👩‍❤️‍👨 YAQIN INSONINGIZDAGI AYBLARNI JUDA YAXSHI BILASIZMI?

​Unda bitta savol berib koʻring:
​"Oʻzingizdagi ayblarni ham xuddi shunday aniq bilasizmi?"

​Imom Gʻazzoliy insonning ruhiy tarbiyasi haqida juda muhim bir haqiqatni aytadi: inson oʻz nafsidagi ayblarni oʻzi osonlikcha koʻra olmaydi.

✅ ​Chunki nafs oʻzini oqlaydi.

​" - Men unga baqirmadim, u avval boshladi".
​" - Men sovuqlashmadim, u menga mehr bermadi".
​" - Men undan xafa boʻlmadim, u meni tushunmadi".
​" - Men talabchan emasman, u masʼuliyatsiz".
​" - Men nazorat qilmayapman, shunchaki oilamni oʻylayapman".

🦋 ​Shu tarzda inson yaqinining har bir xatosini koʻradi, ammo munosabatda oʻzining qanday hissa qoʻshayotganini koʻrmay qolishi mumkin.

​Gʻazzoliy esa oʻz ayblarini bilishning yoʻllaridan biri sifatida boshqalarda koʻrgan nuqsonlaridan oʻzini tekshirishni ham keltiradi.

⚠️ ​Yaqiningizda sizga yoqmaydigan qandaydir xulq bormi?

​Oʻzingizdan soʻrang:
​"Menda ham shu xulqning boshqa koʻrinishi yoʻqmi?"

💎 ​Masalan:
​"U meni eshitmaydi", deysiz.
​Ammo siz uni tushunishga harakat qilyapsizmi?

​U menga mehr koʻrsatmaydi, deysiz.
​Ammo siz mehrni faqat uning berishi kerak boʻlgan narsa deb qabul qilmayapsizmi?

​U meni qadrlamaydi, deysiz.
Ammo siz uning shaxsiy chegaralarini hurmat qilyapsizmi?

​U juda tanqidchi, deysiz.
​Ammo siz uni doim kamchiliklarini koʻrsatib tarbiyalashga urinmayapsizmi?

❗️ ​Bu "Hamma ayb sizda" degani emas.

​Aksincha, sogʻlom munosabatning eng muhim savollaridan biri:

​"Juftimni qanday oʻzgartiraman?" emas,
​"Bu munosabatda oʻzim nimani oʻzgartirishim kerak?" degan savoldir.

👉 ​Chunki inson oʻz aybini koʻrmagan joyda na isloh, na haqiqiy yaqinlik boshlanadi.
➖➖➖➖➖➖➖➖➖
🔵 𝓢 𝓪 𝓱 𝓲 𝓯 𝓪 𝓵 𝓪 𝓻 𝓲 𝓶 𝓭 𝓪 𝓷 ✅