#SOCAR|da "Beyond the Barrel Talks" (Bareldən kənar söhbətlər) layihəsi çərçivəsində riyaziyyatçı müəllim Afərin Əkbərlinin iştirakı ilə “Riyaziyyatla valideynlik: uşaqların gələcəyini rəqəmlərlə quraq” mövzusunda masterklas keçirilib. Tədbirdə rəqəmlərin həyatımızdakı rolu, övladlarımıza riyaziyyatı sevdirməyin yolları barədə qarşılıqlı fikir mübadiləsi aparılıb, real nümunələr əsasında praktiki məsləhətlər verilib.

#SOCAR|da “Əsrin müqaviləsi”nin 30 və “Neft Daşları”nın 75 illik yubileyləri çərçivəsində təşkil olunan silsilə tədbirlərin davamı olaraq “Əməyin təhlükəsizliyi üzrə lider” və “Peşəkarlar” müsabiqəsinin qaliblərinin təltif edilməsi mərasimi keçirilib.👷🏼‍♂️
Tədbirdə təhlükəsizliyin SOCAR tərəfindən prioritet istiqamətlərdən biri kimi müəyyənləşdirildiyi qeyd edilib, həmçinin “Peşəkarlar” müsabiqəsinin şirkətdə rəqabətli və dinamik iş mühitinin formalaşmasına mühüm töhfə verəcəyi vurğulanıb.
Qalibləri ürəkdən təbrik edirik 👏🏻
#safetyfirst #security #ESG

9 oktyabr 2024-cü il tarixində #SOCAR|ın prezidenti Rövşən Nəcəf “Yokogawa Europe B.V.” şirkətinin prezidenti və “Yokogawa Electric Corporation”ın vitse-prezidenti Seita Hagihara ilə görüşüb.

⬇️⬇️⬇️

🔗https://socar.az/az/post/socar-prezidenti-yokogawa-europe-bv-sirketinin-prezidenti-ile-gorusub

SOCAR Vice President Kanan Najafov delivered a speech during the #INMerge2024 Innovation Summit, in the session titled “Next Green Evolution: Leveraging Emerging Technologies Towards Sustainable Goals.” He talked about the role of innovation and digitalization in #SOCAR’s sustainable development, highlighting key achievements, ongoing strategic projects & initiatives, and future plans.

#Innovation
#Azerbaijan

16 oktyabr 2024-cü il tarixində #SOCAR|ın prezidenti Rövşən Nəcəf #Chevron şirkətinin Avrasiya biznes bölməsinin idarəedici direktoru Derek Maqnes ilə görüşüb.

⬇️⬇️⬇️

🔗https://socar.az/az/post/socar-in-prezidenti-chevron-sirketinin-avrasiya-biznes-bolmesinin-idareedici-direktoru-ile-gorusub

✅ Sosial şəbəkələrimizdə keçirilən müsabiqələrin qalibləri ilə “SOCAR Tower”də maraqlı görüş keçirdik. Ulu Öndər Heydər Əliyevə həsr olunan sərgi və “Azərbaycan nefti” sərgisi ilə tanış olan qaliblərə şirkətimizin kommunikasiya strategiyası haqqında məlumat verdik, #sosialmedia fəaliyyətinə dair qarşılıqlı fikir mübadiləsi apardıq. Qalibləri təbrik edib #SOCAR|ın hədiyyələrini 🎁 təqdim etdik.

🗓️#INFODAY3️⃣

#SOCAR|ın Daxili Kommunikasiyası çərçivəsində müxtəlif seqmentlərin əməkdaşlarının iştirakı ilə tarixçi və tədqiqatçı Fuad Axundovun təqdimatında “Neft bumu” mövzusunda ekskursiya təşkil edilib. Səfər çərçivəsində əməkdaşlar neft bumu dövründə inşa olunmuş tarixi binalar və maraqlı faktlarla tanış olublar.

#SOCAR|ın prezidenti Rövşən Nəcəf #Subsea7 şirkətinin baş icraçı direktoru Con Evans ilə görüşüb.

⬇️⬇️⬇️

🔗https://socar.az/az/post/socar-in-prezidenti-subsea7-sirketinin-bas-icraci-direktoru-ile-gorusub

Ölkəmizin neft kapitalının insan kapitalına çevrilməsi siyasətinə uyğun olaraq, #SOCAR gələcək liderlərin və peşəkar mütəxəssislərin formalaşdırılması ilə bağlı strateji proqramlarına davam edir. Bu istiqamətdə həyata keçirilən önəmli layihələrdən biri olan #GəncİstedadlarProqramı çərçivəsində Bakı Ali Neft Məktəbində info-sessiya təşkil edilib. Tədbirdə proqramın üstünlükləri barədə tələbələrə ətraflı məlumat verilib, qarşılıqlı fikir mübadiləsi aparılıb.

