والآن صرت اكثر خروجا عن الحرف والمنطق!!
#Isra

 

#حين_تتغير-نظرتكم_ستدركون_إننا_لا_ينقصنا_شىء




#مدخل_أول ..
لا فرق عندى إن رأيتموني ناقصة أول غير ذلك إني ادرك ما أكون ولكم سوء ما تعتقدون...

#مدخل_تانى.
لو أن جدتنا الأولي لم تضع جدار يفصل بين تربيتها للبنين والبنات لكنا الأن لسنا بحاجة لتوضيح ما أوضحه لرسول منذ الاف الأعوام
لكنها كانت تظن بأنها فعلت الصواب حين أعطت حق الحياة الإبنها كما يشاء وقيدت أخته ليكون تحت وصايتها ...


(ناقصة عقل ودين)
تقريبآ كل الشباب الأن حافظين النص دة وأغلبهم ما بعرفوا المقصود منو ما الأساءة للمرأة .
والشي السيء بعض البنات مقتنعات إنو هن ناقصات عقل ودين..
#المهم الصحابة رضوان الله عليهم
لما الرسول صل الله عليه وسلم قال ليهم كدة طوال معني الكلام ده شنو ردا ليهم (اليست شهادة المرإتين بشهادة رجل) يعني هنا نقص العقل للشهادة فقط للسبب النسيان والمرأة غالبآ بتكون بعيدة من أمور التجارة وغيرها..
اما لما سألوا عن نقصان الدين قال:(أليست إذا حاضت لم تصلي وتصم) ونقصان الدين في نقصان أداء الفرأئض الصوم والصلاة ودة بعذر موضوح في الشرع..


#بالدارجى_كدا.
بعيدآعن ناقصة عقل ودين لأنو ده بدل علي نقص وعيهم وفهمهم للأحاديث والأيات كما أنزلها الله وأوضحها الرسول وصحابته..
#المهم:-
لما أنا أقول مجتمع كمعني شامل أو أفراد المجتمع دة ما تشخيص أو توضيح إنو فئة بعينا عندها مشكله مع البتات بنظرتهم الساذجة ليها ولا تحديد لنفر بل المعني شامل
واحد تلقي فرحان لأنو قدر يخلي أختو أو بتو ما تواصل تعليما مع إنها متوفقة في دراستا وقادرة إنها تنحج لو ناقشتو يقول ليك( القرن لقن شنو) يا سيد هو ما لازم اكون في ماديات عشان تكون لقت ما أنت لو وسعت نظرتك للموضوع ح تعرف إنها ممكن تفيد أسرتك كلها.
وغيرو يقول ليك(أخواتا قعدن قبيلها تقري لشنو تشوف ليها عريس ينفعا)
ديل ممكن بقلة فهمهم وهم ما متعلمين يكون عندهم عذر مستوي فهمهم للبت ما بتعدي عندهم تغسل وتكوي تتزوج تربي الأولاد ما تعرف حاجه إسمها إعتراض علي كلام زول في البيت نهائي.
ديل هينين المصيبة في الزول المتعلم البتباهى بإنو حكم أختو أو زوجتو من القراية أو الشغل بس عشان يثبت إنو كلمتو هي البتمشي مافي زوول بقدر يغيرا ...
لما يكون مجتمعنا في نوع ديل وغيرهم الأسوء فيهم البتخذ الأيات والأحاديث كسلم ليو بدون ما يفهم المقصود منها شنو...
#السبب_منو..
التربية القائمة علي التفريق بين الولد والبت من أيام الطفوله أي شي جائز للولد حرام شرعا للبت . تغلظ البت دقها البنات ديل ما مصايب ساي وفتنه لازم تتأدب من بدري.
الولد يغلط أول رد تسمعوا ده ما ولد ما بعيبو شي يعمل اي حاجه ذنوبو مغفورة ‘ ولا في زول بسأل شوية شوية يحس إنو التحكم في أختو جزء من قوة شخصيتو ممكن عادي يبتاهي بيها قدام أصحابو وممكن تصل بيو لدرجة إنو يتحكم في أمو ماهي في النهاية مرا ورأي المرا وقرارتا ما بتمشي علي وهو بقي راجل ..
#المهم..
الناس البقولووا انتو الناقصكم شنو التعليم إتعلمتن وشغل إشتغلتن.
سؤال هل الفئة المتعلمة من البنات بمقدار العدد الكلي للبنات ولا ربعهم.
والتعليم دة الاغلبية إنعلمن بخوف وتهديد.
#نحنا ما عايزين شي غير المجتمع يتعامل معانا كإنسان كامل ما بعيبو شي .
وتتغيرو نظرة الدونية دي وفكرهم للبت إذا كان لليوم في مجتمعنا في ناس بعتبرو إنجاب البت عار .

