شيئان ..
أتأمل فيهما إلى حد بعيد..
ولادة طفل صغير.. وموت شيخ كبير..
لا أدري أهو الفضول الذي يلاحقني بأن أقارن ما بين الموت والحياة؟؟
وما بين الموت والولادة.. حياة..
لا نعلم كم عمرها.. لان ليس كل من عاش عاش.. وليس كل من مات مات. واعتقد انني أؤيد القول الذي يقول أن حياتنا تقاس بعدد نبضاتنا .. فلربما كنا أحياء بقلوب ميتة.. وأموات بقلوب حية.. حقا إنها تستحق التأمل..
#Isra
أتأمل فيهما إلى حد بعيد..
ولادة طفل صغير.. وموت شيخ كبير..
لا أدري أهو الفضول الذي يلاحقني بأن أقارن ما بين الموت والحياة؟؟
وما بين الموت والولادة.. حياة..
لا نعلم كم عمرها.. لان ليس كل من عاش عاش.. وليس كل من مات مات. واعتقد انني أؤيد القول الذي يقول أن حياتنا تقاس بعدد نبضاتنا .. فلربما كنا أحياء بقلوب ميتة.. وأموات بقلوب حية.. حقا إنها تستحق التأمل..
#Isra
في صمتها ضجيج كثير
ﻻ يفهمه اﻻهو...
لكنه يدعي التجاهل..
يعلم تمام م تشعر به ...
لكنه غير مبالي ...
ﻻتعلم ماذا تفعل؟!
فاﻻهتمام بعد السؤال
يعد شفقة!
ذنبها انها احبته
عذره لم ينتبه لوجودها
#فسحقا_لهكذا
بشر لم يشعروا
بوجدنا اﻻعند "الحاجة"
#Samar
ﻻ يفهمه اﻻهو...
لكنه يدعي التجاهل..
يعلم تمام م تشعر به ...
لكنه غير مبالي ...
ﻻتعلم ماذا تفعل؟!
فاﻻهتمام بعد السؤال
يعد شفقة!
ذنبها انها احبته
عذره لم ينتبه لوجودها
#فسحقا_لهكذا
بشر لم يشعروا
بوجدنا اﻻعند "الحاجة"
#Samar
لو أن جدي سمح لجدتي أن تقرأ بالخارج
لكنت اليوم كا أوليفيا ماينيغ !*
لو أنه لم يكترس لتلك العادات ، فقط لو تجرأ و كسر تقليد واحد فقط لكنا جميعاً أفضل مما نحن عليه !*
ففي بلدتي يحاربوني لأني إمرأة! !
ويفضلونه لأنه رجل!*
#Samar
لكنت اليوم كا أوليفيا ماينيغ !*
لو أنه لم يكترس لتلك العادات ، فقط لو تجرأ و كسر تقليد واحد فقط لكنا جميعاً أفضل مما نحن عليه !*
ففي بلدتي يحاربوني لأني إمرأة! !
ويفضلونه لأنه رجل!*
#Samar
اذا رأيت أحدا في مصيبة فاحمد الله على العافية.. فليس هناك فرق بينك وبينه الا رحمة الله ♡..
#الامام_علي
صباحكم عافية
#الامام_علي
صباحكم عافية
Forwarded from خربشات #نسرينة
#لسنا_نصف_مخلوق
#مدخل_أول:-
_فتاة أنا من رحم مجتمع ذا عقل عقيم لا يرانى سوى شيء ناقص وكلى إيمان بأن ذاك النقص لا وجود له سوى بعقولهم...
_العيب هو أن أظل واقفة مكاني خشية نظراتكم الساذجه ..
#مدخل_ثانى:-
مجتمعى العزيز بل أعنى أفراد مجتمعى
تهانينا قد جعلتم منا نصف مخلوق لا يحق له التنفس إلا تحت وصايتكم.
#بالدارجي_كدة
رغم تطور الزمن ونضج الأفكار لحد بعيد بس لسه مجتمعنا بتفس عقايدو ما إتغير منها شي
تجاه البت ..
