#Самарқанд вилояти
#Пастдарғом тумани

☝️Бугунги кунда Самарқанд вилоят ўсимликлар карантини ва ҳимоя бошқармаси томонидан кенг кўламли ишлар амалга оширилмоқда.
🔶Жумладан, вилоятнинг туманларида ҳам туман инспекторлари томонидан бир қатор ишлар амалга ошириб келинмоқда. Буни Пастдарғом тумани мисолида ҳам кўриш мумкин.
🔶Жорий йилнинг 5 октябр куни туман инспектори Рамзиддин Йўлдошев Пастдарғом тумани марказий деҳқон бозорида радио узелда карантин объекти “Комсток қурти” ва “Анор мевахўри” га қарши курашиш чора тадбирлари борасида чиқиш қилди.
📌Унда “Комсток қурти” 300 хил ўсимликни зарарлаши, у ички карантин зараркунандалар жумласига кириши, мевали дарахтлардан;
-Шафтоли, беҳи, нок, олма, узум, ҳамда тут дарахтларига кучли даражада зарар келтириши, кўплаб сабзавот- полиз экинларини зарарлаши ҳақида;
📌Унга қарши курашиш чоралари, яъни, биологик ва кимёвий кураш ва карантин тадбирлари тўғрисида айтиб ўтди.
“Анор мевахўри” тўғрисида ҳам тўлиқ маълумотлар айтилиб, унга қарши биологик ва кимёвий, ҳамда агротехник курашиш тадбирлари, ҳамда бу борада туманда олиб борилаётган ишлар тўғрисида маълумотларни айтиб ўтди.

Самарқанд вилоят ўсимликлар карантини ва ҳимоя бошқармаси ахборот хизмати.

Каналга қўшилинг 👇👇

https://t.me/Samkarantin

# Самарқанд вилояти
#Пастдарғом тумани

Ушбу тадбир телевидениеда ёритилади.

❗Ўсимлик касаллик ва зараркунандаларига
қарши курашиш чара-тадбирлари давом этмоқда.

🔶 Жорий йилнинг 7 октябр куни Пастдарғом тумани “Шароф Рашидов” маҳалласидаги анор боғида ҳамда, "Ҳовузак маҳалласидаги хонадонлардан бирида “Комсток” ва “Анор мевахўри” билан зарарланганлик ҳолатлари юзасидан текширув ишлари олиб борилди, ўсимликлар карантини ва ҳимояси бошқармаси лабараториясига намуналар олиниб, жойида текширилди, карантин объектлари аниқланмади, қарши курашиш чора-тадбирлари ва профилактика тадбирлари хусусида эса туман инспекторлари тушунчалар беришди.


Самарқанд вилояти ўсимликлар карантини ва ҳимояси ахборот хизмати

Каналга қўшилинг 👇👇

https://t.me/Samkarantin

​#Самарқанд вилояти
#Пастдарғом тумани

Бизнинг ҳудудларда ҳам соя экинларини экиш оммалашиб бормоқда. Пастдарғом тумани Дўстлик ММТП “Чортут” фермер хўжалигига ҳозирда 30 гектар соя экини экилган. Ушбу экиннинг фитосанитар тозалигини таъминлаш мақсадида Ўсимликлар карантини туман бўлими инспекторлари томонидан доимий назорат тадбирлари олиб борилади.
Бу дуккакли экин бизда янги экин тури бўлгани учун ҳозирча унинг касалликлари деярли учрамаяпти, аммо бактериал куйиш, ҳаворанг доғлар ва замбурғли касалликлар билан касалланади. Ҳашоратлардан ўргамчак кана, тунлам, оққанот ва карадрина учрайди, айниқса, пахтага яқин экилган далаларда бу ҳашоратлар соя баргларини сўриб зарарлайди.
Уларга қарши курашишда инспекторлар томонидан хўжалик маъсулларига биологик ва кимёвий кураш чораларини уйғунлашган ҳолда қўллаш яхши самара беришлиги, сўрувчи зараркунандаларга қарши олтинкўз имогасини белгиланган нисбатларда ва тартибда тарқатиш мақсадга мувофиқлиги, кимёвий курашишда эса комплекс таъсир этувчи препаратлардан фойдаланиш зарурлиги каби тавсиялар бериб келинмоқда.
Соя экинини парваришлашда агротехника тадбирлари юқоридаги тавсияларга тўла амал қилган ҳолда, ўз вақтида ўтказилганда мўл ва сифатли ҳосил етиштиришга эришиш мумкин.


