Samarqand TVR | MTRK

TIZIM UYGʻONMOQDA

Bu — oddiy shior emas. Bu — jamiyat vijdonining uygʻonishi, adolatga boʻlgan ehtiyojning yana bir bor namoyon boʻlishi. Yashirin iqtisodiyot — bu nafaqat raqamlardagi kamchilik, balki ishonchga tushgan soya, taraqqiyot yoʻlidagi koʻrinmas toʻsiqdir.

Bugun soliq idoralari oldida turgan vazifa — faqat tushumni oshirish emas. Bu — shaffoflikni qaror toptirish, halol mehnatni qadrlash, har bir fuqaroning ertangi kuniga boʻlgan ishonchini mustahkamlashdir. Zero, adolatli tizim — bu kuchli davlat poydevoridir.

Soliq qoʻmitasi va Toshkent shahar soliq boshqarmasi hamkorlikda tayyorlangan “Shahar bedarvoza emas” nomli videorolik aynan shu gʻoyalarning amaliy ifodasidir. Bu — ogohlik ramzi. Bu — har qanday shubhali operatsiyalar zanjiri aniqlanishi va uzilishi muqarrarligini anglatadi. Chunki zamonaviy jamiyatda yashirin qolish imkoni kun sayin kamaymoqda.

Raqamli izlar, tahlillar va hamkorlik — barchasi bir maqsadga xizmat qiladi: qonun ustuvorligi.

Prezidentimiz tomonidan belgilab berilgan ustuvor vazifalar — bu yoʻl xaritasi, lekin uning ijrosi har bir masʼul xodimning vijdoni va sadoqatiga bogʻliq.

Keskin kurash — bu jazo berish emas, balki tizimni sogʻlomlashtirish, iqtisodiyotni “oqlash” va jamiyatni poklash jarayonidir.

Zero, haqiqat shundaki: yashirin iqtisodiyotga qarshi kurash — bu davlat va jamiyatning birgalikdagi harakati. Har bir halol toʻlangan soliq — bu maktablar, yoʻllar, shifoxonalar va kelajakka qoʻyilgan sarmoyadir.

Tizim uygʻondi. Endi navbat — ongning uygʻonishida.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹You tube

287 viewsedited 12:52

⚡️Murojaatlar qabuli – muammolar yechimi

👮‍♀️ Samarqand viloyati hududiy qurilish va uy-joy kommunal xo‘jaligi nazorati inspeksiyasi tomonidan aholi muammolarini joyida o‘rganish va ularga tezkor yechim topish maqsadida navbatdagi sayyor qabul Pastdarg‘om tumanida tashkil etildi.

🖥 Inspeksiya boshlig‘i A.Shukurov rahbarligida o‘tgan qabulda tuman hokimi o‘rinbosari Sh.Doniyarov, shuningdek, sohaga aloqador tashkilotlar rahbarlari va mas’ul xodimlar ishtirok etdi. Ochiq muloqot ruhida o‘tgan qabul davomida fuqarolar o‘zlarini qiziqtirgan masalalar yuzasidan murojaat va takliflarini bevosita mas’ullarga yetkazish imkoniga ega bo‘lishdi.

📊 Qabul jarayonida Pastdarg‘om tumani hamda boshqa hududlardan kelgan fuqarolar tomonidan 15 dan ortiq turli masaladagi murojaatlar bildirildi. Xususan, ko‘p kvartirali uylarni foydalanishga qabul qilish, noqonuniy qurilgan obyektlarni qonuniylashtirish, boshqaruv servis kompaniyalarining majburiy to‘lovlari hamda ichimlik suvi sifati bilan bog‘liq muammolar asosiy mavzulardan bo‘ldi.

✅ Barcha murojaatlar belgilangan tartibda ro‘yxatga olinib, ijroga yo‘naltirildi. Inspeksiya vakolati doirasiga kiruvchi masalalar tegishli mutaxassislarga biriktirildi va ijrosi nazoratga olindi. Inspeksiya vakolat doirasiga kirmaydigan murojaatlar esa qonuniy tartibda tegishli idoralarga yuborilishi ma’lum qilindi.

❗️Ta’kidlash kerakki, bunday sayyor qabullar aholi bilan muloqotni yanada mustahkamlab, joylardagi muammolarni tezkor hal etishda muhim ahamiyat kasb etadi.