Sayyor yig‘ilishlar: dasturlar ijrosi tahlil qilinib, ustuvor vazifalar belgilandi

🇺🇿 Viloyat hokimi o‘rinbosari N. Rahmonov tomonidan hududlarda tegishli tashkilotlar rahbarlari hamda mas’ul mutasaddilar ishtirokida sayyor yig‘ilishlar o‘tkazildi. Unda hududlarni rivojlantirishga qaratilgan loyihalar hamda infratuzilma dasturlarining ijrosi tahlil qilinib, ustuvor yo‘nalishlar belgilandi.

➡️ Xususan, “drayver” loyihalarni amalga oshirish uchun zarur infratuzilmaviy shart-sharoitlarni yaratish, ijtimoiy va ishlab chiqarish infratuzilmasini rivojlantirish, shuningdek, xalqaro moliyaviy institutlar, jumladan Islom taraqqiyot banki ishtirokidagi loyihalar doirasidagi ishlar ko‘rib chiqildi.

➡️ Yig‘ilishlar davomida mavjud masalalar muhokama qilinib, ularni bartaraf etish, ishlar sur’atini oshirish hamda sifatini ta’minlash bo‘yicha aniq vazifalar va muddatlar belgilab olindi.

➡️ Shuningdek, joylarda amalga oshirilayotgan qurilish obyektlari ko‘zdan kechirilib, bajarilayotgan ishlarning sifati va muddatlariga alohida e’tibor qaratildi.

📌 Belgilangan vazifalar ijrosi ustidan qat’iy nazorat o‘rnatilib, ishlar izchil davom ettirilishi hamda hududlar rivojiga xizmat qilishi ta’kidlandi.

Rasmiy sahifalar:

🔹𝐓𝐞𝐥𝐞𝐠𝐫𝐚𝐦|🔹𝐈𝐧𝐬𝐭𝐚𝐠𝐫𝐚𝐦|🔹𝐅𝐚𝐜𝐞𝐛𝐨𝐨𝐤|🔹𝐘𝐨𝐮 𝐓𝐮𝐛𝐞

🛡 “O‘zagroinspeksiya”ning Samarqand viloyat boshqarmasida korrupsiyaga qarshi kurashish masalalari muhokama qilindi
Joriy yilning 7-aprel kuni “O‘zagroinspeksiya”ning Samarqand viloyat boshqarmasida boshqarma boshlig‘i rahbarligida boshqarma hamda tuman bo‘limlari xodimlari ishtirokida korrupsiyaga qarshi kurashish masalalariga bag‘ishlangan yig‘ilish bo‘lib o‘tdi.
Yig‘ilish Zoom platformasi orqali tashkil etilib, unda korrupsiya holatlarini aniqlash va ularning oldini olish, shuningdek, bu borada amalga oshirilishi lozim bo‘lgan chora-tadbirlar muhokama qilindi.
💬 Tadbir davomida xodimlar o‘rtasida axloqiy meyorlarga rioya etish, amaldagi qonunchilik talablariga qat’iy amal qilish hamda korrupsiyaga qarshi kurashishning dolzarb jihatlari yuzasidan tushuntirish ishlari olib borildi.
📌 Ta’kidlanganidek, mazkur yig‘ilish tizimda ochiqlik, shaffoflik va mas’uliyat muhitini yanada mustahkamlashga xizmat qiladi.

Rasmiy sahifalar:

🔹𝐓𝐞𝐥𝐞𝐠𝐫𝐚𝐦|🔹𝐈𝐧𝐬𝐭𝐚𝐠𝐫𝐚𝐦|🔹𝐅𝐚𝐜𝐞𝐛𝐨𝐨𝐤|🔹𝐘𝐨𝐮 𝐓𝐮𝐛𝐞

❗️Rasman

Urgut tumani aholisi va Urgut tumaniga tashrif buyuruvchilar diqqatiga!

Aholining talab va takliflarida kelib chiqib, bugun, 9-aprel kunidan boshlab "Urgut — Samarqand — Urgut" yo‘nalishidagi yo'lovchi poyezdi qatnov vaqtlariga o‘zgarish kiritildi.

Endi mazkur yo'nalishdagi yo'lovchi poyezdlari quyidagi vaqtlarda harakatlanadi:

6202: Urgut vokzalidan jo'nash vaqti - 6.30, Samarqand temiryo'l vokzaliga yetib kelish vaqti - 7.34;

6201: Samarqand temiryo'l vokzalidan jo'nash vaqti - 8.50, Urgut vokzaliga yetib borishi - 9.54;

6204: Urgut vokzalidan jo'nash vaqti - 16.20, Samarqand temiryo'l vokzaliga yetib kelish vaqti - 17.24;

6203: Samarqand temiryo'l vokzalidan jo'nash vaqti - 18.20, Urgut vokzaliga yetib borishi - 19.24;

👉ONLINE CHIPTA OLISH👈🏻

Rasmiy sahifalar:

🔹𝐓𝐞𝐥𝐞𝐠𝐫𝐚𝐦|🔹𝐈𝐧𝐬𝐭𝐚𝐠𝐫𝐚𝐦|🔹𝐅𝐚𝐜𝐞𝐛𝐨𝐨𝐤|🔹𝐘𝐨𝐮 𝐓𝐮𝐛𝐞

Sohibqiron merosi yoshlar qalbida abadiy — Amir Temur tavallud sanasi keng nishonlandi

Sohibqiron tavalludining 690 yilligi munosabati bilan Amir Temur maqbarasida Qur’on tilovati yangrab, buyuk ajdodimiz ruhi yodga olindi. Unda viloyat va shahar hokimligi vakillari, jamoatchilik, harbiylar, nuroniylar bilan bir qatorda tashabbuskor yoshlar ham faol qatnashdi.

Tadbir davomida ishtirokchilar Amir Temur haykali poyiga gulchambarlar qo‘yib, ulug‘ siymoga bo‘lgan hurmatlarini izhor etdilar. Shuningdek, Sohibqironning davlat boshqaruvidagi o‘rni, uning boy merosi hamda ilm-fan va madaniyat taraqqiyotiga qo‘shgan beqiyos hissasi alohida ta’kidlandi.

Bayram sanasi munosabati bilan kun davomida yoshlar ishtirokida ta’lim maskanlarida ma’naviy-ma’rifiy uchrashuvlar, davra suhbatlari va turli anjumanlar davom etadi.

Rasmiy sahifalar:

🔹𝐓𝐞𝐥𝐞𝐠𝐫𝐚𝐦|🔹𝐈𝐧𝐬𝐭𝐚𝐠𝐫𝐚𝐦|🔹𝐅𝐚𝐜𝐞𝐛𝐨𝐨𝐤|🔹𝐘𝐨𝐮 𝐓𝐮𝐛𝐞