يا رب إن عظمت ذنوبي كثرة فلقد علمت بأن عفوك أعظم..
❤️

✵|

‏" لم أعرف شخصاً أصبح ذا شأن .. يتمدد في فراشه حتى وقت متأخر من الصباح " !
#جوناثان_سويفت

عبرت بخاطر الاحلام..
ساقتك الدروب خطى..
أما آن الأوان لكي..
تغادر صفحة المبكى؟؟
#Isra

عن احساس انتظار حدوث شئ ما.. متفرد .. واستثنائي.. عن خطواتك المصاحبة للشجن..
سفر العيون.. ومحطات الزمن التي تتسع أكبر من الأفق..
امنية في الخاطر ❤️
#Isra

- اللهُ أكبر 🍁

سأصبح ذا شأن وستندم 😂😂😂😂😂😂😂😂😂😂

Mazin Okasha:
ليس كل مافي خواطرنا يقال وليس كل مايكتب واقع نعيشه
ابتسامه صادقه وقلب نظيف وتعامل حسن ونفس مرحه وكلمه طيبة
هكذا نعيش جمال الحياة فكن جميل الخلق
تهواك القلوب ....

‏كُن من الذاكرين 🌸

في ليلة القدر ينامون
و في ليلة رأس السنة يحتفلون
اللهم ردنا إليك ردا جميلا
و لا تعاقبنا بما فعل السفهاء منا..♡

عوض كريمة عندو صاحبا ليهو يقولولو اللمين... اها اللمين ده معرسلو شايقية نجفة ضومة ضومة ودكتورة وسماحة الدنيي دي عليها.. تحلف تقول ما شافتلها غبار ولا نامتلها في كتاحة لامن الصباح لقت نفسها مرسومة في المرتبة بالغبار.. وأصلو الاصابعين عللي كعكي العيد!! ناعماااااااااااااات يقربن يتملصن من يدها.. آآبعرفها قاعدي تكشفبهن علي العيانين كيفن!!... أصلها إن كشفت علي عوض كريمة؛ يمين تاني ايدز ما يجيهو...!! وليها عيون بلا كحل عللي الفنجان الصيني المكفي... والشعر ده ممممملس ونااااعم عللي الجورسي المكوي...!!
أها جينا غاشين أنا وعوض كريمة اللمين في بيتو في حي الرياض، ود كريمة دايرلو منو غرض.. لقيناهو يصلي.. دخلونا قعدونا في صالة فيها همبريب يرد الروح من تالا «الاسبليت» وعينا لي اللمين يركع.. الحبشيي اللتم جابتلنا منقة بااااااااااااااااردي، وحات نضري مندي تشهيك تتصور جمبها والكبابي ليهن انبعاجات عللي جينفير لوبيز... وحبشيتهم زاااتها سميييييييحي وتراري عللي الفضية يوم العيد...!! بقينا نجغم في المنقة ونعاين في الستاير السمحي، وقدامنا طرابيز ليهن رجلين دهبيات مبعجات من هني لااااهني.. اها قوم يا اللمين كمل صلاتك وقعد يدعي؛ اللهم شنو آآبعرفو.. اللهم شنو آآبعرفو.. اللهم ادخلنا الجنة وارزقنا الحور العين... عوض كريمة قام طوااالي مشى عليهو قرصو في وركو!!
قالو: إنت آبتخاف ربك آآآآللمين ساكن في الرياض وعندك تلاتة عربيات ومعرس عفاف السمحي الدكتورة و«الاسبليت» ضااارب في قفاك علللي تلاجة الموز!! وكمان داير تداقرنا في الجنة والحور العين آآآآللمين....؟!!!!
وحات نضري تخش الجنة علللي أمشي أنط في النار أنا...
😂😂😂😂😂😂😂😂😂

أضغاثي ، أذيكم:)
بي أنو خلصنا إمتحانات وكدة😍
ويوافق التاريخ 31🙃 مع العلم أنو ما فارق معاي
ح نعمل حركة مجنونة ، الناس الاون لاين اسي 🖐
تعالو ندردش، ح نفتح الممبر ، ونختار ناس نعمل معاهم حوار 😅 ونعرف عليهم وكدة
و الاختيار عشوائي 😄
أوك😍

