Prezidentimiz Narpay tumanida tikuv korxonasi faoliyati bilan tanishdi.
—
Президент нашей страны ознакомился с деятельностью швейного цеха в Нарпайском районе.

Prezident.uz|Facebook|Instagram|YouTube|X

Prezident Shavkat Mirziyoyev raisligida Narpay tumanida Samarqand viloyatini ijtimoiy-iqtisodiy rivojlantirish masalalari bo‘yicha yig‘ilish boshlandi.

So‘zining avvalida davlatimiz rahbari yig‘ilganlarni kirib kelayotgan muborak Ramazon hayiti hamda qutlug‘ ayyom – Navro‘zi olam bilan chin yurakdan tabrikladi

Samarqandga oxirgi tashrifdan so‘ng o‘tgan to‘rt oy ichida mamlakatimiz hayotida katta o‘zgarishlar ro‘y bergani ta’kidlandi.

Shu haftaning o‘zida Olmaliq shahrida 3-mis boyitish fabrikasi ishga tushirildi, poytaxtimizda nafaqat O‘zbekiston, balki butun Markaziy Osiyoning ma’naviy xazinasi bo‘lgan Islom sivilizatsiyasi markazi ochildi.

Ertaga Payariq tumanida buyuk hadisshunos ajdodimiz Imom Buxoriy yodgorlik majmuasining ochilish marosimi o‘tkaziladi.

“Aminmanki, bu muazzam ziyoratgoh xalqimiz bilan bir qatorda millionlab xorijiy turistlar tashrif buyuradigan tabarruk maskanga aylanadi”,

– dedi Prezidentimiz.

Facebook|Instagram|X

“Biz Vatanimiz kuch-qudratini oshirish, har bir oila va har bir insonning hayotini yaxshilash bo‘yicha yanada katta marralarni olganmiz. Bugun hududlarda amalga oshirilayotgan ishlarni ko‘rib, bunga yana bir bor ishonch hosil qildim.

Ayni paytda shuni yaxshi anglashimiz kerak, endi kechagi harakat bugunga, bugungisi esa ertangi kun talabiga kamlik qiladi. Shu bois, belgilab olgan marralarga erishish uchun yanada samarali harakat qilishimiz zarur”,

– dedi davlatimiz rahbari.

Samarqand ishsizlik, kambag‘allik, investitsiya, eksport masalalari, umuman, barcha sohada namunaviy viloyat bo‘lishi shartligi qayd etildi.

Viloyatda mahallalar infratuzilmasini yaxshilash uchun 100 million dollar, Urgut tumanining o‘ziga yana 50 million dollar ajratildi. Umuman, viloyatga barcha manbalar hisobidan 11 trillion so‘m yo‘naltirilmoqda. Tadbirkorlarga kredit uchun yana 18 trillion so‘m resurs berilmoqda.

Hajmi jihatidan bu miqdordagi mablag‘ har qachongidan ko’ra ko’proq ekanligi ko‘rsatib o‘tildi.

Facebook|Instagram|X

Bularning barchasi tumanlarda ishsizlik va kambag‘allikni qisqartirish, pirovardida viloyat iqtisodiyotini o‘stirishga xizmat qilishi kerakligi ko‘rsatib o‘tildi.

O‘tgan yili sun’iy intellekt infratuzilmasiga 100 million dollar, ushbu sohadagi startap loyihalari uchun yana 100 million dollar berildi. Bu katta hajmdagi ma’lumotlarni tahlil qilish orqali hududlarni rivojlantirish bo‘yicha eng to‘g‘ri yechimlarni topish uchun yangi imkoniyat ekani ta’kidlandi.

Shularni hisobga olib, tumanlarning sanoat, servis, qishloq xo‘jaligi ko‘rsatkichlari, yer osti va yer usti zaxiralari, mehnat resursi, aholining biznes va kasbiy ko‘nikmasini sun’iy intellekt yordamida tahlil qilish, mahallalarning imkoniyatlari asosida tumanni rivojlantirishning ichki modelini ishlab chiqish zarurligi qayd etildi.

Ushbu tahlillar asosida tuman hokimi, “mahalla yettiligi”, mahalla bankirlari resurslarni eng ko‘p ish o‘rni yaratadigan va budjetga tushumni ko‘paytiradigan loyihalarga yo‘naltiradi.

Bu tizim 1-mayga qadar Narpay va Termiz tumanlarida boshlanib, butun respublika uchun namuna qilinadi.

Facebook|Instagram|X

Samarqand viloyati rahbariyati oldida kamida 9 foizli iqtisodiy o‘sish qilib, yalpi hududiy mahsulotni 144 trillion so‘mdan oshirish, 3 milliard dollar xorijiy investitsiya jalb etib, eksportni 1,2 milliard dollarga olib chiqish vazifasi turgani qayd etildi.