عادي لثا يقولوا لي جات بت يجي يقيف للقابله ترجع البت ودي حقيقة حصلت وقريب. إنها الجاهليه الثانية.
إي ما كل المجتمع كده بس الأغلبيه دي نظرتهم..


#مخرج.
كونى إنت بإفكارك وثقتك بذاتك لا تجعل لهم مجالآ يجعلونك خلف الركب.
كونى إنت ولا تكونى وفق ما يتمنون..


تتواصل الرؤى..

#أقلام-حرة
#نسرينه.
للتواصل والتعليق راسلنا على

@Best_live_bot

يا صاحبي ربي معك..
حاشاه ان ينساك او ان يقطعك❤️

لي أنت دايماً بتفهم الحواليك ع حسب مزاجك!؟
وهم مجبورين أفهمو ع حسب كلامك!؟
تغلط ، وتغلط وتغلط
وتعتذر ع نفس الغلط
هل عشان هم طيبين معاك!؟
ولا عشان أنت م بتقصدك شيء! ؟
عارف وإن كان اساس علاقاتك قوي
ح تخرب! *
في مرات تصرف منك ممكن إخرب علاقة ليها سنين !*
ف كلام ممكن تقولو في لحظة غضب
ح أقعد زي الوشم ف قلب غيرك!*
في النهاية نحنا ما ملائكة ، عندنا طاقة محدودة !*
عارف إحساس أجامل في علاقة معاك
بس عشان أنت قلت ما عاوز تخسرني!
متخيل كمية السخف الان بعيشو لمن أتكلم معاك!؟
وإني مجبورة أتعامل معاك بي أدب !*
إحساس كان عندي ليك شيء
واسي بضحك للحالة الوصلنا ليها

بضحك من سذاجتك ف التعامل!*
إحساس تفلق وتداوي 😐
إحساس البراءة القاتلاك!*
إحساس أنا البفهم غلط !!!
طيب الحوليك!*
هل برضوا عندهم نفس المخ!
ولا نحنا البنتعمق أكثر!
تعبنا ياااخ من العلاقات
الزيف!!
الحياة بسيط زي ما بتقول
بس ما معاك🖐
من الليلة ح نكون غير !*
وزي ما قال الشاعر المخضرم
من غير مطرود افضل يلا يلا فارقني 🙈😂

*العلاقة أعلاه تقبل كل العلاقات
#Samar

وطريتك !
يوم الجمعة
وقت اللمة
وكل الشوق
الفيني إنجمة
لما طريتك وأتذكرك
بحبح صوتي
خانتني حروفي
وعجزت كل لغات
الدنيا عن تعبير
أشواقي وجوفي
#Samar

حينما إلتقيت به
أصابني العشق في مقتل!*
فسقطت طريحة الهوى
#Samar

الحب


إن الإنسان قبـل الحب شيء وعنـد الحب كل شيء وبعـد الحب لا شيء

الحـــــــــب
تجربة وجودية عميقة تنتزع الإنسان من وحدته القاسية الباردة
لكي تقدم له حرارة الحياة المشتركة الدافئة

