غسل أحزانه لديها.
دثرته من برد الحياة.
واحاطت بذاكرته من كل جانب..
ولكنه رغم ذلك ..
نسيها ..
#Isra

ﺳﺎﻳﻘﻠﻲ ﻋﺮﺑﻴﺔ .. ﻭﻣﻌﺎﻳﺎ ﺑﺖ ﻟﻘﻄﺔ ..
ﻓﻲ ﺍﻟﺸﺎﺭﻉ ﺍﻟﻤﻌﻠﻮﻡ .. ﻓﻲ ﺍﻟﻌﺎﺻﻤﺔ ﺍﻟﺨﺮﻃﻮﻡ ..
ﻭﻗﻔﺖ ﺟﻨﺐ ﺷﻤﺎﺳﻲ ﻟﻮﻧﻮ كان ﺃﺳﻤﺮ ..
ﺑﻴﺰﻳﺪ ﻋﻠﻰ ﺍﻟﻌﺸﺮﺓ ﺑﺘﻼﺗﺔ ﺃﻭ ﺃﻛﺘﺮ ..
ﻣﺎ ﺑﻠﺤﻘﻦ ﺳﺘﺔ ..
ﺳﻠﻢ ﻋﻠﻲ .. ﺭﺩﻳﺖ ..
ﻗﺎﻝ ﻟﻴﺎ .. ﻳﺎ ﺷفت ..
ﺟﻴﻌﺎﻥ ﻭﺩﺍﻳﺮ ﺁﻛﻞ ..
ﺃﺩﻳﺘﻮ ﺧﻤﺴﺔ ﺟﻨﻴﻪ .. ﻗﺎﻝ ﻣﺎ ﺑﺘﺠﻴﺐ ﻓﺘﻪ ..
ﺯﻳﺪﻥ ﻋﻠﻴﻚ ﺍﻟﻠﻪ .. ﺃﻧﺎ ﻟﻴﻜﺎ ﺇﺧﺘﺮﺕ ..
ﺳﺄﻟﺘﻮ ﺇﺳﻤﻚ ﻣﻴﻦ ؟
ﻗﺎﻝ ﻟﻴﺎ ﺃﻱ ﺇﺳﻢ .. ﺳﻤﻴﻨﻲ ﻣﺎ ﺭﺩﺕ ..
ﺷﻤﺎﺳﻲ ﺳﻤﻮﻧﻲ .. ﺃﻣﻲ ﺍﻟﺸﻤﺶ ﻛﻮﻧﻲ ..
ﺑﺲ ﺣﺘﻰ ﻭﺭﻭﻧﻲ .. ﺭﺍﺟﻞ ﺍﻟﺸﻤﺲ ﺣﺘﻰ ..
ﺑﺲ ﻳﻼ ﺭﻭﺡ ﻳﺎ ﺯﻭﻝ ..
ﻗﺎﻝ ﻟﻰ ﺃﺭﻭﺡ ﻻ ﻭﻳﻦ ؟
ﺩﻳﻞ ﻣﺎ ﺑﻴﺠﻴﺒﻦ ﻓﻮﻝ .. ﺃﻭ ﺷﻤﺔ ﻣﻦ ﺑﻨﺰﻳﻦ ..
ﻣﺎ ﺗﻄﻴﺮ ﻣﺤﻞ ﻃﺮﺕ ..
ﺻﺒﺢ ﺍﻟﺠﻨﺎﺡ ﺗﻌﺒﺎﻥ .. ﻣﺤﺘﺎﺟﻠﻮ ﻟﻲ ﺭﻛﺔ ..
ﻭﻣﺎ ﻋﻨﺪﻱ ﺃﻱ ﻣﻜﺎﻥ .. ﻻ ﺑﻴﺖ ﻭﻻ ﻋﻨﻮﺍﻥ ..
ﻣﺎ ﻋﻨﺪﻱ ﻓﺪ ﺣﺘﺔ ..
ﺃﻧﺎ ﻓﻰ ﺷﺘﺎﻱ ﻭﺍﻟﺼﻴﻒ .. ﻓﻲ ﺃﻯ ﺳﺎﺣﺔ .. ﺭﺻﻴﻒ ..
