የአማራ ክልል ሁኔታ በዚሁ ከቀጠለ አማራ ክልል በኢትዮጵያ ፖለቲካዊ ኢኮኖሚያዊ ተክለቁመና ውስጥ አዳድስ ከተመሰረቱት ክልሎችም በታች እንዲንኮታኮት ያደርገዋል።

መርህና አላማ አልባ ታጋዮች ከሴረኛና ደንታ ቢስ መንግስት ጋር በሚያደርጉት ትግል የክልሉ ህዝብ እየደቀቀ ይቀጥላል።
ፅንፈኛ ሀይማኖት ቀመስ ተጋዳዮች ክልሉን የሀይማኖት ተኮር ግድያና ማፈናቀል ማእከል ያደርጉትና አማራ ክልል በኢትዮጵያ ሗላቀሩ ክልል እንዲሆን ይሆናል።

ክልሉ ሽፍታዎች የሚተረማመሱበት እገታዎች የሚፋፋሙበት እንኳንስ ለኢንቨስትመንት ለመኖርም የማይመች የህቦቹ የስቃይ ምድር ይሆናል ። እየሆነ ያለውም ይሄው ነው!

የክልሉ ህዝብ ምርር ብሎታል። የገጠሩ ማህበረሰብ በሁለት ጉልበተኞች ግብር እንዲከፍል እየተገደደ ነው። በሬ የሸጠ ገበሬ መረጃው ተጣርቶ የሸጠበት ገንዘብ እየተወሰደበት ነው።
ፋኖ ውጭ ሀገር ልጆች ያላቸውን ቤተሰቦች እያጣረ ብር እያስላከ መቀበል ጀምሯል። በየገጠሩ ከተሞች ገበያዎች ላይ ግብር መገበር ግደታ ተደርጎ ህዝቡ እየተዘረፈ ነው። ቀለብ አውጣ ፣ የትጥቅ አምጣ እየተባለ ህዝቡ መድረሻ አጥቷል።
በዚህ ሁሉ መሀል በነዘመነ ካሴ የሚመራው ፋኖ አልደራደርም በማለት በህዝብ ላይ ፈርዷል!

ትግሉ ከሀዲዱ ስቶ ጥቂቶች የሚከብሩበት ብዙ የአማራ ህዝብ የሚያለቅስበት ክስተት ተፈጥሯል።

የአማራን ህዝብ ከዚህ የቁልቁለት ጉዞ ለማዳን ከተፈለገ የአማራ ኢሊቶች ቆም ብሎ ማሰቢያቸው አሁን ነው። የአለምንና የሀገሪቱን ተጨባጭ የማያውቅ ሁሉ ገና ነፍጥ ስለጨበጠ ብቻ የህዝብን ጥያቄ ሊያስመልስ አይችልም!!

👉 t.me/Seidsocial

የሳኡዲ አረቢያው ንጉስ ሰልማን ቢን አብዱልአዚዝ ለ 1,000 ጋዛዊያን በነፃ ሀጅ እንዲያደርጉ ፈቅጃለሁኝ ብሏል።

ይሄ አጁዛ የምእራባውያን ገረድ ጋዛዊያን እንኳንስ ወደ ሀጅ መሄጃ ቀርቶ እዚያው ጋዛ ውስጥ እንኳ መንቀሳቀስ በማይችሉበት ፤ ረሀቡ ድካሙ መጠለያ አልባነቱ አዳክሟቸው በህይወት ለመቆየት በሚታገሉበት ሁኔታ ውስጥ እርሱ ገና ለገና መካና መድናን በእንግሊዝ እገዛ ተቆጣጥሪያለሁ ብሎ በሀጅ ሊቆምር ይፈልጋል።

ዛሬ የጋዛ ነዋሪዎችን ማትረፍ ከሙጃሂዶቹ ጎን መሰለፍ ሀጅ ከማድረግም በላይ ነበር። በምግብ የምትጫወተው ረብጣ ዶላሮችን በአሜሪካ ካዝና ውስጥ አጭቃ የምትንደላቀቀው ሳኡዲ በጋዛዊያን ላይ በፍልስጤማውያን ላይ መሳለቋን ቀጥላለች።

ካርታቸውን ከአለም ካርታዋ ፍቃ ፤ ለፍልስጤማውያን መርዳትን በሽብርተኝነት የሚያስወነጅል ሀጢአት አድርጋ ሳለ ግና ፃድቅ ፃድቅ ሊያጫውታት ከሞት አምልጣችሁ መምጣት የምትችሉ ከሆነ 1,000 ሆናችሁ ኑና ሀጂ አድርጉ ብላለች ማፈሪያዋ ሀገር !

