‏هذا طريق الراحلين فلا تعُد
‏والعن فُؤادي إن بكاكَ وأرجعك
‏تبًا لحُبكَ داخلي مُتمَرِد
‏أتقيسهُ بكرامتي؟ ما أجرَأك!

‏غدًا نمضي .. كما جئنا ..
‏وقد ننسى .. “بريق الضوءِ والألوان “
‏وقد نهفُو .. إلى زمنٍ بلا عنوان ..
‏وقد ننسى وقد نُنسى
‏فلا يبقى لنا شيء لنذكره مع ” النسيان”
‏فيكفي أننا يومًا ..
‏تمرَّدنا على الأحزانِ ..
‏ويكفي إننا يومًا تلاقينا ..
‏بلا استئذان .

إشتغل لينا سباكة في البيت، وعلاقتي بيهو إقتصرت في السنين الفاتت على التحية والسلام والسؤال العام، لما يجي ماري بشارع بيتنا طالع أو جاي من شغلو.
الليلة جا لغاية عندي وقعد اتونس معاي وقال باستحياء:
"عايز اطلب منك طلب يا محمد يا ولدي، عندي لعبة في التلفون بتي الصغيرة بتنتظرني أرجع عشااان تشيل تلفوني وتلعبها"
* جننتك صح؟ عايزني أمسح ليك اللعبة من التلفون؟
- لالا ياخي، عايزك تعلمني بيلعبوها كيف عشان مرات بتغلبا وتزعل..!
❤

#دوشكا

لم يأتِ بعدُكَ من يُفاجئُ دهشتي
أو في فؤادي ، يبعثُ الألحانا♥️✨

أوتعلمين بأني أستعينُ على الحياةِ بضحكتِك؟
على الشقاوة والمرارة
حين أُخبِرهم بأني أملكك؟

#عمار_كمال

أدري بأنكِ تذكرين مودتي
لولا التذكّر ما خطرتِ ببالي
هم هكذا الأحباب يذكر بعضهم
بعضاً وإن ظلّوا بدون وصالِ🌸!!

#عثمان_عقيلي

‏ولمّا تغيب عن الميعاد
بفتِّش ليهَا في التاريخ
واسأل عنَّها الأجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد♥️✨

#الدوش

لأنكِ لستِ هنا يحدث هذا كُله☹️♥️!

#خالد_صدقة

قد ساءت الأمور والأرضُ لا تدور🌍

~ ( وما تدري نفسٌ ماذا تكسبُ غداً )
.. أفرغ ما في القلب من ذنوب، اعتذارات، كلماتٌ حق وشكرٍ ومحبة
.. فمن يدري، ألنا في الحياة صباح؟ ~💙
#محمد_عبدالرحمن

حاول التشبث بكبريائك وإن كنت بأمس الحاجة ♥

وتولّني بالصالحاتِ و دُلّني.. نحو الرشادِ فخُطوتي تتعثرُ.

حسبتُ أنكِ ملأتِ القلب وحده، حتى غبتِ قليلاً، فرأيتُ فراغاً أكبر منّي كُلّي🌸.

#دوشكا

مرات الأصحاب بيكونوا أحنّ علينا مننا♥️✨

صباح الحبيبة المشت خلتك في عز احتياجك ..
ولا سألتك.. بتقدر تواصل حياتك بدوني ؟
بتقدر تفارق عيون حبتك ؟
حبيبة بتسيبك و تمشي ف طريقا ، و انت ف طريقك بتمشي الحبيبة ال صحيح حبتك ،،
#سارة

ميزّتُها من بينِ ألفِ جميلة البدرُ بدرٌ والنجومُ سواء
وعرفتُها من بينِ من حملو إِسمها في القلب لا تتشابهُ الأسماء♥️✨

ﺍﻟﻌﺎﺷﻘﻴﻦ ﺍﻟﻤُﻠﻬﻤﻴﻦ
ﺍﻟﺒﻴﺮﻓﻌﻮﺍ ﺍﻟﺰﻭﻝ ﻳﻮﻡ ﻳﻘﻊ
ﺑﻴﺸﺪُّﻭﺍ ﻋﻮﺩﻩ ﻭﻗﺖ ﻳﻠﻴﻦ
ﺍﻟﻤﺎ ﺑﻴﻔﺘﺸﻮ ﻟﻠﻐﻠﻂ
ﺍﻟﺮﺍﺣﻤﻴﻦ ﻓﻲ ﻛﻞ ﺣﻴﻦ
ﺍﻟﺒﻴﺠﻌﻠﻮﺍ ﺍﻟﻌﺎﻟﻢ ﺟﻤﻴﻞ
ﻻ ﻓﻴﻪ ﻭﺟﻊ ﻻ ﻓﻴﻪ ﺷﻴﻦ🌸

لا شيء يموتُ بـ داخلنا
كآذبٌ من يدّعي النسيان !!
فـ أوقاتنا التي تمضي ربّما تغفو على كتف الحياة لـ فترة
ولكن بـ مجرّد أن تبلغ نُضجها بـ داخلك ،
تعود لـ تهمس على مسامعِ كلّ شيءٍ بـ داخلك أنْ :
"مررتُ بكَ من قبل ، فـ هل تذكرني🌸!