100 ming aholini doimiy ishli qilish, 31 ming oilani kambag‘allikdan chiqarib, viloyatni ishsizlik va kambag‘allikdan xoli hududga aylantirish zarurligi ko‘rsatib o‘tildi.

Masalan, Narpay tumanida 240 mingdan ziyod aholi yashaydi. Ishsizlik 4,9 foizni, kambag‘allik darajasi esa 5 foizni tashkil qilmoqda. Narpay sanoat bo‘yicha viloyatda 9-o‘rinda, qishloq xo‘jaligi va servis sohasida 11-o‘rinda turadi.

Bu ko‘rsatkichlarni yaxshilash uchun Narpayga reja qilingan 150 milliard so‘mga qo‘shimcha yana 100 milliard so‘m beriladi. Kichik va o‘rta biznes uchun 360 milliard so‘m resurs ajratiladi.

Facebook|Instagram|X

Viloyatdagi magistral yo‘llarning 34 kilometri Narpaydan o‘tgani savdo va servisni rivojlantirish uchun juda katta imkoniyat ekani ta’kidlandi. Lekin yo‘l bo‘ylarida 10-15 ta kichik servis shoxobchasidan boshqa odamlarni jalb qiladigan birorta joy yo‘qligi ko‘rsatib o‘tildi.

Masalan, Mirbozor chorrahasidan kuniga 60 ming transport o‘tadi. Lekin bu yerdagi yo‘l tor bo‘lgani uchun 2 kilometrgacha tirbandlik yuzaga kelmoqda.

Qurilish uchun xomashyo zaxiralarining to‘rtdan biri Narpayda joylashgan bo‘lsa-da, qurilish materiali bo‘yicha birorta yirik korxona yo‘qligi qayd etildi.

Tuman sanoatining viloyatdagi ulushi 2 foiz. Hududidan 36 kilometr temir yo‘l o‘tgan, 21 gektarli kichik sanoat zonalari bo‘lgan tumanga bu ko‘rsatkichlar yarashmasligi ko‘rsatib o‘tildi.

Samarqanddagi suvli yerlarning qariyb 10 foizi ushbu tumanga to‘g‘ri keladi. Biroq Narpay viloyatdagi qishloq xo‘jaligining 5 foizini ham bermaydi.

Tuman mutasaddilariga shu va boshqa muammoli masalalarni hal qilish yo‘llari ko‘rsatib berildi.

Facebook|Instagram|X

Narpay tumanida 100 gektarda yuqori qo‘shilgan qiymatli mahsulotlar ishlab chiqarishga ixtisoslashgan sanoat zonasi tashkil qilinishi e’lon qilindi. U yerda joriy yilning o‘zida 300 million dollarlik loyihalar boshlanadi.

Mutasaddilarga sun’iy intellekt yordamida har bir mahalla imkoniyatini “diagnostika” qilish, “o‘sish nuqtalari”ni aniqlab, tumanni ishsizlikdan xoli hududga aylantirish, daromadni ko‘paytirish bo‘yicha Narpay tajribasini yaratish topshirildi.

Shuningdek, Narpay qulupnaychilik maktabi tashkil etilib, tumandagi 25 ta mahalla qulupnaychilikka ixtisoslashtiriladi.

Facebook|Instagram|X

Prezidentimiz Qo‘shrabot tumaniga alohida to‘xtalib o‘tdi.

Tumanning tadbirkorlik infratuzilmasini yaxshilash uchun 60 milliard so‘m ajratilmoqda.

“Oqtepa” hududidagi 5 ta mahallada 3 ming xonadon uzum yetishtirish bilan shug‘ullanadi. Shuningdek, “Oqchopsoy” hududida o‘rmon fondidagi 700 gektar yer bo‘sh turibdi.

Tuman rahbarlariga ushbu imkoniyatlardan unumli foydalanish, joriy yilda 300 gektarda “in-vitro” uzumzor, 800 gektarda intensiv tokzor tashkil etish, 3,5 ming gektar uzumzorni shpalerga o‘tkazish, 18 ta mahalla aholisini uzumchilikka o‘rgatish zarurligi ko‘rsatib o‘tildi.

Kattaqo‘rg‘on tumanidagi imkoniyatlar ko‘rib chiqilar ekan, tumanning infratuzilma bor joylaridagi 12 ta traktor parkini 8 gektar yeri bo‘sh turgani, “Bo‘ston-1” nasos stansiyasi ta’mirlansa, 1 ming gektarda suv ta’minoti yaxshilanishi ko‘rsatib o‘tildi.

