إنِّي أُحبُّكِ كي أبقى على صلةٍ
‏باللهِ، بالأرضِ، بالتاريخِ، بالزمنِ
‏بالماءِ، بالزرعِ، بالأطفالِ إن ضحكوا
‏بالخبزِ، بالبحرِ، بالأصدافِ، بالسفنِ
‏بنجمة اللّيلِ، تُهديني أساورُها
‏بالشِعْر أسكنهُ، والجرح يسكُنني
‏أنتِ البلادُ التي تُعطي هويّتَها
‏من لا يُحبُّكِ.. يَبْقَى دُونَما وَطَنِ♥️✨.

من أول لحظة في حياتنا نتعرف فيها بالاوكسجين، و لبقية العمر. يظل البكاء أنجع وسيلة للتكيف مع الواقع حين لا يلائم قدراتنا السابقة. لكننا بالدلائل نفرغ منه وقد اكتسبنا قوة لم نعرفها قبله. أراه مثل الفاصلة التي تفصل بين مراحل تطورنا. بين الجنين والطفل، وبين الطفل والرجل ، وبين الرجل و نسخة أقوى منه.
لا تتجنبه حين تحتاجه. ولا تستحي منه♥️.

#دوشكا

كل النساء أحاديث بلا سندٍ
وأنتِ أنتِ حديث لابن عباس♥️✨


#جاسم_الصحيح

اتخيلي بالله..
كل القايلنو ولف عادي
إحساس بتكرر يومياً
شايفاني وشايفك في قصادي
نتشاكل نتصالح مرات
نتذكر كل الحاجات
وبي ذوقنا بننسى منو البادي
نتسأل ساكت وما عارفين
يا الله يكون البينا دا حب؟

ما الحب
لونو رمادي
بتداخل لي في كم حاجه
زي ليل ونهار
واقفين في الباب
بتغالطو ساي زي الأصحاب
ومن حيرتي نسيت حتى سهادي
نواره الحب لونو رمادي♥️!

#ابراهيم_جابر

أحقا أنكِ لم تطرقي بابي هذا الصباح أيضاً..
أم أن الباب كان أنانياً
فقرر أن يشرب صوت أصابعك وحده ؟!

#أدهم_الشرقاوي

ضحك الفؤادُ لِمثل ما ضحكت به
وابتلٌ ريقي عندما نظرت إليٌ♥️.

#لقائلها

القوافي شبه عيونك
وإنتي ياكِ المُلهمة
كلميني عن الأحاسيس
والمشاعر المُبهمة
الحياة التنقص ملامحك
عقلي صار ما فاهِما
قلبي مزرود بهواكِ
والشرايين قاهِما♥️✨