بشوفها كأنها شي ما ليو أي أهمية بالواضح كأنها عدد زايد
تستخدم وقت الحاجه غير كده تكون مركون ما عندها حق إنها تعترض علي واقعا ده وتغيرو
أي ما كل البنات بس أغلبهم بعيشوا في الحال ده..
منو القرر إنو البت هي إتخلقت عشان تكون جزء مني شي إذا وجد وجدت ولو لا تكون ما ليها أثر
ودة الساعدة شخصية أغلب البنات مغمورة ما ليها وجود ما بتقدر تتصرف براها إتعودت علي إنها ترجع لغيرا.
ما بتقدر تساهم في أي شي حتي لو فكرت بتخاف لأنها مقيدة
حريتها بقدر تنفسها في كل الإتجاهات مطالبه إنها تكون مضاف للغير.
مجتمعنا سااعد كتير في التكوين السلبي لتكوين شخصية معظم البنات
بحيث إنها ما قادرة تفهم إنها كائن ربنا خلقو عشان يمارس حياتو زيو وزي باقي الكائن
ولازم تخلق ثقة تخليها ما تتواري خلف حجاب عشان تنفذ راغبتا.
عندها كامل الحق في إنها تكون عندها أهداف وطموحات تكون علي الواقع من بين دافاترة المدسوس في أبعد مكان خوف من يشوفا زوول..
بعضكم ممكن يقول ده زمان لا لسه وكتير كمان القليل بس من البنات اللقن حريتهن إنهن يكونن زي ما هن عايزات بدون ما تتبعهم نظرة النقص دي..
#المطلوب مننا نطلع إحساس النقص الإتزرع جوانا ده من زمان. بدون خوف أو تردد...
#أقلام_حرة
#نسرينه.
للتواصل والتعليق راسلنا على البوت
@Best_live_bot
#مدخل_أول:-
_فتاة أنا من رحم مجتمع ذا عقل عقيم لا يرانى سوى شيء ناقص وكلى إيمان بأن ذاك النقص لا وجود له سوى بعقولهم...
_العيب هو أن أظل واقفة مكاني خشية نظراتكم الساذجه ..
#مدخل_ثانى:-
مجتمعى العزيز بل أعنى أفراد مجتمعى
تهانينا قد جعلتم منا نصف مخلوق لا يحق له التنفس إلا تحت وصايتكم.
#بالدارجي_كدة
رغم تطور الزمن ونضج الأفكار لحد بعيد بس لسه مجتمعنا بتفس عقايدو ما إتغير منها شي
تجاه البت ..
بشوفها كأنها شي ما ليو أي أهمية بالواضح كأنها عدد زايد
تستخدم وقت الحاجه غير كده تكون مركون ما عندها حق إنها تعترض علي واقعا ده وتغيرو
أي ما كل البنات بس أغلبهم بعيشوا في الحال ده..
منو القرر إنو البت هي إتخلقت عشان تكون جزء مني شي إذا وجد وجدت ولو لا تكون ما ليها أثر
ودة الساعدة شخصية أغلب البنات مغمورة ما ليها وجود ما بتقدر تتصرف براها إتعودت علي إنها ترجع لغيرا.
ما بتقدر تساهم في أي شي حتي لو فكرت بتخاف لأنها مقيدة
حريتها بقدر تنفسها في كل الإتجاهات مطالبه إنها تكون مضاف للغير.
مجتمعنا سااعد كتير في التكوين السلبي لتكوين شخصية معظم البنات
بحيث إنها ما قادرة تفهم إنها كائن ربنا خلقو عشان يمارس حياتو زيو وزي باقي الكائن
ولازم تخلق ثقة تخليها ما تتواري خلف حجاب عشان تنفذ راغبتا.
عندها كامل الحق في إنها تكون عندها أهداف وطموحات تكون علي الواقع من بين دافاترة المدسوس في أبعد مكان خوف من يشوفا زوول..
بعضكم ممكن يقول ده زمان لا لسه وكتير كمان القليل بس من البنات اللقن حريتهن إنهن يكونن زي ما هن عايزات بدون ما تتبعهم نظرة النقص دي..
#المطلوب مننا نطلع إحساس النقص الإتزرع جوانا ده من زمان. بدون خوف أو تردد...