RoOoDy RoOzY:
بطاقة تعريفية

Osman Gedo:
عثمان ابراهيم عثمان ابراهيم
العمر 21
اللقب : جدو
الجامعة : جامعة السودان للعلوم والتكنلوجيا - كلية الهندسة
بقرا هندسة كهرباء (خريج )
RoOoDy RoOzY:
وين أنت من نظرك لي روحك وانت صغير
Osman Gedo:
يا ريت لو ارجع صغير و ما أكبر
RoOoDy RoOzY:
بمعني حققت شنو من طموحاتك
Osman Gedo:
أممم
والله كان نفسي أدرس هندسة الكهرباء دي بالجد و الحمد لله اسع قربت
تاني في أمنيات كتيرة إن شاء الله تتحقق 😊
RoOoDy RoOzY:
حدث حصل ليك في 2016 مستحيل تنساو
Osman Gedo:
عملت البوت حق مكتبتي
كان حاجة رهيبة والله 😍
تعبت فيهو كتير لكن بقول الناس لو استفادت بلقى أجر ❤️
RoOoDy RoOzY:
😂😂😂 أسي كنت ح أسألك منو
أنت ك مالك لي مكتبتي القناة الكلنا بنلقى فيها مراحنا، شنو الدفعك تعملو للكتب، والكتاب بالنسبة ليك شنو، وأنت كقارئ جيد بتنصح المبتدئين بي شنو ! وكتاب لقيت روحك فيو، واحد تهدي لينا وتنصحنا بيو
Osman Gedo:
😅😅😅😅😅
والله حاجة جات بالصدفة كده
اول حاجة اكتشفت برنامج التليجرام و الميزات الفيهو على البرامج التانية و بديت اعرفو حبة حبة
تاني لقيت البوتات دي و حبيت اعرف عنها مشيت اتفرجت على فيديوهات عشان اعرف اعمل بوت كيف 🙊

والله الدافع مضحك يعني 😅
انا بحب القراية من زمان
من كنت صغير كنت بقرا مجلة ماجد و العربي الصغير
حاجة حلوة ياااخ 😍
ما كان عندي لابتوب عشان احفظ فيهو الكتب
والذاكرة بتاعت تلفوني اتملت كتب و روايات 🙊
فاستفدت من الميزة بتاعت التخزين السحابي الفي البوتات وقلت ليه انا ما اخزن كتبي دي في البوت و وقت ما احتجت لي كتاب احملو منو
ما كان في بالي انو ينتشر وكده 😅
كان لي نفسي دي
وريتو اصحابي و عجبتهم الفكره و بس بدت تنتشر بين الناس
في ناس بتقرا عشان بس يقول انا قريت و ينضم لي مجموعة القارئين الكتار في زمنا ده
بس ده ما مهم والله
أفضل إني أقعد شهر في كتاب أو رواية لكن المهم لمن انتهي منو اطلع بي مجموعة من الاحاسيس الملخبطة
سعادة و حزن و متعة 😍😍
انا زاتي قارئ مبتدئ ياخ
في ناس ما شاء الله تبارك الله ربنا يحفظهم ❤️
بس أهم شي الزول ما يصدق كل حاجة يقراها
كتاب عجبني
حديث الصباح لأدهم شرقاوي 😍
رواية عجبتني
ظل الريح لكارلوس زافون 👌🏽
RoOoDy RoOzY:
بتؤمن بالحب، وتجاربك فيو إن وجدت :)

Osman Gedo:
أكييييييد 😇
الحب أحلى حاجة ممكن تحصل لينا ❤️

RoOoDy RoOzY:
لو أنت راكب مع الحب ، وما عندك غير حق موصلاتك بس وأنت ك جنتل مان المفروض تدفع ح تعمل شنو 😂😂😂

Osman Gedo:
😂😂😂😂
بدفع ليهو وبنزل انا
الحب مسكين ياخي 🙊😂
و انا ما مسكين 🌚

RoOoDy RoOzY:
أنت ك واحد من الجيل المتهور، حصل أبوك طردك من البيت لانك جيت متأخر، علماً بي كل الابهات بقفلو الباب بعد 10 😂 ولو حصل بيت وين