ﻣﺠﺪﻭﻉ ﻫﻨﺎﻙ ﺟﺘﺔ ..
ﻭﺍﻟﺰﻳﻲ ﻣﺎ ﺃﺻﻼ .. ﻳﺒﻴﺖ ﻣﺤﻞ ﻣﺎ ﺑﺎﺕ ..
ﻣﺘﻮﺳﺪ ﺍﻟﻮﺍﻃﻪ .. ﻣﺘﻐﻄﻲ ﺑﺎﻟﺴﻤﻮﺍﺕ ..
ﻭﺃﻧﺎ ﺯﻭﻝ ﻭﻋﻨﺪﻯ ﺇﺣﺴﺎﺱ ..
ﻭﺑﺴﺮﺡ ﺑﺮﺍﻱ ﻣﺮﺍﺕ ..
ﺃﺗﺄﻣﻞ ﺍﻟﻤﺎﺭﻳﻦ .. ﺃﺗﺄﻣﻞ ﺍﻟﻤﺎﺭﺍﺕ ..
ﻳﻤﻜﻦ ﺗﻜﻮﻥ ﺃﻣﻲ ﻗﺪﺍﻣﻲ ﻣﺮﺕ ﺟﺎﺕ ..
ﺑﺴﺘﺒﻌﺪ ﺍﻟﻨﺴﻮﺍﻥ .. ﺍﻟﺒﻠﺒﺴﻦ ﺗﻴﺒﺎﻥ ..
ﻭﺍﻟﺮﺍﺑﻄﺔ ﺭﺍﺳﺎ ﻛﻤﺎﻥ .. ﻓﻲ ﺃﻣﻲ ﻣﺎ ﺧﺎﻳﻼﺕ ..
ﻭﺍﻟﻼﺑﺴﺔ ﺑﺮﺿﻮ ﻃﻮﻳﻞ .. ﻭﻓﻲ ﺍﻟﺴﻜﺔ ﻣﺎﺷﻪ ﻋﺪﻳﻞ ..
ﻭﺃﺛﺮ ﺳﺠﻮﺩﺍ ﺩﻟﻴﻞ .. ﻣﺎﺑﺎﺭﺕ ﺍﻟﺸﻬﻮﺍﺕ ..
ﻧﻮﻉ ﺃﻣﻲ ﺑﻤﺸﻲ ﻳﻤﻴﻞ ..
ﻭﺣﺎﻳﻢ ﺗﻼﻳﺖ ﺍﻟﻠﻴﻞ .. ﻭﻳﻮﺯﻉ ﺍﻟﺒﺴﻤﺎﺕ ..
ﻻﺑﺲ ﻗﺼﻴﺮ ﻋﺎﺭﻱ ..
ﻭﻣﻊ ﺃﻯ ﺯﻭﻝ ﻣﺎﺭﻱ .. ﻳﺘﺒﺎﺩﻝ ﺍﻟﻨﻈﺮﺍﺕ ..
ﺑﺲ ﻫﻤﻬﺎ ﺍﻟﻠﻤﻴﻊ .. ﻭﻋﺎﺭﺿﺔ ﺍﻟﺠﺴﻢ ﻟﻠﺒﻴﻊ ..
ﻭﺍﻟﺰﻳﻰ ﻟﻤﺎ ﻳﻀﻴﻊ .. ﻣﺎ ﺑﺘﺬﺭﻑ ﺍﻟﺪﻣﻌﺎﺕ ..
ﺃﻭ ﺳﺎﻳﻘﺔ ﻋﺮﺑﻴﺔ ﻓﻲ ﺯﺣﻤﺔ ﺍﻟﻌﺮﺑﺎﺕ ..
ﺃﻭ ﺭﺍﻛﺒﺔ ﺟﻢ ﻭﺍﺣﺪ .. ﺳﺮﺣﺖ ﻣﻊ ﺍﻟﻠﺬﺍﺕ ..
ﻭﻓﻲ ﺍﻟﺴﻜﺔ ﺟﺎﻳﻲ ﺃﺧﻮ ..
ﻭﻳﻤﻜﻦ ﻳﻜﻮﻥ ﺟﺎ ﻭﻣﺎﺕ ..
ﻭﺃﺑﻮﻳﺎ ﻳﻤﻜﻦ ﺟﺎ .. ﺃﺩﺍﻧﻰ ﺻﺪﻗﺔ ﻭﻓﺎﺕ ..
ﺗﺄﻧﻴﺐ ﺿﻤﻴﺮ ﻳﻤﻜﻦ .. ﻭﻛﻔﺎﺭﺓ ﻟﻠﺸﻬﻮﺍﺕ ..