ከሀጅና ኡምራ በየአመቱ ከ 15 ቢሊዮን ዶላር በላይ የምትሰበስበው ሳኡዲ የምታገኘውን ገንዘብ ለሙስሊሞች መምቻ መጠቀሟ የሚያሳዝን ነው ።

👉 t.me/Seidsocial

አሁን ነው መፍራት ማለታቸው የሚቀር አይመስልም ሳኡዳዊያን!

የእስራኤሉ ትልቁ ሚዲያ Jerusalem post በዛሬ እትሙ ሙሴ ከእግዚአብሔር አስርቱ ትእዛዛትን የተቀበለው በግብፅ ሲናይ ሳይሆን በሳኡዲ አረቢያ ነው በመሆኑም ሳኡዲ አረቢያ የእስራኤል ህዝቦች አጥመርስት ናት የሚልን ሀተታ ይዞ ቀርቧል።
እስራኤል በሳኡዲ አረቢያ ላይ ያላትን ይገባኛል እያጠነከረች ትመስላለች።

የእስራኤል ትልቁ ፖለቲከኛና ፀሀፊ ዴኒስ አቪ ሊፕኪን " Return to Mecca " በተሰኘው እጅግ አወዛጋቢ መፅሀፉ " ህዝቦቼ ወደዚያች ወደ መካ ይሂዱ እዚያ ከበረሀው እኔን ይከቡኝ ያጅቡኛል " የሚል ትንቢት ያዘለን መፅሀፍ በመፃፍ መካ የአይሁዶች አጥመ እርስት መሆኗን ያሰምራል።

እናም አሁን ጄሩሳሌም ፖስት ሲጀመር ሙሴ አስርቱ ትእዛዛትን የተቀበለው በግብፅ ሳይሆን በሳኡዲ አረቢያ ነው የሚል ከፍተኛ መነጋገሪያ ህትመት ይዞ ብቅ ብሏል።

እስራኤላውያን የፍልስጤምን ምድር ከመቀማታቸው በፊት ይሄዱት የነበረው አካሔድ ልክ እንደዚሁ ነበር። ሰለሞን ኖሮባታል ዳዊት ቀድሶባታል እያሉ ታሪክ እየመዘዙ ነው ፍልስጤምን በእንግሊዝ እርዳታ የተረከቡት።

አሁን ጣታቸውን ወደ ሳኡዲ እየቀሰሩ ይመስላል። በፍረሀት ቆፈን ተሸብባ የምትኖረው ሳኡዲ ፍረሀቷ የሚያድናት አይመስልም።

በነገራችን ላይ እስራኤል ሳኡዲን ልውረር ብትል ምእራባውያን እንደሚያግዟት አያጠያይቅም። እስራኤል ግን በዜጎቿ ላይ የሳኡዲ ምድር ባለቤትነትን እየቀረፀች እያሰረፀች ነው።

👉 t.me/Seidsocial

የቱርክ ቀይ ጨረቃ ማህበር ወደ ጋዛ ገብቶ በረሀብ የተጎዱ ፍልስጤማዊያንን እየመገበ ይገኛል።
በዚህም መሰረት የምገባ ዘመቻውን በማስፋት በአሁኑ ሰአት የቱርክ የቀይ ጨረቃ ማህበር በየቀኑ 15,000 ጋዛዊያንን እየመገበ ይገኛል ።

