^

تراني قد وصلت لـ مرحله فيها الحديد يلين
على كثر البلاء اللي حل اقول الله لا يبلاني

حبيبي لا يروح العمر قلي وش وراك الحين
ترا مالله بمعطينا عمر .. يا عمري الثاني

بدينا في سواليف التغلي و الكلام الشين
لقاك إن كان ماهو حب ، خله دافع انساني

أنا فوق البسيطه معك وأدور على اكسجين
دخيلك لا تصاغر همي و تجميعة احزاني

جعل قدام ينشد واحدٍ من ربعي الغالين
ما أقول إني معلق في رجى خلي .. و خلاني

^

سلام الله عليك .. من أول الدنيا .. ليوم الدين
‏يابو قلبٍ حنانه ، يستتر بالمظهر القاسي

‏أعرفك زين ، وأدري انك حبيبي ، وتعرفني زين
‏ولو كلٍ بدا لـ الثاني انه صار متناسي

‏تمر .. وينقسم من لهفتي لمواجهك ظلين
‏وتحط ايدك على قلبك / واحط ايدي على راسي

^

بادريني لين أحس انك اجابات لسؤالي
وعانقيني لين أحس إنك من أنفاسي قريبه

ما دريت ان المأسي تستبيح شعور غالي
لين ما شفت الليالي دون جياتك كئيبه

ما أذكر بليله جفيتي بالخيال حدود بالي
من متى التعبان ينسى بالتعب حاجة طبيبه

والله إني راضي بمحبتك لو في خيالي
حظ من كانت مشاعرك البخيله من نصيبه

^

‏أنا غلاك القديم و حزنك الأول
‏يمكن لو تنبش بخاطرك تلمحني

‏تعال قلبي تعب ما عـاد يستحمل
‏بديت أخاف إنكساري منك يفضحني

^

‏أنا أذكرك كلّ ساعه وأفقدك كلّ ليل
‏ولي نفسٍ ما الله وهبها عنك سلوانها

‏كمّ لي وأنا أكافح أشواقي بصبرٍ جميل
‏ والبعد سلّال نفسي وأكبر أحزانها

^

‏ادري قسيتي بس ادري تحبين!
‏قلبي على انه منك هالحين حاير
‏ٰ
‏ترا تغير صوتي وانتي ماتدرين !
‏دقي وشوفي صوتي شلون صاير

^

‏كنت متشبّع محبّه ومتنفّس غرام
‏قبل لا يردعك رادع / ولا يمنعك ظرف

‏آه يا قدم الرسايل .. ويا حلو الكلام
‏ودي أحضن كل كلمه وأقبّل كل حرف

^

‏مافيه ( أرقّ ) من السهر يومك معي
‏صار السهر في غيبتك كله : ( أرق ) !

^

ولا تحسب مطيح الدمع منِّي ضعف واستسلام
وانا كم لي اساير دمعة عْيوني واجاهدها ..

تعرْف اني عزيز ما توسَّلت الجفا لو دام
لكن والله يالسلوة بعض لاحيان ماجدها

مضت ليلة،ماجابتك اخْيَر ايَّام وشهور العام
واخاف ان الاوَادم قبلْ لا اعايدك اعايدها.

^

‏حبيبي يوم تجرحني تراك اقديت
‏ ومن قال انّك المخطي فـ انا خصمه

‏عسى يغفر لك الله حتى لو اخطيت
‏ماغير الانبياء اللي لهم عصمه

‏فدتك النفس لو سويت ماسويت
‏بنفسٍ بعْد صدّك شبْه منفصمه

‏سنين احاول اتخطّاك بس ازريت
‏فراقك كان وقعه للظهر قصمه

^

‏أنا لو ينسّيك الزمن مانيب ناسيك
‏محبتك قصة ما أقدر أكتب نهايتها

‏لو الوقت يرجع قبل أعرفك و قبل أجيك
‏و قبل الهقاوي تنثني دون غايتها ؟

‏بروح أنتظر فـ أول مكانٍ جمعني فيك
‏و بـ أعيد تجربتي معك من بدايتها (:

^

‏ذكريات الراحلين اشد من فرقاهم
‏من فتح له خانةً فالقلب ماسكرها

‏علم اللي مافهم لا ينشد الا فاهم
‏ذاق من مر الحياه وذاق من سكرها

^

‏الليل سجّان والوحده هي العنبر
‏هذا انا لين شمسي ترسم ظلالي

‏لا صار بوحي متاهه .. صمتي المعبر
‏حتى يصافح يقيني ما تراوالي

‏ضميري الحي أشوفه ذنبي الأكبر
‏أحيان .. وأقول : فال الله ولا فالي !

‏العمر ماهو الوحيد المقبل المدبر
‏الحب مثل العمر يفنى وهو غالي

‏فالصدر كف الليالي تحفر وتقبر
‏أحباب راحوا وما راحوا على الخالي

‏ياليت ماني وفي دام الزمان أغبر
‏وأبيع ماراح لي لـ اللي تبقّى لي

‏علّمت حسّادي إني مثل ماتخبر
‏كبير ماتقدر آلامي على آمالي

‏وذكّرت نفسي بعزتها لجل تصبر
‏ماني مثالي ولكن قله أمثالي

‏لله در الشموخ وضحكة المجبر
‏خلوني أضحك معاهم وأبكي لحالي

‏وإن فاحت الذاكره بالمسك والعنبر
‏تنام عين العقل وأسهر مع أهبالي

‏قصه وعبره وغصة حلق ما تعبر
‏والماضي الحلو يسرق عمري الحالي

‏من صار جرحي لسان ودمعي المنبر
‏غنّا على طبلة إذني صوته العالي

‏حظي كسر خاطري والكسر مايجبر
‏ياقلّها حيلتي .. وانا على حالي

‏حسبي على قلبي اللي كل مايكبر
‏يسوّي أشياء ماتطري على بالي !

^

النوم ما يفرق عن السهر بالحيل
‏كلٍ يقول لـ ضيق صدري تفضل

‏أنحش من الاحلام و اطيح فـ الليل
‏والليل ؟ .. لون الذكريات المفضل

^

‏احفظ لها قيمة غلاها ، وانتظرها من شمال
‏واذا نستني .. هذي الدنيا وهذا حالها

‏امّا اني انساها نسى الله من نسى ذاك القبال
‏يا صب روحي صب دلتها على فنجالها

^

جعلك تصلي علي ماني بصلّي عليك
والّا يصلّى علينا ما فقدنا بعض

‏^

لو الموت غيّبها ، بقى لي أمل واحساس
‏ما غابت معي في نومي وفي مشاويري

‏انا اشوفها دايم تجيني مابين الناس
‏لو إن بين كل الناس "ماشافها غيري"

^

في رحاب الارض ، ساعاتٍ دقايقها ثقيلة
يتساوى عندي اللي فوقها .. باللي تحتها

^

‏انا لو فقدت الذاكره مستحيل انساك
‏سكنتي ب قلبي ماسكنتي ب ذاكرتي :)

^

ي غايبه طال انتظاري والغياب
ان ماذبح عاشقك يذبحه الحنين

ماني بقانع منك لو زاد العذاب
وحتى ولو قالوا معاد بترجعين

عندي يقين بترجعين من الغياب
مدري متى لكن انا عندي يقين