يحتوي كتاب "فكر وازدد ثراء" علي خطوات فعلية خاصة بالنجاح مرتبطة بكل خطوة من خطوات "نابليون هيل" الثلاثة عشر إلي نيل الثروات، و كذلك يحتوي علي مقالات عن النجاح و إرشادات حول كيفية إقامة جماعة عقل مدبر

عن نفسي مافي كتاب بعينه غيّر حياتي
بتغيرني المواقف أكتر من الكتب ❤️
بس في كتب بحبها منها كتب مصطفى محمود، لأنك الله، نظرية الفستق.... الخ

ممكن طلب بسييط 😅❤️

اتفضل

في كتاب اسمه حدثني فقال اذا حد عنده الرابط ممكن يعني 👈👉🙊🖤

كتاب حدثني عن قلبك! !
الاء صفوان!!

لا تقريباً قاصد حدثني فقال - سمية الناصر
لقيتو اون لاين بس
م نزل pdf

مساء الخير ❤️💙
أنت تستحق شخص يطيل النظر إليك كأنك أعظم إنتصاراته
شخص يُحدثك عن لمعانك بينما أنت غارق بظلامك
شخص يؤمن بك،بأحلامك، تعنيه تفاصيلك الصُغرى..
أنت تستحق أن تُرخي قبضة يديك ليمسك بك أحدهم
تستحق كتف حين يمل العالم
و قلب يربت عليك، أنـا هنا و لأجلك 💙
أنت تستحق وطن صغير يتسع لك وتنتمي إليـه
تستحق أن تعيش اللحظة لا غارقاً بالهم ولا خائفاً أن يُساء بك ظناً
تستحق أن يحبك شخص كما أنت
حُباً ثابتاً لا يصيبه وهن 💙
بلا تنازلات، ولا بُكاء
أنت تستحق شخص يخبر الله بك كثيراً في الثالثة صباحاً وعند المطر
شخص لا تنفذ الكلمات معه، يحلو الصمت بقربه،
حقاً أنت تستحق شخص يجُب كل ما قبله

فصطفي ثم أنتقي ❤️💙
#Samar

-كيف قدرتو تتخلصوا من عاداتكم السيئة
وتكتسبوا عادات جديدة!؟
-كيف طورتو من روحكم ❤️
-برامج، قنوات استفدتو منها شديد

@sam_roobot

سلام

وعليكم السلام ورحمة الله وبركاته

ابدأ ليكم انا
عاداتي السيئة م كانت مريحة بالنسبة لي
ف حسيت داخلياً انا عاوزة اتغير، لكن بحكم الاعتياد ماف حاجة بتتغير بين يوم و ليله، ف جاهدت و قللت منها لمن انتهت 💚
ف أول خطوة عشان تتخلى عن عادة سيئة، تفكر انت محتاج تتخلى عنها ليه!
ومحتاج التغيير قدر شنو
وتخت في بالك ماف شيء بتغير بين يوم وليلة محتاج تصبر تجاهد و ح تصل ❤️💙
عـن العادات الجديدة، عندي مشكلة التزام بالشيء😂 ، ودا مربط الفرس
ففي حاجات كتيرة نفسي تبقى من روتيني اليوم بس لازلت أجاهد 🚶‍♀

بالنسبة للتطوير انا عندي الشغف لي الحاجة هو الدافع، بعلق فيها، بحضر ليها فديوهات، بسأل منها بس لمن أتمكن منها بخليها😂😅 فما عارفه الحاجة دي اخليها كيف
البرامج البحبها جدآ ع سبيل المثال لا الحصر
تفسير السعدي، و أقرأ القرآن
في برامج لغات في منها دولنجو و ميمايز و زي امريكن انجلش

SafE SiDe 💙:
عندي كترة عادات سيئة لا حد لا عد😂🚶‍♀

ما عارفه اتخلص منها
الكويس اني معترفه انها ما سمحة
+نفسي اعمل شي مفيد للكوكب دا قبل يفنى
لسسه بحاول اطورها، بحاول اكون ايجابية وأحب الحاجة عشان اقدر انجز فيها