#الرماح_إبنعوف

بما إنو الليلة الخميس نهاية الأسبوع♥️✨


اتعلمتو شنو في الأسبوع دا؟!
@Zienab_Adil

~ طول ما نحن بنقدر نعكس الجانب الجميل من حياتنا وبس! .. عمرو فيسبوك واخوانو ما ح يكونو المكان المثالي عشان نعرف عن حياة بعض، او حتى عن بعض
.. أنا عشان أحب شخص، وأتقبل وجودو في حياتي، لازم أُعجب بي سلوكو في التعامل، وبي أفكارو ونظرتو للحياة ..
تواصلنا الكتابي في الـ chat ، هو تعارف بين أفكار وأفكار .. بس أبدا ما ح نعرف من خلالو سلوك ..
.. وأظن سلوك الشخص اهم من افكارو .. عشان مافي واحد فينا ح يتقبل يعيش مع شخص تفكيرو في البزنس عالي، بس بخيل .. أو حافظ القرآن والأحاديث، وتعاملو معاي كعب .. أو مهووس بالتطور والحضارة، وافعاله بتكذب كده ..
.. المساحة الزمنية المتاحة في الدردشة الكتابية، كافية جداً عشان اجمّع أفكاري واصيغها ليك بأسلوب جميل يعجبك، ونفس المساحة دي كفيلة بي أني أغطي على جمودي وتفاعلي البارد بي أيموجي مبتسم، او أغطي على غيرتي منك وحسدي على الخبر الجميل القلتو لي بي الموجي عيونو بتعمل قلوب .. ودي كلها حاجات كانت ح تكون ظاهرة، لو كانت العين في العين ..
.. الـ chat تحديداً حرمنا من التلقائية الح نشوفها بوضووووح أول ما علاقتنا تمشي مرحلة جديدة .. ما ح يكون في فرصة تكتب رسالة وتمسحها، والرد ح يكون مباشر .. ولا ح يكون في مساحة تتجول بين الاموجيهات عشان تختار المناسب، لا ! ملامحك ح تفضحك
.. وصدقوني، رد الفعل التلقائي الح يظهر وقتها ! ح يكون اهم من اي إعجاب سابق كان بالأفكار .. عشان دايما السلوك سلطته على القلب أقوى ..
.. العلاقات المتينة محتاجة ذكريات نصنعها مع بعض صورة وصوت .. بنفس الطريقة الاتنقشت بيها زمان ذكريات المدرسة، والكورة في الحلة، وصحوبية الترحيل..
.. وسائل التواصل جزو من تواصلنا، بس ما هي الأساس، فتعالو ما نستغنا عن اننا نتشاوف .. والمكالمات، وما نستغنا عن الرِحل، والزيارت .. ممكن نخطط في الWhatsApp نتلاقى كيف .. بس كعب ما نتلاقى الا في الـ WhatsApp .. وكعب اني اعرف حالتك! بس من الكاتبو في حالتك ..
.. الكتابة مهما كانت بليغة، في النهاية هي وصف، والوصف تشبيه، والتشبيه ما تطابق .. فدايماً الفينا أكتر من حروفنا ..
.. للأسف الحاجات الجميلة والله بنظلمها بالـ chat الكتير .. عمرها الوجوه الضاحكة دي ما ح تغني عن ضحكة أشوفها فيك، ولا القلوب المرسومة ح تقدر توصل حب بيلمع في العيون، ولا حروف كل اللغات ! .. ح تعمل أثر زي نبرتك
.. فالقلب مشتاق ليك يشوفك، وما أظن تغنيو حروفك ~💙

_________
بتمنى تخططو لي جلسة، أو ع الأقل حق التفعيل الجاي، تعمل بيهو اتصال😄

#محمد_عبدالرحمن

Čãñ Vë:
لم أتعلم شيئا

علياء:
ردا للسؤال اتعلمت شنو ف الاسبوع دة
مافي حاجة دايمة ليك ولا ف زول دايم لي زول ملخص الحياة
اما ان تنافق او توافق او تفارق😊✌️

صَباح الخَير و لا يَهمكَ مَن مَضى؛
كُلِّ هؤلاءِ لَم يَكُن مِن بينهِم شَخصٌ وَاحدٌ صَحيح، الأهمّ ألَّا تَدَعّ أحدًا يَجرؤ عَلَى إيذائِكَ مَرَّةً أُخرى.

.
.
‏عليك أن تحسدهم
أولئك الذين يملكون صديقا في كل مرة
يمرون فيها بأزمة
صديق
يبدو لهم كأقراصٍ مهدئة
يهاتفونه كلما اختنقوا
فيعبرونها بسلامٍ
ويمضون

Sm♡ra:
اتعلمت انو الزول البحبك جداً ، عمرو م ح اتخلى عنك ،مهما فعلت ومها سويت
هو الوحيّد المستعد افهمك صاح😌😌

قالت..
حين ارتكب حماقة من حماقاتي الكثيره، يأخذ نفسا عميييقا ككل مرة، ثم يحرك كفه على جانب وجهه بحركة تنم عن نفاذ الصبر..
ورغم ذلك صوته يخرج قمة في الهدوء "
يمسك ب يدي التي تضيع وسط كفه الضخمة..
انظري الي...
انظري!
تعرفين اني احبك جداً.."
وانا هنا ل اعالج كل حماقاتك.. سواء كانت بقصد أو بسبب روحك اليافعه التي تهوى العبث "
كل الذي اتمناه ان اكون قريبآ، في الوقت المناسب أنقذ ما يمكنني إنقاذه..
لذا ل نجعل عدد الحماقات أقل..
أقله حين يقرر فكرك المجنون أن يقوم ب مصيبة ما دعيني أكن متواجدا قربك
❤
#همس_الاصيل

وسط هذا العالم أشخاصُُ كثر ، اختاروا الصداقةَ ، لينجوا بحبٍ عظيم من غدٍ مليئ بالاحتمالات.
اختاروا الصداقة من بابِ " معك ، بأي طريقةٍ كانت ، وبأي شكلٍ عدا الفراق "
وسط هذا العالم أشخاصُُ اختاروا أن تقتلهم الغيرة ، والصمت ، والاستتار ، بشرط الا يقتلهم فراق الحب المفاجئ!

