اكعب حاجة انك تمثل بالحاجة الما فيك..
بس ياهو لا اكذب ولكنني اتجمل !!! عمرو الكضب ما كان جمال.. ولا النفاق كان حلو.. وثم ثانيا تكضب ليه؟؟ عشان تكون جميل في نظر الناس؟
صدقني حتكون قبيح.. وقبيح جدا.. بعد يكتشفو كضبتك.. وحتبقى قدامهم مستحقر جدا..
ليه تقلل قيمة نفسك؟؟ ليه ما ترضى بعيبك او نقصك؟؟ صدقني طالما انت متصالح مع نفسك .. كل الناس حتحبك وتحترمك.. كلنا عندنا نقائص وعيوب.. ماف حد كامل..
وقبل ما نحترم نقص الآخرين.. لازم نحترم نقص انفسنا..
وزي ما قالو اهلنا:
الكضب حبلو قصييير..
والصدق كان ما نجاك.. الكضب ما بنجيك.. 😉😉
#كسرة:
ويا انت..
خليييك شين كدة .. عيوبك زاتها سمحة 🙈
#Isra

#أقلام_حرة
#حوار_الاسبوع
مع الشاب : محمد. وكاتبة من اقلام حرة :سمر .. في طرح الاسئلة: إسراء ..
حوار جميل جدا نترككم مع الحوار 😍😍😍😍😍.. وهو من انواع #الحوار_الايجابي ..

