🚒 Zamonaviy yong‘in-qutqaruv texnikalari topshirildi

Samarqand viloyatida favqulodda vaziyatlarning oldini olish hamda yong‘inlarni tezkor va kam talofatlar bilan bartaraf etish imkoniyatlarini yanada kengaytirish maqsadida zamonaviy maxsus texnikalar berildi.

Xususan, Samarqand shahar va tuman Favqulodda vaziyatlar bo‘limlariga eng so‘nggi rusumdagi, zamonaviy qutqaruv asbob-uskunalari bilan jihozlangan “ISUZU” rusumli 5 dona yong‘in-qutqaruv avtomobillari hamda xizmat avtomobili topshirildi.

Mazkur texnikalar yong‘in va boshqa favqulodda holatlarda tezkor harakat qilish, aholi xavfsizligini ta’minlash va talofatlarni kamaytirishda muhim ahamiyat kasb etadi.

Tadbirda viloyat hokimi o‘rinbosari Navro‘z Rahmonov, Samarqand shahar hokimi o‘rinbosari Feruz Najmiddinov hamda Samarqand viloyati Favqulodda vaziyatlar boshqarmasi boshlig‘i G‘ulomjon Muxamedov ishtirok etdi.

Tadbir davomida mutasaddilar tomonidan yangi texnikalarning imkoniyatlari haqida batafsil ma’lumot berilib, ularning samarali foydalanilishi bo‘yicha tegishli ko‘rsatmalar berildi. Shundan so‘ng yong‘in-qutqaruv avtomobillari kalitlari mas’ul xodimlarga tantanali ravishda topshirildi.

Rasmiy sahifalar:

🔹𝐓𝐞𝐥𝐞𝐠𝐫𝐚𝐦|🔹𝐈𝐧𝐬𝐭𝐚𝐠𝐫𝐚𝐦|🔹𝐅𝐚𝐜𝐞𝐛𝐨𝐨𝐤|🔹𝐘𝐨𝐮 𝐓𝐮𝐛𝐞