Osman Gedo:
😂😂😂😂😂😂
الحمد لله ما حصل لي

لمن كنت في الاساس ابوي كان بقول لي قبل المغرب تكون في البيت

RoOoDy RoOzY:
بالغت بوووليغة شديدة😂😂😂😂😂😂😂😂😂😂😂😂😂

Osman Gedo:
وانا كنت خواف 🙊
برجع في الموعد

RoOoDy RoOzY:
الليلة انطرد ياااخ 😂😂😂😂

Osman Gedo:
و مرات كنت بتأخر شوية كان بحمر لي تحميرتين كده و خلاص

RoOoDy RoOzY:
حصل سرقت من أمك وقبضتك، والعقاب كان شنو"وما تقول برضو ما سرقت "😂😂😂

Osman Gedo:
ما سرقت برضو 😅

RoOoDy RoOzY:
ولاااا باقي الدكان😂😂😂😂

Osman Gedo:
😂😂😂😂😂😂
لالا ما بتذكر حاجة زي دي 🙊😂

RoOoDy RoOzY:
بتصلي الصبح حاضر!؟

Osman Gedo:
مرات بصحى
و مرات الشيطان بيغشني
ربنا يهديني 😢

أطلب شئ من القناة/أو أسألني سؤال في بالك مع كلمة الختام

Osman Gedo:
أدعي لي دعوة بظهر الغيب بس 🌸😊


عثمان الطالب المثالي شديد😂
ربنا إوفقك محل ما تقبل وإجعل ليك في كل خطوة رضا😍❤️

صمت يذوب ..
ومدمع يجري..
يا ليل..
هل خبر عن الفجر؟؟

🌴 *_خااااااطره*


☄ *محنة أمة* ☄

*يييقرأووون* على مدارِ العامِ
*{ قُلْ هُوَ اللَّهُ أَحَدٌ }*

ثم يحتفلونَ *بعيدِ من قالوا أنّ لله ولد*
☄☄☄☄☄
*في ليلة القدر ينامون*
*وفي ليلة رأس السنة يحتفلون*



☝🏼انا مقاطع الاحتفال براس السنة لان ديننا ينهانا عن ذلك☝🏼

RoOoDy RoOzY:
زيتونة، من أنت

Zitona:
سحر محمد

RoOoDy RoOzY:
31/12 بعني ليك شنو

Zitona:
بس مجرد نهاية سنة

RoOoDy RoOzY:
أكتر شئ بتحبي شنو

Zitona:
أشرف اخوي

RoOoDy RoOzY:
ياااا شيخة🙄😂

Zitona:
ايوا

بصراحة ما اخوي عديل بس صحبي شديد

RoOoDy RoOzY:
حصل حرقتي الحللة! وامك قالت ليك شنو 😂

Zitona:
كتيييييير
انتي اصلك م تنفعي في حاجة

RoOoDy RoOzY:
وقالت شنو 😂😂😂😂

Zitona:
قالت انتي اصلك م تعرفي ولا تنفعي في حاجة

RoOoDy RoOzY:
كبيرة يا حجة 😂😂😂 +شكلها م أمي من مؤسسة أنتِ ما بنفعي بي شئ وبرجعوك بي خبيزك 😂😂😂😂😂😂

حصل إنتقمتي من زول

Zitona:
😂😂

لا والحمدالله عمري م لجأة لي الحاجة دي

RoOoDy RoOzY:
حصل قبضك زول وانت بتقطعي فيو، وتصرفك كان كيف😂😂😂😂😂

Zitona:
م اكذب عليك انا بتاعت تعاليق وشليييييييقه بس م حصل زول قبضني
لكن لو قبضوني ح اروح فيها لاني بعملا وااااااضحة

RoOoDy RoOzY:
مقلب عملتي ف زول!؟

Zitona:
ايوا عملت كتييييير

عملت مقلب في حبيبي
انا وصاحبو

RoOoDy RoOzY:
اليهو

Zitona:
فهمناهو انا وصاحبو بنحب بعض وكنا بنلعب عليهو وقلنا لي هو ا نحنا لازم نحترف ليك بي الحاجة دي وووووو كلام كتير في الاول م صدق بس ا نحن ا طلعنا مفتحين وعملنا دردشه في الخاص ورسلناها ليهو
وبعد كدة صدق واتصدم
لم عرف الحقيقة م اتكلم معانا اكتر من أسبوع

RoOoDy RoOzY:
😂😂😂😂😂😂😂😂😂 شريرين لكن

سحوور، قولي للمعاك ف الغرفة Ilove u
و ورينا ردت فعلو!