عنوان الموضوع "1"
#رحلة_المرأة_من_مكانة_الدين_الى_نظرة_المجتمع

#اسراء:
بسم الله
حوارنا اليوم عن :
رحلة المرأة من مكانة الدين الى نظرة المجتمع..
استضيف فيه ضيفي ..
الاخ محمد .والاخت سمر ..
بداية..
ضيفي العزيزين .. بطاقة تعريفية لكل منكما 😊
#محمد:
محمد نور الهادي خريج جامعة كرري درست مراقبة جوية ساكن شرق النيل مرابيع الشريف اصلا من الدويم حالياً في كورس دراسي في الخرطوم شغال في نفس الكلية الدرست فيها كلية علوم
#سمر:
سمر محمد، بدرس طب جامعة بحري
من الدويم ، مقيمة في أمدرمان
#اسراء:
طيب .اول سؤال حابدا بي محمد.. محمد ما هو تعريفك للمرأة؟؟
#محمد:
المراة تتفق مع الرجل في النوع انسان، وتختلف في الجنس، اداة الله في الخلق
خلقت لي وظيفة معينة وغرض معين ورسالة معينة
#اسراء:
جميل.. سمر .. يلا انتي وين من التعريف دة كامرأة؟؟
وهل بتتفقي معاه؟؟
#سمر:
أقبع في القاع ، خلقت لما أشدت به الوحدة من ضلعة ولأكمله ، خلقت لأرفع من شائنه
ف بي يدخل الجنان ، نوعا ما أتفق
#اسراء:
جميل.. يعني تؤمنون بالتكامل للنوعين مش كدة يا محمد؟
#محمد:
ايوة بالضبط لا بقاء لجنس دون الاخر
#اسراء:
تمام..
ننتقل للناحية الدينية..
ناقصة عقل ودين.. ممكن تفسريها لينا يا سمر من وجهة نظرك كامرأة ؟
#سمر:
المرأة بي طبيعتها نساية؛ نسبة لي مشاغل الحياة ال على عاتقها ففي آية الدين
ف الشهادة بالضبط بتطلب حضور إمرأتين
"فإن ضلت إحداهما عن الأخرى ...الخ"
بس عشان تذكرها !*
دا من ناحية العقل
أما من الدين معروف تركيبها البيولوجي بتطلب رفع بعض التكاليف عنها في مراحلها المختلفة
#اسراء:
رائع جدا سمر..
محمد .. يلا هل توافقها في الكلام دة؟؟ورايك ؟؟
#محمد:
اتفق معها في كل كلمة
واضيف ان المراة عليها نفس تكاليف الرجل
ونقص الدين مقصود بيهو نقص عبادة وليس دين، والترك كان بامر من الله ولو شاء ما عفا عنهن في الكلام المقصود
وانا مع اخت سمر علي قدم سواء في كلامه
#اسراء:
كلام طيب محمد ..
طيب انا بسألك ليه بعض الناس بيخلطوا في الامور دي؟؟ في المجتمع .. بيقولوا ليك المرة دي ناقصة!!! رايك؟؟
كتقليل من شأنها وكدة
#محمد:
ممكن يكون جهل بالدين، ممكن يكون خوف من المرأة وعايز يحس بعلو الشان
اي زول عندو اسباب بس كلهم نتيجتهم واحدة واي واحد حسب سببو يرد عليه
والزول البقول ناقصة بي معني سلبي اول شئ مفروض يعرف الكمال لله وثانيا الناقص ده ولدك انته يا تام العقل
#اسراء:
رايك يا سمر في كلام محمد؟؟ وهل كلام المجتمع دة بيأثر عليك؟؟
#سمر:
محمد كلامو عين العقل، طبعا لا ، لمن تكوني عارفة قيمتك ومحددة أهدافك مافي شيء بأثر عليك، حتى كان قالوا ناقصة الضرر شنو ! آمن بي ذاتك تكن
#اسراء:
رائع سمر ومحمد.. اعتقد انكم متفقين ..
ننتقل لجهة اخرى من الحوار..
حاليا المرأة اتعلمت وبقت ما شاء الله مزاحمة الرجال في التعليم..
المرأة المثقفة من وجهة نظرك يا محمد.. هل هي افضل من المرأة العادية ام العكس؟؟
#محمد:
بالنسبة لي انا شخصيا عقل المراة نصف جمالها، ممكن تتعملي بس تظلي جاهله ممكن ما تتعلمي وتكوني مثقفة متفتحت العقل
لا يوجد مقارنة هل يستوي الذين يعلمون والذين لا يعلمون
ماف مقارنة اصلا بين المثقفة والعادية
#اسراء:
كيف تظل جاهلة وهي مثقفة؟؟
#محمد:
قصدك جاهله وهي متعلمة، التعليم ما بعني الثقافة وشوفي عندك شباب جامعيين لسه بي فكر جاهل
#اسراء:
اوافقك في الرأي.. يعني انت فهمك الفكر بتاع المرأة
#سمر:
هو صاح القلم ما بزيل بلم
بس عموماً اسي المثقفة زي العادية
ولي معظم الشباب بخافو المثقفة
#محمد:
عايزين يحسوا بي علو شأنهم ما عايزين يحسوا بالدونية، والشباب في العامة شايفين انوا لازم يكونوا هم الصح والراي رايهم فلما تجي واحدة مثقفة وتضحدوا بحس بي نوع من النقص والعجز
#اسراء:
تمام.. انت وين من الشباب ديل.. هل بتفكر نفس تفكيرهم؟؟
وهل حترتبط بمثقفة مستقبلا؟؟ ولا احسن العادية؟؟ وليه؟
#محمد:
والله بالنسبة لي عقل المراة نصف جمالها
عشان انا ما حا اعيش مع شكلها حا اعيش مع شخصيته عقلها، بالتاكيد دي مع الزمن بتنضج اكتر، وفي النهاية هي الحا تربي اولادي، مسؤولية كبيرة عايزه انسانه قدرها، واكيد المثقفة العندها فكر اجدر
عقل المراة نصف جمالها دي حكمة، اكتر من النص تلاته ارباع الجمال اذا ما كلو
بالنسبة لي موفقي من الشباب وتفكيرهم، ما مهم العدد المهم الصح وين
#اسراء:
رائع يا محمد.. سمر..
انتي كانسانة مثقفة.. هل حترتبطي بزول يفهمك مستقبلا؟؟ ويفهم طبيعتك كانسانة عندك طموح؟؟؟
#سمر:
أكيد أهم حاجة في العلاقة شنو!؟
الاحترام و التفاهم ، فما ح أرتبط الا بي الرجل الح إحترمني ك أنثي و إتفهم طبيعتي الولوجة للتطور و التغيير
#اسراء:
جميل يا سمر طيب. ط

