#هذا أوانُ البَوح


المرة دي عاوزة أعصر عليكم وأكون صريحة زيادةً عن اللزوم فاستحملوني 😂
مبدئياً
عشان ما يجيني زول يقول لي إنتي بتروّجي للعلاقة بين الولد و البت ، و بتزيّني للناس علاقاتهم و ده من الشيطان و سوّلت لكِ نفسكِ"
وكلام من هذا القبيل
فأنا ما عاوزة أقول إنو العلاقات بين البنات و الأولاد اللي بنشوفها اليومين ديل في مجتمعنا هي صحيحة ، و بترضي ربنا ، لكن كلامي ده بإعتبار ما كان
"حاجة حاصلة وواقع كلنا شايفنو"
فشنو ، ندخل في الموضوع باللّه 🌚💜
- قالت لي:
"أنا بحب ود خالتي ، وهو (تقريباً) ببادلني نفس الشعور بس "ما حصل قال لي" ، لكن حسيت كده من تعاملو معاي
هو بعاملني دون معاملته لكل بنات خالاتي و الحاجة دي  كل بنات أهلي ملاحظنها ، وبقولو لي إنو عندو ليك حاجة ، لمان في يوم ما قدرت أتحمل أكتر وقمت سألتو
فـ فاجأني وقال لي:
(أبداً ، إنتي زي أختي )
- قالت
"لمّانا شغل ، و کان بستلطفني ، و دايماً بشکِّرني وبحسسني إنو مهتم
علاقتنا ببعض بقت أقوى من زمان ، و بدردش معاي بالساعات، في يوم إتصل و قال لي أنا داير ألاقيك ضروري شديد
ضربات قلبي زادت ،ولما لاقيتو
بقى بستدرج فيني بالكلام
قال لي تتوقعي أکون عاوزك في شنو ؟
أبداً ما خمّنتي..؟!
قالت لي أي واحدة في موقفي ده حتتوقع إنو هو من تلميحاته القالها کان عاوز يطرح ليها(يعترف بإنو بحبها)
في النهاية و بعد حراق روح
طلع عاوز يوکل ليها مهام في الشغل و خلاص..!!
(ديل قصتين)
وکل واحدة فينا تقريباً حيکون عندها قصة مشابهة.!
و کل واحدة فينا حتکون بتسأل نفسها
"طيب هو ليي بعمل کده"
الإجابة : (من غير ليه 😂✋)
ما تقدري تحددي ، ودي حاجة کده ما عرفنا ليها جواب للآن 🌚
ما علينا.!
ببقى السؤال القائم:
(أعرف كيف إنو عاوزني..؟)
الإجابة :
لمن يقول ليك يا فلانة بت فلان ، (أنا عاوزك /عاوز رقم أبوك/عاوز أجي بيتكم)
غير کده أي تلميح ما ينفع ، أي كلام حايم حول الإجابة دي برضو ما ينفع ، أي إستلطاف ودق حنك مااا ينفع 🌚
ما لم يقول ليك عايزك ، يبقى هو لسه ما عايزك وإياك تكوني رهينة للإحتمالات
عموما ًالزول البِخلِّيك خايفة ، و ما عارفة نوع علاقتك بيهو ده "صدقيني ، ما عاوز غير هوى نفسه"
-الدايرك
بختارك من دون كل البنات
وبجيك قبل كل الأولاد..!
"مُنتهِي"
نحن في مُجتمع حتَّم علينا إنو أغلب شغلنا ودراستنا تعامُلاتنا يكون فيها إختلاط ، بقينا بنشوف العجب ، وياما بنسمع قصص وبنعيش زيّها
أنا ما ولد عشان أقول ليك الأولاد بفكّرو كيف.! ، لكن من التجارب المرّيت بيها
ممكن أحكي ليك
"عندي صحبتي وأنا وكنا شغالين مع بعَض فترة ، وكان مديرنا في الشغل ده شباب كده ، لو شفتي تعاملو معاي و تعاملو معاها وقالو ليك خمّني هو داير منو حتقولي داير صفية "اللي هي أنا"
لکن هو كان داير صحبتي.!
أبداً ما إتونَّس معاها ، وجرَّ بيها زمن
ولا لمّح ليها وخلاها تستنتج توقعات براها ، كل العملو بخطوة جريئة منو
رسل ليها رسالة بقول فيها:
"يا فلانة ، أنا والله دايرك ، إستخيري فيني ، ولو موافقة ، رسلي لي رقم أبوك"
بس..!♥️
العايزك ده عمرو ما حيخليك تفكري و تدخلي في دوّامة تساؤلات من نوع "هو عاوزني ولَّا لأ"
هو بلمّح لي ولّا أنا بتوهّم.!
العايزك
ما برضى يشوف في عيونك خوف وقلق
ويبني معاك آمال و أحلام في الهوا و يقول ليك لمن أتخرج وأشتغل حـ أجيك
و..و..إلخ
اللي عايزك
بكلّم أبوك ، ويقول ليهو يا عمي أنا شاري بتك دي ، أعتبرني ولدك و أصبر علي لحدي ما أجي آخدها بالحلال
غير كده
شيلي من عقلك و قلبك فكرة إنو في زول ملمِّح ليك
وأدعي ربنا يكفّيك شر إستهلاك الحُب ، و إستنزاف المشاعر
ما تعلّقي قلبك بي زول بتاتاً "البتة "
ما لم يجيك بالدغري
وبالمناسبة:
ياما في بنات بضيّعهم كلام صحباتهم البقولو ليهم فلان ده أنا حاسَّاه عايزك ، من تصرُّفاتو ، وعيونو البتلمع لمن يشوفك و ..و.. و..
يلا ده شَرَك 😂
زي دي أسأليها:
"هو قال ليك أنا دايرها ؟"
إذا قالت ليك لأ ، قولي ليها يبقى لمن يقول لي أنا دايرك ، بعدَّاك بنحدّد اللمعة الفي عيونو دي عشان بحبّني ودي لا ضربة شمس 😂
"عشان ما توهمي روحك ساي🌚✋💔"
وختاماً
بقول الجملة اللي نفسي أعلّقها لكل واحدة في قلبها ، وأربطها ليها في طرف طرحتها🙊♥️
"ألَا فأحرِصِي عَلى قلبكِ أيّتُها الفتَاة"🌸
وشُکراً
وعَفواً
#صفية