#أقلام_حرة
#نسرينه.
للتواصل والتعليق راسلنا على البوت
@Best_live_bot
"يا زمان الحاجة عندك..
يا زمان الآهة حدك..
لا تطى الوردة الصبية"
-1-
قصتي تشبه قصة وردة.. كانت برعم صغير.. يادوب بدت تتفتح .. داسوها وماتت!! قبل حتى تزهر..
اسمي سارة.. العمر ما شفت ليه شي.. باختصار لاني معتبرة نفسي ما عشت حياة اساسا.. المكان بقعة في ارض الوطن الجريح..
قبل ما احكي ليكم قصتي محتاجة بس الناس اللسع في قلوبها ذرة رحمة.. لو قلبك حجر ما تقرا كلامي لانه ما حيأثر فيك.. انا ما محتاجة شي غير اني اوصل ليكم معاناتي وانتو تسمعوني.. وانا متأكدة انه في ايدكم في كتير..
بداية قصتي كان في يوم اسود.. يوم انا يادوب حابدا اعيش الحياة.. كنت طفلة زي الاطفال بلعب واجري.. بالرغم من كل شي كنت بفرح من قلبي.. وكان عندي امل في بكرة ..
كنت بحب ابوي وامي جدا.. كان نفسي اقدم ليهم شي وابقى حاجة ترفع راسهم.. بس للاسف ما كل البنتمناه يتحقق..
ابوي كان راجل بسيط .. والدنيا عصفت بيه كتير.. امي مرة ملانة حنية.. وانا متأكدة لو كنا في ظروف احسن ما كان حصل لي كدة..
يوم من الايام كنت بلعب نادوني.. قالو لي سلمي على الراجل دة.. راجل قدر ابوي.. المهم انا سلمت وجريت العب تاني..
ما كنت قايلة انه الوش الشفته دة هو الحيكون سبب لكرهي الحياة.. كنت طفلة بريئة وبحب الحلاوة جدا.. المهم تاني يوم امي قالت لي تعالي وادتني حلاوة.. وقالت لي نحن حنعرس ليك.. الوقت داك ما كنت فاهمة العرس يعني شنو اصلا.. قايلاه حاجة سمحة وفرحت..
والايام مشت وجا اليوم المشؤوم .. يوم العرس.. العريس كان الراجل الكبير القدر ابوي داك.. المتزوج قبل كدة تلاتة!!! ...والعروس انا البت الما تمت 8 سنوات !!!عارفة في ناس حيستغربوا لكن والله بيحصل وفي بلدنا دي للاسف!!!
ليكم تتخيلوا معاناة طفلة.. رموها للجحيم.. وهي يادوب عاوزة تشوف الحياة.. لاحقا عرفت انه الراجل دة كان مدين ابوي.. وعشان ما يسجنه قال ليه وبكل بشاعة عرس لي بتك !!! ابوي ما كان عنده قروش.. كيف ونحن 8 الوقت داك.. واساسا في بلدنا عااادي البنات بيعرسوا من عمر 10.. هو وافق بس اشترطليه تخليها عندك سنتين وما تدخل عليها لحدي ما تكبر..
وطبعا.. ولا وفى بالشرط ولا حاجة !!!! ليلة الدخلة .. افظع يوم مر علي.. كان قدامي وحش بس.. وانا كرهت اليوم الولدوني فيه!!!! ..
ليكم تتخيلوا حجم معاناتي وانا يادوب طفلة عمرها 8 سنين.. ومتزوجة!!! واول يوم ليها في العرس رقدوها المستشفى!!! حصل لي نزيف شديد..
والأسوأ من كدة.. بقى عندي ناسور بولي" الناسور البولي هو تهتك الجدار ما بين المهبل والمثانة البولية".. وبقيت عندي بول لا ارادي.. رقدت فترة طويييييلة شديد في المستشفى .. من عملية للتانية بس للاسف التمزق كان كبير.. وزوجي.. اقصد الشخص الما عنده رحمة مل من رقادي وطلقني بعد شهر وااااحد بس!!!!! ليه عشان قال بتكم دي باظت !!!!!
طفلة عمرها 8 سنين.. مطلقة!!!!