طموحاتك ومدى
إيمانك بتحقيق المرأة لذاتها؟؟
وهل انتي مع او ضد المرأة العاملة ؟؟
#سمر:
طموحاتي في الحياة اولها أبقى زول ليهو قيمة وحاجات كتيرة ، وهي بتنبع من إيمانك بيها و الإيمان رغبة داخلية فإيماني بيها زي إيماني بالبعث و النشور
مع طبعاً وبشدة
#اسراء:
اجابة راقية..
محمد.. انت مع او ضد المرأة العاملة؟
#محمد:
معها بالتاكيد
يزيد انو ده حقها
#اسراء:
حلووو طيب.. من رايك هل ممكن تنافس الرجال في كل الاعمال ولا لا؟ في شغلات للرجال او شغلات للنسوان؟؟
#محمد:
طبعاً دي في، بي مفهوم ديني بسيط شديد شديد ، بي مفهوم بيولوجي في اكتو من الديني
الديني هي ما عندها راي فيهو اما البيولوجي، رايها في الاخير اذا حبت تعمل العمل ده لها ذلك
باقي الشغلات مفروض الاخيتار يكون للافضل سواء رجل او امرأة
طيب ديني في خلافات كتيرة حول الولاية والقضاء بالتحديد،
اما بيولوجي يعني مثلا المراة ما حا تقدر تشتغل طلبة عشان ممكن تتضرر بس لو حبت لها ذلك
#اسراء:
طيب تمام...سمر وجهة نظرك في الموضوع؟؟؟
#سمر:
نفس وجهته نظرو ،
#اسراء:
جميل متفقين يعني..
محمد..
هل تؤمن بمساعدة الرجل في اعمال البيت؟؟؟ ولا المطبخ للنسوان بس؟؟؟
#محمد:
انا مؤمن بي انو مفروض الرجل يجيب شغالة، وشغل البيت ده تكرم منها ومن حقها يجيب شغاله، اذا ظروفو م مساعدة تاني اليد باليد معاها وما علينا من كلام الناس
#سمر:
سؤال ، انت ما شايف إجاباتك مثالية
وهي مفقودة شديد ف مجتمعنا
#محمد:
ده حق المراة واشياء مقتنع بيها 100%
مفقودة عشان الخوف من المراة وعشان العادات والتقاليد
#اسراء:
معليش سؤال شخصي.. هل حاليا انت بتساعد في البيت؟؟ بكل صدق
#محمد:
والله ما بساعد عشان مشغول وعشان امي واختي بمنعوني بي سبب العادات والتقاليد، وفي النهاية الواحد بحاول يرضي الوالدة بي قدر المستطاع
#اسراء:
ليه ما حاولت تغير التقاليد دي ما دام انت مقتنع بيها؟؟
#محمد:
انا مقتنع بس الوالدة متمسكة شديد، ويزيد انها امية مقدسة العادات والتقاليد والشيوخ
واول شئ حاولت اغير المفاهيم بس ما تقبلوا الموضوع نهائي
#اسراء:
يعني انت شايف انه النساء هم الساعدو على انتشار الحاجة دي
#محمد:
ليهن دور كبير عشان هن التربية عليهن والاب ما قاعد في البيت وناس زمان انعدم عندهم الوعي بس الجيل الحالي فيهو كتير من المثفقات
#اسراء:
سمر.. عقبي على الكلام دة
#سمر:
متوارثة لانها بتخدم مصلحة الراجل وطالما هو المستفيد م حتتغير
#محمد:
عشان كده انا جعلت عدوي الاول العادات... وانا مستعد لي تقبل النتائج
حتي اذا تغيرت تتغير لي مصلحة الحق ما مصلحة الرجل او المرأة
#اسراء:
اها.. متفقين انها عادات سيئة ومفترض تتغير..
محمد..الحرية بالنسبة للمرأة عندك؟؟
#محمد:
والله انا عندي مشكلة في الحرية دي
بالنسبة للرجل والمرأة
نحنا عندنا حقوق وواجبات وانتوا برضو
حريتك اذا اذتك او اذت الغيرك دي ما حرية ونفس الامر للرجل
#اسراء:

تمام جدا.. هل في نظرك ..
ممكن المرأة تعبر عن رايها؟؟
تتحدث في مختلف المنابر؟؟
#محمد:
دي من اوائل الحريات حرية الرأي والتعبير حتي نحنا فاقدنها 😞
من حقها تعبر وتقول رايه ومن واجبنا نسمعوا ونمشي معاهو اذا كان صح
#اسراء:
سفر المرأة عشان تحقق احلامها؟؟
#محمد:

ده مربوط بي ظروف معينة وشروط دينية، ما علي علم كتير بيها بس اذا الدين سمح ليها من حقها رغم انف اي زول
#اسراء:
تمام.. عقبي يا سمر على كلامه
#سمر:
نفس وجهة النظر
#اسراء:
طيب الى هنا انتهى الحوار شكرا سيداتي سادتي😊 في الختام
كلمة اخيرة سمر ومحمد
#محمد:
العفو ي اسراء
تسلمو علي الحوار الجميل المفيد
#سمر:
أبقوا عافية
#كل الود

