Томас Мюллер Нагельсманнинг ёрдамчисига айлангани ҳақида яна бир факт

Бугун Европа чемпионати доирасида Испания ва Грузия чорак финал учун курашади.

Эътиборлиси, бу жамоалар ўртасида Испанияда ўтказилган (2016 йил) ўртоқлик ўйинида гуржистонликлар ғалаба қозонган. Ўшанда ҳозирда «Насаф»да тўп тепаётган Жаба Жигаури Пике ва Хуанфрандан ўтиб кетиб, жамоасининг ягона голига ассистентлик қилганди.

Бугун дебютант Грузияга мухлислик қиламан. Лекин кўнгил чорак финалда Германия — Испания ўйинини истайди. Хуллас, бугун зўр ўйинлар кўп.

Грузия бугун Испания қарши ўйнаса, Жаба Қаршида «Навбаҳор» билан тўқнашади. Бу ҳам суперматч.

«Навбаҳор» биринчи таймда 3 марказий ҳимоячи билан ўйнади. Никабадзе жароҳат олгани ва захирада Табатадзе йўқлиги туфайли Колосовский танаффусдан кейин яна 4 ҳимоячи схемасига ўтди. Фарруҳ Сайфиев эса ўнг қанотга кўчди. Ҳужумда эса Жиянов ўйнамоқда энди.

Суперматч! Зўр ўйин бўлди. Ҳакам эса қўпол хатоларга йўл қўйди.

Адашмасам, ўшанда биринчи даврани мағлубиятсиз тугатганди «Насаф». Олег Морозов эди мураббий.

Эртага, 2 июлдан 30 июлга қадар Суперлигада ёзги трансфер бозори очилади.

Испания шунчаки омадли чиқди. Германияга ажойиб ўйин ва яхши иштирок учун раҳмат! Юлиан зўр жамоа туза олди.

Прагматик ва футбол ўйнашдан қўрқадиган мураббийлар финалда ютқазиши мантиқан тўғри.

Де ла Фуэнте ва Испания қувноқ ва сифатли футболи билан чемпионликка лойиқ.

Ўзбек футболи медиасида мен кузатадиган ва ижодини ҳурмат қиладиган учовлон: Нарзулла ака, Жалол ва Федя подкаст қилишибди. Тасодифми ёки йўқ билмадим, мен фақат шуларни кузатаман ва булар ўзаро йиғилиб қолгани қувонарли.

Томоша соат 20:00да белгиланган экан. Бу подкастни кўраман ва сизга ҳам томоша қилишни тавсия қиламан.

Кападзе ва жамоага респект! Биз бу гуруҳдан чиқишга муносибмиз!

Суперлигада иккинчи даврада кураш чинакамига қизийди.

Чемпионлик учун кураш давом этади.

Мен эса 1,5 йиллик танаффусдан кейин яна футбол жамоасидаги профессионал фаолиятимни тикладим. Бу гал бошқа йўналишда, ўзимга ёққан селекция жараёнидаман.

Бунга қадар «Насаф» (2012, 2015) жамоасида фаолият юритганман. Кейинчалик ОКМКда (2019-2022) 3,5 йил ишладим. «Насаф»даги фаолиятим омадли бўлган. Ўшанда жамоа тарихда биринчи марта Ўзбекистон кубогини ютганди. ОКМКда ишлаган давримда ҳам жамоа тарихда илк бор чемпионат совриндори бўлди ва ОЧЛ гуруҳ босқичида ўйнаганди.

Йил якунига қадар энди «Навбаҳор» билан биргаман, Худо хоҳласа. Умид қиламанки, «Навбаҳор»даги фаолиятим ҳам жамоа учун муваффақиятли даврга айланади.

Таклиф, янги чорлов ва ишонч учун клуб раҳбари — Отабек Саматовга раҳмат!

Олға, «Навбаҳор»!

Супер ўйин ва ўта гўзал ғалаба!

Мен истаган ярим финал! Мен истаган рақиб!

Олға, «Навбаҳор»!

Бугун Наманган футболи фидойиси, вилоят футбол ассоциацияси раҳбари, вилоят ҳокими — Шавкатжон Шокиржанович Абдурразоқовнинг таваллуд кунлари экан. Табриклаймиз ва энг яхши тилакларни тилаймиз.

Бу инсонни аввалроқ «Навбаҳор»нинг юқори амбицияли, гранд жамоалар қаторига киришига катта ҳисса қўшган ҳоким сифатида билганман. Намангандаги қисқа фаолиятим давомида эса Шавкат Шокиржанович нафақат футболга қизиқувчи ҳоким, балки майдонда ҳам тўпни яхши тепадиган уста эканликларига куни кеча амин бўлдим. Футболга қизиқиш, эътибор беришдан ташқари футбол ўйнашни ҳам яхши даражада уддалашларига қойил қолдим. Куни кеча «Навбаҳор» клуби ходимлари ва мураббийлар штабидан ташкил топган жамоа билан вилоят ҳокими командаси ўзаро куч синашди. Унда мен учун кутилмаганда Шавкат Шокиржанович жамоаси ғолиб бўлди. Ҳужумчи ролида ўйнаган Шавкат Шокиржанович бу ишни аъло даражада уддалади. Чинакам футбол шинавандаси, тўпурар ҳоким.

Футболга қаратилаётган эътибор ва ғамхўрликларини мевасини Худо хоҳласа бу йил «Навбаҳор» кубок мусобақаси орқали беришига тилакдошман.

Футбол тарихидаги энг зўр кипер!
Раҳмат сенга, Ману!

Зўри финалда💪🏻

Навбат кубокка Худо хоҳласа 🏆🔵⚪️

"Навбаҳор" Медиа тақдим этади:

Ўзбекистон кубогининг ярим финалидан ўрин олган "Пахтакор" - "Навбаҳор" (0:0,пен. бўй.:3:4) ўйинидан видеоролик.
Жамоамиз финалда! Учрашувнинг энг ҳаяжонли лаҳзалари ҳамда пенальтилар сериясидаги голларни томоша қилинг ва ундан завқ олинг!

«Насаф» мухлисларини чемпионлик билан табриклайман. Орадаги фарқ жуда катталашиб кетди ва буни энди 7 тур қолганда ОКМК йўққа чиқариши фантастика.

Олмалиқнинг очко йўқотиши натижасида эса «Навбаҳор»да 2-ўринга чиқиб олиш имконияти ҳам пайдо бўлгани яхши. Буёғига медаллар учун кураш авжига чиқади. Шунингдек, элитада қолиш учун «жанг» ҳам қизғин кечади.

Намангандаги «Навбаҳор» — «Сўғдиёна» учрашуви ҳам медаллар учун курашда 6 очколик баҳсга айланади.