وعلي سبيل الفخر 😌
#كلتي_ح_تضرب_التلاتة_أيام
أساساً دي المحرية فيهم 😍😍😍
وكيف الحال لو ما كنت من بحري
وناس الحارة ديل ناسي ✌️

#ما_بنبقى_زيف
#العصيان_المدني_بكرة
#أبقوا_الصمود✌️✌️
#Dr_of_Bahri😍❤️

أخبروني أن أكتب عن الوطن♡
فوجدتني بكل حماقة أكتب إليه !*

#Samar

وكلااااامنا داك
الكان زمان..
بقى مختصر
أهلاً سلام
وتفوت تمر 😔

أستغفر الله العظيم ، وأتوب إليه
ولا حول ولا قوة الا بالله العلي العظيم
سبحان الله وبحمده سبحان الله رب العالمين
الحمد لله حمدا كثيرا طيباً مبارك فيه

#لا تنسوا ذكر الله🌸

وسلاماً على من ضاقت قلوبهم ،
فصمتت ألسنتهم !
وما زالوا يُناجون ويناجون
ويناجون ربهم . . ياا رب <3

العبارة تسكن الجوف.. وتسكن التفاصيل الصغيرة داخلنا.. وتعطبنا مزيدا من الاشراق❤️
#Isra

ويعذبك في بعض الأحيان..
أن فكرك لا تسعه قوالب الألفاظ..
#دوتسوفسكي

صلوا ..
من أجل الوطن ❤️

صباح الحرية والعصيان
صباحكم زين شيوخ شبان
وصوت الطارة والنيران
وقفت حق على الحرمان
صباحاً يضهد الاحزان
ويولد فوق فت سوادن
موحد جت
جعل ، شايقيه
تعايشة محس
نوبه عرب 👌
لو إطرت الاوضاع
نعيد من تاتي لي شيكان
حيفضل صوت جوانا أكيد
ينده يقول تعالو نرجع السودان✌️
#Samar

الجرائد الكاتبه انو العصيان فشل و بتاع

نفسي افهم الجرائد دي مش بتتطبع بليل ؟!!
العرفهم شنو العصيان فشل و لا نجح 🙊🙊
وح إنجح رغم أنف الكيزان 😌

اها شاركونا بي رايكم😁
@Roodyrooozy_bot

D@rk Qu£€N:
المهم العصيان ما فشل وخليهم يشوفوا جريدة الأيام 😎

All of me:
ح أجي يوم ونحكي لي أحفادنا نحنا عملنا شنو في اليوم دا ♡♡

العصيان ناجح تماما الا بتاع الدكان العواليق ال جنبنا ابا يقفل 🐸💔

السلام عليــكم..
كلنا بنتمنى انـو البـلد حالها يتصــلح..
احنا م عايزين العصيان ده اطلعو فيهو الطلبه بس ليييه؟ لانو بإختصار ممكن يفشل لانو الطلبه لو اتهددو من دكاترة الجامعات ممكن يـرجعو عن العصيـان عـادي ..
لو الفـكره اتعممت والناس الكبـار، الموظفين، الاستـاذه، سائقي المـركبات، بتاعين البقالات، والدكاكين، اقتنعو ب العصيان ده ح ينجح وح تنال البـلد مرادها ..
وشى طبيعي انو الجـرائد تكتب عن فشل العصيـان ويكون كــذب ليييه؟ لانو ده بشل حركه العصيان في ايامو التانيه (اغلبهم سياسين باعو ضميرهم بي قرشين)
ف شنو المطلوب انو الناس تعمل اعلانات في الشوراع ولافتــات توري الناس انو العصـيان ده الحل الامثل للازمـــه..
..بــلد واسـع بلــد شــاسع لا محــزون ولا مهموم ..
مع تحيــاتي #فودي

-بعيداً عن السياسة والعصيان ما عدتي تلقي لي بال 😪
-أأخبرك سرا!!
-ماذا!؟
-أنت الوطن الذي يستحق أن أقاتل لأجله 😍❤️
#Samar

واني لو تركت سراح قلبي..
لفر إليك من قفص الضلوع ❤️😍

بكون قرأوا ليهم الفنجان..صدقي

هاجر:
ناس التربية والتعليم مشوا المدارس اشوفها شغاله ولا لا والمصالح الحكومية خاتين ليها ناس الامن😢

في رايي انه العصيان المدني ناجح رغم انه ما النجاح اللي كان مرغوب بس كون انه اتنفذ و طلع من حتة انه يكون مجرد كلام في وسائط التواصل الاجتماعية.
بداية مشجعة جدا و علي قول اخوانا الحواته "ابقو الصمود ما تبقو زيف " .
نقطة و هي عبارة عن رايي الشخصي للناس اللي قاعدين في البيت ديل انا اتمني انه ما نضيع وقتنا في الفاضي و نستفيد منه في حاجة مفيدة في تطوير نفسنا.
شوف لك كتاب كدا مناسب و قول لنفسك انك ها تنجز الكتاب دا يوم الثلاثاء. كدا تكون استفدت من زمنك و غذيت عقلك و أضفت كلمات جديدة لقاموسك. دا رايي الشخصي في الموضوع
و الله يصلح الحال و الاحوال

- سُبحان الله ❄️

Isra Imam:
ليت لنا القدرة على الانقياد نحو احلامنا دون ان نتوقف.. دون ان ننظر الى الوراء.. ودون ان نربط حذائنا ايضا!!
#Isra