Shuningdek, hokimlik zaxirasidagi 830 gektar paxta va g‘alla yeri 3-4 oydan beri auksionda turgani, bu yerlarni odamlarga qulay shartlarda taklif qilish mumkinligi qayd etildi.

Facebook|Instagram|X

Umuman, Narpay, Qo‘shrabot, Kattaqo‘rg‘on, Paxtachi tumanlari, Kattaqo‘rg‘on shahrining viloyat sanoatidagi jami ulushi bor-yo‘g‘i 10 foizni tashkil qilayotgani ko‘rsatib o‘tildi.

Ularda sanoatni rivojlantirish bo‘yicha dastur qilinib, 1 trillion 200 milliard so‘m ajratiladi. Bu mablag‘larning 800 milliard so‘mi sanoat loyihalarini zarur infratuzilma bilan ta’minlashga, qolgan 400 milliard so‘mi yo‘l, suv, elektr ta’minotini yaxshilash, servis va renovatsiya loyihalariga yo‘naltiriladi.

Ushbu mablag‘ doirasida Kattaqo‘rg‘on shahridan 40 kilometr masofadagi Ingichka shaharchasiga sanoat va “Yangi O‘zbekiston” qiyofasi kiradi. Bundan tashqari, Kattaqo‘rg‘on shahri markazidagi Narpay kanalidan o‘tgan, 60 yil oldin qurilgan ko‘prik ham rekonstruksiya qilinadi.

Joriy yil Samarqand viloyatiga 500 ta elektrobus olib kelish choralarini ko‘rish topshirildi.

Umuman, Narpay, Paxtachi, Payariq, Qo‘shrabot, Ishtixon, Kattaqo‘rg‘on tumanlari va Kattaqo‘rg‘on shahrida sanoat va servisni rivojlantirish, yangicha qiyofa olib kirish vazifasi qo‘yildi.

Facebook|Instagram|X

“Ko‘rib turibsizlar, dunyodagi notinchliklar tufayli logistika zanjirlarining uzilishi, neft narxi va transport xarajatining oshishi oziq-ovqat narxlariga ta’sir qilishi tabiiy.

Shu bilan birga, 100 millionga yaqin turist sayohat uchun tinch va xavfsiz mamlakatlarni qidirmoqda.

Bu sharoitda oziq-ovqat mahsulotlarini ko‘paytirish, turizm va servisdagi imkoniyatlarni to‘liq ishga solish hokimlarning asosiy vazifasi bo‘lishi kerak”,

– dedi Prezidentimiz.

Bu boradagi vazifalar belgilab berildi.

Viloyatdagi 250 ming gektar yaylov uzoq yillar foydalanib kelgan chorvadorlarni o‘ziga to‘g‘ridan-to‘g‘ri ijaraga berildi. Viloyatda yana 52 ming gektar yerdan foydalanayotgan 150 nafar chorvador, 1 ming boshdan naslli qo‘y-echki boqish istagini bildirgan yuzlab tadbirkorlar bor.

Shu bois, yaylov yerlarini to‘g‘ridan-to‘g‘ri ijaraga berish muddati yana bir yilga uzaytirilishi belgilandi. Endilikda yaylov ijarasidan tushgan mablag‘ to‘lig‘icha yaylov xo‘jaliklarining o‘zida qoladi.

Facebook|Instagram|X

Aholi chorvani uyda boqib, bahor-yoz faslida dalaga olib chiqishga o‘rgangan. Lekin chorvani o‘tlatadigan joy kamayib ketayotgani qayd etildi.

Shu bois, viloyatning 4 ta tumanida jami 43 ming gektarda jamoat yaylovlari tashkil etiladi va mahallalarga 30 yilga bepul ijaraga beriladi.

Yaylovlarda quduq qazib, suv chiqarish, urug‘ ekish va degradatsiyadan chiqarish xarajatlariga 50 milliard so‘m ajratish topshirildi.

Chorva naslchiligi uchun laboratoriya uskunasi va naslli qoramol sotib olishga 10 yilga 12 foizli kredit beriladi.

Samarqand azal-azaldan parrandachilik bo‘yicha yetakchi hududlardan hisoblanadi. Endi parranda genetikasi maktabini yaratish bo‘yicha ishlarni jadallashtirish kerakligi ta’kidlandi.

Bu borada Bulung‘ur tumanida 50 million dollarlik go‘sht yo‘nalishidagi naslchilik korxonasi ishga tushiriladi. Qo‘shrabotda 20 million dollarlik tuxum yo‘nalishidagi naslchilik korxonasining faoliyati yo‘lga qo‘yiladi.

Facebook|Instagram|X