ማህበሩ የተደራሽነት አቅሙን ለማስፋፋት እየተንቀሳቀሰ ሲሆን ቱርክ ወደ ጋዛ የምታጓጉዘዘውን እርዳታ አጠናክራ ቀጥላለች።

ከ 13 በላይ እርዳታ የያዙ መርከቦችንና በርካታ የአይሮፕላን በረራዎችን ለጋዛ ነዋሪዎች ያጓጓዘቺው ቱርክ በረሀብ ለሚሰቃየው የጋዛ ህዝብ ማስታገሻ ሆናለች።

በርካታ ህፃናት በረሀብ ለመሞት እያጣጣሩ ባሉባት ጋዛ የምግብ እርዳታ በእጅጉ አስፈላጊ ነው። የቱርክ ቀይ ጨረቃ ማህበር ዛሬ በሰጠው መግለጫም " ከፍልስጤማውያን ወንድሞቻችን ጎን እስከመጨረሻው እንቆማለን " ብሏል። መረጃው የ Daily Sabah ነው።

👉 t.me/Seidsocial

የእስራኤል ጦር ከአራት የአረብ ሀገራት ጦር ጋር ሲያደርግ የነበረውን ትልቅ የውይይት ስብሰባ ማጠናቀቁን አስታወቀ።

ከእስራኤል ጋር ሆነው በቀጣይ አብረው በሚሰሩባቸው ሁኔታዎች ላይ የመከሩት አራት ሀገራት ሳኡዲ አረቢያ ፣ ግብፅ ፣ ዩናይትድ አረብ ኤሚሬትስ እና ጆርዳን መሆናቸውን የእስራኤል ጦር አሳውቋል። በባህሬይኗ ዋና ከተማ ማናማ በተደረገው በዚህ ትልቅ ምክክር ላይ እስራኤል እና አራቱ የአረብ ሀገራት በወታደራዊ ዘርፍ አብረው የጋራ ጠላቶቻቼውን መመከት የሚያስችላቸውን ውይይት ማድረጋቸውን ነው እስራኤል ያስታወቀቺው።

እስራኤልና የአረብ ሀገራት ወዳጅነታቸውን አጠናክረው ቀጥለዋል።
መረጃው የ Gaza Now ነው

👉 t.me/Seidsocial

እናትነት ግን እንደት ይገለፃል ?
እንደዚህ አይነት ልጅነትስ ?
ድህነት ግን 😢

" ሀማስ የማይችለውን ጦርነት ከፍቶ ፍልስጤሞችን አስጨረሳቸው "

ይህ የፈሪዎቹ ወቀሳ ነው ! ይህ የደንታቢሶቹ ክስ ነው ! ይህ የኢስላም ልቅናም የሙስሊሞች ክብርና ህልውናም የማያሳስባቸው የግደለሾች ክስ ነው !!

ሀማስ የተመሰረተው በ 1987 ነው ከዛሬ 36 አመት በፊት ። እስራኤል ፍልስጤማዊያንን ካለአንዳች መከላከል እንደፈለገች ስትጨፈጭፍ ህይወታቸውን ሰውተው ህዝባቸውን ለማዳን የኢስላም ሸአኢሮችን ለመጠበቅ ሞትን ላይፈሩ ተማምለው የመሰረቱት የሙጃሂዶች ስብስብ ነው ። ይህ የነ ሸይኽ አህመድ ያሲን የነ አብዱአዚዝ አልረንቲሲ የህይወት መስዋእትነት ውጤት ነው ።

ሀማስ ባይኖር በአሁኑ ሰአት አንድም ፍልስጤማዊ በፍልስጤም ምድር አይገኝም ነበር ። ጋዛ ዌስት ባንክ የሚባሉ የፍልስጤም መኖሪያዎችንም አናይም ነበር ። የእስራኤልን እጅግ አረመኔያዊ ጭፍጨፋ የሚታገል ብቸኛው የሙጃሂድ ቡድን ሀማስ ብቻ እንጅ ሌላ አይደሉም ።