ﻭﻳﻤﻜﻦ ﺃﻻﻗﻰ ﺷﺒﻪ .. ﺃﺧﻮﺍﻧﻲ ﺃﻭ ﺃﺧﻮﺍﺕ ..
ﻭﺃﺧﻮﺍﺗﻰ ﺑﻴﻘﺮﻥ ﻓﻲ ﺍﻟﻤﺪﺭﺳﺔ ﻭﺷﺎﻃﺮﺍﺕ ..
ﺃﻭ ﻓﻰ ﺍﻟﻄﺮﻕ ﺣﺎﻳﻤﺎﺕ ..
ﻭﻧﺘﻼﻗﻰ ﻳﻮﻣﺎﺗﻲ .. ﻓﻰ ﺯﺣﻤﺔ ﺍﻟﻄﺮﻗﺎﺕ ..
ﺃﻭ ﺟﻢ ﺑﻌﺾ ﻧﺎﻳﻤﻴﻦ .. ﺑﺲ ﺇﻻ ﻣﺎ ﻋﺎﺭﻓﻴﻦ ..
ﻭﻧﺘﻘﺎﺳﻢ ﺍﻟﻠﻘﻤﺔ .. ﻭﻧﺘﻘﺎﺳﻢ ﺍﻟﻔﺮﺷﺎﺕ ..
ﻭﻳﻤﻜﻦ ﻓﻰ ﻧﺸﻮﺓ ﺭﻳﺪ .. ﻧﺘﺒﺎﺩﻝ ﺍﻟﻘﺒﻼﺕ ..
ﻭﺃﻧﺎ ﻛﻞ ﺭﺍﺟﻞ ﺃﺑﻮﻱ .. ﻭﺩﻳﻞ ﻛﻠﻬﻦ ﺃﻣﺎﺕ ..
ﻳﺎﺥ ﺳﻴﺐ ﺃﺑﻮﻱ ﻭﺃﻣﻲ .. ﻣﺎ ﺗﺰﻳﺪ ﻋﻠﻲ ﻫﻤﻲ ..
ﺃﻧﺎ ﺟﺎﻳﻲ ﻻﻋﺒﻚ ﺭﺍﺱ ..
ﻣﺎ ﺗﺰﻳﺪ ﻗﺮﻭﺷﻚ ﺩﻳﻞ ..
ﺯﻳﺪﻥ ﺷﻮﻳﻪ ﻋﺸﺎﻥ .. ﺣﻖ ﺍﻟﺒﻄﻦ ﻭﺍﻟﺮﺍﺱ ..
ﻃﻴﺐ ﺳﺆﺍﻝ ﺑﺪﻳﻚ .. ﻃﻤﻮﺣﻚ ﺃﺳﻪ ﺷﻨﻮ ؟
ﻗﺎﻝ : ﻗﻮﻝ ﻛﺒﺮﺕ ﺧﻼﺹ ..
ﻭﻗﻮﻝ ﺑﺲ ﻋﻤﻠﺖ ﻗﺮﻭﺵ ..
ﺑﻘﻰ ﻋﻨﺪﻱ ﻣﻴﺔ ﺑﺎﺹ ..
ﺟﺪﻳﺪﺓ ﻟﻨﺞ ﻛﻤﺎﻥ ﻣﺎ ﺯﻱ ﺑﺘﺎﻋﺔ ﺍﻝ ....
ﺻﺮﺧﺖ ﻗﺎﻃﻌﺘﻮ .. ﻗﺎﻝ ﻟﻴﺎ ﻣﺎ ﺗﺒﺎﻟﻲ ..
ﻣﺎ ﺑﻘﺼﺪ ﺍﻟﺨﺮﺩﺍﺕ .. ﺍﻟﺠﺎﺑﻦ ﺍﻟﻮﺍﻟﻲ ..
ﻗﺎﻃﻌﺘﻮ ﺑﻲ ﺣﺪﺓ .. ﻗﻮﻝ ﺟﺒﺖ ﻣﻴﺔ ﺑﺎﺹ ..
ﻭﺍﺻﻞ : ﺭﻛﺒﺖ ﻫﻤﺮ .. ﻭﺟﻴﺖ ﺩﺭﺕ ﻟﻲ ﺑﺖ ﻧﺎﺱ ..
ﺑﺪﻭﻧﻰ ﻣﺎ ﻓﻲ ﺳﺆﺍﻝ ..
ﻣﺎ ﺍﻟﻨﺎﺱ ﺑﻨﺎﺳﺒﻮ ﺍﻟﻤﺎﻝ .. ﻭﻣﺎ ﺑﻬﻤﻬﻢ ﺃﺟﻨﺎﺱ ..
