أضــغاث أقــﻻم

سمؤال قال :
◀تعلقي (برجل)وليس(حبيب)
الحبيب سيخذلك بحجة الظروف
اما الرجل سيواجه الظروف ليحظى بك❤️

748 views16:16

الموضوع طويل شوية لكن سمح💜💜
الليلة كنت ف" وورك شوب " ف بحري بتتكلم عن
الريليشن وتحديدا التعامل بين الاولاد والبنات ، طبعا كان اكتڤ شديد والناس متفاعلة مع الموضوع، لكن للأسف البزعل ان الاولاد كانو بحملو المسؤولية للبنات يعني اديكم امثلة:
-#الاول قال لي انا بتعامل مع البنات عادي وكلهم كأنهم اخواتي فبضحك وبتونس وممكن عادي قال لي نطلع ، لكن استحالة احب ، وحتفكر كدا ساي من غير م اقول ليها مشكلتها .
" طبعا الولد م غلطان صراحة، لقى بت تتونس معاهو وتتضحك معاهو، من غير مقابل هو ما خسران وهي ممكن تكون م خسرانة لأن هي كدا اوبن مايند وم فارق معاها ، وممكن تكون موجوعة"
-#التاني قال انا عادي بكون متفق مع البنت ان احنا نكون اصحاب يعني بحكي ليها وبتحكي وفجأة اجي القاها حبتني وبتحاول توريني طيب انا م عندي ليها شي احنا اصحاب وبس فبحاول انسحب من حياتها وبالتالي بطلع انا الولد الخاين والغدار ، وبرضو قال لي مشكلتها.
" هنا دي مشكلة الصداقة والله ، لازم واحد من الطرفين يدفع التمن ولازم كمان تكون ف خسارة ، ووجع ، عشان كدا المفروض نكسر حنك الصداقة الدييب دي ، يعني انت احكي لصحبك وانت لصحبتك وخلاص "
#التالت قال لي البنات عندهم مشكلة يعني مثلا لو قلت لأي بت كلمة حلوة او اهتميت بيها قدمت ليها خدمة معناها انت واو كدا بتحبها ولمحّت ليها لكن بطريقة غير مباشرة وممكن عادي يكون م عندك ليها شيء، وقال لي حاجة ضحكتني ، يعني انا بعمل لايكات وكومنتات في الفيس لأي بوست بيعجبني ولأنو صفحتي مليانة بنات فبرضو بفتكرو اني عندي ليهم حاجة وتمشي لي صحباتها علق لي علق لي 😂😂.
" يلا عشان البنات قلبهم رقيق وحساس وسريعات التأثر انت يا ولدي خليك جادي معاهم يعني م تمشي تهتم لي بي وحدة ولا تقول ليها شكلك حلو وم عايزها تفكر فيك ، وفر كلامك السمح دا لي زولتك ، يهديك الله "

#الرابع دا كيفني شديد ، قال لي احنا الاولاد دغريين شديد ، بنمشي مع البت زي م عايزة ، بت ماسكة روحها بتتكلم باحترام والله احنا نحترمها لمن بهناك ونحميها كمان ، لكن زولة الونسة والضحك والطلعات تبشر 😂😂😂 في النهاية هي بتحددطريقة تعامل الولد ليها وبس .
....في بت صراحة قالت انا رافضة فكرة الصداقة الممكن عادي تتحول لي حب واختصرت لي في جملة واحدة عجبتني #انا_ما_ضامنة_قلبي_فأكيد_ما_اضمن_قلب_غيري
يعني بنسهل على بعض لا اوجعو لا يوجعني ✋👍
كلام البت سمح والله ....
اما انا طبعا #agree في بعض الحالات ، يعني بقينا محتاجين نتعامل مع بعض الجامعة او الشغل لكن كمان ما الدرجات الفوق دي 👆
وكمان #disagree😂😂 بسبب الحاجات الفوق دي ، يعني احنا م نتعمق مع بعض عشان م نصل لطريق مسدود .
يعني نخلينا في المنتصف وفي الحدود ✋
احترم تحترم ..
كلنا غلطانين اولاد على بنات
#منقوول

881 views06:06