كانت عندي عادة تأخير الصلاة .. كنت بقول لنفسي لسة في وقت والاذان اذن يادوب وكدا ..بكون يا اما خاشة واتس فيس ..الخ بدون ما احس بلقى الوقت راح 💔
سبحان الله لما جا رمضان لقيت نفسي بنتظم فيهم شديد ..ما عارفة دي روحانيات ولا عشان صلاة الجماعة "العشاء والتراويح " ولا عشان الناس الحولي ولا عشان الشياطين المربطة 🙊💔😂 المهم ربنا هداني الوقت داك
قمت قررت بيني وبين نفسي انه اواصل في الحاجة دي بعد رمضان ...يللا الحل كييف! !!
"لا بارك الله في عمل أجلت فيه الصلاة"
معناها انا اي حاجة بعمل فيها الوقت داك ما اهم من الصلاة.. وكدا ربنا ما حيبارك فيها.
بقيت اول ما اسمع الاذان اجري جري اتوضى و اصلي ...يعني ما اديت نفسي اي فرصة تتماطل ..
سبحان الله بعد فترة بقيت متعودة على كدا وتلقائيا لقيت ناس البيت منتظمين معاي ❤️
حتى صلاة الصبح "برضو كنت بصليها بعد الشروق " مرات بصحى ليها بدون منبه الحمد لله.
العايزة اقولو: اهم شي تكون صادق بينك وبين نفسك ..وتخلص في الحاجة🌹

💙💙💙💙
صدقوا الله فصدقهم ❤️

كفوا عن منح الفرص، فالأشياء العالقة مع الوقت تضيع للأبد
#Samar

"تَضحيات لِيتنَا لم نَقُم بِها ، أعذاراً ليِتَنا لم نَلتمسِها ، حقاً ثمّة جَواهِر خَرجَت لِمَن لا يِستَحقُها ."

لعلَ بينك و بيّن جبر خاطرك ، إستغفار 💚

يلا نستغفر 💜🌸

طيب اول شي صباح الخير 💜
شهر 8 بدايه جميله و بإذن الله نهايتو اجمل على الجميع و غايتو في نصو الله يستر ساي 😂🖐


موضوعك حلو وشيق العاده السيئه ال كنت بعملها 💔
والله هي كانت في بس بقولوا كل ما الزول يكبر " بستصغر الامور الكانت بتخليهو يلجأ ل حاجات م حلوه " فااا بالتالي عقلو بفهم اكتر بستوعب اكتر بتبقى في حكمه كلما مد العمر 💕
فاااا الحمدلله اني ممكن الليله اقول م عندي عاده سيئه نهائي


تطوير الذات ✨
هو ببدأ ب فكره 👌 بقت الفكره تجي ف الحلم 🎶 بدأت تزنزن في الراس
"انا و اعوذ بالله من كلمة انا " زوله شغوفه و طموحه ب طبعي من زمان ... عندي المستحيل كلو هين طالما انو ربنا راضي عننا
بديت بدايه بسيطه مع قناة عملتها زي متجر يا داب فيهو زي ٢٠ نفر ✨ مع انو الوضع كان مؤلم وصعب حقييييقه م بنكرها
الا انو طالما عندنا هدف ح نتعب لان ماف حاجه حلوه بتجي ساي
لجأت ل قناتي الاولى ال كانت بحمد الله كبير بفضل ربنا و صحباتي الدعموني ❤️

المتجر بدأ يكبر بدأ يتحرك ... شويه شويه لا دي م الحاجه الانا عايزاها فتشت فتشت في يوم !
لاقاني بوست ف الفيسبوك ل شركه معروفه و عريقه انا ذات نفسي كنت بفتش عنها 😻
" رزقاً تكوسو و يكوسك " فاااا كانت ست البوست دايركتر كبيره اتواصلت معاها
و بديت اكبر نفسي حبه حبه اعلانات و و و
اليوم بفضل الله بعد معاااافره دامت ❤️
انا ماشه في السكه الصاح و مقتنعه اقتناع تام وراضيه كامل الرضا عني و عن شغلي ✨
الليله قناتي الكانت 20 بقت 2k و داخله على ال3k
و قناتي الصغيره البدت ب 11نفر اليوم 12k
حسابي على فيسبوك 2.000 صديق
حسابي على انستغرام 530 فولو تم انشاءو يوم ٣/٤/٢٠١٩
قروبي حق الواتس 270 زبون علماً بأنو ي داب ليهو ٣ شهور

بدل نور 😻بقيت ليدر نور خبيره بمنتجات اوريفليم السودان 💕
بدل افتش الناس ، الناس هي بقت تجي تفتش عني بالاسم

الاحلام والطموحات ما ليها حد ، والنجاح حلو وعايز صبر و زي م بقولوا
" دايماً بعد الصبر حاجه سمحه "
و الحاجه السمحه ما تنسوا تشكروا عليها ربنا واتزكروا
" لئن شكرتم لأزيدنكم " ❤️✨