وللان ما زلت اعاني.. مع انه مرت على الحادثة دي سنوات. بس اثرها ما زال في نفسي.. لاني باختصار.. اعتزلت العالم بسبب الريحة الما حلوة.. وللان بلبس حفاضات !!!!
كرهت المجتمع البيخلي البت تعرس وهي طفلة. كرهت الرجال البيحبو يعذبو بنات صغار .. كرهت الحوجة البتخلي الابو يطاطي راسه ويضحي بي بته!!! كرهت اي راجل حيوان وما عنده رحمة .. وما عنده هم غير اشباع رغباته!!! كرهت القانون البيخلي البت تعرس من عمر 10 سنة !!!! وكأنه القانون زاته يساعد على العنف ضد الاطفال!!!
في بلد ما فيها رحمة.. ما لينا غير الله والدعاء!!! .. عارفة قصتي مؤلمة بس كتبتها عشان بامكانكم تغيرو كتير.. بامكانكم تحافظوا على ورداتكم البنات الصغار.. وما تسمحوا لي زول انه يدوسهم... او يغتال براءتهم وطفولتهم!!
اختك.. بتك.. اماااااانة بيسألك منها ربنا!! اتخيل يوم العرض تقيف قدام ربنا ويسألك منها!!! وانت ما عندك رد غير انك سكتت على الحق.. خفت من المجتمع وما خفت من ربنا !! مجتمع بائس!!! اتمنى رسالتي تكون وصلت لقلوبكم الرحيمة.. وبامكانك تغير كتير يا اخوي ويا ابوي.. بامكانك تخلي الوردة تنمو وتكبر..
ملاحظة: الشخصيات الواردة في القصة غير حقيقية والقصة مستوحاة من الواقع..
#مكتوب_بحرقة
#أقلام_حرة
#Isra
للتواصل والتعليق راسلنا على البوت
@Best_live_bot
يا زمان الآهة حدك..
لا تطى الوردة الصبية"
-1-
قصتي تشبه قصة وردة.. كانت برعم صغير.. يادوب بدت تتفتح .. داسوها وماتت!! قبل حتى تزهر..
اسمي سارة.. العمر ما شفت ليه شي.. باختصار لاني معتبرة نفسي ما عشت حياة اساسا.. المكان بقعة في ارض الوطن الجريح..
قبل ما احكي ليكم قصتي محتاجة بس الناس اللسع في قلوبها ذرة رحمة.. لو قلبك حجر ما تقرا كلامي لانه ما حيأثر فيك.. انا ما محتاجة شي غير اني اوصل ليكم معاناتي وانتو تسمعوني.. وانا متأكدة انه في ايدكم في كتير..
بداية قصتي كان في يوم اسود.. يوم انا يادوب حابدا اعيش الحياة.. كنت طفلة زي الاطفال بلعب واجري.. بالرغم من كل شي كنت بفرح من قلبي.. وكان عندي امل في بكرة ..
كنت بحب ابوي وامي جدا.. كان نفسي اقدم ليهم شي وابقى حاجة ترفع راسهم.. بس للاسف ما كل البنتمناه يتحقق..
ابوي كان راجل بسيط .. والدنيا عصفت بيه كتير.. امي مرة ملانة حنية.. وانا متأكدة لو كنا في ظروف احسن ما كان حصل لي كدة..
يوم من الايام كنت بلعب نادوني.. قالو لي سلمي على الراجل دة.. راجل قدر ابوي.. المهم انا سلمت وجريت العب تاني..
ما كنت قايلة انه الوش الشفته دة هو الحيكون سبب لكرهي الحياة.. كنت طفلة بريئة وبحب الحلاوة جدا.. المهم تاني يوم امي قالت لي تعالي وادتني حلاوة.. وقالت لي نحن حنعرس ليك.. الوقت داك ما كنت فاهمة العرس يعني شنو اصلا.. قايلاه حاجة سمحة وفرحت..
والايام مشت وجا اليوم المشؤوم .. يوم العرس.. العريس كان الراجل الكبير القدر ابوي داك.. المتزوج قبل كدة تلاتة!!! ...والعروس انا البت الما تمت 8 سنوات !!!عارفة في ناس حيستغربوا لكن والله بيحصل وفي بلدنا دي للاسف!!!