ሀማሶች ከላይ ሚሳኤሉ ቢዘንብባቸው ከታች ታንክና መድፉ ቢያጓራባቸው እንኳን የሚፈራ የሚደነግጥ ልብ የሌላቸው ተዋርዶ ከመኖር በክብር ሸሂድ መሆንን የሚናፍቁ ሙጃሂዶች ፤ መላው አረብ ተንቦቅቡቆ ከእስራኤልና ምእራባውያን ጋር ሲሽለጠለጥ እነርሱ ግን ከተራራ በገዘፈ ኢማናቸው ተመክተው እነዚህን የገጠሙ የሶሀቦች ትውስታ ትክክለኛ ኸሊፋዎቻቼው ናቸው ። ሀማሶች አንድም ቀን ተመችቷቸው ኖረው አያውቁም ። ሁሌም ከምድር በታች እየቆፈሩ ከምድር በታች እየኖሩ አፈር ለብሰው ድንጋይ ተንተርሰው ይሄንን የሞተ ኡማ ሩህ አለው የሚያስብሉ የኡማውን ቀንደኛ ጠላት እስራኤልን እያቃዡ የሚያስጨንቁ እነርሱ የሙሀጅርና አንሷሮች ኩትኩት የውዱ ነብያቸውም ፈለግ እውነተኛ ተከታይ ፤ ኢስላምን በቃል ሸንገላ ሳይሆን በተግባር የሚኖሩት ፤ ጅሀድን በቂርአት ሳይሆን በህይወትና ንብረታቸው የሚማሩት የወቃሽን ወቀሳ ሳይሰሙ ስለኢስላማቸው ስለህዝባቸው ፍግም የሚሉ እነርሱ ህያዋን ናቸው ።

የፈሪ ፈሪዎቹ ግን አህያውን ፈርቶ ዳውላውን እንዲሉ እስራኤልን ሲፈሩ ሀማስን ይወቅሳሉ ! ሀማስን ያወግዛሉ !  ይህ ንፍቅና ነው ! ይሄን በቃል መግለፅ አልችልም !!

እነዚህ ደንታቢሶች ሀማስን " ካለአቅሙ እስራኤልን እየተዋጋ " ብለው ጀግኖቹን ለማውገዝ ሲሞክሩ አይሰቀጥጣቸውምን ? በአቅምማ ቢሆን የሳኡዳ አረቢያ የኢኮኖሚ አቅም የእስራኤልን ሁለት ሶስት እጥፍ ይበልጥ ነበረ ! የግብፅ ወታደር ብዛት የእስራኤልን ሶስት እጥፍ ይበልጥ ነበረ ! የቱርክና የፓኪስታን ወታደራዊ አቅም ከእስራኤል ይልቅ ነበረ !
ግና ከነርሱ ጋር የኢኮኖሚና ወታደራዊ አቅም እንጅ የሀማሶች ሪጃልነት የለም !! ሪጃልነትን አላህ መርጦ የሰጠው ለሀማሶች ናቸውና ! የእርሱን ጅሀድ ይዋደቁ ዘንዳ የተመረጡት ሀማሶች ናቸውና !!
ሌላውማ መይት ነው ! ኢራንና ሂዝቦላህ ለሙስሊሞች ክብር ያላቸውን መቆጨት ለምእራባዊያን ያላቸውን ትግል 1% እንኳ የላቸውም !!

አህሉል ሩዞችና አህላል ፊራሾች አህለል ጅሀዶችን ሲያንጓጥጡ እንደማየት የሚያሳፍር የለም !

ሀማስ ይህንን ጦርነት የጀመረው እስራኤል መስጅደል አቅሷን ጨርሳ ጠቅልላ ለመውሰድ እየተዘጋጀች ባለችበት ነበር ። እናም የአይሁድ አማኞች መስጅዱን ሊረከቡ ዝግጅታቸውን እየጨረሱ ሳሉ ነበር ሀማስ እኛ በህይወት እያለን ይህንን አንፈቅድም በማለት ጦርነት ያወጀው ።