تجربة إنسانية معقدة … وهو أخطر وأهم حدث يمر في حياة الإنسان
لأنه يمس صميم شخصيته وجوهره ووجوده … فيجعله يشعر وكأنه ولد من جديد

هو الذي ينقل الإنسان إلى تلك الواحات الضائعة
من الطهارة والنظارة والشعر والموسيقى لكي يستمتع
بعذوبة تلك الذكريات الجميلة التائهة في بيداء الروتين اليومي
وكأنما هي جنات من الجمال والبراءة والصفاء في وسط صحراء الكذب والتصنع والكبرياء.

وهو كالبحر حين تكون على شاطئه يقذفك بأمواجه بكرم
فائق يستدرجك بلونه وصفائه وروعته
ولكن حين تلقي بنفسك بين أحضانه لتبحث عن درره يغدر بك ويقذفك في أعماقه
ثم يقذف بك وأنت فاقد لإحساسك

لا ينطق عن الهوى وإنما هو شعور وإحساس يتغلغل في أعماقنـا
الحب مرآة الإنسان يعكس ما بداخلنا من عمق الوصف والخيال

الحــــــــــــــــب
كأحلام على ارض خرافية يلهينا عن الحاضر يشدنا ويجذبنا
فيعجبنا جبروته بالحب نحيا فهو الروح للجسد فلا حياة بدونه
وهو الأمل الذي يسكن أنفاسنا ويخاطب أفكارنا ليحقق آمالنا
هو سفينة بلا شراع تسير بنا إلى شاطئ الأمـان،
سماء صافيه وبحراً هادئ وبسمة حانية، يزلزل الروح والكيان ويفجر ثورة البركان

أخيراً الحب أسطـورة تعجـز البشريـة عـن إدراكهــا
إلا لمن صــدق في نطقهــا ومعناهـــا
الحب يقراء والحب يسمــع والحب يخاطبنــا ونخاطبــهويسعدنــا ونسعــده
وهو عطـراً وهمساً نشعـر بسعادتـه إذا صدقنـاه في أقوالنـاوأفعالنــا
بالحب تصبح ا لحياة جميلة لكي نحقق أهدافــاً قـد رسمناهــا
ولكن ما يقلق العاشقين فقط هـــو
احتمال أن تكـون الأقـدار تخبئ لهـم فراقـاً لم يكن في حسبــان أي من منهما


ليس الحب هو الذي يعذبنا ، ولكن من نحـــــــــــــب

هو عنوان الحياة, وهو أسمى ما في الوجود, فيه نحيا ونعيش
فيه الرغبة الصادقة في أمتلاك السعادة
هو سلامة النفس في أعماق الأبدية هو العلم الوحيد الذي كلما أبحرت فيه أزددت جهلا
هو مجرد ثرثرة والأصدقاء هم كل ما يعتد به
هو أضطراب الحياة.. والصداقة سكونها وراحتها
الحب أعمق..لكن الصداقة أوسع
لا تتزوج الا عن حب , ولكن تأكد أن من تحب هو جدير بحبك
الحب مرض, والزواج صحة , والمرض والصحة لا يلتقيان
أستمرار الحب بعد الزواج فن يجب تعلمه
لا تسأل صديقك كيف يحبك , فكثيرا ما يجهل الصديق كيف يحب صديقه
الحب الحقيقي كالعطر النادر يترك آثاره مهما طال به الزمن