Самарқанд вилоят Ўсимликлар карантини ва ҳимоя бошқармаси ахборот хизмати

Расмий саҳифаларимиз👇👇

https://t.me/Samkarantin

Facebook I Instagram I Youtube

#Пастдарғом тумани

Етиштирилган пахта ҳосилини йиғиб териб олишга тайёргарлик кўриш ишларида ғўза дефолиацияси муҳим агротадбирлардан бири ҳисобланади. Дефолиация тўғри ўтказилганда баргларнинг тўлиқ тўкилиши таъминланибгина қолмасдан, ғўзадаги кўсаклар 10-15 кун эрта пишиб етилади, терим салмоғи 15-20% га ошиб, юқори сифатли хом-ашё ҳажми кўпаяди. Шунинг билан биргаликда дефолиант ғўза касалликлари ва зараркунандаларига, айниқса қора шира тушган майдонларга самарали таъсир этади. Мазкур агротадбир қора ширани келтириб чиқарувчи ғўза битларига барҳам бериб, кўсак ва толанинг чиришини камайтиради.
Энг муҳими, дефолиациянинг ўз муддатида ва сифатли ўтказилиши пахта териш машиналарининг самарали ишлашини ва қўл теримида иш унумини 15-20 фоизга ошишини таъминлайди, кузги бошоқли дон экинларини сифатли экиб, эрта ундириб олишга қулай шароит яратади. Аксинча, дефолиация сифатсиз ўтказилган ёки умуман ўтказилмаган ғўза қатор орасига экилган кузги буғдой тўлиқ униб чиқмайди. Чунки тупроққа қуёш нурларининг етарли тушмаслиги натижасида ниҳоллар нимжон, сарғимтир рангда бўлиб, ўз муддатида тупламайди, касалликка тез чалинади. Бугунда Пастдарғом туманидаги бир қатор фермер хўжалик далаларида ҳам дефолиация ишлари тугатилди. Хусусан тумандаги Пастдарғом ММТП да “Уста Темир” фермер хўжалиги ҳам шулар жумласидандир. Ўсимликлар карантини туман бўлими инспекторлари томонидан эса далаларда ўтказиб бўлинган дефолиация жараёнлари назорат қилинмоқда. Назорат давомида эса баргларнинг тўкилиши ва кўсакларнинг очилиши тезлашгани маълум бўлди.

Самарқанд вилоят ўсимликлар карантини ва ҳимояси бошқармаси ахборот хизмати.

Каналга қўшилинг 👇👇

https://t.me/Samkarantin

Facebook I Instagram I Youtube

​#Пастдарғом тумани

Ўсимликлар карантини ва ҳимояси Агенлиги томонидан эълон қилинган “Долзарб 15 кунлик” доираси “Комсток қурти” ва “Анор мевахўри” га қарши Самарқанд вилояти ҳудудларида манзилли ва тизимли уйғунлашган кураш чоралари ҳамда карантин назоратлари олиб борилмоқда.
Хусусан бугун, жорий йилнинг 16 сентябр куни Пастдарғом тумани инспекторлари томонидан “Қатор терак” МФЙ да истиқомат қилувчи фуқаро Нодир Салимов хонадонидаги 0,10 сотих майдонга экилган анор ва хурмо дарахтларида ҳамда, тумандаги Чандиробод ММТП ҳудудига қарашли “Зулайҳо Адиба” фермер хўжалигининг 1 гектар анор боғида ҳам дала назорат тадбирлари олиб борилди. Шунингдек, “Олмазор” МФЙ маъсуллари иштирокида маҳалла ҳудудида истиқомат қилувчи аҳоли ўртасида ҳам тарғибот ишлари ташкил этилиб, тушунтириш ишлари олиб борилди.
Маълумот учун бугунги кунда Пастдағом туманидаги 79 гектар майдонга анор экилган бўлиб, “Комсток қурти” га қарши 4 гектар ва “Анор мевахўри” га қарши 4 гектар майдонда назорат тадбирлари олиб борилди. Шундан, “Комсток қурти” га қарши 1 гектарида агротехник, ҳамда 4 гектарида биологик, “Анор мевахўри” га қарши 1 гектар майдонда агротехник, 4 гектарида биологик кураш тадбирлари бажарилди.
Туманда “Долзарб 15 кунлик” тадбирлари давом этмоқда.

Самарқанд вилоят Ўсимликлар карантини ва ҳимоя бошқармаси ахборот хизмати

Расмий саҳифаларимиз👇👇

https://t.me/Samkarantin

Facebook I Instagram I Youtube