ሀማስ ጦርነቱን ሲከፍት እስራኤል በወረራ በያዘቻቼው የጋዛ ድንበሮች ላይ ምእራባውያን ሙጅሪሞችን ጨምሮ የእስራኤል ሰፋሪዎች በጋዛ ድንበር ተሰባስበው እየጠጡ እየጨፈሩ ነበር ። ሀማስ እንደ መብረቅ ወረደባቸው ። በመቶዎች የሚቆጠሩ የእስራኤል ወታደሮችንም ወደ ጀሀነም ላካቸው ። ከዚያ በሗላ ይሄው ጦርነቱ ተፋፍሞ ቀጥሏል ።
እስራኤል አቅሟ ንፁሀን ላይ ነውና ንፁሀንን በአየር እየጨረሰች ነው ። ይህንን ከምስረታዋ ጀምሮ የምታደርገው ነው ። ሀማስ ስለመጣ እስራኤል ጦርነት የከፈተች የሚመስላቸውን ገልቱዎች ማስረዳት ከባድ ነው ።

አላህ ድልን ለሙጃሂዶቹ ያጎናፅፋል !
ቃሉንም ይሞላል !

ያኔ መናፍቃንም አዱወሎሆችም ያፍራሉ ይሸማቀቃሉ ኢንሻአላህ !!!!

#seid_mohammed_alhabeshiy

t.me/Seidsocial

አረፋ በሙጃሂዶቹ ምድር በእውነተኞቹም መአሪክ እንደዚህ አለፈ።
ተልቢያውም ተክቢራውም እዚያ መእረካ ላይ !!!

አላህ ሆይ እኔ አንተ የምትወደው አይነት ስራ የለኝም ። ግና እነዚህን በቃልህ ያደሩ ደጋግ ባሮችህን እወዳለሁ !!!

የኢድ አልአድሀ ሶላት በጋዛ ምድር እንድህ ተሰገደ 💔
በፍርስራሹ ውስጥ ባልተሞተው ኢማን ፤ በፈራረሰው ቤተሰብም ባልፈረሰው ኡኽዋ ፤
ተስፋ በሚያስቆርጠው ሁኔታ ውስጥ ባልሞተው ተወኩልና የቂን ፤ ከአፈር በበዛ ጠላት ውስጥ ባልተሰበረው ወደጀሊሉ የመጠጋት ፅናትና ኢስቲቃማ ሁሉንም ችለው ሁሉም አልፎባቸው ይህችን ቀን እንድህ አሳለፏት😢

ሁሉም ሙስሊም አለም ቢረሳቸው አላህ ግን እንደማይረሳቸው እርግጠኞች ናቸው!

ከድቅድቁ ጨለማ ከሚያስፈራው ጭጋግ ባሻገር ዛሬ በዱኒያ ባይሆን ነገ በአኼራ አላህ እንደሚክሳቸውና የተስፋን ብርሀን እንደሚያፈግግላቸው ለቅፅበትም ተጠራጥረው አያውቁምና ህይወትና መስዋዕትነት የአንድ ሳንቲም ሁለት ገፅታ ሆነውባቸው ቀጥለዋል።

ወዴት ይደረሳል ??????

ሸህ ጦሀን ወይ የኢድ አሰጋጅ ባያደርጉት ወይንም ደግሞ ተረጋግቶ እንዲያሰግድ ቢያሳምኑት ምናለ ???

እንደት ሰው ከሗላው በመቶ ሺህ የሚቆጠር ሰጋጆችን አስከትሎ እንደዚህ ይጣደፋል ? የት ለመድረስ ነው ?
ሰው አላህ አክበር ብሎ ገና ሩኩእ እየወረደ እርሱ ከቅፅበት ይነሳል ። ከዚያ መልሶ ወደ ሱጁድ እየወረደ እያለ እርሱ አጣድፎት ይነሳል ። ቆይ ምን ማለት ነው ?

ሁሌ በአንድ ሰው ምክንያት እንደተወዛገብንና እንደተጣደፍን መስገድ አለብን እንዴ ?
በጣም ያናድዳል !

እንደት አንድ አሰጋጅ እንደዚህ አሮጋንት ይሆናል ? እርሱ እያሰገደ አንድ ቀን በትክክል ሰው ሰግዶ አያውቅም ። ግማሹ ሩኩእ ግማሹ ሱጁድ ብትንትን ያደርገዋል።
አሁን ሁለት ረከአ ሶላት አረጋግቶ ማሰገድ የሚያስቸግር ነገር ሆኖ ነው ? ለመእሙሙ ትንሽ አይታሰብም ?