ﻗﻮﻝ ﻗﺎﻣﻮ ﺃﺩﻭﻧﻰ .. ﻭﺻﺮﻓﺖ ﺑﻌﺰﻗﺖ ..
ﻭﺍﻟﺤﻔﻠﺔ ﺑﻲ ﺗﺮﺑﺎﺱ .. ﻭﻧﺎﻧﺴﻰ .. ﻭﻧﺪﻯ ﺍﻟﻘﻠﻌﺔ ﻭ
....
ﻗﺎﻃﻌﺘﻮ ﺗﺎﻧﻰ .. ﺧﻼﺹ ..
ﻗﺎﻝ ﻓﻲ ﺣﺪﻳﺚ ﻣﺨﻠﻮﻁ ﺑﻤﺮﺍﺭﺓ ﺍﻹﺣﺴﺎﺱ ..
ﻓﻲ ﻟﻴﻠﺔ ﺍﻟﺪﺧﻠﺔ .. ﻗﺎﻡ ﺟﺎﻧﻲ ﻟﻴﻚ ﻭﺳﻮﺍﺱ ..
ﺇﻧﻮ ﺍﻟﻌﺮﻭﺱ ﺫﺍﺗﺎ .. ﻳﻤﻜﻦ ﺗﻜﻮﻥ ﺃﺧﺘﻚ ..
ﻣﻨﻌﻮﻝ ﺃﺑﻮ ﺑﺨﺘﻚ .. ﻭﻣﻨﻌﻮﻝ ﺃﺑﻮﻱ ﺫﺍﺗﻮ ..
ﻭﻣﻨﻌﻮﻝ ﺃﺑﻮ ﺍﻟﻌﻴﺸﺔ ﻟﻤﻦ ﺗﻜﻮﻥ ﺯﻓﺘﺔ ..
ﻭﻣﻨﻌﻮﻝ ﺃﻧﺎ ﻭﺃﻣﻲ .. ﻳﺎ ﺭﻳﺘﻨﻲ ﻛﺎﻥ ﻣﺖ ..
ﻭﺃﻧﺎ ﻟﺴﻪ ﻓﻰ ﺑﻄﻨﺎ ..
ﺃﻭ ﻣﺮﻣﻲ ﻓﻲ ﺍﻟﺸﺎﺭﻉ ..
ﻛﺎﻥ ﺫﺍﺗﻮ ﺇﺭﺗﺤﺖ ..
ﺯﻳﺪ ﺍﻟﻘﺮﻭﺵ ﻳﺎﺧﻲ ..
ﻫﺎﻙ ﻳﻼ ﺃﻣﺸﻲ ﺳﺮﻳﻊ .. ﻣﺎﺩﻳﻬﺎ ﺩﻣﻌﺖ ..
ﻗﺼﺪﻙ ﺃﺭﻭﺡ ﻻ ﻭﻳﻦ .. ﻗﺎﻝ ﺗﻤﻬﻦ ﻋﺸﺮﻳﻦ ..
ﻣﺎ ﺑﺘﺒﻘﻰ ﻗﺼﺮﺕ ..
ﻫﺎﻙ ﺧﻤﺴﺔ ﻳﻼ ﻭﺭﻭﺡ .. ﻗﺎﻝ ﺣﺘﻰ ﻟﻮ ﺭﺣﺖ ..
ﺑﺎﻟﺮﻏﻢ ﻣﻦ ﺇﻧﻚ .. ﺧﻔﻔﺖ ﻟﻲ ﻫﻤﻲ ..
ﺍﻟﺮﺍﻛﺒﺔ ﺟﻨﺒﻚ ﺩﻱ .. ﻳﻤﻜﻦ ﺗﻜﻮﻥ ﺃﻣﻰ .. ﻭﻳﻤﻜﻦ
ﺃﺑﻮﻱ ﺇﻧﺖ ..
ﻋﺎﻳﻨﺖ ﻟﻴﻬﺎ ﺑﻜﺖ .. ﺑﺤﺮ ﻋﻴﻮﻧﺎ ﺇﻧﺴﺎﺏ ..
ﻭﻓﻰ ﻋﻴﻮﻧﺎ ﺃﻟﻒ ﺳﺆﺍﻝ .. ﻣﺎ ﻋﻨﺪﻱ ﻟﻴﻬﻮ ﺟﻮﺍﺏ ..
ﺧﻠﺺ ﺍﻟﺪﺭﺱ ﻗﻤﺖ ..
ﻓﺘﺤﺖ ﻟﻴﻬﺎ ﺍﻟﺒﺎﺏ .. ﻧﺰﻟﺘﻬﺎ ﻭ ﻓﺖ ..

