نكتب أحيانا لنصمد..
ولولا بعض الكلمات التي دونتها لك يوما لمات أحدنا من فرط الصمت..
#محمد_عطاء

“لا تظن لحظة واحدة أن اصدقاءك سيتصلون بك كل مساء، كما يجب عليهم أن يفعلوا، كي يعرفوا هل أن هذا المساء هو المساء الذي تقرر فيه أن تنتحر، أو هل أنت في حاجة إلى الرفقة، أو أنك لست في مزاج يتيح لك الخروج.
كلا، لا تقلق، فإنهم سيتصلون بك في المساء الذي لا تكون فيه وحدك، حين تكون الحياة جميلة... أما بالنسبة للإنتحار، فإنهم سيدفعونك إليه على الأكثر، بسبب ما تدين به لنفسك، كما يعتقدون ..! "

#البير_كامو 📚

ﻣَﺎ ﺃﻗـْﺼَﺮَ ﺍﻟﺰَّﻣﻦَ ﺍﻟﺠْﻤﻴﻞَ ﺳَﺤَﺎﺑَﺔ ً
ﻋَﺒَﺮﺕْ ﺧﺮﻳﻒَ ﺍﻟﻌُﻤْﺮ ﻛﺎﻟﻨـَّﺴَﻤَﺎﺕِ
ﻭَﺗﻨﺎﺛﺮﺕْ ﻋِﻄـْﺮِّﺍ ﻋَﻠﻲ ﺃﻳَّﺎﻣِﻨﺎ
ﻭﺗﻜﺴَّﺮَﺕْ ﻛﺎﻟﻀَّﻮْﺀِ ﻓﻲ ﻟﺤَﻈﺎﺕِ
ﻣﺎ ﺃﺻْﻌَﺐ ﺍﻟﺪُّﻧﻴﺎ ﺭَﺣﻴﻼ ﺩﺍﺋﻤﺎ
ﺳَﺌِﻤﺖْ ﺧـُﻄﺎﻩُ ﻋَﻘﺎﺭﺏُ ﺍﻟﺴَّﺎﻋَﺎﺕ
فاروق جويدة

مؤلم احساس انك تعرس حبيبة غيرك.. عشان كدة حافظوا على حبيباتكم يااخ وعرسوهم 💔
وقبل تختاروا اتأكدوا انه الطرف التاني بيحبكم مش عشان انتوا بتحبوه يبقى خلاص حريقة في مشاعره هو..
في النهاية هو انسان وحتى لو وافق عليك اسي حيندم وحتندم انت زاتك بعدين.. لانه ما كان في تفاهم .. ما كان في حب.. ما كانت في مشاعر..
ما تكرهوا الناس فيكم وعرسوا حبيباتكم💔💔
#Isra

الصباح باهت جداً
تتراكم الخيبات و تتوالى الصفعات!
بقربي فتاه عشرينية شاخت روحها!
وخلفي عَم تلاشت الحياة بعيناه وأصبح يُطالع السراب!
بالنافذة أطفال نيام ،وبإشارة المُرور خطر خطر!*
الصباح كئيب جداً ،- هذا ما قالته العجوز- قبل أن تطلع روحها لعالم موازي لنا،

ما الصباح !؟،همس به طفل قبل أن أحقنه بالمُخدر ليقط في نوم عَميّق وينعم جسده ببعض الراحة!

الصباح هو خُطوط الدمع بين جنبين الوسادة لتلك العشرينية!
والوطن الذي تكورت به قبل أن تُشرق الشمس متناسيه حُطامها وهي تقبل أُمها وتخبرها هي بخيّر!

الصباح هو العَم خلفي الذي يلهث بكل ما أوتي من قوة ليجمع فتات الرغيف!
الصباح هو السـراب بعينيه و الوجع بقلبه و السؤال الذي مازال بأُذنيه- أبوي المدير قال عاوز قسط المدرسة و بتاع الدكان قفل الحساب...الخ-

الصباح هو أطفال السلسيون ❤️ برغم النافذة التى تفصلنا ،و تفاصيلهم التى تختلف كثيراً الصباح هم بذات التهميش، و البرد و الجوع

الصباح هو روح العجوز قبل أن تُفارق ، الصباح شكواها و أنينها ،وتعرجات الهم بها

وأخيراً الصباح هو طفلي الذي يقطن بقربي الآن ،بروحه وهي ترفف خارج المشفى
الصباح هو الوطن الذي يحلم به الآن
الصباح هم وأنـا وأنت ❤️

