⚡️Murojaatlar qabuli – muammolar yechimi

👮‍♀️ Samarqand viloyati hududiy qurilish va uy-joy kommunal xo‘jaligi nazorati inspeksiyasi tomonidan aholi muammolarini joyida o‘rganish va ularga tezkor yechim topish maqsadida navbatdagi sayyor qabul Pastdarg‘om tumanida tashkil etildi.

🖥 Inspeksiya boshlig‘i A.Shukurov rahbarligida o‘tgan qabulda tuman hokimi o‘rinbosari Sh.Doniyarov, shuningdek, sohaga aloqador tashkilotlar rahbarlari va mas’ul xodimlar ishtirok etdi. Ochiq muloqot ruhida o‘tgan qabul davomida fuqarolar o‘zlarini qiziqtirgan masalalar yuzasidan murojaat va takliflarini bevosita mas’ullarga yetkazish imkoniga ega bo‘lishdi.

📊 Qabul jarayonida Pastdarg‘om tumani hamda boshqa hududlardan kelgan fuqarolar tomonidan 15 dan ortiq turli masaladagi murojaatlar bildirildi. Xususan, ko‘p kvartirali uylarni foydalanishga qabul qilish, noqonuniy qurilgan obyektlarni qonuniylashtirish, boshqaruv servis kompaniyalarining majburiy to‘lovlari hamda ichimlik suvi sifati bilan bog‘liq muammolar asosiy mavzulardan bo‘ldi.

✅ Barcha murojaatlar belgilangan tartibda ro‘yxatga olinib, ijroga yo‘naltirildi. Inspeksiya vakolati doirasiga kiruvchi masalalar tegishli mutaxassislarga biriktirildi va ijrosi nazoratga olindi. Inspeksiya vakolat doirasiga kirmaydigan murojaatlar esa qonuniy tartibda tegishli idoralarga yuborilishi ma’lum qilindi.

❗️Ta’kidlash kerakki, bunday sayyor qabullar aholi bilan muloqotni yanada mustahkamlab, joylardagi muammolarni tezkor hal etishda muhim ahamiyat kasb etadi.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#Rasman

1-maydan boshlab Samarqand shahar jamoat transportida naqd pul qabul qilinmaydi.

Jamoat transportida xizmat sifatini oshirish, sohada yashirin iqtisodiyotning oldini olish, haydovchilarni ortiqcha vazifalardan ozod qilish maqsadida yo‘lkira haqini to‘lashda to‘liq elektron to‘lov usuliga o‘tish masalasi Xalq deputatlari viloyat Kengashining 29-sessiyasida ko‘rib chiqildi va ma’qullandi.

Qarorga koʻra, joriy yilning 1-may sanasidan boshlab, avtobus, elektrobus va tramvayda yo‘lkira haqini bank plastik va ATTO yagona transport kartasi, shuningdek, QR kodli chipta orqali amalga oshirish mumkin.
.
Yo‘lkira haqini transport va bank kartasi orqali amalga oshirilganda 1 martalik cheklangan tarif miqdori 2 000 (ikki ming) so‘mni tashkil etadi. Shuningdek, yo‘lkira haqini QR kodli chipta orqali to‘lash 4000 (toʻrt ming) soʻm etib belgilandi.

Eslatib o‘tamiz, yo‘lkira haqini to‘lashda haydovchilar tomonidan naqd pul qabul qilinmaydi.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹You tube

🏠 ЁШ ОИЛАЛАРГА ЯНГИ ИМКОНИЯТЛАР

Шавкат Мирзиёев фармонига кўра, ёш оилаларга уй-жой сотиб олишда имтиёзлар
берилади.

💰 Тўловнинг бир қисми давлат томонидан қоплаб берилиши белгиланди.

📅 2027 йилдан бошлаб ипотека орқали уй олиш имкониятлари янада кенгаяди.

Уй олиш осонлашса, орзулар ҳам тезроқ рўёбга чиқади

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹You tube