Seid Social

ፍልስጤም-ጋዛን የተመለከቱ አዳድስ መረጃዎች

፨ በሀማስና በእስራኤል መካከል የሚደረገው ፍልሚያ እንደገና ተፋፍሞ በቀጠለበት በዛሬው እለት ሹጀይኢያን ጨምሮ በተለያዩ የጋዛ ከተሞች ከፍተኛ ውጊያ ሲደረግ ውሏል። በውጊያው እስራኤል ሀማስ ላይ ከፍተኛ ጉዳት አድርሻለሁ ያለች ሲሆን ከደርዘን በላይ የሀማስ ተዋጊዎችን መግደሏን አስታውቃለች። ሀማስ በበኩላቸው የእስራኤልን ወታደራዊ ስብስብ በተሳካ ሁኔታ መምታታቸውን ገልፀው ከፍተኛ ውድመትም እንዳደረሱ አስታውቀዋል።

፨ የቱርክ የደህንነት ሀላፊ ከሀማስ አመራሮች ጋር በዛሬው እለት ተገናኝቶ መክሯል። ቱርክ ጦርነቱ ከተጀመረ ጀምሮ በፖለቲካና የደህንነት አመራሮቿ በኩል ከሀማስ ጋር ተከታታይ ውይይቶችን ምክክሮችን ስታደርግ ቆይታለች። ውይይቶቹና ውጤታቸው ምስጢር እንደመሆኑ በግልፅ የታወቀ ነገር የለም።

፨ በጎላን ተራራ በሰፈሰው የእስራኤል ጦር ላይ በተፈፀመ የድሮን ጥቃት ከ 21 በላይ የእስራኤል ወታደሮች መጎዳታቸው ታውቋል ። ከነዚህ ውስጥ ሶስቱ በሞት አፋፍ ላይ መሆናቸውም ተገልጿል።

፨ እስራኤል እና ሂዝቡላህ የሚያደርጉት የውጊያ ልውውጥ እንደቀጠለ ሲሆን ዛሬ የእስራኤል አየር ሀይል በፈፀመው የሚሳኤል ጥቃት ሶስት የሂዝቡላህ ወታደሮች መገደላቸው ታውቋል። ሂዝቡላህ በወሰደው የአፀፋ እርምጃ ከ 21 በላይ የእስራኤል ወታደሮችን በጎላን ተራራ ያቆሰለ ሲሆን ሶስቱ ከፍተኛ ጉዳት ደርሶባቸው የሞት አፋፍ ላይ መሆናቸውን እስራኤል አሳውቃለች ። ሁለቱም ሀይሎች ወደ ሙሉ ጦርነት እየተጓተቱ ይገኛሉ።

፨ ሀማስ አቅሙን እንደገና እያደራጀ መሆኑ ታውቋል። በመቶዎች የሚቆጠሩ አዳድስ ሙጃሂዶችን እያፈራ የሚገኘው ሀማስ በርካታ የጦር መሳሪያዎችንም እያመረተ ይገኛል። በተለይም ደግሞ ከእስራኤል ተተኩሰው ያልፈነዱ ሚሳኤሎች ለሀማስ ከፍተኛ የመሳሪያ ማምረቻነት እያገለገሉ የሚገኙ ሲሆን ሀማስ እስራኤልን ለረጅም ጊዜ መክቶ እንዲዋጋ ያስችለዋል።

፨ የእስራኤል አውሮፕላን ባጋጠመው ችግር በቱርክ አንታሊያ ለማረፍ የተገደደ ሲሆን ቱርክ አይሮፕላኑ ምንም አይነት ነዳጅ እንዳይሞላለት አዛለች። ቱርክንም ለቆ እንዳይወጣ ትእዛዝ ሰጥታለች።
ቱርክ በእስራኤል ላይ የንግድ ማእቀብ የጣለች ሲሆን በዚህም በእስራኤል የዋጋ ንረት እንዲከሰት ማድረጓን the time of Israel ዘግቧል። ቱርክ ላይ ድንገተኛ አስተራረፍ ያረፈው የእስራኤል አይሮፕላን ከፖላንድ ዋሮሶው ተነስቶ ወደ ቴልአቪቭ እየበረረ ነበረ። ቱርክ ከእስራኤል ጋር ያላትን በረራ ማቋረጧም ይታወቃል።

ስለተከታተላችሁኝ አመሰግናለሁ !

👉 t.me/Seidsocial