نستقبل التعليقات والاضافات على البوت في انتظاركم دوما :
@Best_live_bot

الحمد لله 🍂

لم يكن الوقت يسعنا لنلملم حقائبنا في رحلة إلى السماء.. ويوم أن فات قطار البهجة.. أدركت أنني لا زلت أنظر إلى ساعتك.. وكأنما الوقت قد خان الدقائق.. وقتلنا نحن الاثنان..
#Isra

ثمة حديث صادق نود البوح به!*
وثمة ذاكرة مازالت تنزف!*
ثمة وجع عجز الصمت عن إسكانه!*
وثمة شوق حبسته قيود الحقيقة!*
ثمة رسائل في إمس الحاجة إليها! *
وثمة حقيقة نود الهرب منها !*
وثمة أشياء وأشياء !*
#Şamarِ

سأحدث القضبان
عن أشواقنا...
لتذوب من تحنانها
أشواقي......
#أحمد_بخيت
#الحب❤️

حينما تنوي الرحيل خذ قلبي معك ولا تقلق
سأبقى بخير الآك
#Şamarِ

-لنتفق
-على ماذا
-أننا لن نلتقي مجددا ونعد غرباء
-ثم ....
-ماذا !!!
-من أنت!؟
#Şamarِ

-لاعترف لك بشئ
-ما هو؟
-انني لا استطيع نسيانك!
-احقا؟؟
-ولكني نسيتك حقا!!!
#Isra

الكلام دا لمن شالو البروت وبعلقوا في نتيجتنا ❤️
كان جوانا يقين إنو نحنا ح ننجح او حتى لو قدر الله وحصل استب في ماده ح نرضى ع قدر التوتر وحرق الاعصاب كنا باردين والحمد لله نجحنا وبي نتيجة تشبه إسراء😂

وع. سبيل الفرحة شاركنا بي أي شئ يخطر ف بالك .
@samar_mohmmed
@Isra_Imam

إحساس النجاح يختلف طعمه و يتنكه باجمل الاشياء
يجعل السعاده تغمرنا ويولد بنا طاقه لا تقاس
و الاجمل ان يتشارك هذا الاحساس رفقاء الدرب

😂😂😂😂😂مبروووووكاااااات يا رفيقة الدرب الاسود 😜😜
قلتي لي النتيجة فيها شبه كتير منك صح 🌚🌚
الحمد لله حتى يبلغ الحمد منتهاه❤️..
غايتو الهترشة القبيل جابت نتيجة زي الفل 😂😂😂😂
#Isra

أخي كان أصغر مني حين رفع
يده عالياً ليصفعني رفعتها أعلى وصفعته!*
وحين أراد زوجي أن يلغي وجودي
ألغيت وجوده من حياتي!*
وحين صاح زوجي الثاني أنا او كتاباتك
قلت كتاباتي وإنفصلنا!*
وحين أنتفض وزير الصحة قائلاً
الطاعة او الفصل
قلت الفصل!*
د.نوال السعداوي

وزي حوجة الروح للنفس أسي محتاجاك معاي💔

لو جئت صبي!
لكنت الآن أتسكع في الشوارع، أنفخ لفافة التبغ ، أترنح و بيدي نبيذي!!
أليس أنا صبي وهذا حقي!!
سأفتن قلوب الفتيات واحدة تلو الاخرى
س تشتكى جارتي لأمي أنها رأتني ع الشارع العام ممسك يد إبنتها
ستخبرها هي الاخرى أني صبي ولا ضير!*
لوكنت صبي لوجدتني جالس ع اعمدة الحارة مع أبناء حي نراغب المارة الحسناوات خصوصاً وسوف لن يمنعنا شيء! *
لو كنت صبي لخرجت عصراً لاعب كرة القدم واقذفها عمداً عند بيت ذاك الوغد
ليتثنا لنا رؤية إبنته الجميلة ولن تهمنا لفافة الكرة اللمزقه امام أعيينا !*
أجل لو كنت صبي ، لفعلت أكثر من ذلك
فأنا صبي ومن يعيبني !*
وإذا اردت أن أكف عن ذاك
سألتحي و أصلي خلف الإمام وسوف لن يذكر أحد ما فعلت!*
#Şamarِ

م عاد يملئ راسي خمر دانية
صبي جمالك حتى يمتلئ رأسي
كل النساء أحاديث بلا سند
وأنت أنت حديث مثل أنفاسي
❤️😍