#لحظة_صدق :
طيب كان في اعتقادي حاجات كتيرة.. منها الاتغير ومنها اللسة قاعد.. خلال علاقاتنا مع البشر ماف شي ثابت.. واكبر غلط لمن تعامل الناس بنفس الكيفية ونفس العقلية.. فما كل الناس واحد وما كل الظروف واحدة .. فما تبني مسلمات تحكم علاقتك بالناس لانه كل زول واسلوبه الخاص.. نقطة تانية مهمة كنت ولا زلت مؤمنة انه انا محطة في حياة الناس .. والناس البلاقيهم في الحياة كلهم محطات.. ماف شي اسمه ابدية اللهم الا ما ندر.. كنت بتعامل على اساس انه انا مفارقة الزول دة وفعلا بعد فترة بفارق.. حتى لما كنت بقولها للناس كانوا بيفتكروا انه انا الحانسحب من حياتهم.. كانت كلمتي واحدة انه انا ما بنسحب من حياة زول بس حيجي الوقت وانت تنسحب من حياتي.. ما لانه في مشكلة حتحصل بل ربما لفرط التعود الناس بعد دة تدريجيا بتفقد البريق الكان في اول العلاقة..وربما لاسباب اخرى خارجة عن ارادتنا كبشر.. ما ضروري علاقة حب بل بتشمل كل العلاقات صداقة او زمالة او غيره..
كنت بتعامل مع الفراق انه حالة حتمية حيصل ليها كل زول فينا.. لذلك كنت بتجهز ليه بدري ودة الخلاني ما انصدم لدرجة كبيرة مهما فات الزول العلاقتي بيه كانت قوية.. بغض النظر عن كل شي كل البشر الحتلاقيهم في الحياة لحكمة ربانية حتعرفها بعد يفوتوا منك.. حتعرف انهم مثلا كانت علاقتهم بيك في الفترة ديك لانه انت كنت محتاج وجودهم جمبك.. الشي التاني انهم فارقوك لانه انت خلاص حياتك بقت ما محتاجة وجودهم فيها.. الامر ما معقد بقدر ما ننظر ليه بحكمة.. وما نتضايق او نزعل لمن نفارق زول او زول يفارقنا لانه دي سنة الحياة.. وانت زاتك في لحظات حتكون انت المغادر فيها فما حنك..
عموما .. ما حصل ندمت على زول ولا حاندم .. لانه موقنة تماما كل الحصل والحيحصل دة جزء من تكوين الشخصية حقتي.. فكل خذلان لخير.. وكل ضعف بعده قوة.. وكل حاجة انتهت هي بداية ليك انت بالتحديد .. الدنيا دوارة.. فالناس ما تاخد الاشياء بحساسية شديدة وتحاول تكون طبيعية تعيش فترة حزنها المؤقت لانه في فرح جايي.. وتعيش بسلام مع نفسها ومع كل زول علاقتها بيه انتهت..
ويا كل العرفتهم في حياتي شكرا كتير للحظات الحلوة البقت ذكرى ما حانساها ليكم ❤️ .. والكنت في يوم سبب في حزنهم اعفو لي حتى لو انتهى كل شي بيننا ❤️.. وما دايرة اقول ان شاء الله ما آخر وداع بس يكون وداع جميل❤️
وربنا يوفقكم ويسعدكم يا رب 😊
#Isra

بتدرج غير منتبه لـه نُفقد
#Samar

عاوزة صورة أكتب فيها 🙃

@samar_mohmmed

صلبة بمـا يكفي للتجاوز❤️

1
على شفى حُفرة من الرحيل ،أمطتي أمواج وحدتي، حاملاً ما مضى، بذاكرة رثة ،وروح ترتعش !
أُغادر بكل ما أُتيت من ضعف، لأن لا شيء يستحق ، ففى مرحلة مـا يكون الصمت أبلغ و الرحيل أنفع فالسلام على قلوب تعلقت،وخذلت فتلاشت 💔
#Samar

2
تَقول بكُـل هشاشة الروح ،كـان يأخذ بوهني
ويستبدل ضعفي قوة ، كان حضوراً حين شُرع الغِياب ،فلم يـدع مجالاً ليغسل الشوق من عينيّ ،وإذا جئتُه قبلهما بحنان أبوي ❤️

لقائه كان الثواب على ليالي الحنين ، والخشوع بصلاة الحُــب ، كـان الطهارة بدعوات أميّ والعطف بقلب أخي و المُتكأ بكتف أبـي .
كان يصنع الفرح ويُنشد الأُغنيات بقلبي ،
معه فقط أدركت كيف لـروح أن تسكن بك، أن تعي روعة التفاصيل الصغيّرة، وتضحك ملىء قلبك لأشياء يستحيل أن تُعِرها أدنى إهتمام