ليكم تتخيلوا معاناة طفلة.. رموها للجحيم.. وهي يادوب عاوزة تشوف الحياة.. لاحقا عرفت انه الراجل دة كان مدين ابوي.. وعشان ما يسجنه قال ليه وبكل بشاعة عرس لي بتك !!! ابوي ما كان عنده قروش.. كيف ونحن 8 الوقت داك.. واساسا في بلدنا عااادي البنات بيعرسوا من عمر 10.. هو وافق بس اشترطليه تخليها عندك سنتين وما تدخل عليها لحدي ما تكبر..
وطبعا.. ولا وفى بالشرط ولا حاجة !!!! ليلة الدخلة .. افظع يوم مر علي.. كان قدامي وحش بس.. وانا كرهت اليوم الولدوني فيه!!!! ..
ليكم تتخيلوا حجم معاناتي وانا يادوب طفلة عمرها 8 سنين.. ومتزوجة!!! واول يوم ليها في العرس رقدوها المستشفى!!! حصل لي نزيف شديد..
والأسوأ من كدة.. بقى عندي ناسور بولي" الناسور البولي هو تهتك الجدار ما بين المهبل والمثانة البولية".. وبقيت عندي بول لا ارادي.. رقدت فترة طويييييلة شديد في المستشفى .. من عملية للتانية بس للاسف التمزق كان كبير.. وزوجي.. اقصد الشخص الما عنده رحمة مل من رقادي وطلقني بعد شهر وااااحد بس!!!!! ليه عشان قال بتكم دي باظت !!!!!
طفلة عمرها 8 سنين.. مطلقة!!!!
وللان ما زلت اعاني.. مع انه مرت على الحادثة دي سنوات. بس اثرها ما زال في نفسي.. لاني باختصار.. اعتزلت العالم بسبب الريحة الما حلوة.. وللان بلبس حفاضات !!!!
كرهت المجتمع البيخلي البت تعرس وهي طفلة. كرهت الرجال البيحبو يعذبو بنات صغار .. كرهت الحوجة البتخلي الابو يطاطي راسه ويضحي بي بته!!! كرهت اي راجل حيوان وما عنده رحمة .. وما عنده هم غير اشباع رغباته!!! كرهت القانون البيخلي البت تعرس من عمر 10 سنة !!!! وكأنه القانون زاته يساعد على العنف ضد الاطفال!!!
في بلد ما فيها رحمة.. ما لينا غير الله والدعاء!!! .. عارفة قصتي مؤلمة بس كتبتها عشان بامكانكم تغيرو كتير.. بامكانكم تحافظوا على ورداتكم البنات الصغار.. وما تسمحوا لي زول انه يدوسهم... او يغتال براءتهم وطفولتهم!!
اختك.. بتك.. اماااااانة بيسألك منها ربنا!! اتخيل يوم العرض تقيف قدام ربنا ويسألك منها!!! وانت ما عندك رد غير انك سكتت على الحق.. خفت من المجتمع وما خفت من ربنا !! مجتمع بائس!!! اتمنى رسالتي تكون وصلت لقلوبكم الرحيمة.. وبامكانك تغير كتير يا اخوي ويا ابوي.. بامكانك تخلي الوردة تنمو وتكبر..
ملاحظة: الشخصيات الواردة في القصة غير حقيقية والقصة مستوحاة من الواقع..
#مكتوب_بحرقة
#أقلام_حرة
#Isra
للتواصل والتعليق راسلنا على البوت
@Best_live_bot
-2-
"عزيز أنت يا وطني برغم قساوة المحن "
وزي ما كلو أبو وأم بتمنوا اولادهم إكونوا ناجحين ومتفوقين ، أنا أهلي كانوا بتمنوا أكون يا مهندسة يا دكتورة!
أنا اسمي آمنة بت في أربعة أولاد أتولدت في إسرة بسسيطة شديييييد
من قمت بحب القراية ، نفس أكون زول ليهو قيمة ، قدر م أعاين لي شيب ابوي بقرا!*
وقدر م أعاين لي أمي اليدينا أتحجرو من الغسيل للناس بقرا أكتر !!