#SOCAR|ın, Türkiyənin #Boğaziçi Universitetinin və #BakıAliNeftMəktəbi|nin birgə əməkdaşlığı ilə təşkil olunan “Strateji rəhbərlərin inkişafı Proqramı”nın məzun tədbiri keçirilib. Tədbirdə ilk öncə Azərbaycan Respublikasının Dövlət himni səsləndirilib və ölkəmizin ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib. SOCAR-ın prezidenti Rövşən Nəcəf və “Boğaziçi” Universitetinin prorektoru Gürkan Selçuk Kumbaroğlunun iştirak etdiyi tədbirdə proqramı uğurla başa vuran məzunlara sertifikatlar təqdim edilib.

Beynəlxalq səyahətçilərin birləşdiyi Böyük Britaniyanın “Piki Reels” klubunun üzvləri “Neft Daşları”na səfər ediblər. Əvvəlcə, onlar Ümummilli Lider Heydər Əliyevin adını daşıyan muzeylə tanış olub, Azərbaycanda neft-qaz sənayesinin inkişaf mərhələləri ilə maraqlanıblar. Qonaqlara muzeydəki tarixi fotolar və kitablar haqqında ətraflı məlumat verilib. Səfər çərçivəsində görkəmli neftçi-geoloq Ağaqurban Əliyevin abidəsi, Xəzəri fəth edərkən dənizdə həlak olan neftçilərin xatirəsinə ucaldılmış abidə kompleksi, həmçinin Azərbaycan Respublikasının ərazi bütövlüyü və suverenliyi uğrunda döyüşlərdə qəhrəmancasına şəhid olan neftçilərin abidə kompleksi ziyarət olunub. Daha sonra beynəlxalq səyahətçilər “Neft Daşları”nın 30 illiyi münasibətilə ucaldılmış kompozisiya ilə tanış olublar, onlara “Möcüzələr adası”nın tarixi, bu günü və gələcək perspektivləri ilə bağlı təqdimat edilib.

#SOCAR #AzneftİB #NeftDaşları

“Yaşıl dünya naminə həmrəylik ili” çərçivəsində Milli Məclisin Təbii ehtiyatlar, energetika və ekologiya komitəsinin sədri Sadiq Qurbanovun rəhbərlik etdiyi nümayəndə heyəti, SOCAR-ın vitse-prezidenti Babək Hüseynov və “Azneft” İB-nin baş direktoru Əli Qurbanovun iştirakı ilə Çilov adasına səfər təşkil edilib.
Səfər çərçivəsində “Günəşli” yatağındakı 10 və “Neft Daşları”ndakı 501 nömrəli dəniz özüllərində təbii fəlakət nəticəsində baş vermiş qəza və helikopter qəzası zamanı həlak olmuş neftçilərin xatirəsinə ucaldılmış abidə kompleksləri və Şəhidlər xiyabanı ziyarət edilib, önlərinə gül dəstələri düzülüb.
Daha sonra Çilov adası və neft-qaz əməliyyatları haqqında, həmçinin ətraf mühitin qorunması sahəsində görülən işlərlə bağlı təqdimat keçirilib, adada ekskursiya təşkil olunub.
#SOCAR #AzneftİB #Çilov

#SOCAR|da “Beyond the Barrel Talks” (Bareldən kənar söhbətlər) layihəsi çərçivəsində qida mühəndisi və dietoloq Fərid Səfərovun iştirakı ilə növbəti masterklas keçirilib. “Beynimizin qidası” mövzusunda təşkil edilən masterklasda düzgün qidalanmanın əsas prinsipləri, sağlam və enerjili həyat tərzinin qurulmasına dəstək olan aktual mövzular müzakirə edilib, suallar cavablandırılıb və qarşılıqlı fikir mübadiləsi aparılıb.

4-7 noyabr 2024-cü il tarixlərində Birləşmiş Ərəb Əmirliklərinin Əbu-Dabi şəhərində keçirilən “Əbu-Dabi Beynəlxalq Neft Sərgisi və Konfransı-ADIPEC 2024”-də #SOCAR öz stendi ilə təmsil olunur.

#ADIPEC #EnergyTransition #Decarbonisation

Neft və qaz sənayesində karbon emissiyasının azaldılması Xartiyasının (#OGDC) kvalifikasiyalı mütəxəssisləri tərəfindən #SOCAR|da dekarbonizasiya sahəsində beynəlxalq təlimlərin təşkilinə başlanılıb. Bakıda keçiriləcək #COP29 öncəsi mühüm əhəmiyyət kəsb edən bu təşəbbüs SOCAR əməkdaşları və digər iştirakçılar arasında neft-qaz sənayesində dayanıqlılıq və karbon emissiyalarının azaldılması sahəsində qabaqcıl biliklərin paylaşılması və praktiki bacarıqların inkişaf etdirilməsi məqsədi daşıyır.🌍🌱