ለነገሩ የተያዘው ሰጋጁ በአንድ ተሰብስቦ አድስ አበባ ስቴዲየም እንዳይሰግድ ማድረግ ይመስላል ። ደግሞም እየተሳካላቸው ነው።

ጠራራ አያስቸግር ምን አያስቸግር ሁሌ ግማሹን ጀመአ እየቆረጡ ህዝቡን ማስቀየሙን ቀጥለውበታል።

t.me/Seidsocial

" እንዴ ወንድ መከላከል ያልቻልከውን እንደሴት አትነፋረቅ "

የኢስላማዊት ስፔይን የመጨረሻ ሰአታትና የግራናዳ ሱልጧኔት ፍፃሜ አሳዛኙ ክስተት በአጭሩ ሲታወስ !

https://youtu.be/kg-FAo4Ny8c?si=JpkQmyLF7BXtxRDd

አህባሽ የሚባል የለም ዝም ብሎ የተለጠፈ ስም ማጥፊያ ነው አህባሽን ፈልገነው አጣነው የሚሉ አስቂኞች አሉ። የት ፈልጋችሁት ነው የምታጡት ?
አህባሽ ሊባኖስ ውስጥ በፖለቲካውም በሀይማኖቱም በስፋት የሚንቀሳቀስ ትልቅ እንቅስቃሴ ነው።

አህባሽ የፖለቲካ ክንፍና የሀይማኖት ክንፍ ያለው ሲሆን የፖለቲካ ክንፉ በሊባኖስ ፓርላማ ውስጥ በምርጫ ይፎካከራል። በ 1992 የሊባኖስ የፓርላማ ምርጫ ተወዳድሮ ከሂዝቡላህ ጋር ጥምረት በመፍጠር መቀመጫ ወንበሮችን ማሸነፍ ችሎም ነበር። በ 2018 ምርጫም የአህባሽ ተወካይ አድናን ትራቡልሲ የፓርላማ ምርጫን አሸንፎ ገብቷል።
አህባሽ ሴኩላሪዝምን የሚያቀነቅን ሲሆን ሀይማኖትና መንግስት መለያየት አለባቸው ብሎ ያምናል።

አህባሽ ከሌሎች ሀይማኖቶች ጋር ማለትም ከአይሁድ ከክርስትና ወዘተ መቀራረብ መነጋገር በአንድ መስራት አለብን ብሎ የሚያምን ሲሆን ከሌሎች እርሱ በጠላትነት ከሚፈርጃቸው ኢስላማዊ ቡድኖች ጋር ግን በፍፁም የመግባባትም የመነጋገርም ልምድ የለውም። ከዚያ ይልቅ በወሀብይነትና በኢኽዋንነት የፈረጃቸውን በሙሉ ያከፍራል ከእስልምናም ያስወጣል።

ይሄ ፅንፍ የረገጠ አካሔዱም ከሊባኖስ ውጭ ብዙ እንዳይስፋፋ አድርጎታል።
ጠቅላይ ሚኒስትር መለስዜናዊና ይህንን አንጃ በኢትዮጵያ ሙስሊሞች ለመጫን በርካታ ጥረት ያደረገ ሲሆን ሰፊ ተቀባይነት ባያገኝም የተወሰኑ ተከታዮችንና ፅንፈኛ አስተማሪዎችን ማፍራት ችሏል።

ከሚኖርባቸው መንግስታት ጋር ተቆራኝቶ መስራት መገለጫው የሆነው የአህባሽ እንቅስቃሴ በኢትዮጵያ ሙስሊሞች ላይ በኢህአዴግ አገዛዝ ለደረሰው ከፍተኛ ጉዳትም ተጠያቂ ነው።