ان تمد يدك فتمسك باللا شئ..
أن تنظر ناحية الحائط المقابل..
أن تستمع إلى تلك الفوضى العارمة بداخلك..
أن تشعر بغصة حلق حتى الاختناق..
أن تقاوم كل أحزانك لتنام نوما هادئا...
أن تنام ودمعك لا زال معلقا في المحاجر ..
قصة أخرى من الأرق!!
#Isra

في الحياة نحنا مرات بنصادف ،ناس تحسهم ما بشبهوا آي زول قابلناهو قبل كدة
كأنهم مخلوقين لينا بس
بتحس القدر مسخّرهم ليّك
فاااشنو بي دافع اللامعلوم بندخل فيهم بي كلو ، على قدر إنبهارنا بيهم ح إكون ف النهاية المنا بعدين منهم
أين نعم هم ما بكون قاصدين بس الظروف بتجي كدة وح نخسرهم
ح نقيف ف نقطة ونحنا موقينين إننا م عندنا حيل نكمل ولا بنقدر نرجع زي اول
ح نحس بي فراغ داخلي كبير
ح نحاول نشغل تفكيرنا بي حاجات كتيرة و برضو م حننسى
عارفين لي !؟
لانو نحنا مسلمين بي دور الضحية إن جاز التعبير
برمجنا عقولنا ع حاجات عادي ممكن نجاوزا
ف بقينا في حالة هروب دائم لي وين ما معروف
بس دا إختيارنا كدة!* ولي سذاجتنا بقينا حاسين إننا انتهينا لكن يااااخ
اي شيء في الحياة قرار
إنك تعيش تعيس او سعيد
ونحنا بنصادف ونرافق ناس عشان إضيفو لينا حاجة حلوة في حياتنا وركزوا على إضافة!*
فا كونو نخسر زول غالي شي بوجع كتير
بس نخسر روحنا معاو دا بقتل !*
اي شي عندو نهاية واي نهاية بداية
ولو جيت تفكر بي واقعية أكتر نحنا لي خسرنا زولنا دا!؟ مع العلم قدمنا كل إستطاعتنا و اي شي متاح لينا عشان نكمل !؟
عشان بي بساطة الارواح جنود مجندة في
زول تاني الله كاتبو لينا ح إجي في يوما ما
في لحظة انت في ذاتك ما متوقعة
ح إملى إي فراغ فيك و ح ارمم اي خدش فيك
لانو دا المُختار ليك 😍
فا نحنا م المفروض نهرب ولا نعيش في كمية من الدبرشن في حياة منتظرانا
ونحنا بنقدر نقلب الصفحة دي ونبدا من جديد
عندنا القدرة نعمل حاجات كتيرة اذا طلعنا من القوقعة الحاصرين روحنا فيها
فاااشنو هل حصل حاولت تجرب حاجات جديدة!؟
او تمشي مكان جديد ؛او تتكلم مع ناس ما بتعرفهم!؟
جرب اي شي ما كنت بتعملو قبل كدة
وكمل حياتك مكان ما وقفت
حياتك مُحتاجاك إنت "إنت بس"
ومحل ما تمشي كون إنسان❤️