Zitona:
قالت لي تووووو
بس مالك

RoOoDy RoOzY:
ولي ما إستغربت 🌚
في جزلانك في كم 😂

Zitona:
23جنيه

بس هي متعوده اقول ليها كده

RoOoDy RoOzY:
بتبكي قدام زول!؟

حصل سقطي رياضيات 😂😂😂😂

Zitona:
اي بس حبيبي

نهااااااااااااااائي اكتر حاجه بحبها😊😊😊😊

RoOoDy RoOzY:
طيب الانجليزي 🌚

Zitona:
م سقط فيهو نجاحي فيهو بي الصدفه
ولي اسي م عارفه انا بنجح فيهو كيف ودي الحاجه المحيراني

RoOoDy RoOzY:
حاجة نفسك تجربيها
Zitona:
اسوق دراجة في صحراء
RoOoDy RoOzY:
طلب/سؤال
Zitona:
اطلب احسن

بس عايزاك تدي نظرة لي قناتي وتديني رايك فيها🙈
RoOoDy RoOzY:
قناتك زي بناتي وانجا ورئال اللسة ما جبتهم وزي ما بقولو القدر في عين أمو غزال 😂😂😂



البت دي سكرة يااااخ، أنا بريدك يا هناية 😍😍😍😍

RoOoDy RoOzY:
أمجد بتعرف شنو عنو!؟

Amjad A.Hafiz:
:
‏أنا من أولئك الذين جعلوا صمتهم كل الكلام،الذين يتوارون عن القوم خشية أن ينكشف حُزنهم،والذين يصنعون من عثراتهم سُلماً ليعمّروا أرواحهم.

RoOoDy RoOzY:
الحياة بالنسبة ليك شنو

Amjad A.Hafiz:
الحياة مسرح وانا الممثل فيها

RoOoDy RoOzY:
الموت، الحب، الصداقة، الوفاء، النجاح
لمن تسمعهم بخطر ليك شنو

Amjad A.Hafiz:
الموت حق
الحب اكبر وهم
الصداقه هي السلام لهذا العالم
الوفاء خصله بس ما موجوده في اي شخص
النجاح هو افضل انتقام
لان المحطمين كثر

RoOoDy RoOzY:
لو بقيت عندك سلطة لي يوم ح تعمل شنو!؟

Amjad A.Hafiz:
ك اقتصادي
ح اغيري النظام الادارى ك كل
واقوي اقصادنا

RoOoDy RoOzY:
شايف روحك وين بعد 10س إن ربنا مد ف العمر

Amjad A.Hafiz:
ان شاء الله
محاسب في شركه

RoOoDy RoOzY:
موقف محرج مرة بيك 😁😁

Amjad A.Hafiz:
مره انا في المواصلات
وركبت بنت خالي معاي
وفي جيبي حق الراكب بس
😂😂😂

RoOoDy RoOzY:
ذكرى مستحيل تنساها

Amjad A.Hafiz:
اول يوم في المدرسه

RoOoDy RoOzY:
شخصية كرتوني، بتلقى نفسك فيها

Amjad A.Hafiz:
كيلوه

RoOoDy RoOzY:
حصل طرد من حصة، محاضرة ، وفي الطردة ذلاك الدكتور وقال شنو!؟

Amjad A.Hafiz:
طردوني في حصه العلوم
الاستاذه م ذلتني بس
عقابي كان اني ارسم المجموعه الشمسيه 💔

RoOoDy RoOzY:
حصل تلبت من المدرسة، ولا شاغبت واستعدو ولي أمرك

Amjad A.Hafiz:
تلبت كتييير
بس م حصل نصيب يشوفو والي امري
😂😂😂

RoOoDy RoOzY:
مبادئك ف الحياة

Amjad A.Hafiz:
اعيش زول ليهو قيمه واسعد الناس بي وجودي

RoOoDy RoOzY:
حصل سقطت في مادة، وإحساسك شنو وأنت ماشي تستلم نمرتك المشرفة، وكلمة قالها ليك أستاذ م ح تنساها