ቡድኑ ከላባኖስ በተጨማሪ በአሜሪካ በስፋት ይንቀሳቀሳል።

ከታች የምታዩት ምስል የአህባሽ ይፋዊ ሎጎ ነው።

t.me/Seidsocial

እኔና አባቴ

ለመጨረሻ ቤተሰብ ጋር የሄድኩ ግዜ ቤት በረንዳ ላይ ቁጭ ብለን ረዥም ሰአት አወጋን። ያመው ስለነበር ትንሽ ሰውነቱ ቀንሷል። ቀን ሲከፋ ግዜ ከእድሜ ቀድሞ ያስረጅ የለ እርሱም ላይ የእርጅና ምልክቶቹ መታየት ጀምረው ነበር።

ከልጅነቴ ጀምሮ ኑሯችንን ደግመን ደጋግመን እየቃኘን ብዙ ተጫወትን። አልፎ አልፎ ሁለታችንም በዝምታ በሀሳብ ባህር ውስጥ እንነጉዳለን። የቀዶ ህክምና ት/ቴን እና ውጭ ሀገር ህክምና ለማጥናት ፈቃድ የሚያስገኝልኝን ፈተና (USMLE) እኩል እያስኬድኳቸው እንደሆነና ሁሉም ጥሩ እየሄዱ እንደሆነ ነገርኩት።

"አንተ እያመለጥክ ነው። ህይወት አምርራ ብትታገልህም እያሸነፍካት ነው"አለኝ። ከልጅነቴ ጀምሮ ሁሌም የሚለኝ ነገር "ተማር ልጄ" ነበር። "ተማር ልጄ ወገን ዘመድ የለኝ ሀብት የለኝም ከጄ "የሚለውን ይወደዋል ... ታዳ ዛሬም ድረስ ድምፁ ይሰማኛል።

እኔም "አንድ ቀን ሁሉም መልካም ይሆናል። ህይወት መስመር እየያዘችልኝ ይመስለኛል" ብየው ትንሽ ዘወርወር ማለት ስለፈለኩ ወጣ ብየ ልምጣና ኋላ እናወራለን ብየው ተነሳሁ።

"በቀጣይ ስትመጣ አንዲት መኪና ይዘህ መትህ አብረን ደግሞ እንዞራለን" አለኝ። ውስጤን ደስ አለው። እሱ በኔ ተስፋ ሲኖረው የኔ ደግሞ የጋራ ህልማችንን የማሳካት ፍላጎቴ ይጨምራል። መኖርህስ ትርጉም የሚኖረው የምትኖርለት አላማ የምታስደስተው ሰው ሲኖርህ አይደል።

ከቤት ወጥቼ ከቅዳሜ ገበያ ት/ቤት እስከ ፒያሳ በእግሬ አዘገምኩ።ፒያሳ ከሚገኝ አንድ ካፌ ውስጥ ብቻየን ገብቼ በረንዳ ላይ ቁጭ ብየ ማኪያቶ እየጠጣሁ በሀሳብ ከወጭ ወራጁ ጋር እየተመምኩ እኔም አንድ ቀን ከሱ ጋር ከላይ ከታች እንደምል በህሊናየ እያሰላሰልኩ አምሽቼ ምሽቱ አይን ያዝ ማድረግ ሲጀምር ወደ ቤቴ ተመለስኩ።

ከለታት በአንዱ ቀን በደረሰብኝ የመኪና አደጋ ከአርቲፊሻል መተንፈሻ መሳሪያው ተላቅቄ ትንሽ ማገገም ስጀምር ዘመድ አዝማድ በተሰበሰቡበት እንዳረፈ ነገሩኝ።

ስለ ሁኔታው ጠየኳቸው

እኔ አድስ አበባ ሆስፒታል ስገባ እርሱ በተመሳሳይ ቀን ደሴ ሆስፒታል ገብቶ እንደነበር ነገሩኝ፤

ስለ እኔ ሰምቶ ነበር አልኳቸው?

"እኛ መናገር አልፈለግንም ነበር። መጀመሪያ የሰማው ሊጠይቁት ከሚመጡት ሰወች ነበር።" አሉኝ

"እና እሱ ጋር ማን ነበር። ሁላችሁም እኔ ጋር አድስ አበባ ከነበራችሁ?"