معه فقط كنت أتمنى أن يُشل الوقت،و قُربه -ومعه- ولم أكن لأكتفي به!
بوجوده كـان يُعاد العالم لجحره، وأحلق عالياً
فهو السـماء حين الإختناق، والملاذ بعد التعب ، وعُروُج الروح من بعد الهداية


فبعد كل حديث فاتر ،كان همس بقلبي قائلاً
"فالمهم خليك في كل الظروف مطمنة انا اصلي غيرك ما بكون❤️"
#Samar

3
لم يؤذيني في حياتي سوى أشخاص أحببتهم ،وتشبت بتفاصيلهم ،كنتُ بكل صفعة رحيل ،أتهم نفسي ،ربما لم أكن سيء لذلك الحد او لم يكونوا جيّدين ليهتموا وحين إخترت أن أرحل أنا لم يلحظ أحد لمقعدي الخالي *!
#Sam

قويـة
لأن أخلع الكعب العالي لضحكتي وأحلق كأنك لم تكنْ❤️

سذاجـة:
للدرجة أن ادعو الله أن يجمع ما إفترق بيننا
بسيـطة:
كيف حالك تُسقط كل عناء بروحي
غامضـة:
كـ عُمق البحر او أشد ظُلمة
وحيـدة:
كـ زهرة الصبار
قاسية:
كـموج البـحر،
متسامحة:
كـ شعب عربي
مُستبدة:
كـ الإنقاذ تماماً

💛

لا تبتئِس إنِّي معَكْ
ولقد أتيتُ لأسمعَكْ

هذي يدي أمسِك بها
جاءتْ لتمحوَ أدمعَكْ

أسند برأسكَ هاهنا
وانسَ الذي قد أوجعَكْ

#بنت_الليثي

ولما سكنتَ القلب لم يبقَ موضعٌ
بجسمي إلا ودَّ لو أنهُ قلبُ.❤

ي ريت لما زول يبعدك من حياتو ..تبعد للاخر..
احساسك انو بستهبل او يتاقل عليك ده والله احساس كاذب...
بكون بالجد العلاقة البيناتكم "أيا كانت" انتهت..
وما تتخيل قدر ايش الزول ده بكون م عايز يقول ليك "يلا سلام وتاني ماف بينا اي تواصل" ..بكون م قادر بسبب العشرة الكانت بينكم..
ما كعوبية منو بس ماف شي يتقال وماف داع بكون للتواصل اصلا..ف انت مصر ليه!؟
و يا ريت توفر ع نفسك وعليهو الاحاسيس المتعبة دي

بس يا ضحى إحتراماً للعلاقة "أيـاً كانت"
م المفروض الزول إنسحب بي صمت!*
بسميو جُبُن
عادي جداً تنهى علاقتك بي زول
لي أسبابك الخاصة بي منتهى الأدب، بس كونك تنسحب ،وتلعب دور الضحية كده بلاك شديييد🌚
الحياة ما بتستاهل ، وزي ما العُشرة كانت عامرة، الناس تكون أوعى
و قلت التواصل او كترتو م هي البتحدد عمق العلاقة، عشان تكون كعوبية منو إذا فرضاً هو ما رسل
فاشنو عاوز تنسحب من حياة زول ،دا خيارك
فـ كون واضح بس م تغني ظلموني كدة عيب😂🌚
وشكراً

‏"لا تتركوا الناس من غير أسباب واضحه، لا أحد في الدنيا يستحق أن ينام وهو يشعر بأنه لم يكن كافيًا."

جبران خليل جبران

واجعني في البحر السكات
وسكتني في الوجع البحر

كل زول عندو فترة محددة و بفوت،
عشان كدة في حياتك م تحاول تكسر المسافة بينك و بين الناس
وصبـاح الخيّر شديد❤️

تمنيت سوقا يبيع السنين
يعيد القلوب ويحي الحنين
ابدل قلبي وعمري لديه
والقاك يوما بعمر جديد
تمنيت قلبا قويا جسورا
يجئ اليك بحلم وليد
ولكن قلبي ماعاد قلبي
تغرب عني تغرب عنك
وما عاد يعرف ماذا يريد
تمنيت لو عاد نهر الحياه
يكسرفينا تلال الجليد

#فاروق_جويدة_♡♡

تعالو قولو لي أهم درس إتعلمتو في السنة دي!
وإذا حققت شيء ممكن إفيد غيرك ،
ولا شايف من حياتك قصة ملهمة

-ح انشرو إذا حبيت-