صباح جديد..
يخبرنا بأن ننهض ونواصل الصعود نحو احلامنا ..
صباح الطيور المهاجرة..
صباحكم ورد 🌺
#Isra

وأنا إيدي من طين النوى
وعيوني من زحمة مخاوفك تندهك
بقبل أعيشك في سكات
وأفهم إجاباتك همس ♡

قال الطفل اريد العودة..
احلم بتباشير العيد..
#Isra

-وأنا جيتك شاية
الريد أكوام أكوام😍
-كضااابة خلاص،😂
أنا جيتك شايل الريد
الشوق قبال اليوم🌚
-أمسك كومي ومعاها
تلات اضعاف كميان يوم داك🙈
-يااازولة أبيت 🙄
حووووريب للريد😁
-بالجد آزول!؟😕
-ولاي بالصح😌
-بس رجع لي ضحتك يوم داك،
الحن الشلتو ،وكملتو
بس رجع لي حاجاتي آزول
-م بتعقلي إنتي😁
-ما بعقل ياااخ ،
وما تتكلم ذاتو معاي
حوريب آزول 🌚
حوريب بالجد
-نقناقة خلاص😜
-ما تهاظرني ، زعلانة أناك 🙄
-السمحة القالت زعلانة
متأسف يااااخ 😋
جبيهو الريد ،
وشيليو حقي
ما بقدر ع زعلك ياااخ❤️