 
هكذا معنا الحب
ولكن هذه الايام اغلب الشباب يستغلون روح الفتاة باسم الحب

في في نوع من الشباب بجو بيدخلو في حياة البت فجاة ويغمروها بالحب والاهتمام ويخلوها تتعلق بيهم ويحسسها انه ييغير عليها وانو هو عايزها وبيعشموها بالعرس ولما اجي تسالو من العرس يعتذر انو ما عندو قروش وظروفو كعبة ويقضي فترتو معاها و يخليها ويمشي للبعديها او بنلقي نوع تاني البييحب 4 بنات مع بعض وبيوري اصحابو بالونسة الدايرة بينهم
ولما تجي تسالو لي انت بتعمل كدا يقول ليك هي قلت ادب هي الادتني الفرصة انا استغل قلبها هي السبب في دا انا كل العملتو انو أديتها حب وبس واتسليت
وفي النوع البيقول ليك انا ما زول عرس انا عايز اتونس وبس وما عندي اخوات
طيب اذا ما عندك اخوات او ما عايز تعرس البتعملو في بنات الناس ربنا بيجازيك ليهو في نفسك دي

انت بتلعب باسم الحب وبتبني حياة للبت فجاة تحسسها أنها عايشة في وهم وتعيش في حالة نفسية لا يعلم بيها الا الله
وفي النهاية تطلع هي الغلطانة مع انها ضحية
انت لو كنت فهمتها غايتك من البداية ما كانت قبلت اصلا تستمر معاك
انت قايل البت دي شنو البت دي كينونة بنحس وبتشعر وما ضعيفة بس رومانسيا وانت هبشت الجانب دا ولعبت عليهو وقدرت تدمرها

لي اي ولد انت لو ما كنت راجل بمعني الكلمة ما تدخل في حساة بت عشان تقضي وقتك وتتونس وتمشي
لو ما عندك اخوات ولا عندك نيه في العرس اتزكر نفسك ياخي واتذكر كما تدين تدان

شوف القصة دي احتمال تستفيد منها
انا شاب ما عندي خوات ... والزواج شايلو من راسي ... و عبارة كما تدين تدان اتطبقت علي !
واي شي عملتو في بنات الناس ربنا شوه لي سمعتي وحياتي انقلبت رأسا ع عقب

ما تسلب قلب بت بطريقتك عشان تتسلي بيها وفي النهاية تمشي وتخليها كسر القلوب صعب شديييد انو يلتام
والبت ضحية ما مرتكبة الجريمة

#أقلام_حرة
#omnia_Mohamed

للتواصل التعليق راسلنا على
@Best_live_bot

#أضغاث_أقﻻم

محض أحروف نسجتها لك، لأرتديها ذات حنين!
سأكتب عن ذلك الغائب،
وسأكتب ذاك الألم المتربص بنا!
سأكتب عن ما عجزت البوح به
عني ، وعنك
عن الفرح المنسدل خﻻل أشعة الفرج
عن أمطار الوجع ،
عن خيباتنا، إنجازاتنا
عن تلك الطفلة الشقية داخلي
وعن فتى أحلامها
عن الحرب و السلم
الحب و الخيانة
أعترف بأني لست كاتبة، فقط أحبو نحو حرف جميل أهذي به لذا
سأجمع كل طياتي على دفتر
ويسرني أن بدت غداً مجهولة المصدر
-قناتكم
#كونوا_بالقرب
وشاركوني البوح بإعادة التوجية لأصدقائكم

https://telegram.me/samarmoh

ما زلت في سن الثلاث حب ، أتدرج في الحياة ، يافعة الأماني،ساذجة الأحلام
أتكأ على قلبي كثيراً وأنام في منتصف في منتصف الحلم .
مازلت أتأتأ في الحب ، وأركض مسرعة إذا أتيت، أترغب حضورك كبائع حلوى :)
اغفو ويداي ممكسه بأحلامك ، أخافك وأختبئ فيك!*
الهو على ضفافك ، أبني بيتا لنا هناك في تلك البقعة القابعة في قلبك♡~`
تهدمها أمواج الاقدر واعيد بنائها بمرح ألم اقل لك إني يافعة في الحب! ؟؟
أشعر بسعادة فائقة معك ، أحسني طفل مولود لتوه
أقسم أني ممتلئة بك
فالم اعد أرغب بشئ سواك
يقول نزار الحب ليس رواية شرقية بختامها يتزوج الأبطال
عزرا نزار سنتزوج، ونسكن منتصف القصيد
سننجب أبياتا من الحب
فالحب أسطورة قلبية بختامها تولود الأبيات

