Toyloq va Jomboy tuman hokimlari hamkorlik memorandumini imzolashdi

Bugun har bir sohada ulkan o‘zgarishlar, yangilanishlar bo‘lmoqda. Xususan, xalq ta’limi tizimida ham keyingi yillarda salmog‘i o‘n yilliklarga teng tub burilishlar amalga oshirildi. Yoshlarning ertangi kuni, taqdiri uchun bor imkoniyatlardan foydalanib, maktablarda ta’lim sifatini yanada oshirishga e’tibor qaratilmoqda.
Bugun Toyloq va Jomboy tuman hokimlari ta’lim sifatini oshirishga qaratilgan hamkorlik memorandumini imzolashdi.
Bundan ko‘zdlangan maqsad umumiy o‘rta ta’lim maktablarining faoliyat samaradorligini oshirish, ularda faoliyat yurituvchi pedagoglar o‘rtasida sog‘lom raqobat muhitini yaratish, umumiy o‘rta ta’lim muassasalarida ta’lim oluvchi o‘quvchi yoshlarning ta’lim va tarbiya sifatini mustahkamlash, ularni jismoniy chiniqtirish, ularning sport sohasidagi qobiliyatini namoyon qilishdan iborat.
O‘zaro hamkorlik memorandumiga Toyloq va Jomboy tumanlaridagi barcha umumiy o‘rta ta’lim muassasalari qamrab olinadi.