#Samar

و كُلما ضَللتُ السبيل
هديتُ إليكْ
لـِ صاحب البريد
"ملئتني بك حتى مسني
خجلٌ من فرط ما غازلتني
أعين الناسِ"
#Samar

م تضحكي ، وسيبي الفضول ..
جنک ترتبي في الفصول ، الدنيا صيف خليو براهو بجي الخريف ، شفقآنة كيف💜🎶!
من ضحكتک نور الشمس قال يالطيف بكت الغيوم صحت النجوم . ودا كلو كوم الضحكة ديک برآها كوم تذكري!؟

جلسة على سَفح الحياة
RoOoDy RoOzY:
-من أنت !؟
Isra Imam:

كلمة شاردة من النص.. عصفورة مغادرة من السرب وأنت
RoOoDy RoOzY:
كتلة من الفراغ أسير بغير هُدى ..نوته مُوسيقية خُلقت لأوجعك
RoOoDy RoOzY:
مما أنت
Isra Imam:
من ماء..
ولكني لا أروي أحدا،، ثماك!
RoOoDy RoOzY:
من الحرف أولاً والنص ثانياً ،و الجُملة الناقصة خَوفاً والاشيء حقاً والماء أخيراً

Isra Imam:
لم أنت هنا؟
RoOoDy RoOzY:
عابر سبيل لا تُغريني الأماكن بقدر الحاجة للتِرحال حيثُما وجد النص أكون ،وفي بلاد الله أسيّر وأنت
Isra Imam:
لأن لا مكان لي آخر.. ربما نسيت حتى أن أسلك الطريق
RoOoDy RoOzY:
ما الحاجة منكْ!؟
Isra Imam:
ربما لا حاجة لي بنفسي.. لكنني أظنهم يحتاجون إلي وسـمر!
RoOoDy RoOzY:
كروح أنا لم يُعرف ماهيتي حتى الآن
Isra Imam:
وعن ماذا تبحثين؟
RoOoDy RoOzY:
عن الأنا ، عن الجَمال والقبح ،عن الحياة والموت عن كل شئ يستحق وأنت..
Isra Imam:
أبحث عن ذاتي المختبئة بين أضلعي.. عن ركن في هذا العالم ملئ بالسلام الروحي.. عن أحلامي التي طارت مع مهب الريح
RoOoDy RoOzY:
عن الحرف الكامن ،بالجزء المُعتم بكِ ،ستقولي....
Isra Imam:
هو انا المختبئة داخلي..
هو ما لم اتصالح معه مطلقا.. وما ادخل دائما في صراع معه .. وأنت
RoOoDy RoOzY:
آما أنا فسلام عليّ ، وعليه وحين تَشرق شمسنا سنكون حتماً من عدم
Isra Imam:
عن خيباته لك..
ستخطين؟
RoOoDy RoOzY:
كتبتُ كي أنسى، وكتبتُ حرفكَ وما نسيت
فما أبعد الغُفران عن قلبي،،، وقلمك؟
Isra Imam:
بحجم خيباتك .. غسلت قلبي بماء وضوءك.. ثم رتلت في سري .. ان تمنح سعادة مثلما ابكيتني
RoOoDy RoOzY:
للمطر بجوف الأرض والذي لم ينزل بعد...!؟

Isra Imam:
اهطل على روحى دوما.. .لاتصاعد بخار ذكرى.. واهطل امطار حب،،، ثماك؟
RoOoDy RoOzY:
الأرضُ دَنُستْ ..فلا تجيء

Isra Imam:
رسالة لنفسك القديمة؟
RoOoDy RoOzY:
أشتاقك...
وإسراء
Isra Imam:
أنتظرك عند نهاية الطريق
RoOoDy RoOzY:
مايك ومنصة....!
Isra Imam:
صرخة فقط
RoOoDy RoOzY:
وأنا صداها ❤️

ربما هذا كل شيء
#Isra
&
#Samar

وكأنك ..
ذبت من فرط الحنين اليها..
وهي تغادر مدينتك الطينية .. تعلقت بوحل اقدامك.. ثم بسرعة.. تركت حذاء ذكرياتها لديك.. وانت لا زلت تظنها سندريلا كي تسترد حذائها وترجع ذات يوم!!!
#Isra