Amjad A.Hafiz:
الحمد لله
ما حصل رسبت

RoOoDy RoOzY:
أخر مرة أبوك دقاك متين ولي 😂🙈

Amjad A.Hafiz:
كنت في خامس
بسبب م حفظت السوره 💔💔

RoOoDy RoOzY:
أكبر مخاوفك شنو

Amjad A.Hafiz:
رؤيه امي وهي تفتح كيس الدواء لتتناول احداها 😔

RoOoDy RoOzY:
ربنا إحفظها ليك من كل شر😍❤️
أمجد قبيل قلت الحب وهم لي!؟

Amjad A.Hafiz:
لانه م حقيق
ومثال بسيط
اتنين تلاقيهم بحبو بعض زمن طويل
ويفترقو
وتاني يوم تلاقي الشاب مع صحابه اخر ونسه وضحك والبنت نفس الشي
افهم الحب بين يوم ليله ؟
والمشاعر والاحاسيس ؟

RoOoDy RoOzY:
عاد ممكن تضحك وانت بتتقطع من جوه،
لو رجع ليك حبك القديم ح تعمل شنو
Amjad A.Hafiz:
لا ابدا م بقدر اصتنع
الانكسر م بيتصلح
RoOoDy RoOzY:
طلب/سؤال

Amjad A.Hafiz:
طيب كوني بخير لأجلك ❤️

أمجد أخوي شديد😍❤️
أبقى وطن

RoOoDy RoOzY:
بطاقة تعرفية !؟

Mazin Okasha:
هههه طيب

انا مازن الامين

محاضر بجامعة النيلين

كلية العلوم الرياضية والاحصاء

قسم العلوم الاكتوارية

والسكن في بحري سر الهوى😍

RoOoDy RoOzY:
مبادئك في الحياة شنو

Mazin Okasha:
اولا حب الخير للناس ومساعدتهم علي تحقيق احلامهم علي قدر استطاعتي

وعشان كده مشيت في درب التدريس

RoOoDy RoOzY:
كنت طالب هادئ ولا مشاغب

Mazin Okasha:
هههه هادئ جدا والله

RoOoDy RoOzY:
وك محاضر أكيد لاقاك عينة الطلبة المستفذين والمستهترين شديد، موقف +إتصرفت كيف

Mazin Okasha:
بحكم اني قريب من عمرهم وكده بعرف حركاتهم وكيف اتحكم في ردود الافعال

والحمد لله م حصلت كلاشات😂😂

RoOoDy RoOzY:
غريبة لكن، معقولة الناس الطيبين انقرضو😂😂
مقولة بتؤمن بيها ف الحياة

Mazin Okasha:
والله يمكن عشان شغال في جامعه حكومية. . ما زي ناس تشتغل معاهم واتحس انهم بدوك مرتبك من جيبهم 😁😁

RoOoDy RoOzY:
لو أطريت تختار ما بين عقلك وقلبك ح تختار شنو

Mazin Okasha:
القناعة كنز...

قلبك اكيد ❤️

RoOoDy RoOzY:
حصل أصابتك الحياة ف مقتل

Mazin Okasha:
لحظته كنت مفتكر كده .. لكن اتبين لي بعداك انها احيتني من جديد

RoOoDy RoOzY:
أكبر مخاوفك في الحياة

أمنية بتتمناها في 2017

Mazin Okasha:
ان لا تكون الحياة سببا في القرب من ربي

نتلم انا وهي في بيتنا .. خلاص كفاها كده هههه

RoOoDy RoOzY:
رسالة لي غائب!*

ربنا إتم ليكم ع خير، وإهنيكم بي بعض 😍❤️

Mazin Okasha:
لم اكن اتمنى ان يكون بيننا ما نحن به الان

آمين يا رب .. تسلمي

RoOoDy RoOzY:
مازن من الجيل الحالي وين
وموقعك في البيت كيف، الصعب الهراش والاخو المثالي

Mazin Okasha:
م فهمت من الجيل الحالي وين??