#samar

لي ركعة في العشق
لما نويتها أيقنت
أن وضؤها بدمائي !*

ﻷشئ سوى أني
ساعيد ترتيب المساء
بما يليق بخيبتي
#درويش

في مرات بتكون نفسك تعمل حاجات كتيرة،
تغير نفسك،تعمل حاجات بالك فيها من زمان بس خايف!
تكون بعيد عن أي شيء، حتى التلفون وكل وسائل التواصل .
مرات بتشتاق لي روحك!*
لي اﻻيام ديك!!
لي زمن كنت ، ما مجبور تجامل وﻻ تجي على روحك عشان زول :|
كان أهتمامك بي نفسك و أكبر مأسيك لمن ناس البيت ما إصحوك لمن العشاء سمح💔
لي زمن كنت بتفهم عﻻقتك بي الحوليك !*
بتعرف دا زعﻻن لي! ودا بحب شنو! دا انت بالنسبة ليو شنو!؟ وماف زول بتغير عليك ساي!!
زمن كان أكتر صعوباتك إنك تفهم الرياضيات و اﻻنجليزي😁 وكانوا الناس مرايات !!!
بس أسي إتغيرنا وأتغيرت حاجات كتيرة ، لا الناس هم الناس ، وﻻ نحنا نحنا!*
حتى الأماكن إتغيرت ،!
فقدنا إبتسامتنا، إحساسنا، إنسانيتنا ،
نقدر ناس وفجاءة نكتشف نحنا على الهامش! ونجاهل ناس ونحنا نكون كل حياتهم!*
مرتت بجيك إحساس تفضي قلبك بس بي غض النظر عن العواقب!
إتحملنا كتير، ، تعبنا من الصداقات البقت زيف، من الزول البتشتري وبكون بايعك من زمان ، تعبنا اي شئ!*
وجاء الوقت المفروض نقيف مع روحنا، نمسك بي يدنا ، ونمسح دموعنا !
نواسي روحنا، من حقنا نهدي هدايا لي روحنا:)
نطلع مشوار معاها و نفاجئها ، عشان بكرة م نندم
من الليلة كون غير:)
أعمل الببسطك وعيش حياتك ، وفي رب فوق مستحيل انساك خليك قريب منو♡

#Şamar

رسائل من الزمن الجميل😂

إحدى ليالي أكتوبر المليئة بالحنين!*
#مع_أحدهم

-خائفة أنا من مجهول يشمر ساعده نحو أحلامي ، من واقع خالي تمام منه ، من إحتضار حروفي بعيدا عنه!*
‏
هو -هي خوفي المتنامي كل صباح من تشرق الشمس و لا أجدها بقلبي لانها رحلت بعيدا لقد توقف إيماني بأن القلوب تظل كما هي رغم المسافات .
‏
-لا علاقة للمسافات بما في القلوب وحده الإيمان يا صديقي من يتغير، فأن تصاب بأحد يعني أن تشارف ع الهلاك وأنت ف أتم الاستعداد لذلك وإن رحل عنك

هو -علمتني الشمس مبدأ الانتهاء , لخريف الحب ثورة تأججت ببداية العشرينيات و ستذوب مع أطنان المسؤلية و هلع العيش ... تعود شمسها لتشروق بداخلي ما إن أدلف الي النوم تبا للوحده ي صديقة .
‏
-علمتني الشمس أيضاً أن كل نهاية ما هى الا شروق لبداية جديدة، فالحب لا ينتهي قد يأتي عليه حين فيهمد لكن سرعان ما تشعله رياح الحنين

#Şamar ‏