كبرت وأنا عندي هم واحد بس أرفع أمي وابوي ديل ، كل يوم بتمنى السنين تجري
عشان أشتغل و أوقف امي من الغسيل!
عشان أحمي ابوى من الشمس الحارة اليومي هو قاعد فيها
عشان عبدوي أخوي إقرا ف احسن المدارس
م زي بمش بي كيس وبي هدوم جيرانا البتصدقوا لينا بيها ، وبرضوا الحمدلله
مرت السنوات ونحنا ف نفس الحالة وإمكن أسوء على ابوي وامي المطالب كترت و العيال كبرو !*
الله كان كريم علي أتوفق وجبت نسبة كبيرة ودخلت طب ، ولانو الطب قرايتو كتيرة كنت بساهر وعشان وضعنا و ما إزيد الضغط على أهلي كنت بدل الفطور بشتري الشيات ،
وبدل التلفون النوكيا أشتريت مراجع
عشان كانت طموحي أكبر من جوع ومظاهر! *
بقيت هزيلة و شاحبة برضو م هاميني أي زول بشوفني بعلق وكنت بزيد إصرار
يوم وانا طالعة من البيت وقعدت وما حسيت الا ابوي وعبدو أخوي متكلني وانا داخلة على الدكتور وزي اي إجراء طبيعي فحصت الدم !*
جات النتيجة وقال الدكتور
مبروك بتكم حامل!*
اي حااااااامل قبل ما أرفع راسي اعاين ليو
عبودي أخوي الصغير اداني كف ياهوو ذاتو أخوي الصغير الانا شلتو ، الكنت بدي من عيشتي وبنوم جعانة!!
قبل م أشعر بي الم الكف
أبوي يااهو نفس الراجل الرباني ، والشالني في يدو ، الكنت لمن إجي بجي واتعلق في رقبتو غزا المشرط في قلبي
نفس اليد ونفس الزول الكان سندي الليلة
قتلني عشان شنو! !!!
عشان خايف من كلام الناس!؟
عشان ما وثق في تربتو وانتظر إعيدو الفحص!*
عشان مجتمع م برحم!*
تفتكرو وأنا بطلع ف الروح ح افرق معاي ابوي إعرف الحقيقية وإنو نتجتي حقت الملاريا إتبدلت مع عروس جاية تفحص وعندنا نفس الاسم !!!!!!!
هل ضعف الدم والملاريا بتشفع لي!!!!
هل الشرف الأنا أتقتل عشانو بغفر لي أبوي او ح احقق احلامي اللسة ما قامت !!!!!
فالنفرض كنت حامل صااااح دا بدي أبوي الحق إنو إكتلني !!!!!
قبل ما أنفاسي الأخيرة تطلع
أنا فرحانة عارفين لي!!!
عشان ح ارتاح من مجتمع أنا ليو ولا شئ
عشان لو كنت حامل جد كنتو برئتو الولد وبقيت أنا الغلطانة براي!*
عشان التفكير المغرف العندكم انا فرحانة
عشان ح أنضم لي مظلومات كتار !!!
أنا ح أموت ولسة ما قفلت 18 سنة!!!
بس قفل قرنين من الظلم
*ملحوظة:
القصة من نسج الخيال طغت عليها أقدام الواقع*!
#أقلام_حرة
#Samar
للتواصل والتعليق راسلنا على البوت
@Best_live_bot
"عزيز أنت يا وطني برغم قساوة المحن "
وزي ما كلو أبو وأم بتمنوا اولادهم إكونوا ناجحين ومتفوقين ، أنا أهلي كانوا بتمنوا أكون يا مهندسة يا دكتورة!
أنا اسمي آمنة بت في أربعة أولاد أتولدت في إسرة بسسيطة شديييييد
من قمت بحب القراية ، نفس أكون زول ليهو قيمة ، قدر م أعاين لي شيب ابوي بقرا!*
وقدر م أعاين لي أمي اليدينا أتحجرو من الغسيل للناس بقرا أكتر !!
