⚡️URGUT TUMANIDA ELEKTR TA’MINOTINI YAXSHILASH ISHLARI DAVOM ETMOQDA

Urgut tumanida iste’molchilarni sifatli hamda barqaror elektr energiyasi bilan ta’minlash, mavjud muammolarni bartaraf etish bo‘yicha amaliy ishlar davom etmoqda.

Belgilangan vazifalar ijrosi doirasida mahallalardagi transformator punktlari joriy va mukammal ta’mirlanib, havo elektr uzatish tarmoqlari atrofi daraxt shoxlaridan tozalanmoqda.

Eskirgan elektr tayanchlari temir-beton ustunlarga almashtirilmoqda.

Jumladan, Chag‘izmon mahallasidagi “Navbog‘” fideriga ulangan 144-sonli transformator punktida joriy ta’mirlash ishlari amalga oshirildi. Nosoz uskunalar yangilanib, zarur montaj ishlari bajarildi va fazalararo elektr yuklamasini teng taqsimlash choralari ko‘rildi.

Mazkur ishlar tarmoqlar ishonchliligini oshirish, elektr energiyasidagi yo‘qotishlarni kamaytirish hamda aholiga barqaror elektr ta’minotini ta’minlashga xizmat qiladi.

✅ https://t.me/SamHETK

⚡️KORRUPSIYAGA QARSHI KURASH — UMUMIY MAS’ULIYAT

Ishtixon tumanida korrupsiyaning oldini olish va xodimlar huquqiy madaniyatini yuksaltirishga qaratilgan yig‘ilish o‘tkazildi.

Tadbir “Hududiy elektr tarmoqlari” AJ Samarqand hududiy filiali Korrupsiyaga qarshi kurashish va komplayens nazorat bo‘limi tomonidan huquqni muhofaza qiluvchi organlar hamkorligida tashkil etildi.

Unda Ishtixon, Payariq, Oqdaryo va Qo‘shrabot tumanlarida elektr ta’minoti sohasida faoliyat yuritayotgan ishchi-xodimlar hamda mehnat faxriylari ishtirok etdi.

Yig‘ilishda korrupsiyaviy omillarni aniqlash va oldini olish, odob-axloq hamda ichki tartib-qoidalariga rioya qilish, xizmat vazifalariga mas’uliyat bilan yondashish muhimligi qayd etildi.

Sohada ko‘p yil ishlagan faxriylar so‘zga chiqib, korrupsiyaning salbiy oqibatlarini ta’kidladi.

Muloqot davomida pora olish-berish, ta’magirlik va mansab vakolatlarini suiiste’mol qilish kabi korrupsiyaviy holatlar oqibatlari aks etgan videolavha namoyish etildi.

✅ https://t.me/SamHETK