🎖 Ikkinchi jahon urushi qatnashchisi Ahad Ochilov holidan xabar olindi

🏘 Samarqand viloyati Qurilish va uy-joy kommunal xo‘jaligi bosh boshqarmasi boshlig‘i Bahodir Negmatov boshchiligidagi boshqarma jamoasi 9-may – Xotira va qadrlash kuni munosabati bilan Ikkinchi jahon urushi qatnashchisi, mehnat va jasorat namunasi bo‘lgan Ahad bobo Ochilov xonadoniga tashrif buyurib, nuroniy faxriy holidan xabar olindi.

➡️ Tashrif davomida Ahad bobo kelayotgan 9-may – Xotira va qadrlash kuni bilan samimiy muborakbod etilib, Ikkinchi jahon urushi yillarida ko‘rsatgan mardligi, matonati hamda bugungi tinch va osuda hayotimiz yo‘lida qo‘shgan munosib hissasi uchun chuqur ehtirom va minnatdorlik bildirildi.

➡️ Samimiy va iliq ruhda o‘tgan suhbat davomida nuroniy otaxon bugungi dorilamon kunlar, yurtimizdagi tinchlik-osoyishtalik va xalqimiz farovonligidan mamnun ekanligini alohida ta’kidlab, yosh avlodni Vatanga sadoqat, yurtga mehr va milliy qadriyatlarga hurmat ruhida tarbiyalash har birimizning muqaddas burchimiz ekanini qayd etdi.

✅ Shuningdek, Ahad bobo xalqimiz va yurtimiz ravnaqi uchun ezgu tilaklar bildirib, duoga qo‘l ochdi. Tashrif davomida nuroniy faxriyga esdalik sovg‘alari hamda gullar topshirildi.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹You tube

Samarqandda jasorat va fidoyilik yod etildi

9-may – Xotira va qadrlash kuni munosabati bilan Samarqand viloyati hokimligi, Markaziy harbiy okrug qo‘mondonligi, kuch tuzilmalari hamda davlat va jamoat tashkilotlari vakillari ishtirokida Samarqand shahridagi Xotira maydonida joylashgan Motamsaro Ona yodgorligi poyiga gulchambar qo‘yish marosimi bo‘lib o‘tdi.

Tadbir davomida xalqimizning Ikkinchi jahon urushi yillarida ko‘rsatgan jasorati va fidoyiligi yod etilib, urushda halok bo‘lgan yurtdoshlarimiz xotirasi hurmat bilan tilga olindi.

Motamsaro Ona yodgorligi poyiga qo‘yilgan har bir gul va ehtirom ifodasi – xalqimizning o‘z tarixiga, ozodlik va tinchlik yo‘lida jon fido qilgan insonlar xotirasiga bo‘lgan cheksiz hurmatining yorqin timsolidir.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹You tube