#Янги_конституция

✅ “Ўзбекистон Республикаси Конституцияси тўғрисида"ги Ўзбекистон Республикаси Конституциявий Қонуни лойиҳаси матни билан meningkonstitutsiyam.uz сайтида танишиб чиқишингиз мумкин.

📥 Юклаб олиш

Каналга уланиш👇👇👇
https://t.me/huquqiyaxborot

#Янги_Конституция

Янгиланаётган Конституцияда инсон ҳуқуқларига оид 10 та энг муҳим янгилик

Каналга уланиш👇👇👇
https://t.me/huquqiyaxborot

#Янги_Конституция

📗 Конституция лойиҳасидаги энг муҳим ўзгартиш ва қўшимчалар бўйича тайёрланган “Янгиланаётган Конституция. 100 саволга 100 жавоб" қўлланмаси билан қуйидаги ҳавола орқали танишишингиз мумкин: adolatmarkazi.uz/uploads/referendum.pdf

Каналга уланиш👇👇👇
https://t.me/huquqiyaxborot

Адлия брифинги

Адлия вазири ўринбосари Алишер Каримов бугун, 29 апрель куни ўтказилган брифингда адлия органлари томонидан янгиланаётган Конституциянинг мазмун-моҳиятини аҳолига етказиш бўйича амалга оширилган ишлар ҳақида ахборот берди.

Таъкидлангандек, тасдиқланган режа-графикларга асосан 24 ярим мингдан ортиқ тадбирлар давлат органлари, маҳаллалар, қишлоқлар, меҳнат жамоалари кесимида семинар, давра суҳбати, савол-жавоб ва бошқа шаклларда ташкил қилиниб қарийб 5 млн аҳоли қамраб олинди.

Аҳоли томонидан визуал ахборотни яхши қабул қилинишини инобатга олган ҳолда янгиланаётган Конституциянинг моҳиятини очиб беришга қаратилган 150 та видео-материаллар тайёрланиб, оммавий ахборот воситалари ва ижтимоий тармоқларда тарқатилди. Вазирлик экспертлари томонидан Конституциянинг моддама-модда шарҳини тушунтириш бўйича жами телевидение орқали 672 та, радиода эса 1 338 та чиқишлар қилинди.

Шу билан бирга, ижтимоий тармоқлар, улардаги гуруҳлар ва каналлар орқали Конституция лойиҳасига оид ахборотларни содда, қисқа контентлар шаклида тайёрлаб тарқатилди.

Адлия вазирлигининг “Ҳуқуқий ахборот” Телеграм каналида #Янги_Конституция рукни ташкил қилиниб, 54 та контентлар берилди, мазкур контентлар 3,5 млн маротаба кўрилди. Бундан ташқари, вазирликнинг Фейсбук, инстаграмдаги расмий саҳифаларида, “Ҳудуд24” электрон нашрида, ҳудудий адлия органларининг ижтимоий тармоқлардаги расмий саҳифаларида ҳам маълумотлар инфографика, постер, контент шаклларида жойлаштирилиб виртуал тарзда аҳолининг аксарият қисмини қамраб олинди.

Шунингдек, Тошкент давлат юридик университети профессор-ўқитувчилари ва кўнгилли талабалари томонидан ҳудудларда ёшларнинг янгиланаётган Конституция бўйича ҳуқуқий билимларини ошириш мақсадида “Янгиланаётган Конституцияни ўрганамиз” лойиҳалари амалга оширилди. Мазкур лойиҳалар давомида 70 дан ортиқ олий ва профессионал таълим муассасалари, 50 дан ортиқ корхона ва ташкилотлар, 30 дан ортиқ аҳоли яшаш манзиллари, ҳарбий қисмлар ва истироҳат боғларида тадбирлар ўтказилди ҳамда
уларда 100 мингдан ортиқ ёшлар қамраб олинди.

Навбатдаги йўналишда Интернет тармоғидан фаол фойдаланмайдиган аҳоли қатлами, асосан ёши катта фуқароларимиз учун референдум қонунчилиги ҳамда янгиланаётган Конституциянинг моҳиятини тушунтиришга қаратилган қўлланма ва рисолалар тайёрланди:
– Референдум қонунчилиги бўйича ўқув амалий қўлланма – ўзбек, қорақалпоқ ва рус тилларида 35 762 нусхада;
– Ўзбекистон Республикаси Референдумига оид қонунчилик ҳужжатлари тўплами – 12 781 нусхада;
– “Янгиланаётган Конституция бўйича 100 саволга 100 жавоб китоби” – 22 000 нусхада чоп этилиб тарқатилди.

Фуқароларда референдум ўтказиш бўйича ва янгиланаётган Конституция бўйича юзага келаётган саволларга тезкор равишда жавоб бериш учун “ишонч телефони” фаолиятини йўлга қўйдик. 1008 “ишонч телефонига” фуқароларимиз томонидан референдум ва конституциявий ислоҳотлар бўйича 400 га яқин саволлар келиб тушди ва бу саволларга мутахассисларимиз малакали жавоб беришди. Бундан ташқари, Advice.uz порталида Референдум-2023 бўлими яратилди. Мазкур порталнинг онлайн чати орқали
1000 дан ортиқ мурожаатларга жавоб берилди.

Адлия вазирлиги
Жамоатчилик билан алоқалар бўлими