفولك ؟؟
نية اليغفى على طيفه ايبات صاحي
وحوبة الكاع بعطشهه التغسل ذنوب المساحي
ودنيا هاي
اليعصر ظنون الهوا يسولفله ناي
اليعثر بوجه الجرف يحجيله ماي
التخدر بعينه السوالف يلبس الصفنة ويجيك
وانت ياخصر الشواطي اشكد نوارس تشتهيك

كاظم الركابي

هي غربة
وليلة صعبة
وجية المشتاگ خوف

بالليل وصيت الگلب
تنساها ؟ گلي انساها
فزيت دورت الصبح
شارد لگيته وياها
تارك رسالة على الضلع
تلگاني من تلگاها

هي حلوة
واني اسمر وجهي حارگته الشمس
هي لؤلؤ بالمتاحف
كاتبين عليها ممنوع اللمس
انا صوتي شكد خشن فززله ميت
وهي صوت العندليب
من الصبح تهمس همس
اني طالب
مدري احير بخدها افكر
مدري احيرن بالدرس
من تطب للقاعة ؟ ارجف
هاي عود اني الشرس

هسة اصعب صارت الدنيا علية
الوعي مُتعب !
جنت اكره اي شخص جذاب طبعه
وگمت اچذب !
اليغلط بحقلي اتركه
بسرعة من دائرتي يطلع
وهي تنحل اذا اعتب
بس گمت ما اعرف اعتب

اني مو ثقيت بيك
و ع الجرف كتلك بكيفك
وين ما تبحر وراك
ليش خليت السفينة بكيف موج البحر تمشي
وهذا يا قارب خذاك ؟
مشتريك بروحي اني
الماخذك بيش اشتراك ؟
شكد جنت عندي ثقة بيك واحبك
والله هسة بگدها شاك !

فرعون وحرملة
والچذب القرآن
والطگ امه الفجر
وايتام ظل يكتل
يزيد وابن ملجم
والشمر وابليس
اذا دخلوا الجنة
انت ما تدخل !

معناها انتهت والراح خل يروح
معناها انتهينة وفضت العشرة
اعرفك ما ترد بس ما طبكت الباب
مثل ميت عزيزة يعود ينتظرة
سهل من تبتعد بس صعب
تلكة انسان شايل طيبتي ويهواك عل فطرة
باجر من ترد ماتلكة شي موجود
تلكى الورد ذابل والارض صحره

اجرع المر مستعد
بس الحچيته علي لو اموت ماجرعه
شكد بية غصة وعتب
وهنانه كل الحجي عارض بزردومي
ومو طبعي اشكي لبشر
انه من اطب لصحن ماسولف همومي
بس انه بية الغلط
ياخي وصلتك لمرحلة تختارلي هدومي

رجعتني للشعور الچنت ما اتمنى اعيده
حسستني مالي داعي
من جوابك كلمة صار
واني كاتبلك جريدة

فارگني بس بأدب
لا تحچي يمهم علي
وتحرف الواقع !
من التقينا ترى
من حضن امي الك
ما جيت من الشارع

لا تحاججني بوعد بي ما وفيت
انت هم واعدني تبقالي ورحت
بيش راجع حتى اقنع روحي بيك
ولو ملت من كثر ما قنعت

مو گتلي اوخر الحزن عنك
واترسك فرح ؟
شو وخرت عني ؟
تذكر بالاول لمن گتلك تريد الصدك
خايف تمل مني
ظنيت ، وانت سبع !
ما خيب ظني
امنيتي ما استحي
چا هسة اسمعك حجي
يخليك تبچي تجي
مو تعتذر مني !
مصدوم بيك وابد ما اكدر اجرعها ..

الامراض الخبيثة تحاول تتطيب
چا هاي الخباثة العندج منين ؟
تكلي منين غيرك نحبل نجيب
وحبلت هسة صاروا عدها طفلين

ليش الحنين ويا ما فاد ؟
ردة وكلامه وياي شو حاد ؟
گوة اكدر اقراله مراسيل
وانشمر من حروفه ليغاد
يا بلوة الملچوم بلوة
والزاد يوصل حلگي گوه
كلش ثگيل البية سوه
الحدر ضلعي عافه يتلوة
قصرت بيمن شنهو سويت ؟
ويضيگ بية هلگد البيت
اكل بروحي هواي ظليت
كل هذا چي گمت انا حبيت
انا شحلاتي تعوفني تراب ؟!
كون ادري والعباس ما حاب