كبرت وأنا عندي هم واحد بس أرفع أمي وابوي ديل ، كل يوم بتمنى السنين تجري
عشان أشتغل و أوقف امي من الغسيل!
عشان أحمي ابوى من الشمس الحارة اليومي هو قاعد فيها
عشان عبدوي أخوي إقرا ف احسن المدارس
م زي بمش بي كيس وبي هدوم جيرانا البتصدقوا لينا بيها ، وبرضوا الحمدلله
مرت السنوات ونحنا ف نفس الحالة وإمكن أسوء على ابوي وامي المطالب كترت و العيال كبرو !*
الله كان كريم علي أتوفق وجبت نسبة كبيرة ودخلت طب ، ولانو الطب قرايتو كتيرة كنت بساهر وعشان وضعنا و ما إزيد الضغط على أهلي كنت بدل الفطور بشتري الشيات ،
وبدل التلفون النوكيا أشتريت مراجع
عشان كانت طموحي أكبر من جوع ومظاهر! *
بقيت هزيلة و شاحبة برضو م هاميني أي زول بشوفني بعلق وكنت بزيد إصرار
يوم وانا طالعة من البيت وقعدت وما حسيت الا ابوي وعبدو أخوي متكلني وانا داخلة على الدكتور وزي اي إجراء طبيعي فحصت الدم !*
جات النتيجة وقال الدكتور
مبروك بتكم حامل!*
اي حااااااامل قبل ما أرفع راسي اعاين ليو
عبودي أخوي الصغير اداني كف ياهوو ذاتو أخوي الصغير الانا شلتو ، الكنت بدي من عيشتي وبنوم جعانة!!
قبل م أشعر بي الم الكف
أبوي يااهو نفس الراجل الرباني ، والشالني في يدو ، الكنت لمن إجي بجي واتعلق في رقبتو غزا المشرط في قلبي
نفس اليد ونفس الزول الكان سندي الليلة
قتلني عشان شنو! !!!
عشان خايف من كلام الناس!؟
عشان ما وثق في تربتو وانتظر إعيدو الفحص!*
عشان مجتمع م برحم!*
تفتكرو وأنا بطلع ف الروح ح افرق معاي ابوي إعرف الحقيقية وإنو نتجتي حقت الملاريا إتبدلت مع عروس جاية تفحص وعندنا نفس الاسم !!!!!!!
هل ضعف الدم والملاريا بتشفع لي!!!!
هل الشرف الأنا أتقتل عشانو بغفر لي أبوي او ح احقق احلامي اللسة ما قامت !!!!!
فالنفرض كنت حامل صااااح دا بدي أبوي الحق إنو إكتلني !!!!!
قبل ما أنفاسي الأخيرة تطلع
أنا فرحانة عارفين لي!!!
عشان ح ارتاح من مجتمع أنا ليو ولا شئ
عشان لو كنت حامل جد كنتو برئتو الولد وبقيت أنا الغلطانة براي!*
عشان التفكير المغرف العندكم انا فرحانة
عشان ح أنضم لي مظلومات كتار !!!
أنا ح أموت ولسة ما قفلت 18 سنة!!!
بس قفل قرنين من الظلم
*ملحوظة:
القصة من نسج الخيال طغت عليها أقدام الواقع*!
#أقلام_حرة
#Samar
للتواصل والتعليق راسلنا على البوت
@Best_live_bot
الليلة بدينا حملة
#أقلام_حرة
وما كنا واثقين من نجاحها ولا لا
بس شعور ومفاهيم فينا حبينا نوصلا
بي غض النظر عن النتيجة ح تكون شنو و
م تتخيلوا التعاليق كانت إيجابية كيف😍😍😍😍😍😍😍
المهم سعاااااادة يااااخ الليلة ❤️❤️❤️❤️
#Samar
#أقلام_حرة
وما كنا واثقين من نجاحها ولا لا
بس شعور ومفاهيم فينا حبينا نوصلا
بي غض النظر عن النتيجة ح تكون شنو و
م تتخيلوا التعاليق كانت إيجابية كيف😍😍😍😍😍😍😍
المهم سعاااااادة يااااخ الليلة ❤️❤️❤️❤️
#Samar