#Samar

صباح الخير..
سأعيد ترتيب أشيائي بك..
سأغادرك من دون عودة ..
وسأجعلك الأخير دوما ..
#Isra

انا لا اكرها🌸 فقط لو نشب فيها حريق وبيدي جرة ماء لشربته ✨
# Die Königin 💓

#عزيزي_صاحب_الظل_الطويل ❤️
وبعد..
‏قَد فَاضَ حُبُّكِ فِي الأضلاعِ وَامتَلأت
مِنِّي الجَّوَانِحُ مِن لُقيَاكِ آمَالا
لَو أَنَّ حُبَّكِ لِي مَالٌ لَصِرتُ بِهِ
بَينَ الخَلِيقَةِ أَغنَى النَّاسِ أَموَالا ❤️
#Ryan_adil🌸

من المؤلم ان الأشخاص الذين خبأتهم في أعماق روحك خرجوا مع أول تنهيدة خرجت من صدرك
شغف ...خليل

ربما إبتعادك قليلاً او تَنْحيك جانبا كافـياًً
ليُسقط أقنعة من هم حواليـك
طِبْتَ غريباً بعيداً
#samarً

سنتين بنعرف بعض والفرحة عنوان بيتنا همومنا هموم بعض وجعنا وجع بعض عايشين حياتنا سوى ع المرة وع الحلوة بنواسي بعض لما الألم يكتر علينا وجعنا واحد وفرحنا واحد ما هو احنا روح واااحدة منقسمة في اشخاص ما بنسمي بعض صحبات لانو احنا أسرة مع بعضينا
الفرحة الفرحتها عيونا اللليلة لما شفنا بعض زي يوم فرحت ارواحنا لما اتلاقت واتحابتت في الله

#كسسرة

زول نايم زعلان، الليل معظمو معديهو بكى، صاحي زهجان قرفان من اليوم مستنيهو بتين يخلص وهو يادوب بدا!!
وفجأة بكلمة واحدة اليوم اتحول من يوم بشبه الايام البائسة العدو لي اجمل يوم في تاريخ حياتو والكلمة هي ( لما امي قالت لي انا موافقة امشي لاقي عواليق الليلة وسلمي لي عليهم)
حسيت ربنا بحبني شديد وما عايزني اعيش في جو كآبة وانو حاسي بي وحاسي بالفيني وما هانت عليهو دموعي الزي النار امبارح وبدلها لي بدموع فرح نستني كل همومي فحمدت ربي وبقيت طايرة من الفرح شوية ابكي وشويتين اضحك وكل شوية اقول ليها انتي جادة 😂( قالت لي يلا امشي من وشي قبل اغير راي) وديك يا الجرية😂😂
ولاقيت عواليق 😂 ودي كانت صدمة الفرح بالجد بعد سنتين عشرة بعد ونسات وضحكات اتلاقينا بقيت مصدومة بعاين في وشوشهم بحاول احفظ في تفاصيلها وانا معاهم البسمة ما فارقتني ولا تظن. وحدة فينا البسمة فارقتها ياخ مبسوطة حد الانبساط وزايدة شويتين 😂
طلعنا كلنا عسسسل😍 وحلوين بالجد 😉ما هي حلاة امي موزعة فينا😍😌 بحبببببك يا ماما والله يخليك لي 😂😘

#كسسرة_تانية
(هبة، سنفورة، اميل، ولاء، رماز، اسراء(بنت من فرح)، سيدة، تنزيل، فطومة، تامل)
بالجد بالجد فقدناكم اليوم كان ناقصكم والله😭
بس ان شاء الله الجايات اكتر من الرايحات ولازم نتلاقى كلنا كدا تاني وتالت ورابع


#مليحيظة ( ع قول فطومة 😂😂)

عواااااليق بحببببببكم شدديييييد انا 😍
انتو بالجد زكاة الروح 💋 ربنا يديم المحبة يا رب ويخلينا لي بعض ويحفظنا من عيون الناس 😂😌

#omnia_mohamed

الناس البتحسهم هدية من رب السماء
القدر ما تحتاجهم بتلقاهم سند❤️
البختلفوا عنك في اي شيء وفي نفس الوقت بشبهوك شديييد
الما حصل قلت لو بي هظار زهجان م لقيتهم كلهم حوليك،
البشيلو همك اكتر من همهم
الحياتهم ما بفهموك غلط!*
المستعدين اتقبلوك بي كل حالاتك ،
الناس الفيهم ملامح ناس بيتكم
و المابشبهو زول ، بتحسهم لطف الله عليّك