وأنا لو أزعل إسبوع م ف زول بعرفني 🌚

#Şamar

Sahal Altayeb
عمري حداشر سنة وتوووووشك جيت خاشي السوق كنت ببيع أكياس (كيس جيلاني نضيف .. كيس جيلاني نضيف)
بلف ليك السوق بكراع كلب من الدغشية لحدي المغيرب)
في السوق وأنا شافع صغيييروني إتعرفت علي شخصية الشيطان
إتخيل شماشي أكبر منك يلاقيك في ملف ويحاول يقلع قروشك وكان أبيت ممكن يمشي يشيل ليو قزازة بتاعت بيبسي وكشلوووو يكسرة في أقرب عمود لما شكلها يبقى مشرشر زي سنون الحوت ويكون داير يرهبك بيها ويخليك تطلِع الفي جيبك
تصدقو واحد من الشماشة ديل أكبر مني بكتير نشتو بي حجر خليتو يعيش في الدنيا دي بي عين واحدة
لحدي هسة عندي إحساس إنو الشماشي دا أنا خدمتو لأنو الحياة العايشة دي مابتستحق يشوفوها بي عينين وكفاية عين واحدة
لي الليلة مافي شماشي شال مني حاجة غصباً عني
الشماشة خلوهم هسة في حالم
نحنا زمان لما المواصلات بتاعت الشنقيطي (تقِط) يعني يكون مافي مواصلات كنا بنمشي كدري لحدي الثورة ونقعد نرتاح شوية في المقابر ونقعد هناك ونحنا شُفع نتونس مع بتاعين الباسطة واللي كانو بقرشو عربات الباسطة أم أربعة لساتك هناك
حفارين المقابر زاتم بعرفونا جايين من السينما لما نجي شاقين التُرب
أنا عرفت الشيطان في أي حتة
في تفاصيل السوق وجمب الإندايات وناس تُلُب لما نجي راجعين من الحفلات صبّاحي
أنا ماخُفت من زول ولا من حُصان السواري ولا سوط العسكري البنظم صف السينما
أنا خوفني الشافع البجي ماري بي حدادين الواطة ويلاقي الناس الحديديين قاعدين حول الطشت بتاع الوضو ويقوم يعاين ليهم بطرف عينو زي البيعملو في حاجة غريبة ويتحير في الناس الببتوضا وتصلي في فرشات قاعدة في الشمس لأنهم ناس متخلفين وعايشين في زمن ما حقهم وبيؤمنو بخرافة الدين
زي الشويفع بتجي تلقاهو كاتب في الفيس
ألف لام ميم
تنزيل الحب في عيون الصائبين
في عيون حبيبتي ذات اليقين
وحتلاقي تحت النص العظيم دا في كمية بتاعت شفع كاتبين رؤؤؤؤؤعة ياكاريل يسلمووووووو وكمية من القلوب والزهور بتنتمي للإبداع الجابو الشافع دا
مرات كمان تمشي حديقة عامة تلقى نفس الشافع دا لابس ليو طاقية كيف كيف ومبرم شعرو وشايل ليو شنيطة في كم كتاب بتاع فلسفة وتمخيخ وبعاين للبنات القاعدات معاو بطريقة معينة وهو بيقرا ليهم القصيدة دي
الدين خرقة بالية
يتسولها المدججون بعافية الغباء
فيا آلهة النماء في الخديعة
تعالوا نتقاتل على هاوية العالم
وتاني الجماعة يصفقو للإبداع حق كاريل .. بعدين بكون مدلعنو بي كاريل كناية على كارل ماركس والأغبياء ديل بكونو ماعارفين إنو كارل ماركس كانت يدو عاملة زي الطالوش يعني لو كان قاعد في نصهم كان أدة ليهم الشافع دا كف يخلي يلف زي ساعة الجيب لأنو من شدة عولاقو حتى كارل ماركس ما حايرضى بيو
الشافع دا بكون قاعد مولع ليو سيجارة لورد كان خاتيها في علبة بينسون ثم إنو قروش السجاير بتكون أدتن ليهو أختو والتلفون القاشر بيو دا بتكون رسلتو ليو خالتو من السعودية وسيجارة البنقو الضربة قبل شوية بكون جازف ففتية من محفضة أمو
وبكون كمان عامل فيها حافظ شِعِر حميد ومحجوب شريف وبيسمع الغنا بتاع مصطفى سيد أحمد مع إنو لما يكون قاعد براهو بيسمع أغاني زنِق بس وبيرقص النبق النبق لكن قدام الناس بيسمع محمد وردي .. خيلانو وأعمامو بكونو عارفنو بيسرق من أمو وبيشحد أخواتو لكن بيصهينو منو عشان مايجيبة ليهم كبيرة ويمشي يلعب في دوري
(المؤخرة) ودا دوري بطال جداً ولكن بليق بالجماعة ديل
نفس الشافع التافه البيلعب بي لفظة إله دا لو عرف إنو في واحد زميل إشتغل وعمل ليو حبة قريشات ممكن ينسو مبادئ الوهمات البيؤمن بيها ويقعد يتكلم بطريقة المشاطات
أنا ياجماعة حمت الدنيا بكراع كلب ومافي حاجة خوفتني غير الأشكال دي
الواحد عامل فيها بتاع بنقو مع إنو لو لفيت ليو حب شاي في سيجاريتن لورد من ينسطل من شدة وهمتو وبعد دا كلو يتفاصح من الخلقو ويقول ليك آلهة تلهو في عيون حبيبتي بعدين عندو حق لأنو البت الطيرة المبارياهو دي قاعدة تشتري ليو سندويشات الطعمية وبتركبو المواصلات وبتكون كمان إشترت ليو كم حديدة وقطعة بلاستيك لابسة في يدو زي الغويشات وفرحان بيها
شافع يدو ألين من يدو حبوبتو ويقعد يضاحك في الناس البتصلي تحت الشمس في المنطقة الصناعية
شافع أمو بتعوس الكسرة عشان يبقا ليها راجل يطلع عندو خصومة مع الله جل جلالو

منذ سنوات ظهرت شجرة غريبة في حديقة منزلي..
كلما سقط منها فرع، مات احد افراد اسرتي..
والان لم يعد بها غير فرع واحد.. وانا.

#قصة_رعب_قصيرة_جدا
#محمود_الجعيدي

صباح التجاهل الدائم.. والصمت الدائم.. صباحنا حين يبدو الطريق.. وحين نختار طريقا اخر غيره لمجرد الكبرياء..
صباح يشبهنا كثيرا.. ويشبه كذباتنا على انفسنا.. صباح الحب الملقى على الطرقات لا يجد من يكنسه..
صباح بطعم الكبرياء..
صباح الخير ❤️
#Isra

ماذا لو فكرت بشئ مجنون قليلا..
كأن اسكن في شجرة .. أو قرب شاطئ.. او على رصيف.. اعتقد ان حياة التأمل جميلة جدا.. سيكون العالم اجمل من فوق سطح شجرة.. وامام الموجات.. وعلى رصيف الحياة..
#Isra

قول للبلاد الطلوحت عينيها في دمع السواد
قول الله في
#صباح_الخير_يا_وطن
#obay_omer