"አንተን እንጅ እርሱ ይቀድማል ብሎ ያሰበ ሰው ማንም አልነበረም። ቢሆንም ግን ግማሻችን አንተ ጋ ግማሻችን ደግሞ እሱ ጋር ነበርን አሉኝ።

"ምን አለ መጎዳቴን ሲሰማ?"ብየ ስጠይቅ

ብዙ አያወራም ነበር። አልፎ አልፎ ብቻ "ልጄ ምንም አይሆንም። እርሱ ገና ልጅ ነው ፤ እኔ ለሱ ፊዳ እሆናለሁ ፣እኔ የርሱን ሞት እሞትለታለሁ" ይል ነበር አሉኝ።

በዛ በክረምት እኔም ቀን ሊወጣልኝ ነው ስል ሌላ ጨለማ ውስጥ ዳግም የገባሁበት አባቴም ከዚች አስከፊ የህይወት ውጣ ውረድ ለዘላለሙ ያረፈበት ክረምት ሆኖ አለፈ።

የለፋሁበት የደከምክምበት ድንገት እንደ ማለዳ ጤዛ በኖ ሲጠፋ በህልሜ ላይ ቀዝቃዛ ውሀ ሲቸለስበት፣ ጉልበት ሲከዳኝና አቅም ሳጣ፣ ፍራቻና ጭንቀት ቤታቸውን ሊሰሩብኝ ዱብዱብ ሲሉ በሰወች መሀል ተከበቤ ብቸኝነት ሲሰማኝ የመናር ትርጉሙ ሲጠፋብኝና የመኖር ጉጉት ሲለየኝ፣ በሀዘንና በደስታየ በከፍታና በዝቅታየ፣ ፍራቻየንና ጭንቀቴን የማዋየው ሰው ድንገት ሲለየኝ ስሜቱን መግለፅ ከባድ የነበረ ቢሆንም ከወደኩበት የጨለማ ዋሻ ወጥቼ ድጋሜ እንደ ንስር ለመብረር "ህይወትን ብቻህን ሁነህ ለመጋፈጥ እንዳትፈራ፣ ለራስህ ከራስህ በላይ ማንም የለህም፣ በማንኛውም ሁኔታ ውስጥ ብትሆን ተስፋ እንዳትቆርጥ፣ከምንም በላይ ወደ አላህ ራስህን አስጠጋ" ብሎ የመከረኝ ምክር ለመከራ ግዜ ስንቄ፣ የድካም ግዜ ምርኩዜ፣ የጨለማ ግዜ መብራቴ ከመሆኑም በላይ ነገሮችን ቀለል አድርጌ እንዳይ፣ መንፈሰ ጠንካራና የማይሰበር ማንነት እንዲኖረኝ በአለማዊም በመንፈሳዊም ህይወት ላለኝ የዛሬ ማንነት ትልቅ አሻራውን ጥሎ ያለፈ ለጀግና አባቴ ስል ምንም እንዳልተፈጠረ ነገሮችን ተቀብየ ጉዞየን ቀጥየ ዛሬ ላይ ደርሻለሁ... ስለ ነገ ነገ ራሱ ያውቃል እያልኩ በልቤ ውስጥ ህያው የሆነውን አባቴን ዛሬ በአደባባይ ላመሰግነው ወደድኩ!

እንዲሁም ለመላው የእስልምና ተከታዮች እንኳን ለ1445ኛው የዒድ አል አድሐ በዓል በሰላም አደረሳችሁ!

Dr. Nuru Ahmed: MD, Surgeon

© Hakim

t.me/Seidsocial

የኡይጉር ሙስሊሞች ማን ናቸው ?
ኢስላምን እንደት ተቀበሉ ?
የቻይና ኡይጉሮችን ወደ ቻይናነት የመቀየር በቴክኖሎጂ የተራቀቀ ዘር ማጥፋት ምን ይመስላል ?
ይሳካላትስ ይሆን ??

ብታዳምጡት ጠቃሚ መረጃዎችን ታገኛላችሁ


https://youtu.be/6aQPRJh-6YA?si=YrWNtY-g9Lr-0EpI