أتعلم حينما تشعر أنت بالألم،
أشعر أنا بوخز في قلبي
وكأني أم فقدت جنينها لتوه!*
#Samarً

عارف لمن زول إختارك من دون الناس عشان إحكي ليك شي،،إفضفض ليك الجواو *!
إشاركك حياتو ،، حقو من باب الإحترام
حتى لو الموضوع ما هاميك تتفاعل معاو!*
كون مستمع جيد ياااخ🙃 كونك تسمع ليو وعينك في تلفونك ولا بتمشي زي الاطرش آآآه آآآ قلت شنو!!! والله حركة ما ظريفة 🙄
لانو الزول البفتشك عشان إحكي ليك، وإنت بتشوفو معاط 😒 ح إجي يوم وما تلقى !*
ح اجي يوم وتشتاق ليو .. وتحاول تتكلم معاو ح اعاملك بي نفس البرود في النهاية وح تكتفي بي حالتو ولا بوستاتو 😔

ولمن إجي زول ياخد رايك ف موضوع حتى لو هايف بالنسبة ليك،ما تحبطو 😐😐😐
أدعموا في قرارو و حمسوا ياااخ بس ما تملىء طاقة سلبية 🙃

حاول بدل التعامل الهادم جواك 🙃

مرات بتكون زهجان وقافله معاك ،بس غيرك
ما مجبور اتحمل مودك 🙃
إبعد إسلوب حوارك قدر ما تقدر من مودك
عشان ما تفقد الحوليك 🙃

محل ما تمشي أزرع ريد
أقفل طاقة الحزن جواك
خليك للفرح عنوان
محل ما تمشي كون إنسان

#Samar

لمن فجاءة تكتشف ليك زول على حقيقتو!
بتحس بي فراغ عظيم جواك 💔
ما عشان هو غالي عليك ، عادي الناس بتمش و بتجي ومن بدري اتعلمنا نكون الأوحد بس إحساس إنك قطعت مساحات ومسافات معاو وفجاءة كدة تختزل كل المسافات دي في "حقيقة "
وتبقى المُرة إنو في مواقف ما محتاجة كتابة قدر ما انها محتاجة قلوب تحسها!*

#Samar

بي مناسبة الجو الجميل دا

#دعوة_جماعية_للكتابة ✍✍
يلا نكتب نص سوا 😍
عاوزين نكتب بي عنوان "😍"
-مثلاً أطياف وإنت و خيالك -
ولا صورة!؟"❤️"
وتعبّر فيها !

بالمناسبة ما ضروري إنك تكون كاتب عشان تشارك اسي انا م هدي قدامكم بشخبط ساي😂🌚
يلا كلنا نكتب اي شيء ، اي حرف ♥

محاولة نص

الجو غائم و جميل مع نسمات تداعب اغصان الشجر ، كان يجلس على كرسيه غارق في افكاره ، كنت اراقبه من بعيد اتامل في تفاصيله التى احفظها عن ظهر حب ❤ تلك الابتسامة العريضة التي تظهر و تختفى و عقدة حاجبيه و تلك العينين الواسعتين يخفي ذاك الليل الحاك خلف نظاراته الطبييه ،سرحت وانا افكر ف ما يشغل تفكيره يبدو و كأن طيف من يحب قد زاره بعد غياب طويل ، عدت الي ارض الواقع وجدته قد غادر مكانه تذكرت شي مهم يجب عليّ فعله ذهبت مسرعة فاذا بي ارتطم باحدهم رفعت راسي انه هو تلاقت عينانا اطال النظر في عينين لثواني كمن يبحث عن شي اضاعه ثم اعتذر مني و مضي كانت اول مرة ارى حربا منزوعة الراء في عينيه .

حرباً منزوعة الـراء بعيّنيه♥♥

في هذه اللحظه اتمني ان تكون بقربي
اتمني ان تمسك يدي
اتمني ان نكون كباقي العشاق لما كل هذه المسافه بيننا لما هذا البعد ي قلبي
عد لوطنك عد لي
اليوم وفي هذا الوقت تحديدا اتمني فقط ان تلتقي عيناي بعينك وساكتفي بالصمت عندها لان عيني ستخبرك بكل م اشعر به

الآ ليّت المسافات تُمحى فنلتقي ♥

الغيم و المطر و الهواء النقي ريحة المطر هي اوتار الحب نعزف عليها كلما تذكرنا ذلك الحبيب
الطير في السماء يحلق فرحا طربا مع العشيقة و صوت جداول الماء تمضي علي عجل لتحتضن المياه الاخري
الفراش الزهور الوجه الجميل في خيالنا يسبح
رائحة الخضار الممزوج بدعاش ورزاز المطر.
قوس قزح يرتسم في السماء مع لون السحاب الممزوج بالازرق السماوي يشكل اروع اللوحات
يااااااااااااااااااه يالها من اجواء

صدر تحت توقيع اللحظة .. #Amir

.

الحُب و المطـر و اللوحة ♥♥
اللهم إتسـاع و فرح