أضــغاث أقــﻻم

يجيك زول يقول #انا_حاسي_إيماني_ضعيف😢❗️
موجوع على حاله 💔
بعد كان بقرا قرآن وبتأثر بيهو بقى همه يخلص الورد بس دا إذا قراهو أساساً ..
بعد كان بصلي الصلوات في أوقاتها ومع النوافل بقى بتاكسل في أداءها ..
بعد كان بذكر ربنا كتير بقى نهائي مابذكر ربنا ..
حاسي روحه #تايه ، ضايع ، بفتش على الحل وبسأل الشيوخ "أنا ليييه بقيت كدا ؟!" 😣

أول شي لازم نعرف أنه الحالة دي #لابد نمر بيها وما ح نكون نشيطين للعبادة طوالي 👌🏼
والحاجة دي بينها النبي صلى الله عليه وسلم في قوله : ( لكل عمل شِرَّةً ، ولكل شِرَّةٍ فَترة )
" شِرَّةً أي قوة ، فَترة أي ضعف "

طيب كيف أتعامل مع نفسي في الفترة دي ؟؟ 🤔
زي ماقال عمر بن الخطاب رضي الله عنه :
"إنَّ لهذه القلوب إقبالاً وإدباراً ، فإذا أقبلت فخذوها بالنوافل ، وإن أدبرت فألزموها الفرائض "
الفترة دي لازم تهتم #بالفرائض على الأقل وأعمل حسابك ماتخلي الفتور يجرك تعصي ربنا !
كدا ح تكون زي ماقال ابن القيم :
" فمن كانت فَتْرَتُه إلى مُقَاربة وتسديد ، ولم تُخرجه من فرض ولم تُدخله في محرّم ، رُجِي له أن يعود خيراً ممّا كان " ❤

مهم شديد لما تحس روحك كدا تبادر أنك #تصلح الشي دا
وكل مابديت أسرع كل ماكان العلاج أسهل 😃
طيب #العلاج شنوو ؟؟
1⃣ القرآن ...
قال تعالى : { وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا }
ومن المهم تكون قراءة #بتدبر 👈🏼💓
حاجة بسيطة قريتها بتدبر وأخدت منك زمن أحسن من صفحات أو أجزاء مريت عليها وإنت ماعارف ربنا قاليك فيها شنو !!

2⃣ الصحبة الصالحة❤ ...
ابن القيم كان كل مايحس بضعف في همته بمشي يقعد مع شيخه "ابن تيمية"
فكان بطلع منه وهو حاسي إيمانه مرتفع
طيب أنا ماعندي أصحاب زي ديل ألقاهم وين ؟
في المسجد ، في مراكز تحفيظ القرآن
3⃣ الدعاء ...
ادعي ربنا يجدد إيمانك
وريهو #بصدق أنك متضايق من حالتك الإنت فيها دي 😢
أنك مشتاق للطاعة وللذة الطاعة وكدا
4⃣ الاكثار من الاستغفار ...
5⃣ حلول مشكلة الغفلة

آخر شي عايز أنبه لقوله تعالى :
{ وَالسَّابِقُونَ السَّابِقُونَ * أُولَئِكَ الْمُقَرَّبُون * فِي جَنَّاتِ النَّعِيمِ * ثُلَّةٌ مِنَ الْأَوَّلِينَ * وَقَلِيلٌ مِنَ الْآخِرِينَ }
على قدر السبق هنا يكون السبق هناك 😉
نعلّي همتنا 💪
وأسأل الله أن يجعلنا من هذه القلة :')
#اللهم_هداية❤
#اللهم_إستقامه❤

1.2K views17:00