أخبري من يسألك بكل ثقة وكبرياء...أنه يحبني وبجنون أيضًا،أخبريهم أنكِ أنثاي،صاحبتي،خليلتي،ومليكتي كذلك،وأنْ ليس في الحب ذنوب .
سفاسف القوم دائما ما يحاربون الحبّ بزعمهم أنّه هُراء،ونهايته أَتَت به قومها تَحْمله...الحماقة والجهل هما من يجعلان من الحب بهتانًا فريّا؛فلا يقرؤون ويتمعّنُون"إنِّي قَدْ رُزِقْتُ حُبَّها" لسيِّد البشر عندما قالها عن خديجة-رضي الله عنها-.
الحبُّ موجود بداخل كلٍّ منا،لكن يبعث الله نورًا يأذنُ لنا أنْ نشعر به عندما يحين الوقت،فالحب قدريّ؛أي أنّه الذي يحدد لنا كيف وأين ومتى ولمااا.!

خسرت كل شئ
ثم ماذا ؟؟ ..
لا شئ.. بدأت أخسر كل الأشياء من البداية مرة أخرى..
#Isra

يا رفيق..
إن صرت يوما رمادا..
انثرني في البحر..
ثم دعني اصير قطرات ..
واغني مع النوارس أغنية البحر ..
#Isra

-مرحبا ً والآن أنا أكثر وحدة لدرجة أن أمسك بيدي وأنطفي
-أظنكَ مُمتلىء للحد الذي لا يحده بقاء فهنيئاً لمن لقى نفسه وكفر بالجميع
-وماذا إذا كان إيماني بك يزداد !؟
-ستجري الأيام وتشتبك الرؤى فلا قريب يُصبح قريب ولا حديث لغريب يُشفي ما بكَ من نحيب
-عفوا!؟ً
-ستتخلى عن كُل شيءَ يا عذاب وتمضي
-أ أنتِ بخيّر
-ربما أكونْ ، ولكني أفضل حالاً فحتى يديّ أكثر ثُقلاً بأن أُمسك بها
-وهل تُسمي هذا أفصل حالا؟!
- يكفي أن أتخلى عن كل شيء
-ترعبني فكرة تخليك هذه!*
-الأشياء هي من تخلت عني !
-ولكنني مازلت بجانبك*!
- تغيب نهاراً وتعبث بأشيائي ليلاً ، ذاكرة مجهدة ، وقلب أجهده الأرق ، عن أي قرب تتحدث ؛ أتعلم؟!
-ماذا ؟!
- ك القمر تماماً أنت ،يؤنس حينما يكن بعيداً فقط ، ويفقد جماله من مقربه فيغيب
-يتوجب علي البعد إذاً
-ربما،
-سأبقى ﻷجلك فالاحتمالية ترجح البقاء،
-عذاب🌚
-يكفي أني حلم ناصع ل أنسة مستبدة
-الن تنطفي بعد!
-حين يفقد قلبك النبض عمتي حبا
-وأنت بعدا
#Samar

نشتاق لهم ..
ينفطر القلب لذكراهم ..
ثم لا يسعنا إلا أن ندعو لهم ..
فلربما كان اللقاء غدا 💔
اللهم ارحم ارواحا أسعدتنا .. وغادرت دون وداع 💔
#Isra

يُرضيكِ ما أَكْتب سيدتي يُرضيكِ...
فبُحُور الشِّعر تناديكِ تتأملكِ تحاكيكِ.
وسَجَعُ النَّثْرِ بداركِ يَنْقَى يَتَحوَّلُ يَرْقَى.
وسبيل الوَصْل إليكِ طويلٌ يَشْقَى.
يرضيكِ سيدتي ما أكتب يرضيكِ
بِزَرْعِ النَّبْتِ الفُلِّ ببابكِ ورِيح المسْك أيرضيكِ !
وقولُ الحقِّ بأنَّكِ ملكي وعين الربِّ تَرْعَى وتحميكِ
وإلَهُ العزَّة يُبْقِي أملي أَكْبَر،وسفن البحر بشوق تُبْحِر
ويوم اللُّقيا يمرُّ سريعاً،وترك يداكِ أَمْرٌ مُقْلِق مُعْسِر
يرضيكِ ما أكتب سيدتي يرضيكِ!