RoOoDy RoOzY:
الشباب الحالي جيل متهور، م عندو مسؤولية
زي ما بقول آبواتنا ما علينا تكل جيل فارغ إن جاز التعبير

Mazin Okasha:
لا بالعكس انا مازن الاخو الطيبان .. زي م بيقولو مأمون جانبه
لكن عند الغضب اممممم

لا التهور اذا كان موجود ف ده سببه هم زاتهم .. انا متعاطف جدا مع تاجيل ده لانو جاي في وقت صعب

القاه في اليم مكتوفا وقال اياك اياك ان تبتل بالماء

RoOoDy RoOzY:
ممكن تضرب أنثى! ؟

Mazin Okasha:
ابدا"

RoOoDy RoOzY:
اخر رسالة جاتك SMS شنو🙈

Mazin Okasha:
الانثي لا تضرب ولا حتى بكلمة 😁

ناس سوداني جددو لي تفعيل الخدمة هههههه

RoOoDy RoOzY:
مسلسل كرتوني لي أي بتحضرو

Mazin Okasha:
عموما م من عشاق المسلسلات الكرتونية .. ولا المسلسلات عموما

افلام بس😁😁

RoOoDy RoOzY:
انت م من جيل سبيستون🌚

Mazin Okasha:
من جيل مسلسلات الاطفال في تلفزيون السودان الساعه 4 بالعصر لم كان الارسال ببدا الساعه 3 وينتهي 11

ماوكلي و كابتن ماجد لم يشوت الكوره تدخل القون الاسبوع الجاي والميدان يلف زي البطيخة هههه

RoOoDy RoOzY:
تاريخ ليو ف ذاكرتك مكان، والمناسبة

Mazin Okasha:
9/7/87 يوم خروجي لهذه الحياة

كيف في ذاكرتك?? لانو اغلب الحاجات الجميله بتحصل لي .. بكون في واحد من الارقام دي.. ليه ما عارف

RoOoDy RoOzY:
منو الماح افك إيدك مهما حصل

Mazin Okasha:
ولاء❤️

RoOoDy RoOzY:
طلب/سؤال

Mazin Okasha:
هدفك في الحياة?

RoOoDy RoOzY:
كتيرة، بس في المرتبة الأولى الجنة

د.مازن كن بخير وأبقى ليها وطن ، وربنا إقدم ليكم الخير😍❤️

RoOoDy RoOzY:
بت من فرح، لما هذا الاسم

بت من فرح ♡:
ذات مرة مر هذا الاسم بالبال فما كان لي ان اسمي نفسي بهذا الاسم علي انسى ما مضى من احزاني

اجل،.. ايماني كبير بهذه الفكرة انني مصدر فرح لكل من عرفني ليس كبراً وانما ثقة ✌️💓

RoOoDy RoOzY:
موقف اتمنيتي تتشق الارض وتبلعك

بت من فرح ♡:
لم يحدث البتة☺️

RoOoDy RoOzY:
أخر مرة أبوك ضربك فيها متين ولي شنو😂😁

بت من فرح ♡:
ما ازكر😅

RoOoDy RoOzY:
احكي اي موقف من جلداتك الكتيرة 🙈🌚

بت من فرح ♡:
كنت في تالتة ثانوي كانو لمن نتاخر في الشتاء بزيدو السيطان من اتنين لتلاتة🙊💔
المهم جيت متاخرة المدير نفسو كان بجلد خدا صوتين ومشيت قال لي تعالي تعالي لسة م خلصت
وهو ضربو حاار😞💔😂😂😂

RoOoDy RoOzY:
بتخافي من شنو

بت من فرح ♡:
بخاف 🤔
كونو حبيبي يمشي يخليني بس🤗💔

RoOoDy RoOzY:
بتثقي ف الحب، ولي أكتشفتي إنو هو وأعز صحبة ليك بحبو بعض ح تعملي شنو

بت من فرح ♡:
😢😢😢😢💔
نوعاً ما اصبحت لا اثق في الحب واذا اكتشفت حاجة زي دي فلي الله ولقلبي

RoOoDy RoOzY:
إسراء، عمرك بكيت من قلبك و السبب شنو

بت من فرح ♡:
نفس السوال وجهو لي صديق بالامس الصراحة اول واخر مرة ابكي فيها بصدق رمضان القبل الفات بعد اعلان نتيجتنا بكيت بجد لانو نسبتي ما بتدخلني الرغبة الانا عايزاها ويوم ورا يوم وانا بكائي بزيد لحدي ما جا وقت التقديم☹️☹️
والحمدلله ع كل حال💓