#رغد_عبدالرحمن

للذي أضحك هذه العينين ومضى!

أنا بخير ، فقط أستيقظ كل ليلة عند الثالثة صباحاً ،أختنق كثيراً وأبكي
يمر الليل كـ شاحنة ثقيلة بصدري
ولكن لا تقلق أنا بخير،
بالأمس تلقيت إتصالاً لوهة ظننته أنت ، أدرتُ أن أُخبرك كم أشتاقك ،وكيف تجاوزت الإنتـظار ، والخيبات أردت فقط أن أخبرك لتبقى وأني أفتقدك ولكن لم تكن أنت
شعرتُ كمن تهشمت أحد أضلاعه
فيما عدى ذلك أنا بخير
غداً سنكمل عامنا الثالث أيعقل أنك لن تجيء!؟ أتذكر عامنا السابق كيف فاجأتني ! وكيف تهامس الجميع علينا أتذكر كيف كنت تدس السعادة بكل خطوة ليّ !*
أنا حقاً أختنق ، وأحاول أن أستقيم بدونك ،أحاول ترميم ما تبقى
أحاول نزعك من روحي !
أحاول تجاوز سؤالهم -كيف أنتَ-
وخوفي- إين أنت-
أحاول أن يبدو الأمـر عادياً
أحاول أن أخبرهم أننا أفترقنا
وانك لن تجيء
أنا حقاً لستُ بخير و الي ذلك الحين
أنت بسفر طويل ...
الي أن نفترق!
#Samar

ً

في فترة من الفترات بـ ٍ نمُر بي لحظات بنكون فيها انطوائين ، ردودنا مختصرة ، ضحكاتنا محسوبة عاوزين نتكلم وما قادرين
بنحس بالضياع ، و الوحدة و حاجات كتيرة
وهي في عز أزمتها النفسية رسل ليها:
"ﺍﺣﺴﺒﻨﻲ ﻣﻌﺎﻙ ..
ﻭ ﺷﺮﻳﻚ ﺑﺎﻟﻨﺺ
ﻓﻲ ﺍﻟﻬﻢ ﺍﻟﺠﺎﻙ
ﻭ ﺍﻧﺎ ﺑﺎﻟﻲ ﻃﻮﻳﻞ
ﻻ ﻣﺮﺓ بمل لا يوم بزهج"
برغم إنطوائنا ،والوحدة في شخص واحد قادر العب على أوتارنا ، وإعزف بدل الحزن فرح ما بشبه زول ،فـ ردت ليو :
إحساس إنك معاي براو قادر إنسيني ألف وجع، وإخليني أتجاوز الف هم
مـا السندو إنت، محال يقع!
-فـ قليها :
يلا أنـا عازمك عشاء ، أجهزي و أنا مستنيك تحت ،
حسّت كأنها ريشة طايرة ، وتلاشت كل خيبة و شعور سيء كان فيها وقالت ليـو

"إنت الدُعاش فِي عز كتمات النَفس ، كَنت الشَهيق💗🎶
كـأنك مرسال من الله بيقني بيك ، معاك بس بقدر أقطع كل المسافات و اتحامى بيك ♥
فـ مسكها من يدها وقال
"وأنا أوعدك..
ازرع مساحاتك فرح..
واملاك سماح..
وانا ابقى ليك الضحكة في زمناً عبوس ❤️"

الله حيّن يُريد ، يغسل دموعنا، ويمحي المسافات ، يُقرب بكلينا ليجمع خُطانا ♥
فاللهم الطريق إذا تاهت الخُطى و السند حين نميل و السلامة عن الآذى
اللهم إتسـاع لأحلامنا ♥ و السلام لِـ القطعة الصغيرة أعلى صدورنا ♥
اللهم أنت تعلم و وحدك إذا تشاء قدير

#سيحستجيب_9
#Samar

وأنسى العتاب الكنت ناوي اقولو وارجع منهزم♥️✨

قبل يومين جلواك و هو بيحاكي الكماسره واقف جنب المترو في باريس شغال للخواجات (قفل ورا يا عمك يا ) ، ضحكت من اعماقي ، لانه ظبط الدور شديد .
من ساعتا و انا بتذكر في فلاش باك ساحبني معاه لي وين ما عارفه ، بتذكر في الكماسره و قصصم و ذكرياتي معاهم .

