Samarqand shahrining “Nurli yo‘l” mahallasida O‘zbekiston Respublikasi Prezidentining 73-sonli qaroriga muvofiq rejalashtirilgan renovatsiya loyihalarini amalga oshirish yuzasidan izchil amaliy ishlar olib borilmoqda.
Xususan, mahalla hududida joylashgan turar joy binolari va inshootlar bo‘yicha kompensatsiya masalalarini qonuniy tartibda hal etish, shuningdek, fuqarolarning roziligini inobatga olgan holda ishlarni tashkil etishga alohida e’tibor qaratilmoqda.
Shu bilan birga, davlat tashkilotlari rahbarlari hamda mutasaddi idoralar vakillari tomonidan aholi bilan uchrashuvlar tashkil etilib, keng qamrovli tushuntirish ishlari olib borilmoqda.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

Buyuk sarkarda Amir Temur tavalludining 690 yilligi Toyloqda keng nishonlandi

✔️Toyloq tumanida buyuk sarkarda Amir Temur tavalludining 690 yilligi munosabati bilan keng qamrovli ma’naviy-ma’rifiy, intellektual va sport tadbirlari tashkil etilib, yosh avlodni vatanparvarlik, tarixiy xotiraga hurmat hamda sog‘lom turmush tarzi ruhida tarbiyalashga qaratilgan muhim tashabbuslar amalga oshirildi.

✔️Toyloq tumani hokimligi tashabbusi bilan o‘tkazilgan ushbu tadbirlar doirasida, avvalo, “Amir Temur tafakkuri” nomli shaxmat musobaqasi bo‘lib o‘tdi. Amir Temur oyligi doirasida tashkil etilgan mazkur musobaqa 6–8-aprel kunlari Toyloq tumanidagi 1-son texnikum binosida o‘tkazildi. Unda 7 yoshdan 70 yoshgacha bo‘lgan jami 70 nafar shaxmatchi 4 ta guruhda o‘zaro kuch sinashdi. Uch kun davom etgan murosasiz va qizg‘in bahslar yakunida 12 nafar ishtirokchi g‘olib hamda sovrindor sifatida e’tirof etildi. Mahalliy homiylar tomonidan ularga kompyuter jamlanmasi, planshet va smartfonlar topshirildi.

✔️Sana munosabati bilan tashkil etilgan yana bir muhim tadbirlardan biri “Zakovat” intellektual o‘yini bo‘ldi. Mazkur bellashuvga tuman hokimi o‘rinbosari J. Rajabov start berib, yoshlarni bilim olishga, tariximizni chuqur o‘rganishga hamda intellektual salohiyatlarini yuksaltirishga da’vat etdi. Qizg‘in kechgan bahslar yakuniga ko‘ra: 🥇 1-o‘rin — 34-maktab o‘quvchilari jamoasi
🥈 2-o‘rin — 57-maktab o‘quvchilari jamoasi
🥉 3-o‘rin — 21-maktab o‘quvchilari jamoasi g‘oliblikni qo‘lga kiritdi.

✔️Toyloq tumanida yoshlar o‘rtasida tarixiy merosga hurmatni oshirish, kitobxonlik madaniyatini shakllantirish va rag‘batlantirish maqsadida “Amir Temur hayoti va faoliyati bilimdoni” nomli kitobxonlik ko‘rik-tanlovi ham yuqori saviyada tashkil etildi. Tadbirda tuman hokimi Behzod Rahmatullayev, O‘zLiDeP Respublika Kengashi bo‘lim boshlig‘i, viloyat apparati rahbarlari, faollar va jamoatchilik vakillari ishtirok etdi. Ular o‘z nutqlarida yosh avlodni vatanparvarlik ruhida tarbiyalashda Amir Temurning boy tarixiy merosi beqiyos ahamiyat kasb etishini alohida ta’kidladilar.
Ko‘rik-tanlov yakunida faol ishtirokchilar munosib taqdirlandi: 🥇 1-o‘rin — 29-maktab 10-“A” sinf o‘quvchisi Z. Esanboyeva
🥈 2-o‘rin — 34-maktab 10-sinf o‘quvchisi D. Zoyirova
🥉 3-o‘rin — 10-maktab 8-sinf o‘quvchisi M. Qobilova

G‘oliblarga esdalik sovg‘alari sifatida kompyuter, planshet va smartfonlar topshirildi.

✔️Yoshlar o‘rtasida harbiy-vatanparvarlik ruhini mustahkamlash maqsadida sport maktabida maktab o‘quvchilari o‘rtasida maxsus musobaqa ham tashkil etildi. Unda ishtirokchilar turli shartlar asosida bellashib, epchillik, tezkorlik va matonatlarini namoyon etdilar. Yakuniy natijalarga ko‘ra: 🥇 1-o‘rin — Ixtisoslashgan maktab jamoasi
🥈 2-o‘rin — 40-maktab jamoasi
🥉 3-o‘rin — 5-maktab jamoasi

Shuningdek, tadbir davomida “Vatan tayanchi” otryadi a’zolariga ko‘krak nishonlari topshirildi.

✔️Amir Temur tavalludining 690 yilligiga bag‘ishlangan tadbirlar qatorida yoshlar o‘rtasida milliy kurash musobaqasi ham bo‘lib o‘tdi. Ushbu sport bellashuvi yosh avlodni jismonan chiniqtirish, milliy qadriyatlarimizni keng targ‘ib etish hamda sog‘lom turmush tarzini rivojlantirishga xizmat qildi.

✔️Musobaqada tuman hokimi o‘rinbosari J. Rajabov, Respublika Ma’naviyat va ma’rifat markazi tuman bo‘linmasi rahbari Z. Avazov hamda tuman MMTB vakillari иштирок etib, yosh sportchilarga omad va zafarlar tilashdi. Ular o‘z chiqishlarida milliy sport turlarining yoshlar tarbiyasidagi o‘rni beqiyos ekanini alohida ta’kidladilar.

✔️Umuman olganda, Toyloq tumanida Amir Temur tavalludining 690 yilligi munosabati bilan tashkil etilgan ushbu tadbirlar yosh avlod qalbida tarixiy merosimizga hurmat, Vatanga sadoqat, intellektual salohiyatni rivojlantirish hamda jismoniy barkamollikka intilish kabi yuksak fazilatlarni mustahkamlashga xizmat qildi. Bunday tashabbuslar kelajak avlodni har tomonlama yetuk, bilimli va vatanparvar insonlar etib tarbiyalashda muhim ahamiyat kasb etadi.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

“Yoshlar kuni”

O‘zbekistonda har haftaning payshanba kuni vazirlik, idora va hokimliklarda “Yoshlar kuni” bo‘lishi belgilandi.

2026-yil 9-aprel kuni O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Samarqand filialida “Rahbar va yoshlar uchrashuvi” doirasida yoshlar bilan ochiq muloqot o‘tkazildi.

Mazkur muloqotda filialning aprel oyi tinglovchilari, yosh xodimlari qatnashdi, yoshlar tomonidan taqdim etilgan taklif va loyihalar tinglanib, ularni amaliyotga joriy etish yuzasidan mas’ullarga tegishli tavsiya hamda ko‘rsatmalar berildi.

Oʻzbekiston tarixida jahon chempionatida gʻolib boʻlgan birinchi ayol shaxmatchi, Zulfiya” nomidagi davlat mukofoti sohibasi Afro‘za Xamdamova ushbu uchrashuvda qatnashdi, sportchi tomonidan sport sohasida amalga oshirilayotgan keng islohotlar e’tirof etildi.

Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