RoOoDy RoOzY:
طموحاتك في الحياة

بت من فرح ♡:
اكون الشخصية الخاتاها في راسي🤗❤️

RoOoDy RoOzY:
5 أشخاص اسي ف راسك
هم منو وبتقولي ليهم شنو

بت من فرح ♡:
امي كل عام وانتي الامان ☺️❤️
ابوي كل عام وانت تاج ع راسنا☺️
حبيييبي كل عام وانت ال ❤️
اصحابي كلكم انا بحبكم ❤️
اخواني الله يصبري ع شلاقتكم مع اني انا الكبيرة بث هم اطول مني 😢💔 بث بررررريييدكم يا طوال🌚💔

RoOoDy RoOzY:
أخر زول زعلك منو

بت من فرح ♡:
حبيبي☹️☹️💔

RoOoDy RoOzY:
رأيك ف سمر وإسراء شنو😂

بت من فرح ♡:
احلى ثنائي وانا بحبكم شدييد والله يخليكم لبعض ويخليكم لي 🤗❤️

RoOoDy RoOzY:
مالي ومالك ترا في ناس تبيني بزراف وابيها "هون كونك" غيركم😂😂😂😂😂😂😂😂

بت من فرح ♡:
هونك كونغ في عينك🌚💔

RoOoDy RoOzY:
اخر رسالة ف الماسنحر شنو😂

بت من فرح ♡:
حسام 🌚💔 كان بحمر لي عشان مرسل ليهو عشرمية ساعة وانا م رديت وكنت اونلاين🙊😹😹🤗🤗
بعتزر منو وما كان قصدي لانو ما عندي ماسنجر وبخش بالمتصفح الثقيل🤓💔

RoOoDy RoOzY:
قناة نفسك تكوني فيها آدمن

بت من فرح ♡:
الانثى القرنفل🤗💓

RoOoDy RoOzY:
تذكرة لي مكان معاك زول! ؟

بت من فرح ♡:
ماليزيا بمفردي وامشي ادرس الطب حلم حياتي🤗❤️

RoOoDy RoOzY:
طب سوقيني معاك للمطار كشكرة ساي 😂😂😂😂

رسالة للحياة

بت من فرح ♡:
ما يغلي عليك 😉❤️

لن ايأس منك ابداً مهما لعبتي معي فورقتي ستكون الرابحة حتماً✌️☺️💓

RoOoDy RoOzY:
طلب/سؤال

بت من فرح ♡:
لي كان نفسك تقري هندسة نفط؟

RoOoDy RoOzY:
عشان مجال عاوز إبداع، وتشغيل مخ 😍❤️
وفي الروضة كنت ممثلة إني مهندسة 😂😂😂😂😂😂

أخر شيء رسالة لي علاء، البت دي بتريدك ما تزعل منها😍❤️ وأبقى ليها سند

كل عام والوطن في حدقة العين جزء لا يتجزأ ❤️❤️❤️ بريدك يا سودان..
#Isra

صباح الوطن الذي يضم قلب أمي❤️ وحنان أبي ❤️ وطيبة اخوتي ❤️ وخطوات ذلك البعيد..
صباح الوطن الذي يضم ابتسامة جدتي ❤️ وأهلي .. وجيراني.. وأصدقائي الصدوقين❤️ وكل من أعرفه ومن لا أعرفه من شعبي العظيم😍
صباح كل كادح❤️ كل متألم .. كل من يعاني.. كل من يعيش تحت وطئة الحرب.. وكل من يتمنى أن يجد قوت يومه ❤️
صباح كل بسيط وبسيطة.. أحلامهم تعانق عنان السماء❤️ صباح أطفال الرصيف .. ومن لا مأوى لهم❤️ صباح كل طيب وكل من يحمل قلبا كبيرا😍..
صباح الوطنيين الذين يحملون الوطن في حدقات عيونهم.. وداخل أرواحهم.. ويجري في شرايين دمائهم❤️
صباح كل سعيد وكل حزين .. كل من ينتمي لهذا الوطن العظيم ❤️❤️
وطن إستثنائي يضم كل هؤلاء.. لكم من القلب كل الحب ❤️
صباحكم وطن .. وطن يجلب الأمن والسلام والسعادة علينا جميعا.. عام ملئ بالفرح الذي يعانق عنان السماء .. 😊😊
#Isra