لا تقلق ، أمرك كله بيد الله توكل عليه واطمئن .

🌷

في مشاعر مهما حاولت تشرحها، صعب تلقى الزول البفهمها زي ما إنت حاسس بيها…
زي القلق، والانتظار، واللخبطة، وكترة التفكير.
الناس ما بشوفوا من كل الحاصل جواك إلا الأثر البظهر في وشّك، في سكوتك، وفي ردود أفعالك…
لكن محدش بعرف المعركة البتدور جواك، ولا كمية الحاجات البتحاول تتجاوزها وإنت ساكت.
عشان كده، ما كل زول ساكت مرتاح، وما كل زول اتغيّر بقى ما بهتم…
مرات الإنسان بس بكون تعِب من كترة الحاجات البجاهد فيها جوّاه.

خاف مني لمن اسكت و ما اقدر اعاتبك او اكورك او اجوط فيك 😔
خليك مطمن طالما اني لسه بنقاشك و ازعل منك .. و اكورك فيك يبقى انا لسه بحبك ..
- الانسان الصامت مخيف، اعرف انو انا ممكن أسامحك على اي موقف و ممكن امرر اي تصرف و نرجع من تاني نحنا الكنا زمان ..!
- انا لمّا اسكت ما بكون انسان زعلان ولا عتبان ولا راجي منك اسف لمن اسكت بكون بسأل نفسي او بكون بقول ليها شفتي !خسرنا الرهان ..

ما تخلي حبك لي زول يعميك من الحاجات البتقلل منك.
الحب حلو، لكن ما لدرجة إنك تقعد تبرر للزول كل تصرف بوجعك، وكل مرة يقول ليك كلام يقلل منك تقول: "أصله بحبني".
الزول البحبك بجد، ما مفروض يخليك تحس إنك قليل أو إنك لازم تتنازل عن كرامتك عشان العلاقة تستمر.
أحب، أدي، سامح… لكن خليك واعي لنفسك برضو.
لأنو مرات من شدة حبنا لزول، بنبقى شايفين أعذارو أكتر من أفعالو، وبننسى إنو نحنا برضو من حقنا نتعامل بطريقة تليق بينا.
الحب ما مفروض يكسر قيمتك، ولا يخليك تشك في نفسك. ❤️

‏الشيخ الشعراوي له مقولة جميلة جدًا: "كُل الأوجاع هدايا ربانية.. إمَّا تكفير للذنوب، وإمَّا سعادة مؤجلة لدار البقاء، فدائمًا رَدِّد الحمد لله ..",

..

يمكن يكون كلامي غريب شوية…
لكن تقريباً فقدت إيماني بالعلاقات البشرية، إلا من استثناءات قليلة جداً.

العالم بقى مليان فوضى،
والمشاعر الصادقة بقت نادرة لدرجة تخليك أحياناً تشك في أي إحساس جميل يجيك.

بقينا نخاف نصدق،
ونحسب ألف حساب قبل ما ندي زول مكانة في قلوبنا…
مش لأننا ما محتاجين الناس،
لكن لأننا تعبنا من خيباتهم.

ومع ذلك…
لسه مؤمن إنو في ناس مختلفين،
ناس وجودهم ما بيكون عبء،
وقربهم ما بيخلّيك تخاف من بكرة.

يمكن هم قليلين جداً…
لكن الاستثناءات الجميلة هي البتخلينا ما نفقد الإيمان بالبشر تماماً. 🖤💔😿

ما أبصرَت عيناي مُنذ فتحتها لُطفًا
كلُطفِ اللّٰهِ في أيامي ..❤️

🔥❤️ بيت حبوبة | فقرة نقاشية ❤️🔥

🖤 العلاقات كلها أوهام؟ ولا في جزء منها حقيقة؟

هل نحن بنعيش علاقات حقيقية ولا مجرد أوهام بنصنعها في خيالنا؟ 🤔

شنو الحاجة البتخلي الإنسان يتمسك بعلاقة عارف إنها ممكن تكون كذبة، ويقضي عمره منتظر حاجة يمكن ما تحصل؟ وليه أحياناً بنصدق الكلام أكتر من الأفعال؟

هل السبب الحب؟ التعلّق؟ الخوف من الوحدة؟ ولا الأمل في إنو الشخص يتغيّر ويرجع زي زمان؟ ❤️‍🩹

تعالوا نفتح الموضوع بكل صراحة، ونسمع آراءكم وتجاربكم بعيداً عن المجاملات والأحكام.

🎙️ الليلة في بيت حبوبة
🕘 الساعة 9:00 مساءً
📍 بتوقيت الحصاحيصا

🔥 جهّز رأيك، لأن الليلة ما دايرين إجابات مثالية… دايرين الحقيقة زي ما هي!
https://t.me/beethboba