ماذا لو إستيقظت الصباح و وجدتني بإحدى شوارع فرانسيسكو!
لاكن صادقة ب لومباد أقربها لقلبي♡
وأبعدها منك
أتخبط بالمارة ثم أمضي دون إعتزار، أسقط أشيائي عمداً ، ثم أنفخ تبغ ذكراك ولا تخرج!*
أترنح بين الكره والإشتياق!*

بالمقهى المقابل لمشفى Bigham
أجد كثير من الأشياء المكتظة بك،

أحتسي قليل منك، أرسم عبثاً بغبار حنينك العالق بذات الطاولة ، أستنشق عطرك ثم شيء من الوجع يتسرب داخلي !
أضحك بلا سبب وحدها عينين تدمع ، أقسم أني لم أشعر بها إلا حين سألني النازل
هل كل شئ على مايرام حينها حتى الإماء برأسي كان ثقيل ، حركت جفنين
إبتسم واضعا منديله ومضى!
ليته لو يعلم أنك أوجع من محوك بمنديل !*
المكان هنا يشعرني بالاختناق، كل الوجوه أنت ،
اترى كم أنت سيء!؟
حتى أعظم أحلامي لم تسلم من لعنتك،!
ثم رسالة ما تبتعث إلي:
-إن كنت حقاً تشتاقين ، فأنا أحترق!*
-كنت ولا زلت فائق الإشتعال سرعان ما تهمد!
-صبي معينك إذا،ًربما أبقى
-فارغة من كل شيء ، ثم أني أكره أن أبقى تحت وطء ربما،لم أعد أقوى على الإحتمال
-ولكني سأبقى أعدك
-تراك رحلت لتبقى!؟
-نحتاج بعض الإبتعاد أحياناً
-إبتعادك قتل كل الذي فيك في
-أنا لا أقوى بدونك
-ستقوى
-خابت جميع قواي
-وخاب إيماني بك
- ما بال الدمع أسفل وجنتيك !؟
-سل الندب أعلى جبينك سيخبرك
-سأنتظر على بعد دمعتين، ثم لن يمنعي أحد
-سأكتفي بواحدة
-سنلتقى حتماً
-بعد موت طبت بعيداً
-وأنت أقرب؛ إيماني بك لا ينضب
-وإلحادي بك بلا هداية
#Samar

الزحمة ما زحمة مسير..
زحمة عواطفنا المعتقة بالبخور..
زحمة مشاعرنا المدسدسة جوة اعماق الشعور..
زحمة خطانا اللافة ما زالت تدور..
زحمة غنا وزحمة عبارات لسة في سكة عبور..
زحمة الم يغشاك ساعات السرور..
والزحمة ..
ما زحمة مسير..
#Isra

لندع الحديث جانباً
من أنت وماذا تريد!؟
#Samar

كفاتنة غجرية تنتظرك بصحرئها ، عل أجنحة المغيب تهوي إليك بها!
#Samar

وهل يستطيع المتيم بالعشق أن يستقيلا؟؟

كم يلزمها من الأكاذيب, كي تواصل الحياة وكأنه لم يأت! كم يلزمها من الصدق, كي تقنعه أنها انتظرته حقّا!
#أحلام_مستغانمي

احيانا نتمنى ان تطول الطريق.. فقط لان في صحبتنا ذكرياتهم.. ولا زال عطرهم يجوب المكان ..
#Isra

لم اكن لاصدق يوما ان الرحيل صعب.. انا التي ارحل بغير مواعيد.. صافقة الباب في وجه كل من يقابلني.. غير آبهة بما ورائي.. كالنهر كنت أنا.. لا أرجع للوراء.. أمضي بلا توقف.. أمحو كل اثر ورائي.. وكل أثر قبلي..
لربما وصلت الى مصبي ؟. ام أنه شلال سيودي بي إلى الهاوية؟؟
#Isra

#إعترافات_29

الي القابع بين شَهق أنفاسي وذكرياتي،
المُعتلي سُحب الهم عِشقاً وغِياباً !*
"قَسراً يَسوقني الحنين نَحو عيّنيك "
#Samar

أخبرها أن مزاجيتها المتقلبة قد تفقدها الجميع
رددت وفرضيتك الحتمية قد تفقدك نفسك!
كف توهماتك تلك، فليس الكل يرتدي نفس المقاس!*
فسلام على من رأى الرؤيا لذاته
و إستيقن أنها تخص نظره المثقوب!*
والمجد لمن تقبلنا كما نحن !*
#Samar