#محمد_بدرالدّين

نحن بنشتغل بالكهرباء
جوة كل واحد فينا ، زي ألف سلك مشتربكين ، و زي مليون لمبة نور
كلمة واحدة تتقال ، كلمة بس ممكن تطفينا سنين عددا ..
بيجي زول بي كلمة جميلة ، بيضوي جواك لمبات انطفت ..
بغض النظر عن اللي طفاها شنو ..

الحياة ..

استهلاك البشر ..

استهلاكك لي نفسك ..

المهم الزول بي كلمتو دي بينورا

و يجي بني آدم ، بي تصرف يطفيك .. يطفي جواك all most اي ضي ..
يخليك بس بير مظلم ..
و هكذا دواليك ..

عشان كدا ...
الكلمات البيقولوها البشر ، تبلغ من الأهمية
أهمية الأكسجين ، و الماء و الكهرباء زاتو ..

😊
ببالغ صح ؟؟

لا مش مبالغة ..

زي كلمة طلاق ..

أو كلمة وداع ..

أو كلمة حسبي الله فيك ، وإنت عارف إنك ظالم ..
كلمة إتقالت من زول بنحبو شديد ، في لحظة زعل ..
عدت اللحظة و فضلت الكلمة جوانا ..
بننطفي ..
بنبطل نكون نفس الزول ..
النور الجوانا بيخف و يبهت ، و يبقى يادوووبك تشوف و تحسس العالم حواليك ..
كلمات كمان بتنورنا ..
كلمات من ناس قالوها بي مشاعر
حقيقية ما فيها زيف ..
كل ما نكبر كل ما بنميز مشاعر الناس و حقيقتا ..
افتكر دي الميزة الوحيدة للكبر ..
كلمة حسستنا بي أمان ..
كلمة حسستنا إننا ما برانا ..
كلمة كانت سند لما عوالمنا كانت آيلة للسقوط
كلمة نورت جوانا ألف نور ، خلتنا نشوف الضي في الدنيا ..
خلتنا نحس إنو الصباحات أجمل ، و الشوارع أوسع والحيطان الباردة ، مش باردة شديد لأننا متدفيين بي نور جوانا ..
خلي بالك للكلمة البتطلع منك ..
ممكن تكون رصاصة ، وممكن تكون وردة
بس اكيد مش مجرد كلمة و بس !!
تخيل إحساسك لما أبوك يقول ليك : أنا فخور بيك ، مهما كانت نتيجتك ..
اهو ده زي أُمية كهربا ، و اتوصلت بيك و وصلتك بالدنيا ..
تخيل لو حبيبك قال ليك ، خذلتني فيك !!
افتكر ده ضلام صعب نتحملو !!
الكلام يا اخوانا ، الحياة دي قايمة عليه .. على كلامنا ده ، إرتباطنا بالذات الإلهية .. كلام !!
هو ما وقر في القلب و عملت به الجوارح !!
تواصلنا معاها كلام ..
مش برضو سورة الحمدو سورة صغيرة .. و ركعات !!
كفنا عن أذى الناس برضو كلام !!
حُبنا لي بعض كلام !!
الكلام قِيمتو أكبر من كل ما نتخيل .. !!

تخيل تموت و كل الناس تقول :
ما سمعنا منها إلا كل كلمة طيبة !!

تموت إنت وتفضل الكلمة حية إلى الأبد !!

#سلمى_المصباح

ياضَحكتِك
وقتين تجَلجِل في السما
بتشِيل رِويحتي معاها وتقِيم مأتمها
وحتى القليب يرفُض يدُق
بس شان يكون سامع وضوح لي ضَحكتِك
نبضاتو كلها بِكتُما♥️✨

#عمار_محمدزين

كيفَ تمكّن الذين إلتقيناهم في الإسفير ووسط العالم الإفتراضي أن يلمسوا قلوبنا وجراحنا وضحكاتنا !
كيفَ تمكّنت أزرار هاتِف ، وشاشة حاجِبة للواقع، من خلق كل هذه الإلفة بيننا ؟!

#رغد_عبدالرحمن