قل للتي انتظرَت حبيباً لا يجيء
سنة ويكمل ألف عام
سيجيء إنْ حَطَّ الحمام على البيوت
نذر اقترابك ضجة الدنيا وجلجلة الفضاء
والرعد يكسر صمتها
والبرق يشعل صوتها
بالحب والخوف الجميل
وبالرجاء..
#روضة_الحاج

مَالَ كُلُّ شيء ،
و ظل كتفُ صديقي ثابتاً يسندني ❤️

سَأختَصِرُ الحِكَاية و أبُوح ، إنّ الحُبّ وجَعٌ لَذِيذ !*

اللهُم المُتسع حِين تغْدو الحياة ضيّقة كالثقب

اشملوني بدعواتكم ..
فإن الروح قد أصابها الرهق ..
#Isra

خلال الشهر دا كم زول إتوفى!؟
وكم زول نفسو كان إحضر رمضان واسي ماف!؟
كمية من الناس فقدناهم واسي وما معنا
وما كنا متخيلين رمضان ح إكون من غيرهم 😢
وعن الحوادث و الوفيات الكتيرة الفي الشهر دا💔
عارف كمية الناس المتمنين إكون مكانك اسي!*
فااااشنو ربنا اكرم علينا زي كل مرة كوننا من الناس البلغوا شهر رمضان❤️ وغيرنا لا !*
عشان كدة حاول قدر ما تقدر ، تكون عبد شاكر مطيع السنة دي
غير منك فيك كتييييير!*
كلنا ملانين ذنوب!
وكلنا غرقانين في المعاصي 😢
بس ربنا الغفور الرحيم❤️ ومن عطفو لينا
شهر رمضان دا ، ينقي من الخطايا ذي الثوب الابيض من الدنس ❤️
الطاعات و الاجور جاية فمن#لها !؟
السكينة والرحمة والعتق ❤️
جوازك لي إنك تقرب أكتر من البارئ جاك
استفيد منو !*
بالله عليك ما تكون خاسر، مفلس من الشهر دا
جاهد نفسك قدر ما تقدر❤️
أبسط شي الصلاة الواحدة بي 70 صلاة
والسنة بي فريضة عشان كدة حافظ عليها في مواعيدها ،والتزم والسنن و الرواتب❤️
واتخيل كمية الحسنات الحتجيك
القرآن و الاغاني ما بستوى في القلب الواحد💔 حارب سماعاتك 😄طلقها بالتلاتة 😁 لو كان ولابد منها أصدق بدلها
وادعي ربنا الهدايا
وردك اليوم أهم شيء❤️ حاول أختم الصحابة كانو بختمو في اليوم كم مرة ❤️
وما تركز ع الكم ، استشعر أي اية انت بتقراها ، عارف ما ضروري تختم بقدر إنك تحس الايات والسور❤️
الصدقة ، اتبرع بالعندك ، والصدقة كلمة طيبة ، ابتسامة ، معروف ، إحسان ، بر ....الخ
حاول استفيد من الزمن ما ضيعوا نوم و مسلسلات😢 والله ملحوقات
وبعيدوهم جت "كلهم جملة وقطاعي"
ح تحضر لمن تفتر 😅
حاول خت جدولك وانك رمضان دا غير
إجتاوز ضلالك القديم😂
وخليك من المحسنين❤️
حاول تكون إنسان قدر ما تقدر ، وادخل السرور في الحوليك ، وزي ما بقولوا جارك القريب ولا ود امك البعيد اتفقدهم وبارك الشهر و أقسم لقمتك مع المعسرين منهم ❤️
ما تطلع خاسر، ومفلس💔
باقي دقائق معدودة بتفصنا من أحب الشهور لينا
واكترها بركة ❤️
والتراويح و القنوط😍
والدعاء السمح والشيخ التلاوتو تبكي 😍
والناس الكتار و اللمه❤️

بعد هذا الكم من النقة :)


"سئل ابن مسعود :كيف كنتم تستقبلون رمضان ؟
قال : ماكان أحداً منا يجرؤ على استقبال الهلال وفي قلبه ذرة حقد على أخيه المسلم...

*عفى الله عني وعنكم*"

*❣اعفو مننا❣*
و رمضان كريم وتصوموا و تفطروا على خير❤️
أدعوا لي معاكم :)

وعساكم من عواده
#Samar

الحرية هِي أن لا تتَعلق بأي إنسان أو مكان أو أي مبّدأ ...التعلق هو جزء من الموت