#عـواليــق
هم كل الحاجات السمحة دي ❤️❤️❤️

فاااااشنو إنتو عارفين كُـل شيء
و م محتاجة أقول ❤️❤️

فالليلة كـان فرح ،ويوم من الجنة❤️
#samarً

قناة لي قراءة صفحات القران ❤️
بتساعدك في الورد اليومي و الحفظ
@quranone

‏تبدأ حريّتك الذاتيه عندما تفقد رغبتك كلّياً في أن تكون مُهّماً عند أحد ، أو محبوباً عند أحد
لأنك تعرف قدر نفسك جيّداً

Beko $fteko:
وبتذكر مواعيد الهوى الاول :
وساعة شفتها السمحة
وقفت وقلت يااااا الـلــــــه
حلفت انا غيرها ما عايز
وكيف تتبدل القمحة !!!
اكيد طبعا دا ما جايز
لقيتا مشاعري منطمحة
بقيت ادعى في سري
وحت في جهري قلتها ياخ
ارييت ياااا ربي تقسمها لي
اكون بي ريدها انا الفايز

وجيتا ونبضي ماشي يزيد ،،
بدور افتح لي ياخ موضوع ..
عشان السمحة تتكلم ،،
واسمع صوتها يطربني ..
وان ما سمعتو بتألم..

مناي يا هناية تبقي معاي..
معاك بنساهو كللل شقاي..
معاك بسعد وبلقي هناي..
وليكي بردد احلى غنااي..

مناي نتلاقي فجرية،،
ونطلع لي كممم مشواار..
تكون رجعتنا عصرية،،
نطوف كلل الشووارع دييك..
ونتاخر..
وما نرجع،،

بحبها ياخ غييررتك دييك..
ولمن تزعلي وتبكي..
تشيلي تزيدي في صدك..
اجيك احنسك ترضي ،،
وكيف قلبي فسبيل صدك بكون عاجز،،
وتستناك مواعيد الهوى المليون ❤❤❤

القصيدة السمحة 😍😍😍
#بكري_ود_الحلاوين

عن الذين أربكوا النبض بداخلنا يوماً حتى ظننا أننا لن نستفيق من خمرة الشعور ،
سبحان من جعلكم صفحة مطوية على رف قديم !

أنا الصديق .. الذي يحبُّك كما أنت ، باكتئابك ، بحُزنك ، ببساطتك و تلقائيتك ، أنا الصديق الذي يحب أحاديثك و أفكارك و أبتسامتك و يحب كل شىء فيك 💚 !

أنتَ لستَ مجبراً على أن تكون خارقاً دائماً ،
إحزن ، إبكي بشدة ، مارس إنفعالاتك العاطفية ،
ثم عُد قوياً.💛"

ضيقة هي الحياة..
ضيقة هي مراكبنا..
للبحر وحده سنقول ..
كم كنا غرباء في أعراس المدينة