قدر شنو التفاصيل الصغيره العالقه في الذاكره شكلت حياتنا و وجدانا بشكل رهيب ، حاجات في لحظتا ما كان عندها معنى ، هسي بقت حكايات جوانا .

الكمساري القلبو نضيف و هدمو مترب ، الاغبش ، الاكلح ، الشغال الفي الحر و واقف على حيله النهار كله .

الصاري و قلبو كبير و شريطو في الحافله دايما مشغل محمود .

لما الشريط يعلق ، يقفل يسحبو يديه نفضه و يدقه في الطبلون و ينفخ فيه ، و سبحان الله يرجع يشتغل تاني .

بتذكر و انا في الامتياز و مطرطشه و بت مدني ساي ولا بعرف خرطوم ولا بعرف حافلات ، بتاع الترحيل قال ما حيجي و انا في السلاح الطبي قلت لي صحبتي ارجع كيف قالت لي اقيفي قدام السلاح اركبي مواصلات الاستاد و من هناك اضربي لي بوصف ليك .

و قد كان وقفت قدام السلاح زي الطفل اللي اول مره يمشي حته براه ، الحافله وقفت قلت ليه الاستاد ؟ قال لي ااي اركبي

ركبت ، لكن الحافله ما مشت على الكبري !! لفت شمال

قلت يمكن عايز ياخد ركاب اكتر ، فضل يخش جوه اكتر ، و انا بكضب في الشينه و بقول حيلف يشيل ناس و يرجع الخرطوم و بدت الخوفه تتملكني و انا ما بعرف عن ام درمان غير انو اسمها ام درمان بس ..

المهم لف بينا لحد ما وقف في سووور كبير كده فيه نجمات بي احمر و اصفر . و الناس كلهم نزلو و انا قاعده جنب الباب و حاضنه شنطتي

الكمساري قبل علي ، ما تنزلي يا بتنا

زرزرت دموعي انزل وين لسه ما وصلنا

قال لي انت مش قلت ماشه الاستاد ، هندا الاستاد

طوالي فكيت البكيه ، لكن ده ما الاستاد اللي انا قاصداه

ضحك مسافه كده ، قال لي خلاص انزلي اركبي الحافله ديك ماشه استاد الخرطوم ، نحن ما متحركين ، حنقيف شويه

لما لقاني راسمه وش البلاهه و ماسكه في حديده الحافله عشان ما انزل

قال لي اقوليك خليك قاعده قبلك ، نزل نادى السواق تاني قاليه ارح فرده الخرطوم و نرجع .

و فعلا عبا تاني ناس عشان الطيره المعاهو دي 😂

قصه مضحكه شديد ، لكن فيها لمحه بتاعت حنيه و جدعنه ، عن كتير جدا من الكماسره .

فارس النور من مجددون بحكي لي عن واحده من السيدات الفضليات اللي عملو مشاريع صغيره بي مساعده مجددون و نجحو فيها

لما سمعت عنهم و جاتم اول مره ، شالت توب جارتا عشان ما عندها توب .

وقفت الكمساري قالت ليه انا ما عندي قروش و دايره اصل بري و الله التوب اللابساه ده ما حقي ، و ماشه لي زول قالو بساعد الناس ، ماشه ليه يساعدني

قال ليها هسي انا كان وصلتك ، و الزول ده ما اداك قروش بترجعي كيف ، قالت ليه الله كريم ، بلقى ود حلال زيك يرجعني

فعلا ، خلاها تركب ، لما نزلت عصر ليها في يدها خمسه جنيه قاليها عشان لو الزول الماشه ليه ما اداك قروش يكون عندك حق الرجعه

نحن هدِمنا مقطع صحيح ، و لونا اسمر ، لكن قلوبنا كبيره و بيضا و ايادينا ممدوده بالحب دايما و الخير ..

يا ماشي للخرطوم سلم عليها شديد
قوليها واحشااني و فارقنا ما بالليد

سلم علي برّي و الماشي لي بحري
سلم علي الستات الصحيو من بدري
مهما قست ايام ماشين دوام دغري
في جوفن الجيعان لقمه حلال تسري

يا ماشي للخرطوم سلم عليها شديد
قوليها صبرك كيف

بعدك كمل صبري !!

‎#سلمى_المصباح