بخناجر كون اسوي عليك لطمي
و اطلع من گفاي چفوف اديه

الضهر حدب و بين شيبي ع الراس
يمكن ما مطوله الشغله چنها

ادگلها وتد ما تثبت وياي
اگلها الماي هذه تگلي غيمه
حليمه من الصغر متعودة تنوح
تنسه اطباع شيقنع حليمه ؟

ولك چا ليش تتغير ؟
جنت بگلبي اهفيلك اعرفك تين
ما تحمل سموم الحر
گزازك نابت بگلبي و اخاف عليك تتعور

لو گايلي ارجع عمر چا تانيت
أصلاً ما گلتلي و ضال متاني

ابيض شراع السفينه شگد جبان
گبل لا يبحر رفع رايه صلح

شنطر يا زبد و الدنيه بيه تعيل
صار سنين اهزها و فارغه الشچوه

وذا لابس بياض و ع الجرف حاط ؟
اميزنه الغراب من النوارس

المن ترد ؟
ضل غاد عايش مبتعد المن ترد ؟
ديرتنه مو ديرة گبل ضلت حديقه بلا ورد

الناس الشجعتهم من حچو عني
گعدو يمي گعدة ضابط بتحقيق
حرف من جابو اسمك ما طلع مني

البراسك حچو اني عرفتهم
نفسهم همه اجو و تقربولي
دگو باب گلبي و اطردتهم

احطنك بلب حشاي
و اصوغنك صياغة لمنحري گلاده

احترگن بساتين الگلب شيفيد وردك بعد
ماتن فراشاتي

مو ذنبك دلالي الخربك وياي
چنت ما تسوى نضره و بيك متعجب

ملح صرنه بزمن مامش طعم بي
نثرنه ارواحنه و ما غزرينه

ليش اضيع ؟
ليش كل ما اصيرن اخضر
ينعدم فصل الربيع

هوه احساس يوصل ماكو داعي الصوت
سمعتة بگلبي لمن گال ماريده