قصة حقيقة حصلت لي.كنت راكبة الحافلة ماشة الشغل_ القدمت استقالتى منو حاليا_رموا لينا جوه الحافلة ورق دعاية لشركة.شلت الورقة وانا بزمجر فى العيشة والحياة الغالية والمرتب الضعيف وبيئة العمل الكلها دسائس ومؤامرات.الجنبي اتلفت علي وقال لي الدنيا دايرة صبر.قلت ليه والله الصبر زاااتو غلبنا نصبر علي شنو ولاشنو؟! قال لي اتفائلي حدرت ليه طبعا _البيعرفنى كويس يعرف انو عندى متلازمة صرة الوش والحدرة لاي شاب بيحاول يتونس معاي نظام ماتعاكسنى وكده !!!_ المهم قال لي اسمعي انا كنت فى السعودية_ (اوووبا !!!!! حنك الشباب التقليدى لما يحاولوا يثبتوا جديتهم للبنات. اللهم طولك ياروح)_ اشتغلت هناك عشرة سنين لميت 15 الف ريال.العزابة المعاي قالوا عايزين عشاء نزلت اجيبو من البقالة التحت ماشلت معاي اقامتى نظام انا نازل وطالع طوالي السعوديين كانوا نشيطين الفترة ديك فى ترحيل الوافدين. جوووه البقالة مسكونى قلت ليهم اطلع اجيب اقامتى من فوق دخلونى العربية بالرجالة وماسمحوا لي اتواصل مع ناسي كلمت الهندى الفى البقالة انو يكلم العزابة انو انا رفعونى خليهم يلحقونى بالاقامة.ماعارفو كلمهم وهم طنشوا ولا ماكلمهم طوالي رحلونى بورتسودان.قعدت هناك ماعندى ولاجنيه واحد آكل بيه.اشتغلت عتال 4 شهور القروش كنت باكل بيها واجرت مع شباب ووفرت حق التذكرة للخرطوم اتصلت بواحد من العزابة الهناك فى السعودية طلبت يرسلوا لي قروشي بحوالة.ووصفت ليه محل القروش.انتظرتوا تانى كم شهر ومارسل وغير تلفونوا واتواصلت مع باقي الشباب قالوا رجع السودان فجأة واختفي منهم وماعارفين ليه درب
هنا نططت عيونى من الخلعة والظرف السيئ المر بيه الراجل ده.كنت قايلة خلاص المآسي حقتو انتهت.
استطرد(دى طبعا من زمااان منتظرة استخدمها واهو جات الفرصة) قال لي رجعت امدرمان واشتغلت فى ورشة صنايعى وربنا رزقنى.عندى زميل معاي عرض علي اتزوج اختو وانا وافقت لاسباب كتيرة انى كبرت والزواج استقرار وووو الخ.المهم اتزوجت الحمد لله وربنا رزقنى بولدين واحد فى الروضة وواحد عمر سنة.انا مؤجر بيت مكون من غرفة واحدة ومطبخ.قلت ليه الحمدلله(لحد هنا فرحت ليه انو فرجت) اتشوبرت وسألتو ومرتك شغالة؟؟! سكت مسااااافة وعاين لي وقال مرتى عيانة.وبعد ماقلت ليه سلامتها وكفارة وووالخ اتشوبرت تااانى وسالتو عندها شنو المرة دى عاين بالشباك وقال لي عندها مرض نفسي(اقسم بالله شفتو قش دمعة سالت وماعايزنى اشوفها) اتخلعت(الراجل ده المآسي ال خلقها ربنا) قال بتصرخ وتكورك وهو بيضطر لما تجيها النوبة يقعد معاها لما تهدا.بيعمل الفطور للولد الكبير ويوصلوا الروضة ويرجع يحميها لانو لما تجيها النوبة بتقعد ايام بدون تستحمى وينظف البيت وياكلها هو وولدو ويوصى جارتها عليها ويطلع يشوف رزقو.طبعا احى من شوبارى سالتو تانى اهلها وين واخوانها واخوها الورطك فى اختو دى وانت مالك مااتاكدت منها قبل ماتعرس وووو.ابتسم بهدوء وقال لي علي شكل عتاب يااخت الحاجة دى ربنا كاتبها لي وانا صابر وراجى الله مرتى تشفي وتطيب.اخوانها اتملصوا منها ماعايزين يستحملوها وحاليا هى حالتها مستقرة وكل ماتلقي اولادها بتهدأ بس مرات النوبة بتكون شديدة وبضطر اوديها التجانى الماحى عشان تاخد جرعات كهربا.قال لي الليلة جاتها النوبة وانا طلعت متاخر ماشي سوبا الحق الناس البتلم باغات البلاستيك اشيلها منهم ابيعها للمصنع.ومااظن الليلة الحق لانو الشغلانة دى بتكون الصباح بدرى شديد.بس متوكل علي ربنا وان شاء الله ربنا بيرزقنى برزق العيال وامهم
محطتى جات ودعتو ونزلت وانا بفكر انو الراجل ده لاقيتو عشان اعيد التفكير فى حياتى واعدد النعم الكتيييرة العندى واتعلم الصبر
كسرة/ الايام دى بمر بحالة سخط واكتئاب نظام ماعندى عيال والشغل استقلت منو وقعاد البيت زهجنى وفجأة اتذكرت الراجل ده وقصتو.ياخ انا زولة جااااحدة جدااااا.عندى نعم كتيرة انا كويسة وبصحة جيدة وعندى خبرة وماستر وتخصصين وحياة واسرة وان شاء الله ربنا حيرزقنى بشغل واولاد وبنات سمر زيي كده ومشاغبين يخلونى النهار كلو اتجارى وراهم.قلت احكى ليكم يمكن تقرا البوست ده واحدة مارة بحالة كرب وضيق تستفيد منو وتعرف انو فى ناس حالتهم اصعب وتحمد الله علي نعمو الكتيرة

#منقول_بحب