📍 Samarqandda yana bir muhim infratuzilma obyekt: zamonaviy avtobekat ish boshladi

🚍 Hududlarda aholi uchun qulay transport infratuzilmasini yaratish borasidagi ishlar izchil davom etmoqda. Ana shunday loyihalardan biri sifatida “FAVORI MALL” MChJ tomonidan amalga oshirilayotgan yirik xizmat ko‘rsatish majmuasi tarkibidagi zamonaviy avtobekat bugun erta tongdan o‘z faoliyatini boshladi.

➡️ Mazkur avtobekat hudud aholisi va yo‘lovchilar uchun bir qator qulayliklarni taqdim etadi. Xususan, yo‘lovchilar uchun kutish hududlari, tartibli qatnov tizimi hamda xizmat ko‘rsatish jarayonlarining qulay tashkil etilgani transportdan foydalanish sifatini yangi bosqichga olib chiqishi kutilmoqda.

🕌 Tantanali ochilish munosabati bilan ezgu an’analarga muvofiq qurbonlik qilinib, Qur’on tilovat etildi. Bu esa loyiha xayrli niyatlar asosida yo‘lga qo‘yilganining yana bir ifodasidir.

🇺🇿 Tadbirda viloyat hokimining o‘rinbosari Navro‘z Rahmonov, viloyat Qurilish va uy-joy kommunal xo‘jaligi bosh boshqarmasi boshlig‘i Bahodir Negmatov, Samarqand tumani hokimi Sirojiddin Usmonov, shuningdek tegishli tashkilotlar vakillari va nuroniylar ishtirok etdi.

✅ Yangi avtobekatning ishga tushirilishi nafaqat transport xizmatlari sifatini oshiradi, balki hududda yo‘lovchi oqimini tartibga solish, qatnovlarni optimallashtirish hamda aholiga ko‘rsatilayotgan xizmatlar darajasini sezilarli yaxshilashga xizmat qiladi.

🌐 Rasmiy sahifalar:

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

Qorasuv massivida reklamalar tartibga olinmoqda

Ishchi guruhning navbatdagi o‘rganish ishlari joriy yilning 3-, 6-aprel kunlari Qorasuv massivida olib borildi.

O‘rganish natijasida o‘zboshimchalik bilan belgilanmagan joylarga o‘rnatilgan, “Davlat tili haqida”gi va “Reklama to‘g‘risida”gi qonun talablariga mos kelmagan 60 dan ortiq targ‘ibot vositalari Ishchi guruhi tomonidan joyida bartaraf etilib, 10 ga yaqin tadbirkorga qonuniy chora ko‘rilmoqda.

Hurmatli tadbirkorlar!
Mahsulot va xizmatlaringizni targ‘ib qilishda “Davlat tili haqida”gi hamda “Reklama to‘g‘risida”gi qonunlarga qat’iy rioya qilishingizni so‘raymiz.

Noqonuniy reklama o‘rnatish qonunbuzarlik hisoblanib, bazaviy hisoblash miqdorining 50 baravaridan 70 baravarigacha jarima qo‘llanishiga sabab bo‘lishi mumkin.

Norbek Alqarov,
Samarqand shahar hokimining maslahatchisi.

Rasmiy sahifalar:
✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